Joey Wilson ແລະ Neal Patwari ນັກວິທະຍາສາດຈາກມະຫາວິທະຍາໂລ Utah ສະຫະລັດອາເມລິກາໄດ້ຄົ້ນພົບວິທີທີ່ຈະໃຊ້ປະໂຫຍດຈາກສັນຍານ Wi-Fi ໃນການເບິ່ງທະລຸກຳແພງໄດ້! ກຸ່ມນັກວິໄຈດັ່ງກ່າວລະບຸວ່າ ຄວາມປ່ຽນແປງຂອງຂອງສັນຍານວິທະຍຸໃນເຄືອຂ່າຍເຊື່ອມຕໍ່ໄຣ້ສາຍນັ້ນ ສາມາດຈະສະແດງໃຫ້ເຫັນການເຄື່ອນໄຫວຂອງຄົນ ທີ່ຢູ່ໃກ້ປະຕູ ຫຼືໃນບາງຄັ້ງຢູ່ຄົນລະຝາກຂອງກຳແພງໄດ້. ວິທີການກໍຄື ການນຳໃຊ້ທິດສະດີ variance-based radio tomographic imaging ໂດຍການວັດແທກສິ່ງລົບກວນທີ່ຢູ່ລະຫວ່າງຈຸດຮັບສັນຍານ ແລະຈຸດທີ່ໃຊ້ສົ່ງສັນຍານ, ເມື່ອມີຄົນຍ່າງຜ່ານບໍລິເວນດັ່ງກ່າວ ກໍຈະຖືກບັນທຶກຄວາມປ່ຽນແປງຂອງສັນຍານ ແລະສົ່ງຂໍ້ມູນກັບມາປະມວນຜົນ. ຢ່າງໃດກໍຕາມໃນງານວິໄຈຕອນນີ້ ສາມາດກວດສອບໄດ້ພຽງ 0.9 ແມັດເທົ່ານັ້ນ ແລະຍັງບໍ່ສາມາດສ້າງເປັນພາບສົມຈິງໄດ້ເທື່ອ ເຊິ່ງອາດເປັນໄປໄດ້ໃນອະນາຄົດອັນໃກ້ ເມື່ອມີການພັດທະນາຢ່າງຕໍ່ເນື່ອງ. ສຳລັບຄຸນປະໂຫຍດຂອງມັນນັ້ນ ກໍສາມາດນຳໄປໃຊ້ໄດ້ໃນພາລະກິດສຸກເສີນຕ່າງໆ ໄດ້ ເຊັ່ນການຊອກຫາຜູ່ລອດຊີວິດເປັນຕົ້ນ. ທີ່ມາ – Telegraph.co.uk

ເຫັນລົງໃນ blognone Video: Future Vision Montage

[youtube Zto6aTZM9t0] ສຸດຍອດແຫ່ງນະວັດຕະກຳຍຸກອະນາຄົດ (ອັນແສນໄກ)

[youtube 8iC9SENTljI] ຂອງຫຼິ້ນຈາກ Bandai ເຊິ່ງເປັນບໍລິສັດຜະລິດເຄື່ອງຫຼິ້ນລາຍໃຫຍ່ຂອງຍີ່ປຸ່ນ ມີຂະຫນາດ 5×5 ຊມ. ເອົາມາຕໍ່ ໆ ກັນຫຼິ້ນກໍ່ໄດ້ ຫຼືຈະເອົາວາງແຍກກໍ່ໄດ້ ໂດຍດ້ານຫນ້າຂອງກ່ອງຈະມີຈໍນ້ອຍ ໆ ທີ່ຈະມີໂຕກາຕູນມາສະແດງ Animation ເຄື່ອນໄຫວໃຫ້ເບິ່ງ ທີ່ມາ – Snappy

ນັກວິທະຍາສາດຈາກສະຖາບັນ Technion ໃນປະເທດອິສລາເອວໄດ້ປະກາດວ່າ ພວກເຂົາສາມາດບັນຈຸຄຳພີໄບເບີ້ນພາສາຮິບຣູ (Hebrew) ເຊິ່ງມີຈຳນວນທັງຫມົດ 308,428 ຄຳລົງໃນ Chip ເຊິ່ງມີຂະຫນາດນ້ອຍກວ່າປາຍເຂັມໄດ້ເປັນຜົນສຳເລັດ ໂດຍຜູ້ອຳນວຍການຂອງໂຄງການນີ້ອ້າງວ່າ ຄຳພີໄບເບີ້ນທີ່ນ້ອຍທີ່ສຸດໃນໂລກ The Guinness Book of World Records ນັ້ນ ຍັງໃຫຍ່ກວ່າໄບເບີ້ນຂອງພວກເຂົາເຖິງ 50 ເທົ່າ ແລະໂຄງການຕໍ່ໄປຂອງນັກວິທະຍາສາດກຸ່ມນີ້ຄື ຖ່າຍພາບໄບເບີ້ນຂອງພວກເຂົາ ແລ້ວຂະຫຍາຍໃຫ້ໃຫຍ່ຂຶ້ນມາເປັນຂະຫນາດ 7×7 ແມັດ ເຊິ່ງຈະເຮັດໃຫ້ຄົນທົ່ວໄປສາມາດອ່ານໄບເບີ້ນໄດ້ທັງເຫຼັ້ມດ້ວຍຕາເປົ່າ! ທີ່ມາ – Blognone [thegrap], AFP

ໂຕຊິບາກຽມວາງຕະຫລາດໂຮງງານຜະລິດໄຟຟ້ານິເຄລຍ ທີ່ມີຂະຫນາດພຽງ 7×2 ແມັດເທົ່ານັ້ນ ໂດຍໂຮງງານໄຟຟ້ານີ້ຈະມີກຳລັງຜະລິດໄຟຟ້າປະມານ 200 ກິໂລວັດ ຫລາຍພໍສຳຫລັບຫມູ່ບ້ານຫ່າງໄກທັງຫມູ່ບ້ານ ທີ່ສຳຄັນຄືຕົ້ນທຶນຄ່າໄຟຟ້າຕໍ່ຫນ່ວຍນັ້ນຢູ່ທີ່ປະມານ 5 ເຊັນ ຫຼືປະມານ 550 ກີບເທົ່ານັ້ນ ໂດຍໂຮງງານໄຟຟ້ານີ້ ອອກແບບມາຈາກຄວາມຮ່ວມມືລະຫວ່າງໂຕຊິບາ ແລະ ສະຖາບັນວິໄຈພະລັງງານໄຟຟ້າຂອງຍີ່ປຸ່ນ ຈະວາງຕະຫລາດໃນຊື່ Toshiba 4S (Super Safe, Small, and Simple) ໂຮງງານໄຟຟ້າແບບໃຫມ່ນີ້ ບໍ່ຕ້ອງການແທ່ງຄວບຄຸມ ການເກີດປະຕິກິລິຍານິວເຄລຍ ສ່ວນສານຕັ້ງຕົ້ນນັ້ນແມ່ນ Lithium-6 ທີ່ສາມາດບັນຈຸໄວ້ ໃນໂຮງງານໄຟຟ້າ ເພື່ອຜະລິດໄຟຟ້າຢ່າງຕໍ່ເນື່ອງເຖິງ 40 ປີ ທາງໂຕຊິບາມີແຜນ ຈະຕິດຕັ້ງໂຮງງານທຳອິດທີ່ໃຊ້ Toshiba S4 ນີ້ປະມານປີ 2008 ແລະເປັນໄປໄດ້ ທີ່ຈະເຂົ້າຕະຫລາດອະເມລິກາແລະຢູໂຣບໃນຊ່ວງປີ 2009 ທີ່ມາ – Blognone [lew], Next Energy News

ເປັນເທັກໂນໂລຢີໃນການຫຍໍ້-ຂະຫຍາຍພາບຕ່າງ ໆ ໂດຍຖືເອົາບໍລິບົດຂອງພາບນັ້ນ ໆ ເປັນສຳຄັນ ສ່ວນໃດທີ່ສຳຄັນຈະຖືກຄົງໄວ້ ແລະສ່ວນທີ່ບໍ່ສຳຄັນຈະຖືກຕັດອອກໄປ –ເບິ່ງວີດິໂອສາທິດແລ້ວຈະເຂົ້າໃຈ [youtube vIFCV2spKtg] [via Blognone]

iChair ໂຊຟາສຳຫລັບນັ່ງພັກຜ່ອນ ຕິດລຳໂພງ ໒ ໂຕ ໃນລະບົບໃກ້ຫູ ພ້ອມລຳໂພງ Sub-woofer ທີ່ຢູ່ໃຕ້ທີ່ນັ່ງ, ທາງຂວາມືມີຊ່ອງສຳຫລັບໃສ່ເຄື່ອງຫລິ້ນເພງ iPod ພ້ອມແຜງຄວບຄຸມລະດັບສຽງ, ມີ Audio jack ໃຫ້ເຊື່ອມຕໍ່ກັບເຄື່ອງຫລິ້ນ Multimedia ອື່ນໆ. ໂຊຟານີ້ມີຂະຫນາດ ໓໔ x ໒໙ x ໔໐ ນິ້ວ ໂຄງສ້າງເຮັດຈາກໄມ້ຢ່າງດີ ມີຮູບຊົງທັນສະໄຫມ ມີໃຫ້ເລືອກ ໔ ສີ (ສີດຳ, ສີຂຽວ, ສີຟ້າອ່ອນ ແລະສີຟ້າເຂັ້ມ) ລາຍລະອຽດເພີ່ມເຕີມ: PBteen Shop ທີ່ມາ – Siamphone.com