ອອກມາໄດ້ສອງມື້ແລ້ວສຳລັບ Mozilla Firefox 3.6 ເຊິ່ງເປັນໂປຣແກຣມທ່ອງເວັບລຸ້ນຫຼ້າສຸດຈາກ Mozilla ທີ່ຈະມາເພີ່ມປະສິດທິພາບ, ຄວາມສາມາດ ແລະຄວາມໄວໃນການທ່ອງເວັບຂອງທ່ານ.
ໃນ Firefox 3.6 ນັ້ນ ໄດ້ໃຊ້ Gecko 1.9.2 ເປັນ Rendering engine ແລະເປັນເວີຊັນທີ່ໄດ້ຮັບການພັດທະນາມາຕັ້ງແຕ່ຕົ້ນປີ 2009 ກໍຈະມີຄວາມສາມາດຫຼາຍໆ ຢ່າງເພີ່ມຂຶ້ນມາ; ນອກຈາກນັ້ນແລ້ວບັນດາ features ຕ່າງໆ ທີ່ຖືກອັບເດດເຂົ້າມາກໍມີຕັ້ງແຕ່ ລະບົບ theme ແບບໃຫມ່ ທີ່ເອີ້ນກັນວ່າ Personas ທີ່ທ່ານສາມາດເລືອກສີສັນຂອງ Firefox ໄດ້ຫຼາກຫຼາຍບໍ່ຊ້ຳກັນ ແຖມຍັງງ່າຍດາຍບໍ່ຕ້ອງ restart ໂປຣແກຣມອີກຕ່າງຫາກ! ຖັດມາກໍເປັນການຮອງຮັບການເປີດວິດີໂອແບບເຕັມຈໍ, ລະບົບແຈ້ງເຕືອນ plugin ທີ່ເວີຊັນເກົ່າເກີນໄປ, ຮອງຮັບລະບົບ font ແບບໃໝ່, ຮອງຮັບ CSS3 ເຊັ່ນ gradients ແລະ background sizing ເປັນຕົ້ນ ຮວມເຖິງ HTML5 ບາງຢ່າງອີກນຳ.
ດ້ານຄວາມໄວນັ້ນ [...]

ກຳນົດການເດີມແມ່ນຊ່ວງເດືອນກັນຍາ ແຕ່ປາກົດວ່າຫຼ້າຊ້າມາຮອດເດືອນຕຸລາ ໃນທີ່ສຸດ Firefox 3.6 ລຸ້ນ Beta RC1 ກໍອອກມາ ແລະຄວາມສາມາດໃໝ່ໆ ທີ່ເພີ່ມຂຶ້ນມາໃນລຸ້ນນີ້ມີສອງຢ່າງຄື control-tab previews (ຕົວຢ່າງ) ແລະ taskbar thumbnail previews ສຳລັບໃຊ້ໃນ Windows 7.
ສຳລັບທ່ານທີ່ສົນໃຈທົດລອງ ສາມາດດາວໂຫຼດໄດ້ຈາກເວັບໄຊຂອງ Mozilla ຫຼື Softpedia.
ທີ່ມາ – DownloadSquad

ເຫັນຫົວຂໍ້ຂ່າວຢ່າຟ້າວສັບສົນ ມັນຄື Theme ຂອງ Firefox 4.0 ທີ່ທາງ Mozilla ອອກແບບໄວ້ເປັນໂຕຢ່າງ ໂດຍທີ່ນັກສ້າງ theme ຂອງ Firefox ນັ້ນ ເກີດຂຶ້ນໃຈເອົາໄປເຮັດ theme ຂອງ Firefox 3 ມາໃຫ້ພວກເຮົາໄດ້ໃຊ້ກັນ.

Theme ທີ່ວ່ານັ້ນມີຊື່ວ່າ Strata 40 ສາມາດໂຫຼດໄດ້ຈາກ https://addons.mozilla.org/en-US/firefox/addon/14284 ແຕ່ຢ່າງໃດກໍຕາມ ການຈະໄດ້ໃຊ້ Theme ຂອງ Firefox ງາມໆ ລ້ຳຍຸກແບບນີ້ ຕ້ອງໃຊ້ຄວາມພະຍາຍາມແດ່ພໍສົມຄວນ ໂດຍທາງຜູ່ສ້າງເພິ່ນບອກວ່າ ຈະຕ້ອງຕິດຕັ້ງ…

Strata 40
Strata Glass
Personal Menu
Fisson
Stylish
Tabs on Top
Omnibar

ຖ້າໃຜເບິ່ງລາຍຊື່ addons ທີ່ຕ້ອງລົງແລ້ວຍັງສົນໃຈຢູ່ ກໍຈັດການໄດ້ຕາມມັກເລີຍ
ທີ່ມາ – Ghacks.net

ອັບເດດໃໝ່ສຳລັບ Firefox ເພື່ອແກ້ໄຂຊ່ອງຫວ່າງຄວາມປອດໄພ ແລະທີ່ສຳຄັນແມ່ນໃນເວີຊັນນີ້ ປັບປຸງລະບົບຮູບພາບກັບ ICC profiles ເຊິ່ງເຮັດໃຫ້ຮູບພາບຕ່າງ ໆ ສາມາດສະແດງສີສັນໄດ້ຖືກຕ້ອງ (ກ່ອນໜ້ານີ້ມີບັນຫາແມ່ນບາງຄົນພົບວ່າ ຮູບໃນ Firefox ສີເຂັ້ມຈາກຄວາມຈິງ).
ເພີ່ມເຕີມອ່ານໄດ້ຈາກ release notes. ດາວໂຫຼດໄດ້ທີ່ເວັບໄຊຂອງ Firefox ຫຼືຫາກໃຊ້ Firefox ຢູ່ແລ້ວ ຄລິກໄປທີ່ເມນູ Help > Check for Updates

ໃນທີ່ສຸດ Firefox 3.5 ກໍອອກມາຈົນໄດ້ ອອກແບບງຽບ ໆ ເຊິ່ງອັນທີ່ຈິງແລ້ວກ່ອນໜ້ານີ້ທີ່ມາ Firefox 3.5 RC3 ອອກມານັ້ນ ເປັນໂຕດຽວກັບ Firefox 3.5 ໂຕເຕັມທີ່ອອກມາມື້ນີ້ ມາເບິ່ງລາຍລະອຽດທົ່ວໄປກັນກ່ອນ.
ດ້ານຄວາມໄວນັ້ນ Firefox ລຸ້ນຫຼ້າສຸດ ທາງ Mozilla ອ້າງວ່າ ຈາກການທົດສອບພາຍໃນໂດຍໃຊ້ Windows XP ນັ້ນສະແດງໃຫ້ເຫັນວ່າ 3.5 ທີ່ມີ TraceMonkey (JavaScript engine ໂຕໃໝ່) ໄວກວ່າ 3.0 ເກືອບສອງເທົ່າເຄິ່ງ ແລະໄວກວ່າ 2.0 ເກືອບສິບສອງເທົ່າ. ໃນຄວາມເປັນຈິງແລ້ວ ຈາກການໃຊ້ງານກໍສັງເກດໄດ້ວ່າ ມັນໄວຂຶ້ນພໍສົມຄວນ ແລະທີ່ສຳຄັນ ປະລິມານການນຳໃຊ້ RAM ນັ້ນຫຼຸດລົງເກືອບເຄິ່ງ!
ນອກຈາກຄວາມໄວແລ້ວ ຈຸດເດັ່ນອື່ນ ໆ ໃນ Firefox 3.5 ກໍມີ..

Private Browsing ທ່ອງເວັບແບບສ່ວນຕົວ ບໍ່ເກັບຂໍ້ມູນໃດ ໆ ປະໄວ້ໃຫ້ເປັນຫຼັກຖານ
Forget [...]

ນັບເປັນເວລາ 5 ເດືອນຫຼັງຈາກທີ່ອອກ OpenOffice 3.0 ມາ ຕອນນີ້ທາງທີມງານຜູ່ທັດທະນາໂປຣແກຣມ OO.o ກໍອອກອັບເດດໃຫຍ່ມາອີກຄັ້ງໃນເວີຊັນ 3.1 ເຊິ່ງກໍມີຫຼາຍ ໆ ຢ່າງທີ່ໄດ້ຮັບການແກ້ໄຂແລະເພີ່ມເຕີມເຂົ້າໄປໃນເວີຊັນໃໝ່ນີ້ເຊັ່ນ:

Antialias ສຳລັບ object ຕ່າງ ໆ
ປັບປຸງ file locking ໃນກໍລະນີເປີດໃຊ້ໄຟລ໌ເອກະສານດຽວພ້ອມກັນຫຼາຍຄົນ
ເພີ່ມຄວາມສາມາດໃນການ underlining (ຂີດທາງເທິງໂຕໜັງສື)
ເພີ່ມລະບົບ grammar checking framework ສຳລັບກວດສອບຄຳຜິດ
ເພີ່ມ Zoom slider ຊ່ວຍໃນການຫຍໍ້ຂະຫຍາຍໜ້າເອກະສານ (ຄວນຈະມີແຕ່ດົນແລ້ວ)
ລາຍລະອຽດທັງໝົດອ່ານໄດ້ໃນ http://www.openoffice.org/dev_docs/features/3.1/index.html

ໃນສ່ວນຂອງ Localization ນັ້ນ ກໍໄດ້ມີການເພີ່ມ locale ໃໝ່ ໆ ເຂົ້າໄປອີກເຊັ່ນ Maltese (Malta) [mt-MT], Myanmar (Myanmar) [my-MM], Shuswap (Canada) [shs-CA], ແລະ Tok Pisin (Papua New Guinea) [tpi-PG].
ດາວໂຫຼດ OpenOffice.org [...]

ອັບເດດເວີຊັນໃໝ່ຂອງ Firefox ເຊິ່ງເລກເວີຊັນນີ້ແມ່ນ 3.0.9 ທີ່ນຳມາຂຽນຂ່າວເພາະມີການແກ້ໄຂລະບົບຄວາມປອດໄພ ແລະຈຸດສຳຄັນແມ່ນແກ້ໄຂ bugs ທີ່ສ້າງບັນຫາໃຫ້ກັບ cookie ເຮັດໃຫ້ຕ້ອງ login ໃໝ່ຕະຫຼອດ (ເປັນຕົ້ນວ່າໃນພັນລາວ)
ສຳລັບລາຍການຄວາມປ່ຽນແປງໃນເວີຊັນນີ້ແມ່ນ:

ແກ້ໄຂລະບົບຄວາມປອດໄພ 9 ຈຸດ ອ່ານໄດ້ໃນ known vulnerabilities.
ບັນຫາກ່ຽວກັບຖານຂໍ້ມູນຜິດພາກ ເຮັດໃຫ້ Firefox ສູນເສຍຂໍ້ມູນທີ່ເກັບໄວ້ໃນ cookie. (bug 470578)
ແກ້ໄຂບັນຫາເວລາເປີດ Firefox 3.0.7 ແລ້ວຮູບພາບໃນເວັບໄຊບໍລິການອີເມລບາງແຫ່ງ (ເຊັ່ນ AOL  ເຊັ່ນ AIM) ບໍ່ສາມາດສະແດງຜົນໄດ້. (bug [...]

ອອກເວີຊັນໃໝ່ແກ້ໄຂ bugs ແລະລະບົບຄວາມປອດໄພຕໍ່ຈາກເວີຊັນກ່ອນໜ້ານີ້ ຮວມເຖິງແກ້ບັນຫາສຽງໃນເວີຊັນສຳລັບ Mac OS X ທີ່ລົງ Flashblock ອີກນຳ. ຂໍ້ມູນເພີ່ມເຕີມແບບລະອຽດ ສາມາດເບິ່ງໄດ້ຈາກ Bugzilla
ແລ້ວກໍ່ອີກຢ່າງນຶ່ງ ເວີຊັນນີ້ມີ Localization build ເພີ່ມໃໝ່ ໓ ພາສາຄື Estonian, Kannada, ແລະ Telugu ສ່ວນພາສາລາວ .. ຍັງບໍ່ມີໃຜແປ -_-)..
ຫາກມີ Firefox ຢູ່ແລ້ວ ສາມາດອັບເດດໂດຍການໄປທີ່ເມນູ Help > Update ຫຼືໂຫຼດມາໃໝ່ຈາກເວັບໄຊຂອງ Firefox

ທຳອິດຂຽນໄວ້ໃນ *realme ແຕ່ຄຶດອອກວ່າທາງນອກນີ້ຮ້າງເຫລືອເກີນ ກໍ່ເລີຍກັອບມານຳ -*-
ແປ SMF ຍັງບໍ່ທັນແລ້ວ ເກີດຢາກມາລອງແປ Skype ເວີຊັນ Linux ລອງເບິ່ງ ປະກົດໄດ້ດັ່ງພາບ ..

ມີບັນຫາຢູ່ກໍ່ຄື Skype ບໍ່ຮອງຮັບພາສາລາວໂດຍກົງ ໜາຍຄວາມວ່າເຖິງຈະແປໄດ້ ແຕ່ກໍ່ຕ້ອງອາໄສອ້າງອິງຊື່ພາສາອື່ນ ເຊິ່ງໃນກໍລະນີນີ້ຄື Latvian ນັ້ນເອງ ອັນເປັນສາເຫດມາຈາກໂປຣແກຣມ Skype ເອງ ເຊິ່ງມີຄົນ (ເຂົ້າໃຈວ່າແມ່ນທີມງານ) ອະທິບາຍໄວ້ໃນນີ້
ການແປແມ່ນໃຊ້ Qt Linguist ໂດຍເອົາໄຟລ໌ພາສາຢູ່ໃນ /usr/share/skype/lang ມາແປ
update: ໃຜຢາກລອງໃຊ້ກໍ່ໂຫລດ skype_20017_lao.zip ໄປລອງໄດ້ເລີຍ ວິທີຕິດຕັ້ງແມ່ນໂຫລດໄປແລ້ວແຕກໄຟລ໌ ຈາກນັ້ນຈະໄດ້ສອງໄຟລ໌ ໃຫ້ເອົາໄປທັບໄຟລ໌ເກົ່າໃນ /usr/share/skype/lang/ (ອາດຈະຕ້ອງໃຊ້ root) ແລ້ວກໍ່ເລືອກພາສາໃນ skype ຈາກນັ້ນ restart skype ກໍ່ເປັນອັນສິ້ນສຸດ

DriverBackup! ເປັນໂປຣແກຣມສຳລັບສຳຮອງຂໍ້ມູນ Drivers ເພື່ອ restore ໄດ້ໃນພາຍຫຼັງໃນກໍລະນີທີ່ລົງ Windows ໃໝ່. ສາມາດເກັບຂໍ້ມູນ backup ໄວ້ໃນ CD ຫຼື DVD ກໍ່ໄດ້ ທີ່ສຳຄັນເປັນ OpenSource ສາມາດນຳໄປໃຊ້ໄດ້ຟຣີ
ອ່ານລາຍລະອຽດເພີ່ມເຕີມແລະດາວໂຫລດໄດ້ທີ່ DriverBackup! Project Page