ປິດສະຫນາ Vanishing Point Game ກ່ອງທີ່ 3!!

Vanish Pointຖ້າມີຄົນສັງເກດ ກໍ່ຈະເຫັນວ່າ au8ust.org ມີໂຄສະນາເກມນີ້ຢູ່ທາງເມນູທາງຊ້າຍມື ຄືກັນ (ວ່າແລ້ວກໍ່ຫນ້າຈະເລື່ອນລົງໄປເບິ່ງແດ່ຈັກຫນ່ອຍ…) ບາງຄົນເຫັນແລ້ວ ອາດຈະສົງໄສວ່າ ມັນແມ່ນຫຍັງວະ…
ແຖວບ້ານເຮົາບໍ່ຄ່ອຍໄດ້ຍິນວ່າຊິມີໃຜຫລິ້ນເກມນີ້ປານໃດ Vanishing Point ເປັນເກມ ແກ້ໄຂປິດສະຫນາທີ່ຫິນທີ່ສຸດເກມຫນຶ່ງໃນອິນເຕີເນັດໃນຕອນນີ້ເລີຍ ປິດສະຫນາໃນ ຕົວເກມສາມາດດຶງດູດນັກຫລິ້ນເກມແນວນີ້ຈາກທົ່ວໂລກໃຫ້ໄດ້ ມາລອງແກ້ປິດສະຫນາ ອັນລຶກລັບຊັບຊ້ອນນີ້ (ແລະແນ່ນອນວ່າຕ້ອງມີຄົນແກ້ໄດ້ 55+)

ແລະປິດສະຫນາກ່ອງທີ່ 3 ກໍ່ມາເຖິງແລ້ວ ຖ້າໃຜຄິດວ່າເປັນນັກແກ້ປິດສະຫນາຕົວຈິງ ເຊີນໄປລອງໂລດ!!

ທີ່ມາ – VanishingPointGame.com [via Neowin.net]

Final Fantasy Remake for PSP!!!

ອືມ… ຈັ່ງແມ່ນ​ PSP ມີແຕ່ເກມ Remake ແທ້ໆ… ແຕ່ແຟນເກມຕະກູນຮູ້ແລ້ວຫນ້າຈະດີໃຈ ເພາະວ່າ Final Fantasy ແລະ Final Fantasy II ຈະກັບມາອີກຄັ້ງໃນ PSP!! ເພື່ອເປັນການສະຫລອງຄົບຮອບ 20 ປີຂອງສຸດຍອດແຫ່ງ RPG Series (ແລະເປັນຄັ້ງທີ່ 3 ແລ້ວທີ່ມັນຖືກ Remake 555+) ຈາກແດນປາດິບ ໂດຍຈະມີຊື່ພາກວ່າ Final Fatasy 1 Anniversary Edition ກັບ Final Fatasy 2 Anniversary Edition ແລະສິ່ງທີ່ຈະມີເຂົ້າມາໃນ Remake Version ກໍ່ຈະເປັນພວກ CG intros, artwork, music player, monster encyclopedia ແລ້ວກໍ່ dungeons ເພີ່ມເຕີມທີ່ເຄີຍລົງໃຫ້ກັບພາກ​ Remake ຂອງ GBA ສ່ວນ Graphic ບໍ່ຕ້ອງຫວັງຫຍັງຫລາຍ ເພາະວ່າເປັນ 2D ຄືເກົ່ານັ້ນແຫລ່ະ lol
ຕົວເກມພາກ Remake ຈະອອກພາຍໃນປີນີ້ສຳຫລັບຢິ່ປຸ່ນ ແຕ່ພາກອັງກິດຍັງບໍ່ມີຂໍ້ມູນ

ທີ່ມາ – 1Up

Only 720p for Motostorm?

Motostorm for Sony PlayStation 3

ກ່ອນຫນ້ານີ້ທາງ Sony ເຄີຍອອກມາບອກວ່າ Motostorm ຈະເປັນຫນຶ່ງ ໃນເກມຂອງ PlayStation 3 ທີ່ຮອງຮັບ ຄວາມລະອຽດທີ່ສູງເຖິງ 1080p ແລະ Framerate ທີ່ 60fps. ແຕ່ຈະດ້ວຍເຫດໃດກໍ່ຕາມ ມັນກາຍເປັນວ່າ Sony ກັບຄຳເສຍແລ້ວ ໂດຍ Peter Dille –ຫົວຫນ້າຝ່າຍການຕະຫລາດຂອງບໍລິສັດ– ອອກມາບອກວ່າ ຕົວເກມນັ້ນທີ່ຈິງ ຮອງຮັບພຽງ 720p ແລະມີ Framerate ແຕ່ 30fps ເທົ່ານັ້ນ…

ຄວາມຈິງ ມັນກໍ່ບໍ່ສຳຄັນຫຍັງ ຖ້າຫາກວ່າ Motostorm ບໍ່ໄດ້ລົງເຄື່ອງ PS3 ແລະຫາກ Sony ບໍ່ໄດ້ໂມ້ເກີນເຫດໄວ້ໃນງານ CES 2007 ທີ່ຜ່ານມາ (ຍັງບໍ່ນັບເລື່ອງແຫກຕາຄັ້ງທຳອິດທີ່ເອົາ Motostorm ອອກມາສະແດງ…)
ບໍ່ຮູ້ວ່າໃນປີນີ້ຈະມີເລື່ອງຫນ້າຜິດຫວັງຂອງ Sony ແລະ PS3 ອອກມາອີກປານໃດ ແຕ່ເລື່ອງນີ້ກໍ່ໃຫ້ແງ່ຄິດດີໆ ຢູ່ບ່ອນວ່າ “ຢ່າລຳກ່ອນເພງ” 😛

ທີ່ມາ: GWN.com, 1up.com, Ars Technica

Microsoft ປະຕິເສດຂ່າວລື XBOX360 ລຸ້ນໃຫມ່

ກ່ອນຫນ້ານີ້ມີຂ່າວລືກ່ຽວກັບ XBOX360 ລຸ້ນໃຫມ່ທີ່ມີ HDMI Port ແລະ Harddisk ໃຫຍ່ຂຶ້ນ ແຖມຍັງມີຮູບອອກມານຳອີກ ຈົນຫລາຍໆຄົນເຊື່ອວ່າເປັນໄປໄດ້ທີ່ Microsoft ຈະປ່ອຍ XBOX360 ລຸ້ນໃຫມ່ອອກມາແທ້

ແຕ່ໃນທີ່ສຸດ Chris Satchell ຫົວເຮືອຫລັກຂອງ Microsoft’s game developer group ກໍ່ໄດ້ອອກມາ ປະຕິເສດຂ່າວລືດັ່ງກ່າວກັບທາງ GameSpot ເປັນທີ່ຮຽບຮ້ອຍແລ້ວ ຈົບຂ່າວ
ປລ. ເຖິງຈະປະຕິເສດແນວໃດ ແຕ່ສຸດທ້າຍທີ່ມີແຮງກົດດັນຫລາຍພໍ Microsoft ກໍ່ຕ້ອງຍອມຢູ່ດີ ຕອນນີ້ກຳລັງມາໂຫມດດຽວກັບ Nintendo 😛
ທີ່ມາ: EuroGamer via Neowin.net

Dual Shock Analog controller ຕ່າງຫາກທີ່ໄດ້ Emmy Award!!

ເຫດເກີດເມື່ອ Sony ໄດ້ປະກາດໃນງານ CES 2007 ວ່າ Controller ແບບໃຫມ່ຂອງເຄື່ອງເກມ PlayStation3 ທີ່ຊື່ວ່າ SIXAXIS ໄດ້ຮັບລາງວັນ Emmy Award (ອ່ານໄດ້ຈາກຂ່າວກ່ອນຫນ້ານີ້) ໃນສາຂາ Technology & Engineering ເລື່ອງນີ້ສ້າງຄວາມສັບສົນ ໃຫ້ກັບປະຊາຊົນບັນດາເຜົ່າເປັນຢ່າງຍິ່ງ ວ່າເຫດໃດຫນໍ ມັນຈຶ່ງໄດ້ລາງວັນນີ້ໄປ? ແຕ່ສະຖານະການຕ້ອງປ່ຽນໄປ!!!

ແທນທີ່ຊິມີເລື່ອງໃຫ້ພູມໃຈ ກັບກາຍເປັນຕ້ອງຫນ້າແຕກຫລົ່ນເຕັມພື້ນ ບໍ່ມີໃຜຖ້າຮັບ ເມື່ອ Christine Chin ຕົວແທນຂອງ National Academy of Television Arts and Sciences ອອກມາບອກວ່າ ມັນເປັນຄວາມເຂົ້າໃຈຜິດ ມືເກມ SIXAXIS ບໍ່ໄດ້ຮັບລາງວັນ Emmy Award ອັນທີ່ມັນໄດ້ຫັ້ນແມ່ນ Dual Shock Analog Controller ພຸ້ນ!!

ຈະເປັນເລື່ອງເຂົ້າໃຈຜິດ ຫລືຈົງໃຈສ້າງກະແສໃຫ້ກັບ PlayStation3 ກໍ່ຕາມ ທາງ Sony ຍັງບໍ່ໄດ້ອອກມາໃຫ້ຄວາມຄິດເຫັນໃດໆ ໃນເລື່ອງນີ້ເທື່ອ ອາດເປັນເພາະວ່າກຳລັງຫຍິບແຜຢູ່… LOL

ທີ່ມາ: GWN.com

Crysis!!

ພາບຊຸດໃຫມ່ຈາກ Crysis –ທີ່ສຸດແຫ່ງເກມຂອງຍຸກຖັດໄປ. Crysis ເປັນເກມທຳອິດໃນ Platform PC ເລີຍທີ່ໃຊ້ DirectX 10

ມີວິດີໂອຈາກງານ CES 2007 ໃຫ້ເບີ່ງໃນ YouTube ພ້ອມ (ພາບງາມໂພດຈົນກະຕຸກເປັນບາງຄັ້ງ?)
ທີ່ມາ: 1Up

SIXAXIS ຮັບລາງວັນ Emmy award!?

ເລື່ອງບໍ່ຫນ້າເຊື່ອມັກຈະເກີດຂຶ້ນໄດ້ສະເຫມີໃນຊີວິດປະຈຳວັນ ແລະມັນໄດ້ເກີດຂຶ້ນອີກແລ້ວ ເມື່ອຜົນປະກາດລາງວັນ Emmy award ໃນສາຂາ Technology and Engineering ຕົກເປັນຂອງ SIXAXIS –ມືເກມຂອງ PS3!!!

ຫລັງຈາກຜົນປະກາດອອກມາແລ້ວ Jack Tretton ເຊິ່ງເປັນ CEO ຂອງ Sony ໄດ້ອອກມາໃຫ້ສຳພາດຢ່າງຫນ້າບານວ່າ

“The overwhelming consumer demand and critical acclaim for PS3 is testament of the platform’s strength and the industry’s desire for a true next-generation entertainment system.”

ໂອ… ພະເຈົ້າ (-_-)”

ທີ່ມາ: GWN.com

ເກມໃນ Zune?

ທາງ Microsoft ບໍລິສັດຜະລິດ Software ທີ່ໃຫຍ່ທີ່ສຸດໃນໂລກ (ໃນຕອນນີ້ :P) ກຽມການທີ່ຈະເພີ່ມເຕີມຄວາມສາມາດ ໃນການຫລິ້ນເກມ ໃຫ້ກັບເຄື່ອງຫລິ້ນເພງດິຈິຕອລ Zune ພາຍໃນປີ 2008 ໂດຍເປັນຄຳບອກເລົ່າຂອງ Peter Moore ໃນງານ Consumer Electronics Show ແຕ່ວ່າເຖິງຢ່າງໃດກໍຕາມ Moore ຍັງບໍ່ໄດ້ເປີດເຜີຍລາຍລະອຽດວ່າ ຊິມີເກມຫຍັງໃຫ້ຫລິ້ນແດ່

ຄິດແລ້ວກໍ່ສົງໄສວ່າ Zune ມັນຈະເຫມາະກັບການຫລິ້ນເກມບໍ່, ເຄີຍເຫັນ Rockbox ສຳຫລັບ iPod ມັນຈະມີຄວາມສາມາດໃນການຫລິ້ນ GameBoy ໄດ້ ແຕ່ວ່າຄິດພາບຕອນໃຊ້ Wheel ຫລິ້ນ GameBoy ແລ້ວ ຈັ່ງແມ່ນເປັນຕາດີຕົນຊາດ -__-

ທີ່ມາ: ActiveWin

Asus XG Station — The World’s First External GPU for Notebooks!!

ເປັນອີກຫນຶ່ງເລື່ອງທີ່ບໍ່ຄິດວ່າມັນຈະອອກມາເປັນຮູບເປັນຮ່າງ ນັ້ນຄື ASUS XG Station, ກາຣ໌ດຈໍແບບພາຍນອກ ສຳຫລັບຄອມພິວເຕີ Notebook ລຸ້ນທຳອິດຂອງໂລກທີ່ທາງ ASUS ໄດ້ນຳມາສະແດງໃນງານ CES ທີ່ຈັດຂຶນໃນ Las Vegas

XG Station ຈະມີຫນ້າຈໍເປັນຂອງຕົວເອງ ໃຊ້ສະແດງລະດັບສຽງ, clock speed, ອຸນຫະພູມຂອງ GPU, FPS ແລ້ວກໍ່ GPU fan indicator ແລະມັນເຊື່ອມຕໍ່ຜ່ານ PCI Express
ທາງ ASUS ກະຊິວາງຈຳຫນ່າຍ XG Station ທີ່ໃຊ້ EN7900GS ໃນຊ່ວງ Q2 ຂອງປີນີ້ ແຕ່ວ່າຍັງບໍ່ໄດ້ໃຫ້ຂໍ້ມູນ ເລື່ອງຄ່າຕົວຂອງຫນ້າປັດວິທະຍຸ GPU ພາຍນອກທີ່ວ່ານີ້ເທື່ອ

ອືມ… ສະຫລຸບແລ້ວ ກໍ່ຕ້ອງມີ Notebook ລຸ້ນໃຫມ່ຮອງຮັບ PCI Express ຈຶ່ງຈະໃຊ້ງານໄດ້ ດັ່ງນັ້ນ ບ້ານເຮົາບໍ່ມີໃຜໃຊ້ແນ່ນອນ 555+
ທີ່ມາ: PC Exposure via Digg

Free Opera for Wii


ຂຽນຫົວຂໍ້ຂ່າວບໍ່ຄົບຖ້ວນປານໃດ ແຕ່ຢ່າມັນກ່ອນ ໕໕໕+ ມາເຂົ້າເລື່ອງກ່ອນດີກວ່າ ເລື່ອງຂອງເລື່ອງກໍ່ຄື Opera ເວັບບຣາວເຊີ ທີ່ຫລາຍໆ ຄົນຮູ້ຈັກກັນດີໃນເລື່ອງຂອງຄວາມໄວນັ້ນ ທາງຜູ້ພັດທະນາເພິ່ນໃຈດີ ແຈກໃຫ້ຜູ້ທີ່ເປັນເຈົ້າຂອງເຄື່ອງເກມ Nintendo Wii ໄດ້ໃຊ້ຟຣີໆ ແຕ່ດຽວກ່ອນ…! ຂອງດີມີນ້ອຍ ເພິ່ນແຈກໃຫ້ຟຣີແທ້ ແຕ່ຟຣີຮອດແຕ່ເດືອນກໍລະກົດປີຫນ້ານີ້ເທົ່ານັ້ນ ຫລັງຈາກນັ້ນແລ້ວກໍ່ຈະເກັບຄ່າເງິນຕາມປົກກະຕິ ໂດຍຈ່າຍເປັນຄະແນນ ໕໐໐ ຄະແນນ ແລະຊື້ເອົາໃນ Wii Shop

ສຳຫລັບ Opera ໃນເວີຊັ່ນສຳຫລັບເຄື່ອງເກມ Wii ນັ້ນ ກໍ່ມີຄວາມສາມາດມາກມາຍຫລາກຫລາຍໃຫ້ໃຊ້ງານ ແລະທີ່ສຳຄັນ ມັນຍັງໄດ້ຮັບການພັດທະນາພິເສດ ໃຫ້ເຫມາະສົມກັບການໃຊ້ງານສຳຫລັບເຄື່ອງເກມ Wii ອີກ ແຕ່ມັນຊິເປັນແນວໃດແທ້ ກໍ່ຍັງບໍ່ຮູ້ເທື່ອ ເພາະວ່າບ້ານເຮົາ ເຄື່ອງເກມ Wii ເກືອບຊິບໍ່ມີຄົນຮູ້ຈັກເລີຍ ເສົ້າ Y_Y


Update
: ວິດີໂອການໃຊ້ງານ Opera ໃນ Wii

Source: 1UP