Frag’s Emoticon Loader

Frag's Emoticon Loaderເຄີຍເປັນກັນບໍ່ ລົງ Windows ໃໝ່ແລ້ວຄ້ານເພີ່ມ Emoticon ໃນ WLM ບາງຄົນອາດຈະໃຊ້ວິທີກັອບໂຟນເດີໃນ Applications Data ເອົາ ແຕ່ບາງຄົນກໍບໍ່ທັນ ແຕ່ຈະເປັນແນວໃດກໍວ່າກັນໄປ ມື້ນີ້ມີໂປຣແກຣມມານຳສະເໜີເພື່ອແກ້ໄຂບັນຫາດັ່ງກ່າວ. ໂປຣແກຣມທີ່ວ່ານີ້ມີຊື່ວ່າ Frag’s Emoticon Loader ເປັນ freeware ຂະໜາດນ້ອຍ ໆ ທີ່ຊ່ວຍໃຫ້ເຮົາສາມາດ add ເອົາຮູບພາບຕ່າງ ໆ ມາເປັນ emoticon ໃນໂປຣແກຣມ WLM ໄດ້.

ໃຊ້ໄດ້ກັບ Windows 2000/XP/Vista ແລະຕ້ອງເປັນ WLM ເທົ່ານັ້ນ.

ດາວໂຫຼດ – Emoticon Loader

ແບ່ງໄຟລ໌ໃຫຍ່ໃຫ້ເປັນນ້ອຍໂດຍໃຊ້ HJ-Split

HJ-Splitບາງຄັ້ງຜູ່ໃຊ້ອິນເຕີເນັດອາດພົບວ່າຕ້ອງດາວໂຫຼດໄຟລ໌ຂະໜາດໃຫຍ່ ທີ່ຖືກບີບອັດມາດ້ວຍ WinRAR ແຕ່ນອກຈາກມັນຈະເປັນ .rar ແລ້ວ ມັນຈະມີ .001, .002, .003, .00x ຕໍ່ທ້າຍອີກນຳ. ໄຟລ໌ທີ່ມີນາມສະກຸນເປັນໂຕເລກຕິດຕໍ່ກັນລັກສະນະນີ້ ບໍ່ໄດ້ໃຊ້ WinRAR ໃນການແບ່ງໄຟລ໌ ແຕ່ໃຊ້ HJ-Split ເຊິ່ງເປັນໂປຣແກຣມຟຣີສຳລັບແບ່ງໄຟລ໌ທີ່ມີຂະໜາດໃຫຍ່ ໃຫ້ເປັນໄຟລ໌ທີ່ມີຂະໜາດນ້ອຍຫຼາຍ ໆ ໄຟລ໌ ເພື່ອສະດວກໃນການອັບໂຫຼດແລະດາວໂຫຼດ.ນອກຈາກຈະແບ່ງໄຟລ໌ໄດ້ແລ້ວ ແນ່ນອນວ່າໃນທາງກັບກັນ ມັນສາມາດໃຊ້ຮວມໄຟລ໌ທີ່ຖືກແບ່ງໄດ້ນຳ.

HJ-Split ສາມາດດາວໂຫຼດມາໃຊ້ງານໄດ້ຟຣີ ແລະມີໃຫ້ໃຊ້ສຳລັບຫຼາກຫຼາຍລະບົບປະຕິບັດການຕັ້ງແຕ່ Windows, Linux, Mac ໄປຈົນຮອດ DOS ກໍໃຊ້ໄດ້ເຊັ່ນກັນ. ທ່ານສາມາດດາວໂຫຼດໄດ້ຈາກເວັບໄຊ http://www.freebyte.com/hjsplit/

ແປງໄຟລ໌ໃຫ້ເປັນ ISO

AnyToISOມື້ນີ້ມາແນະນຳໂປຣແກຣມ AnyToISO ເປັນໂປຣແກຣມສຳລັບປ່ຽນໄຟລ໌ MDF, BIN, DMG, IMG, CDI, NRG, DAA, UIF ແລະ B5I ເປັນ ISO ໄດ້. AnyToISO ມີທັງເວີຊັນແຈກຟຣີ ແລະແບບເສຍເງິນ ສາມາດໃຊ້ໄດ້ທັງ Windows ແລະ Mac OS.

ໃນເວີຊັນ Professional ເຊິ່ງຕ້ອງເສຍເງິນຊື້ນັ້ນ ຈະສາມາດ convert ເປັນ DVD ໄດ້ນຳ

ສາມາດດາວໂຫຼດໄດ້ຈາກ Link ດ້ານລຸ່ມ:

Polyglot 3000 ບອກພາສາທີ່ຢາກຮູ້

Polyglot 3000Polyglot 3000 ເປັນໂປຣແກຣມສຳລັບກວດສອບວ່າ ຂໍ້ຄວາມໃດນຶ່ງນັ້ນເປັນພາສາຫຍັງ ເຊິ່ງສາມາດ ກວດສອບໄດ້ຫຼາຍເຖິງ 474 ພາສາໃນໂລກນີ້ ຮວມເຖິງ ພາສາລາວອີກນຳ.

ໂປຣແກຣມ Polyglot 3000 ສາມາດດາວໂຫຼດມາໃຊ້ໄດ້ຟຣີ ຮອງຮັບລະບົບ Unicode ເຕັມຮູບແບບ (ບໍ່ໍດັ່ງນັ້ນຄົງຈະຮອງຮັບພາສາ ບໍໄດ້ຫຼາຍປານນີ້ :P)

ດາວໂຫຼດໄດ້ຈາກ Polyglot3000.com

ທີ່ມາ – Ghacks.net

ແກະລະຫັດໄຟລ໌ .ZIP ໂດຍໃຊ້ PicoZip Recovery Tool

PicoZipPicoZip Recovery Tool ເປັນໂປຣແກຣມຟຣີສຳລັບແກະລະຫັດໄຟລ໌ປະເພດ .zip ທີ່ຖືກໃສ່ລະຫັດໄວ້ ໂດຍມັນຈະຖອດລະຫັດໂດຍໃຊ້ ໒ ວິທີຄື Dictionary (ຊອກຫາລະຫັດຈາກລາຍການ) ແລະ Brute Force (ສ້າງລະຫັດຕາມທີ່ກຳນົດ).

ຄຸນສົມບັດຂອງໂປຣແກຣມຄື:

  • UI ໃຊ້ງ່າຍ ສະບາຍຕາ
  • ຮອງຮັບທັງໄຟລ໌ Zip ທຳມະດາແລະແບself-extract
  • ເລືອກໄດ້ວ່າຈະໃຊ້ວິທີ Brute Force ຫຼື Dictionary
  • ສາມາດຄ້າງໄວ້ໄດ້ເພື່ອເຮັດຕໍ່ໃນເທື່ອໜ້າ
  • ຮອງຮັບ Windows 95 ຈົນຮອດ XP

ຢ່າງໃດກໍ່ຕາມສຳລັບໄຟລ໌ Zip ທີ່ເຂົ້າລະຫັດແບບ AES ນັ້ນ ໂປຣແກຣມນີ້ຍັງຖອດບໍ່ໄດ້.

ດາວໂຫຼດ – PicoZip.com | ທີ່ມາ – Ghacks.net

໓ ໂປຣແກຣມໃໝ່ ວັນທີ່ ໒໗ ພະຈິກ ໒໕໕໑

ເນື່ອງຈາກເປັນຂ່າວສັ້ນ ລາຍງານໂປຣແກຣມມາໃໝ່ ກໍ່ເລີຍຮວບຮວມໄວ້ໃນຂ່າວດຽວເລີຍ

  • Google Chrome ອອກເວີຊັນໃໝ່ຫຼ້າສຸດ ຕອນນີ້ແມ່ນ 0.4.154.25 Beta ດາວໂຫຼດ
  • Safari for Windows ຕອນນີ້ອັບເດດເປັນ Safari 3.2.1 ແລ້ວ ກ່ອນໜ້ານີ້ແມ່ນ 3.2.0 –ໂປຣແກຣມທ່ອງເວັບຈາກ Mac OS X ດາວໂຫຼດ
  • ICQ ຍັງບໍ່ຕາຍ ເວີຊັນໃໝ່ ICQ 6.5 Build 102 ຫວນລະນຶກເຖິງວັນວານອັນຫວານຊື່ໄດ້ອີກຄັ້ງ ດາວໂຫຼດ

Yahoo! Messenger 9.0.0.2034 Final

ດົນແລ້ວບໍ່ໄດ້ຂຽນຂ່າວ ເພາະວ່າເອົາເວລາໄປເຮັດພັນລາວເວີຊັນ໒ ບໍ່ແລ້ວຈັກເທື່ອ ມື້ນີ້ພໍດີເຫັນ YIM ອອກໃໝ່ ເລີຍມາຂຽນ.

Yahoo! Instant Messenger ເປັນໂປຣແກຣມສົນທະນາຈາກ Yahoo! ເຊິ່ງມີລັກສະນະຄ້າຍ ໆ WLM ແລະ Google Talk ທີ່ທຸກຄົນຄຸ້ນເຄີຍກັນດີ ຕອນນີ້ອອກເວີຊັນໃໝ່ ໂດຍຫຼັກແລ້ວແມ່ນການຮອງຮັບການໃຊ້ງານກັບ Windows Vista ສ່ວນ changelog ນັ້ນບໍ່ມີ (ຫາບໍ່ພົບ)

ຄລິກດຽວຈອດ

ຮູ້ສຶກວ່າຈະບໍ່ຄ່ອຍຂຽນຂ່າວແລ້ວ ຊ່ວງນີ້ຂຽນແຕ່ເລື່ອງກ່ຽວກັບໂປຣແກຣມຕ່າງ ໆ ແທນ ມື້ນີ້ມີໂປຣແກຣມນ້ອຍ ໆ ມານຳສະເຫນີອີກລະ ຊື່ໂປຣແກຣມວ່າ One Click App Killer ຄວາມສາມາດກໍ່ແບບດຽວກັບຊື່ເລີຍ ໃຊ້ໄວ້ປິດໂປຣແກຣມທີ່ບໍ່ຕ້ອງການ ອັນທີ່ຈິງຫາກວ່າຮູ້ວ່າມັນຣັນຈາກໄຟລ໌ໃດກໍ່ສາມາດສັ່ງ End task ໄດ້ໃນ Task Manager ເລີຍ ແຕ່ວ່າ ໃນກໍລະນີທີ່ບໍ່ຮູ້ ກໍ່ສາມາດໃຊ້ໂປຣແກຣມນີ້ລະ ຈັດການ Kill ໃຫ້ຈົບ ໆ ໄປໂດຍບໍ່ຕ້ອງເປີດ Task Manager ແລ້ວຊອກ Process ຂອງໂປຣແກຣມທີ່ມັນຄ້າງ ຫຼືທີ່ຕ້ອງການປິດ

ວິທີໃຊ້ກໍ່ງ່າຍ ໆ ພຽງເປີດໂປຣແກຣມມັນຂຶ້ນມາ ແລ້ວ cursor ຂອງເມົ້າກໍ່ຈະກາຍເປັນຮູບເປົ້າແທນ ກໍ່ຄລິກໃສ່ຫນ້າຕ່າງໂປຣແກຣມທີ່ຕ້ອງການຈະປິດ ແລ້ວມັນກໍ່ຈະປິດຂອງມັນເອງ

ສ້າງລະຫັດຜ່ານທີ່ປອດໄພ ແລະຈື່ງ່າຍໂດຍໃຊ້ xyzzy

xyzzyຊ່ວງນີ້ມີເວລາອ່ານ Feed ຫລາຍ ກໍ່ເລີຍໄດ້ພົບໂປຣແກຣມໃຫມ່ ໆ ຢູ່ຕະຫລອດ ແລະຫາເວລາຂຽນກ່ຽວກັບໂປຣແກຣມເຫລົ່ານັ້ນ ເຜື່ອຈະເປັນປະໂຫຍດຕໍ່ຜູ້ອ່ານ au8ust.org ທຸກຄົນ

ມື້ນີ້ມີໂປຣແກຣມ ສຳຫລັບການສ້າງລະຫັດຜ່ານ ມາແນະນຳ ໂດຍທົ່ວໄປແລ້ວ ການຕັ້ງລະຫັດຜ່ານນັ້ນ ບໍ່ຄວນໃຊ້ລະຫັດ ທີ່ມັນສາມາດຮູ້ໄດ້ໂດຍການ ຄາດຄະເນ ເຊັ່ນລະຫັດທີ່ເປັນ ຊື່ຕົວເອງ, ຊື່ແຟນ, ເບີໂທລະສັບ, ວັນເດືອນປີເກີດ ຫຼືເລກທະບຽນລົດ ເປັນຕົ້ນ ເພາະຈະສ່ຽງຕໍ່ການ ຖືກບຸກຄົນຜູ້ມີຄວາມຮູ້ ແຕ່ບໍ່ປະສົງດີນັ້ນ ກະທຳການ ອັນເປັນການ ລະເມີດໄດ້ ໃນກໍລະນີທີ່ສາມາດຮູ້ລະຫັດຜ່ານຂອງເຮົາ

ເມື່ອຮູ້ວ່າການຕັ້ງລະຫັດຜ່ານ ເປັນເລື່ອງທີ່ສຳຄັນແລ້ວ ຈະເຮັດແນວໃດ ທີ່ຈະເລືອກລະຫັດຜ່ານ ທີ່ດີໄດ້? ຄຳຖາມນີ້ເປັນທີ່ມີຂອງໂປຣແກຣມນີ້

xyzzy (ຊື່ໂປຣແກຣມ) ເປັນໂປຣແກຣມທີ່ ໄວ້ສ້າງລະຫັດໃຫ້ເຮົາເລືອກໃຊ້ໄດ້ ໃນກໍລະນີທີ່ຄິດບໍ່ອອກວ່າ ຈະຕັ້ງລະຫັດແນວໃດດີ ເຊິ່ງຕົວໂປຣແກຣມເອງກໍ່ສາມາດ ກຳຫນົດໄດ້ວ່າ ຈະໃຫ້ລະຫັດມີຄວາມຍາວເທົ່າໃດ ເລືອກໄດ້ຕັ້ງແຕ່ ໖ ເຖິງ ໒໘ ຕົວ ຫຼືຈະກຳຫນົດ Random ເອົາກໍ່ໄດ້ ຫຼືຈະໃຫ້ມີຕົວເລກນຳກໍ່ໄດ້ຄືກັນອີກ

ຄວາມພິເສດຂອງ xyzzy ກໍ່ຄື ລະຫັດຜ່ານທີ່ generated ອອກມານັ້ນ ສາມາດອ່ານອອກສຽງໄດ້ ກໍ່ເພື່ອຄວາມງ່າຍ ໃນການຈົດຈຳລະຫັດຜ່ານນັ້ນເອງ ໂປຣແກຣມນີ້ເປັນ freeware ສາມາດດາວໂຫລດໄປໃຊ້ໄດ້ຟຣີ

ທີ່ມາ – Hongkiat

ກູ້ຂໍ້ມູນຈາກ Partition ທີ່ເສຍຫາຍ

1zzkei1iuf7q3ax1v6r1.png

Find and Mount ເປັນໂປຣແກຣມກູ້ຂໍ້ມູນທີ່ສູນຫາຍໃນ Partition ຂອງ Harddisk ສາມາດໃຊ້ໄດ້ກັບ Windows 2000, XP ແລະ Windows Server 2003 ແຕ່ວ່າໂປຣແກຣມນີ້ມີແບບຟຣີ ກັບແບບເສຍເງິນ ແລະແນ່ນອນຖ້າເປັນແບບນີ້ກໍ່ຫມາຍຄວາມວ່າ ແບບຟຣີຕ້ອງມີຂໍ້ຈຳກັດບາງຢ່າງແນ່ນອນ ຢ່າງໃດກໍ່ຕາມສາມາດທົດລອງໂຫລດໄປໃຊ້ໄດ້ ເຜື່ອຊິກູ້ໄຟລ໌ຮູບພາບລັບທີ່ຫລົງລຶບໄປໄດ້ 😛