ເວັບໄຊຜູ່ໃຫ້ບໍລິການວິດີໂອອອນໄລ ລາຍໃຫຍ່ທີ່ສຸດຂອງໂລກ YouTube.com ໄດ້ປະກາດຜ່ານງານ VidCon 2010 ວ່າ ເວັບໄຊຂອງຕົນ ຈະຮອງຮັບວິດີໂອຄວາມລະອຽດ ລະດັບ 4K ໃນອະນາຄົດອັນໃກ້ນີ້. 4K ເປັນຄວາມລະອຽດຂອງວິດີໂອ ທີ່ສູງເຖິງ 4096 x 3072 ຫຼືປະມານ 4 ເທົ່າຂອງ 1080p ໃນປັດຈຸບັນທີ່ຮອງຮັບຢູ່ ໂດຍຄາດວ່າ ຈະສາມາດເປີດໂຕໃຫ້ໃຊ້ກັນໄດ້ທົ່ວໄປໃນໄວໆ ນີ້ ເຊິ່ງຕອນນີ້ກໍມີ playlist ຕົວຢ່າງ ສຳລັບວິດີໂອຄວາມລະອຽດ 4K ໃຫ້ລອງເບິ່ງກັນແລ້ວ ສຳລັບໃຜທີ່ມີຄອມແຮງໆ ແລະອິນເຕີເນັດໂຄດແຮງ ກໍໄປຮັບຊົມກັນໄດ້ທີ່ http://www.youtube.com/view_play_list?p=5BF9E09ECEC8F88F (ເລືອກຄວາມລະອຽດເປັນ Original) ທີ່ມາ – YouTube blog

ດັ່ງທີ່ຮູ້ກັນວ່າ ທຸກມື້ນີ້ DNS ບໍ່ມີສະເພາະຂອງ ISP ໃຫ້ມາເທົ່ານັ້ນ ຜູ່ໃຊ້ສາມາດເລືອກໃຊ້ DNS ຈາກຜູ່ໃຫ້ບໍລິການອື່ນໆ ໄດ້ຕາມຄວາມພໍໃຈ ບໍ່ວ່າຈະເປັນ OpenDNS ຫຼື Google DNS ເປັນຕົ້ນ. ຢ່າງໃດກໍຕາມການປ່ຽນ DNS ນັ້ນ ບາງຄັ້ງກໍຮູ້ສຶກວ່າຈະໃຊ້ຫຼາຍຂັ້ນຕອນເຫຼືອເກີນ ມື້ນີ້ຈຶ່ງມີແນະນຳໂປຣແກຣມນ້ອຍໆ ທີ່ຈະຊ່ວຍປ່ຽນ DNS ໃຫ້ເນັດຂອງທ່ານແບບງ່າຍໆ ໂດຍໃຊ້ DNS Jumper. DNS Jumper ເປັນໂປຣແກຣມ Freeware ທີ່ດາວໂຫລດພ້ອມໃຊ້ທັນທີບໍ່ຕ້ອງຕິດຕັ້ງໃຫ້ຫຍຸ້ງຍາກ; ເມື່ອເປີດໂປຣແກຣມຂຶ້ນມາແລ້ວ ກໍພຽງເລືອກຜູ່ໃຫ້ບໍລິການ DNS ທີ່ຕ້ອງການ ເຊິ່ງກໍມີທີ່ຄຸ້ນໆ ຕາແມ່ນ Google DNS ແລະ OpenDNS ນັ້ນເອງ. ດາວໂຫລດ DNS Jumper ໄດ້ຈາກ FiberDownload.com ທີ່ມາ – Ghacks.net

ປື້ມເລື່ອງ “Mafiaboy: How I Cracked the Internet and Why It’s Still Broken” ເປັນຜົນງານການຂຽນຮ່ວມກັນລະຫວ່າງ Michael Calce ແລະ Craig Silverman ເຊິ່ງເປັນເລື່ອງລາວຂອງ Michael Calce ເມື່ອລາວຍັງເປັນເດັກນ້ອຍອາຍຸ 15 ປີທີ່ສາມາດເຮັດໃຫ້ລະບົບອິນເຕີເນັດໃຫຍ່ ໆ ທົ່ວໂລກລົ້ມໄດ ກັບໄປເມື່ອປີ 2000 ເກີດເຫດການເວັບໄຊໃຫຍ່ ໆ ຂອງໂລກເຊັ່ນ CNN, Yahoo, eBay, Amazon ແລະ E*Trade Financial ຕ້ອງລົ້ມໄປເປັນເວລາຫຼາຍຊົ່ວໂມງ ແລະຕໍ່ມາທາງ FBI ແລະກໍ່ຕາມຫາຕົວຜູ້ຢູ່ເບື້ອງຫຼັງນີ້ ຈົນໄດ້ພົບວ່າເປັນຜົນງານຂອງເດັກນ້ອຍອາຍຸພຽງ 15 ປີເທົ່ານັ້ນ (ໄດ້ຮັບໂທດໄປຫຼາຍກວ່າ 50 ຂໍ້ຫາ) ປື້ມດັ່ງກ່າວຈະກ່ຽວບັນທຶກກ່ຽວກັບເຫດການ ແລະເລື່ອງທີ່ເກີດຂຶ້ນເມື່ອ 8 ປີກ່ອນຂອງ Michael Calce ເຊິ່ງມີກຳນົດການວາງຈຳໜ່າຍໃນໄວ [...]

ໄລຍະຫລັງນີ້ຮູ້ສຶກວ່າອິນເຕີເນັດຂອງ ລາວໂທລະຄົມ ຈະມີບັນຫາກັບເວັບໄຊຕ໌ບາງແຫ່ງ ສົ່ງຜົນໃຫ້ເຂົ້າບໍ່ໄດ້ເປັນບາງເວັບ ເຊິ່ງຕົວຂ້າພະເຈົ້າເອງກໍ່ປະສົບບັນຫາປະມານນີ້ເຊັ່ນກັນ ລວມເຖິງທ່ານພະນົມສິນ ເພິ່ນກໍ່ບອກວ່າເຂົ້າເວັບໄຊຕ໌ຕົວເອງບໍ່ໄດ້ ແຕ່ພາຍຫລັງກໍ່ເຂົ້າໄດ້ ເມື່ອແຈ້ງໄປຫາ Host ທາງ Host ກໍ່ຕອບກັບມາວ່າອາດຈະເປັນເພາະ DNS ມີບັນຫາ ແຕ່ຂອງຂ້າພະເຈົ້ານັ້ນ ເຂົ້າ Subdomain ທີ່ສ້າງໃຫມ່ບໍ່ໄດ້ ຫຼືບາງທີ Subdomain ເກົ່າກໍ່ເຂົ້າບໍ່ໄດ້ ຫລ້າສຸດ community.au8ust.org ກໍ່ເຂົ້າບໍ່ໄດ້ ແຕ່ຄົນອື່ນທີ່ໃຊ້ເນັດບໍລິສັດອື່ນພັດວ່າເຂົ້າໄດ້ ເມື່ອປ່ຽນ DNS ແລ້ວກໍ່ເຂົ້າໄດ້ນຳເພິ່ນ ຮູ້ສຶກວ່າຈະຂຽນສັບສົນດີ ມາເຂົ້າເລື່ອງເລີຍດີກວ່າ ມື້ນີ້ຂໍແນະນຳ OpenDNS ເຊິ່ງເປັນຜູ້ໃຫ້ບໍລິການ DNS ຟຣີແຕ່ມີຄຸນນະພາບ (ຈົນ DNS ເສຍເງິນຍັງຕ້ອງຊິດຊ້າຍ) ເຊິ່ງ OpenDNS ທີ່ວ່ານີ້ມີຄວາມສາມາດຫລັກ ໆ ກໍ່ຄື ອັບເດດ DNS ໄດ້ໄວ (ໄວກວ່າຂອງ ISP ຫລາຍ ໆ ບ່ອນອີກ) ປ້ອງກັນ Phishing ໄດ້ໃນລະດັບ [...]

ເກືອບລືມຂຽນເຖິງ Google Talk ເຊິ່ງເປັນ Chat protocol ຈາກ Google ເອົາໄວ້ລົມກັນແບບພວກ Windows Live Messenger ຫຼື Yahoo! Messenger ນັ້ນລະ ໂດຍຄວາມສາມາດໃຫມ່ທີ່ວ່ານີ້ກໍ່ຄື Group chat ສົນທະນາແບບຫລາຍ ໆ ຄົນໂດຍບໍ່ຕ້ອງເປີດຫລາຍ ໆ​ ຫນ້າຕ່າງ ສຳຫລັບທ່ານທີ່ໃຊ້​ Gmail ກໍ່ພຽງແຕ່ຄລິກເຂົ້າລົມຄົນໃດກໍ່ໄດ້ ຈາກນັ້ນຄລິກທີ່ Options ແລ້ວເລືອກ Group Chat ແລ້ວໃສ່ຊື່ຂອງຄົນທີ່ຕ້ອງການໃຫ້ເຂົ້າຮ່ວມ ນອກຈາກ Group Chat ແລ້ວ ຕອນນີ້ Gtalk ກໍ່ມີ Emoticons ໃຫ້ເລືອກຄລິກໄດ້ນຳ ທີ່ມາ – Go2Web2

P5E3 Deluxe/WiFi-AP ເມນບອຣ໌ດໃຫມ່ຈາກ Asus ທີ່ພ່ວງຄວາມສາມາດພິເສດມາຄື Firefox ທີ່ຝັງມາກັບລະບົບ Hardware ໂດຍກົງ ໃຊ້ຜ່ານ Embedded Linux ແຖມມີ Skype ໃຫ້ໃຊ້ພ້ອມ ນອກຈາກນັ້ນຍັງມີ Wireless ມານຳອີກ ເປີດເຄື່ອງມາກໍ່ສາມາດທ່ອງອິນເຕີເນັດໄດ້ເລີຍ ໃຊ້ເວລາເປີດປະມານ 5 ວິນາທີເທົ່ານັ້ນ ຫຼືຫາກຈະລົງ OS ອື່ນ ໆ ກໍ່ສາມາດເຮັດໄດ້ຕາມປົກກະຕິ ແຕ່ວ່າເມນບອຣ໌ດລຸ້ນນີ້ອາດຈະບໍ່ຄັກໃຈປານໃດ ດ້ວຍເຫດທີ່ລາຄາຂອງມັນສູງເຖິງ $350! ເບິ່ງຮູບປະກອບໄດ້ຈາກເວັບທີ່ມາ ທີ່ມາ – Crave

ປະເທດຈີນເປັນຫນຶ່ງໃນປະເທດທີ່ຮູ້ກັນວ່າ ມີການຄວາມຄຸມການຮັບຮູ້ຂໍ້ມູນຂອງປະຊາຊົນ ຫລາຍທີ່ສຸດປະເທດຫນຶ່ງໃນໂລກ ໂດຍທີ່ເວບຕ່າງ ໆ ຈະຖືກປິດກັ້ນການເຂົ້າເຖິງຕາມຊ່ວງເວລາໂດຍບໍ່ມີການແຈ້ງເຫດຜົນໃດ ໆ ສະເຫມີ ໆ ແຕ່ປະຊາຊົນຈີນຈຳນວນຫລາຍກໍ່ຮູ້ວ່າ ວິທີການເຂົ້າເຖິງຂໍ້ມູນທີ່ຖືກປິດກັ້ນເຫລົ່ານັ້ນໄດ້ງ່າຍ ໆ ຄື ການອ່ານຂໍ້ມູນຜ່ານບໍລິການ RSS ທີບໍ່ໄດ້ຜ່ານລະບົບກອງເອກກະສານຂອງຈີນ ເຮັດໃຫ້ປະຊາຊົນເຂົ້າເຖິງຂໍ້ມູນເຫລົ່ານັ້ນໄດ້ເປັນວົງກວ້າງ ມື້ວານນີ້ທາງການຈີນໄດ້ມີການດຳເນີນການ block ຂໍ້ມູນທາງ RSS feed ທົ່ວປະເທດ ລວມເຖິງເວບຜູ້ໃຫ້ບໍລິການຮັບຝາກ feed ເຊັ່ນ FeedBurner ແລະເວບທັງຫມົດທີ່ຂຶ້ນຕົ້ນ URL ໂດຍມີຄຳວ່າ feed, rss ແລະ blog ໂດຍການທຳການເຊັ່ນນີ້ ມີຜົນຕໍ່ເວບທີ່ບໍ່ໄດ້ມີເນື້ອຫາເປັນໄພຕໍ່ຄວາມໝັນຄົງຂອງຈີນ ກໍ່ຖືກປິດກັ້ນການເຂົ້າເຖິງໄປນຳ ແນ່ນອນວ່າການປິດກັ້ນການເຂົ້າເຖິງຂໍ້ມູນແບບນີ້ ກໍ່ບໍ່ໄດ້ຊ່ວຍປ້ອງກັນບໍ່ໃຫ້ປະຊາຊົນ ທີ່ຕ້ອງການເຂົ້າເຖິງຂໍ້ມູນເຫລົ່ານີ້ ສາມາດຮັບຮູ້ຂໍ້ມູນທີ່ພວກເຂົາຕ້ອການໄດ້ ເພາະຍັງມີບໍລິການທີ່ໄດ້ຮັບຄວາມນິຍົມສູງໃນຈີນເຊັ່ນ gladder, Tor ຕະຫລອດຈົນບໍລິການ Proxy ແລະ VPN ອື່ນ ໆ ທີ່ມີຢູ່ທົ່ວໂລກ ທີ່ມາ – Blognone [by [...]