Eidos ເປີດຂາຍເກມຜ່ານ Steam

ໜຶ່ງໃນບໍລິສັດຜູ້ຜະລິດແລະຈັດຈຳໜ່າຍເກມລາຍໃຫຍ່ຂອງໂລກ Eidos Interactive ກຽມພ້ອມທີ່ຈະວາງຈຳໜ່າຍເກມຕ່າງ ໆ ຂອງຕົນຜ່ານທາງ Steam ໂດຍໄດ້ມີການເປີດເຜີຍວ່າ ຂໍ້ຕົກລົງສະບັບທຳອິດລະຫວ່າງທາງ Eidos ກັບ Steam ນັ້ນ ຈະເຮັດໃຫ້ມີເກມເກມດັງ ໆ ເປັນທີ່ນິຍົມທັງຫລາຍເຊັ່ນ Tomb Raider, Commandos ແລະ Hitman ສາມາດຊື້ແລະດາວໂຫລດມາຫລິ້ນໄດ້ຜ່ານທາງ Steam ໄດ້

ແລະພາຍໃນປີນີ້ ກໍ່ອາດຈະມີເກມໃຫມ່ ໆ​ ຢ່າງ Tomb Raider: Anniversary, Championship Manager 2007 ອອກວາງຈຳໜ່າຍຜ່ານທາງ Steam ອີກນຳ

ທີ່ມາ – Steam Powered [via]

ຂາຍຜ່ານ Steam ແບບນີ້ບ້ານເຮົາອົດເລີຍ ເພາະວ່າ Credit card ບໍ່ມີ ແຖມອິນເຕີເນັດກໍ່ຊ້າອີກ = =”

PSP redesign ມາແນ່ນອນ!

Ray Maguire ຜູ້ອຳນວຍການບໍລິຫານຂອງ SCE UK ຢືນຢັນວ່າຈະມີ PSP ຮຸ່ນ redesign ຫລືຮຸ່ນທີ່ໄດ້ຮັບການອອກແບບໃຫມ່ແນ່ນອນ ໂດຍ Maguire ໄດ້ໃຫ້ລາຍລະອຽດວ່າ ໃນ PSP ຕົວໃຫມ່ນັ້ນ ຈະມີການອອກແບບໃຫ້ມີຂະຫນາດນ້ອຍລົງ ແລະເບົາຂຶ້ນ ແຕ່ບໍ່ໄດ້ເພີ່ມຄວາມສາມາດອື່ນ ໆ ເຂົ້າໄປ ລວມເຖິງຫນ້າຈໍ ກໍ່ຈະຍັງຄົງມີຂະຫນາດເທົ່າເກົ່າ

ເຖິງຢ່າງໃດກໍ່ຕາມ ລາຄາຂອງ PSP ຮຸ່ນອອກແບບໃຫມ່ນີ້ ຈະມີລາຄາທີ່ຕ່ຳກວ່າເກົ່າຢ່າງແນ່ນອນ ສຳຫລັບໃຜທີ່ຊື້ PSP ໄປກ່ອນແລ້ວກໍ່ຖືວ່າໄດ້ລອງຂອງໃຫມ່ລະກັນ ;P

ທີ່ມາ – GameIndustry.biz [via]

ບ້ານເຮົາບໍ່ຄ່ອຍເຫັນໃຜຫລິ້ນພວກເກມມືຖືປານໃດ ແຮງ PSP ກໍ່ແຮງແລ້ວໃຫຍ່ ຍັງບໍ່ເຄີຍເຫັນໃຜມີຊ້ຳ = =”

ຮູບແບບໄຟລ໌ສຽງເຄື່ອງເກມໃນຍຸກໜ້າຈະກັບມາໃຊ້ MIDI

ໃນງານ GDC ທີ່ຜ່ານມາ ຕົວແທນຈາກ Dolby ໄດ້ໃຫ້ຄວາມຄິດເຫັນ ກ່ຽວກັບໄຟລ໌ສຽງດົນຕີ ທີ່ຈະໃຊ້ໃນລະບົບເກມຍຸກຫນ້າ ຫລືທີ່ເອີ້ນ Next-Gen ນັ້ນ ຈະປ່ຽນກັບມາໃຊ້ເປັນ MIDI ແທນ ໂດຍໄດ້ມີການພັດທະນາ ແລະປັບປຸງເພື່ອໃຊ້ຮ່ວມກັບຄວາມສາມາດຂອງເຄື່ອງເກມໃຫມ່ ໆ ໃຫ້ ມີຄວາມສາມາດທີ່ໃກ້ຄຽງ ແລະອາດຈະເຫນືອກວ່າໄຟລ໌ສຽງແບບທີ່ໃຊ້ກັນໃນປະຈຸບັນອີກ ທີ່ສຳຄັນ ຍັງສາມາດປະຫຍັດເນື້ອທີ່ ໃນການເກັບຂໍ້ມູນ ແລະຄວາມໄວໃນການເຂົ້າເຖິງທີ່ສູງກວ່າແບບເກົ່າ

MIDI ຄັ້ງຫນຶ່ງເຄີຍເປັນຮູບແບບຂອງໄຟລ໌ສຽງ ທີ່ນິຍົມໃຊ້ກັນຫລາຍໃນເກມລະບົບຕ່າງ ໆ ເນື່ອຈາກມີຂະຫນາດທີ່ນ້ອຍ ແລະມີຄວາມໄວໃນການໂຫລດໃຊ້ງານ ແຕ່ດ້ວຍຂໍ້ຈຳກັດຂອງຕົວ MIDI ເອງ ເຮັດໃຫ້ມີຮູບແບບໄຟລ໌ສຽງອື່ນ ໆ ຖືກນຳມາໃຊ້ແທນ

ທີ່ມາ – PC World [via Neowin]

Microsoft ອອກ Patch ແກ້ໄຂຂໍ້ບົກພ່ອງໃນ XBOX360

ຈາກທີ່ກ່ອນຫນ້ານີ້ XBOX360 ເຊິ່ງເປັນເຄື່ອງເກມຮຸ່ນຫລ້າສຸດຂອງ Microsoft ຖືກຄົ້ນພົບຂໍ້ບົກພ່ອງທີ່ມີໃນລະບົບ ແລະເຮັດໃຫ້ຜູ້ໃຊ້ງານ ສາມາດທີ່ຈະຕິດຕັ້ງ ລະບົບປະຕິບັດການອື່ນເຊັ່ນ Linux ລວມໄປເຖິງຊອຟແວຣ໌ເກມລະເມີດລິກຂະສິດອື່ນ ໆ ລົງໄປໃນລະບົບໄດ້ນັ້ນ ໃນທີ່ສຸດທາງ Microsoft ກໍ່ໄດ້ອອກ Patch ເພື່ອແກ້ໄຂຂໍ້ຜິດພາດດັ່ງກ່າວແລ້ວ ໂດຍຈະຖືກຕິດຕັ້ງອັດຕະໂນມັດຜ່ານບໍລິການ XBOX Live ແລະຫລັງຈາກຕິດຕັ້ງແລ້ວ ກໍ່ຈະບໍ່ສາມາອາໄສຂໍ້ບົດພ່ອງດັ່ງກ່າວ ເພື່ອກະທຳການໃດ ໆ ຕາມເກົ່າໄດ້ອີກ

ຂໍ້ບົກພ່ອງດັ່ງກ່າວຖືກຄົ້ນພົບໃນຊ່ວງເດືອນທັນວາ ຂອງປີກາຍນີ້ ແລະເຮັດໃຫ້ຜູ້ໃຊ້ງານ ສາມາດເຂົ້າຄວບຄຸມລະບົບຮາດແວຣ໌ທັງຫມົດໄດ້

ທີ່ມາ – News.com [via Gizmodo]

ຂໍ້ມູນເພິ່ມເຕີມ XG Station –ກາຣ໌ດຈໍພາຍນອກຈາກ ASUS

XG Station ກາຣ໌ດຈໍພາຍນອກ ທີ່ໃຊ້ອິນເຕີເຟສແບບ PCIe ຈາກ ASUS ມີກຳຫນົດວາງຈຳຫນ່າຍພາຍໃນເດືອນຫນ້ານີ້ ໂດຍຈະຂາຍພ້ອມກັບກາຣ໌ດຈໍ PCIe ທຳມະດາ ເຊິ່ງລາຄາກໍ່ຈະຂຶ້ນຢູ່ກັບກາຣ໌ດລຸ້ນນັ້ນ ໆ. XG Station ຈະມາພ້ອມກັບຄວາມສາມາດໃນການ overclock ໃນຕົວ ແລະຫນ້າຈໍທີ່ບອກລາຍລະອຽດກ່ຽວກັບການທຳງານຕ່າງ ໆ ເຊັ່ນຄວາມໄວ GPU clock, ອຸຫະພູມ, ສະຖານະການທຳງານຂອງລະບົບສຽງ, FPS ແລະອື່ນ ໆ

ASUS ກຳຫນົດເປົ້າຫມາຍຂອງ XG Station ເປັນກຸ່ມຜູ້ໃຊ້ງານຄອມພິວເຕີໂນ້ດບຸກ ທີ່ຕ້ອງການປະສິດທິພາບ ໃນການປະມວນຜົນດ້ານກຣາຟຟິກ ທີ່ສູງກວ່າລະດັບປົກກະຕິ ເຊັ່ນຜູ້ໃຊ້ທີ່ເນັ້ນຫນັກໃນການຫລິ້ນເກມເປັນຕົ້ນ

ທີ່ມາ – Neowin.net

EA MySims for Wii

MySims (ぼくとシムのまち Boku to Sim no Machi) ພາກໃຫມ່ຂອງ The Sims ທີ່ທາງ EA ກຳຫນົດວາງຈຳຫນ່າຍໃຫ້ກັບເຄື່ອງເກມ Nintendo Wii ໃນຊ່ວງໄຕຣມາສທີ່ສາມ ຂອງປີນີ້ ໂດຍຕົວລະຄອນໃນເກມ ຈະອຽງໄປສໄຕລ໌ກາຕູນຍີ່ປຸ່ນ ສາມາດສ້າງ ແລະປັບແຕ່ງໄດ້ຕາມໃຈຄືແບບຂອງ PC ver. ລວມໄປເຖິງການສ້າງ ແລະອອກແບບບ້ານຢູ່ພາຍໃນຕົວເກມ

MySims MySims

ຄວາມແປກໃຫມ່ໃນ MySims ທີ່ພັດທະນາມາຈາກ The Sims ພາກກ່ອນຫນ້າ ຈະເປັນເລື່ອງຂອງລາຍລະອຽດ ແລະລູກຫລິ້ນຕ່າງ ໆ ພາຍໃນເກມ ອາທິເຊັ່ນ ສາມາດຫວ່ານເມັດດອກໄມ້ ເຝົ້າຮົດນ້ຳໃຫ້ມັນໃຫຍ່ ແລະ Quest ຕ່າງ ໆ ທີ່ຖືກເພີ່ມເຂົ້າມາ

ທີ່ມາ – TechFresh.net

໗ ເກມຄອນໂທລເລີທີ່ບໍ່ຄິດວ່າມັນຊິມີ!!

໑. GameRunner

ຫລິ້ນໄປພ້ອມ ອອກກຳລັງກາຍໄປພ້ອມ 😛

Continue reading ໗ ເກມຄອນໂທລເລີທີ່ບໍ່ຄິດວ່າມັນຊິມີ!!

Silent Hill… Arcades!

Silent Hillພາກໃຫມ່ຂອງເກມສະຫຍອງຂວັນ ທີ່ອາດຈະບໍ່ສະຫຍອງຂວັນອີກຕໍ່ໄປ ເມື່ອ Konami ຈະສ້າງ Silent Hill ລົງເຄື່ອງເກມ Arcade ຫລືທີ່ບ້ານເຮົາເອີ້ນກັນວ່າ “ເກມຕູ້” ໂດຍຈາກພາບ ຈະເຫັນວ່າ ຕົວເກມຈະປ່ຽນຮູບແບບຈາກແນວ Adventure ມາເປັນ Shooting ເຂົ້າໃຈວ່າ ອາດຈະຄ້າຍໆກັບ Gun Survival ຫລື the House of the Dead ປະມານນັ້ນ

ສຳຫລັບລາຍລະອຽດຂອງພາກໃຫມ່ ຍັງບໍ່ທັນຖືກເປີດເຜີຍແຕ່ຢ່າງໃດ ຄິດວ່າ ອີກຈັກຫນ່ອຍ ຄົງຈະມີຂໍ້ມູນທະຍອຍອອກມາ

Silent Hill ເປັນເກມແນວ Adventure ທີ່ມີຈຸດເດັ່ນ ທີ່ເນື້ອຫາຂ້ອນຂ້າງຊັບຊ້ອນ (ແລະຊັບສົນ) ຂອງຕົວເກມ ໂດຍເກມນີ້ມີອອກມາ ຄັ້ງທຳອິດສຳຫລັບ Sony’s PlayStation ແລະ ພາກສອງ ພາກສາມ ພາກສີ່ ສຳຫລັບ PlayStation 2 ກັບ ພາກ Original ລົງໃຫ້ເຄື່ອງ PSP ແລະນອກຈາກນັ້ນ ຍັງເຄີຍຖືກສ້າງເປັນຫນັງອີກ

ທີ່ມາ – 1Up

NVIDIA’s GoForce 5500 for mobile platform!

GoForce 5500 ຫນຶ່ງໃນຜະລິດຕະພັນທີ່ຖືກນຳໄປວາງສະແດງໃນງານ 3GSM World Congress 2007 ທີ່ຜ່ານມາ ຖ້າມັນຖືກໃຊ້ໃນ Desktop PC ກໍ່ຄົງຈະເປັນເລື່ອງທຳມະດາໆ ແຕ່ມັນຈະສ້າງຄວາມໂດດເດັ່ນເປັນພິເສດເມື່ອມັນມາຢູ່ໃນ​ “ມືຖື” ເຄື່ອງນ້ອຍໆ ໃນມືທ່ານ ເພາະ GoForce 5500 ຈະເປັນຂຸມພະລັງອັນຫາທີ່ປຽບບໍ່ໄດ້ (ໃນຕອນນີ້ 😛 ) ຕິດຕາມຕໍ່ຈາກວິດີໂອ…

[youtube 8kLFPfaxQ6U]

ທີ່ມາ – Engadget Mobile

ນ້ຳຫນັກເກີນ? Wii ຊ່ວຍໄດ້!

Nintendo Wiiຜົນການວິໄຈຫລ້າສຸດຈາກມະຫາວິທະຍາໄລລິເວີພູລ ເຜີຍວ່າ ການຫລິ້ນເກມຈາກເຄື່ອງເກມ Nintendo Wii ໂດຍໃຊ້ Wii Moteເຊິ່ງເປັນເກມຄອນໂທຣເລີ ສຳຫລັບຄວບຄຸມເກມແບບໃຫມ່ໂດຍໃຊ້ລະບົບ Motion Sensor ນັ້ນ ຈະສາມາດຊ່ວຍໃຫ້ຜູ້ຫລິ້ນ ເຜົາຜານແຄລລໍຣີ່ໃນຮ່າງກາຍໄດ້ເຖິງ 156% ໃນຂະນະທີ່ເກມຄອນໂທຣເລີແບບເກົ່ານັ້ນ ເຮັດໄດ້ພຽງ 60%

ຫາກໃນຫນຶ່ງສັບດາ ເຮົາໃຊ້ເວລາຫລິ້ນເກມປະມານ 12 ຊົ່ວໂມງ ກໍ່ຈະສາມາດຫລຸດນ້ຳຫນັກໄດ້ 1 ກິໂລຕໍ່ເດືອນ ຫລື 12 ກິໂລຕໍ່ປີ!!

Wii ເປັນເຄື່ອງເກມຈາກ Nintendo ທີ່ເນັ້ນຫນັກໄປທາງ Activity ໃນການຫລິ້ນເກມ ຜູ້ຫລິ້ນຈະຕ້ອງເຄື່ອນໄຫວຮ່າງກາຍ ເພື່ອຄວບຄຸມຕົວລະຄອນໃນເກມນັ້ນໆ ຢ່າງເຊັ່ນວ່າ ເກມເທັນນິສ ຜູ້ຫລິ້ນກໍ່ຕ້ອງທຳທ່າຕີໄມ້ເທັນນິສ ເພື່ອໃຫ້ຕົວລະຄອນໃນເກມເຄື່ອນໄຫວນຳ ໂດຍເຄື່ອງເກມ Wii ນີ້ມີລາຄາຢູ່ທີ່ປະມານ $250

ທີ່ມາ – The Sun [via MaxConsole]