ການສ້າງ Theme ຂອງ WordPress

ຜ່ານໄປເຫັນໃນບລັອກຂອງ NDesign Studio ມາ ບລັອກນີ້ມີຜົນການສ້າງ Themes ຂອງ WordPress ມາແລ້ວສອງແບບ ແບບຫລ້າສຸດຄື iTheme ທີ່ເປັນທີ່ນິຍົມກັນພໍສົມຄວນ ພໍດີມີບົດຄວາມແນະນຳສຳຫລັບຜູ້ທີ່ຢາກອອກແບບສ້າງ Theme ຂອງ WordPress ມາໃຫ້ອ່ານ ສາມາດຕິດຕາມໄດ້ທີ່ WordPress Theme Hacks ໃນບົດຄວາມກໍ່ຈະມີ tags ຕ່າງ ໆ ທີ່ຈຳເປັນຕ້ອງໃຊ້ໃນການສ້າງ Theme ໃຫ້ໄດ້ສຶກສາກັນ

ທີ່ມາ – WebDesignerWall.com [via NDesign Studio]

ປລັກອິນ WordPress ປະຈຳວັນທີ່ 6 ຕຸລາ 2007

  • Flexible Upload
    ປລັກອິນຕົວນີ້ຊ່ວຍໃຫ້ສາມາດຈັດການອັບໂຫລດໄຟລ໌ໃສ່ໃນໂພສຕ໌ໄດ້ງ່າຍຂຶ້ນ ມີລະບົບຫຍໍ້/ຂະຫຍາຍພາບ, ລະບົບພາບຕົວຢ່າງ, ລະບົບພິມລາຍນ້ຳ, ຮອງຮັບ Lightbox, ຮອງຮັບການອັບໂຫລດຫລາຍ ໆ​ ໄຟລ໌ໃນຄາວດຽວ, ຮອງຮັບຫລາຍພາສາ, ຯລຯ
  • Google XML Sitemaps
    ປລັກອິນສຳຫລັບສ້າງ Sitemaps ໃຫ້ກັບ blog ຂອງເຮົາ ເຊິ່ງຕົວນີ້ຮອງຮັບທັງ Google, MSN, Yahoo! ແລະ Ask.com
  • WP-OpenID+
    ປລັກອິນທີ່ເຮັດໃຫ້ບລັອກຂອງເຮົາສາມາດຮອງຮັບການໃຊ້ງານລະບົບ OpenID ໄດ້

ຄລິກຊື່ປລັກອິນເພື່ອໄປຫນ້າດາວໂຫລດ

ການລົງທະບຽນແລະໃຊ້ງານບລັອກກັບ WordPress.com ຕອນທີ່ ໓ (ຈົບ)

ມາຕໍ່ກັນເລີຍດີກວ່າ ຕອນນີ້ເປັນຕອນສຸດທ້າຍແລ້ວ ທ່ານໃດທີ່ຍັງບໍ່ທັນໄດ້ອ່ານຕອນກ່ອນຫນ້ານີ້ ກໍ່ສາມາດກັບໄປອ່ານໄດ້ໃນ ຕອນທີ່ ໑ ແລະ ຕອນທີ່ ໒

Blogroll

 

ແທບ Blogroll ນັ້ນສາມາດໃຊ້ຈັດການກັບລິງກ໌ຕ່າງ ໆ ຂອງເຮົາໄດ້ ເຊັ່ນວ່າ ເຮົາຕ້ອງການສ້າງລິງກ໌ໄປຫາບລັອກຄົນຮູ້ຈັກ ຫຼືອາດຈະເປັນເວບໄຊຕ໌ຂອງຄົນຮູ້ຈັກກໍ່ໄດ້ ເຊິ່ງ Blogroll ນັ້ນ ສາມາດທີ່ຈະກຳຫນົດຫມວດຫມູ່ໃຫ້ໄດ້ເຊັ່ນດຽວກັໂພສຕ໌

ໃນ Blogroll ນີ້ຈະມີແທບຍ່ອຍລົງໄປອີກສອງອັນຄື Add link (ເພີ່ມລິງກ໌ຄັ້ງລະອັນ) ແລະ Import Links (ໃຊ້ໄວ້ສຳຫລັບນຳລິງກ໌ເຂົ້າມາຈຳນວນຫລາຍ ໆ ໃນຄາວດຽວ)

Continue reading ການລົງທະບຽນແລະໃຊ້ງານບລັອກກັບ WordPress.com ຕອນທີ່ ໓ (ຈົບ)

ການລົງທະບຽນແລະໃຊ້ງານບລັອກກັບ WordPress.com ຕອນທີ່ ໒

ຂຽນຕໍ່ຈາກຕອນທີ່ແລ້ວ

Post slug
Post slug ເປັນສ່ວນທີ່ມີຄວາມສຳຄັນຫລາຍສຳຫລັບການຂຽນບລັອກເປັນພາສາລາວ ເພາະວ່າຫາກເຮົາໃຊ້ Pretty Permalink ແລ້ວ ການໃຊ້ Post slug ຈະເປັນການຕັ້ງຊື່ URL ຂອງໂພສຕ໌ນັ້ນ ໆ ນຳ ຕົວຢ່າງວ່າ ເຮົາຕັ້ງຊື່ໂພສຕ໌ໃຫມ່ວ່າ “ການຕິດຕັ້ງ Wireless Connection ໃນ Windows Vista” ຖ້າເຮົາບໍ່ແກ້ໄຂ Post slug ກ່ອນ ພາສາລາວໃນ URL ຈະກາຍເປັນລະຫັດ UTF-8 ເຊິ່ງອ່ານບໍ່ໄດ້ ແລະບາງຄັ້ງຈະເຮັດໃຫ້ບໍ່ສາມາດເຂົ້າໄປຫນ້ານັ້ນ ໆ ໄດ້

Continue reading ການລົງທະບຽນແລະໃຊ້ງານບລັອກກັບ WordPress.com ຕອນທີ່ ໒

ການລົງທະບຽນແລະໃຊ້ງານບລັອກກັບ WordPress.com ຕອນທີ່ ໑

ເວບຜູ້ໃຫ້ບໍລິການກ່ຽວກັບການຂຽນບລັອກນັ້ນ ມີຢູ່ຫລາກຫລາຍແຫ່ງ ອາທິເຊັ່ນ WordPress.com, Blogger.com ແລະ Live Spaces ເປັນຕົ້ນ ແຕ່ວ່າໃນມື້ນີ້ ເຮົາຈະມາຮູ້ຈັກກັບ WordPress.com ກັນກ່ອນ

WordPress.com Logo

WordPress.com ເປັນເວບໃຫ້ບໍລິການຟຣີບລັອກທີ່ໃຊ້ລະບົບ Blog ຂອງ WordPress ເຊິ່ງມີຮູບແບບການໃຊ້ງານທີ່ງ່າຍ ບໍ່ຊັບຊ້ອນ ແຕ່ໃນຂະນະດຽວກັນກໍ່ມີຂໍ້ຈຳກັດຫລາຍ ໆ ຢ່າງເຊັ່ນວ່າ

  • ບໍ່ສາມາດໃຊ້ JavaScript ໄດ້
  • ບໍ່ສາມາດປັບແຕ່ງ Theme ໄດ້ຢ່າງອິດສະລະ
  • ໃສ່ AdSense ບໍ່ໄດ້
  • ຯລຯ

ເຫລົ່ານີ້ກໍ່ອາດເປັນບັນຫາສຳຫລັບບາງຄົນໄດ້ເຊັ່ນກັນ

ແຕ່ເຖິງຢ່າງໃດກໍ່ຕາມ WordPress.com ກໍ່ຖືວ່າເປັນບໍລິການຟຣີບລັອກທີ່ຫນ້າໃຊ້ງານອີກແຫ່ງໜຶ່ງ ເພາະວ່າ

  • ໃຊ້ງານງ່າຍ ມີຕົວເລືອກບໍ່ຫຍຸ້ງຍາກຊັບຊ້ອນ
  • ມີການແບ່ງບລັອກເປັນຫມວດຫມູ່ຂອງພາສາ ເຊັ່ນພາສາລາວ
  • ມີ Akismet ໄວ້ປ້ອງກັນ Spam
  • ມີຊຸມຊົນ Bloggers ທີ່ຫລາກຫລາຍ (ແຕ່ຕອນນີ້ພາສາລາວຍັງມີໜ້ອຍຢູ່)
  • ສາມາດໃຊ້​ Contact form, Slide show, YouTube Video, Guest Book, ຯລຯ ໄດ້ຢ່າງງ່າຍດາຍ

ແລະເພື່ອບໍ່ໃຫ້ເປັນການເສຍເວລາ ເຮົາມາເລີ່ມລົງທະບຽນກັບ WordPress.com ກັນເລີຍ 🙂

Continue reading ການລົງທະບຽນແລະໃຊ້ງານບລັອກກັບ WordPress.com ຕອນທີ່ ໑

WordPress 2.2 ເລື່ອນ!

WordPress

ບລັອກແວຣ໌ຍອດນິຍົມຢ່າງ WordPress ທີ່ມີແຜນການຈະອອກເວີຊັນໃຫມ່ນັ້ນ ຖືກເລື່ອນໄປເປັນວັນທີ່ 23 ດ້ວຍເຫດວ່າ ທາງທີມງານ Automatic ໄດ້ພົບວ່າມີບັນຫາໃນໂຄ້ດຂອງເວີຊັນໃຫມ່ ແລະກຳລັງດຳເນີນການແກ້ໄຂຢູ່ ຈຶ່ງໄດ້ປະກາດເລື່ອນການເປີດຕົວເວີຊັນໃຫມ່ອອກໄປກ່ອນ ເພື່ອຈັດການກັບບັນຫາທີ່ພົບ

ໃນ WordPress 2.2 ນັ້ນ ມີຄວາມສາມາດໃຫມ່ ໆ​ ຫລາຍຢ່າງເພີ່ມເຕີມເຂົ້າມາ ບໍ່ວ່າຈະເປັນລະບົບ Tags, ຄວາມຄິດເຫັນ, feeds ແບບໃຫມ່, ມີ phpmailer ໃນຕົວເລີຍ ແລະລວມໄປເຖິງລະບົບ Plugin Sandboxing ທີ່ໃຊ້ສຳຫລັບທົດສອບວ່າປລັກອິນທີ່ຈະໃຊ້ນັ້ນມີບັນຫາບໍ່ ເປັນຕົ້ນ

ທີ່ມາ – Lorelle’s Blog

WordPress 2.1.3 ແລະ 2.0.10 ອອກແລ້ວ


ທາງທີມງານ WordPress ໄດ້ອອກເວີຊັນອັບເດທສຳຫລັບ WordPress ທັງ 2.x ແລະ 2.0.x ອອກມາແລ້ວ ໂດຍເປັນການແກ້ໄຂຂໍ້ບົກພ່ອງ ລວມເຖິງລະບົບຄວາມປອດໄພຕໍ່ຈາກເວີຊັນກ່ອນໜ້ານີ້ ເຊິ່ງທາງທີມງານພັດທະນາ ແນະນຳໃຫ້ຜູ້ໃຊ້ທຳການອັບເດທໂດຍດ່ວນທີ່ສຸດ

ທີ່ມາ – WordPress.org

WordPress ເປັນ CMS ສຳຫຼັບຈັດການກັບ Blog ໂດຍສະເພາະ ແລະເປັນ Blogware ທີ່ໄດ້ຮັບຄວາມນິຍົມສູງ ເພາະງ່າຍຕໍ່ການໃຊ້ງານ ມີປລັ໊ກອິນແລະຫນ້າຕາໃຫ້ເລືອກໃຊ້ຫລາກຫລາຍ ໃນ au8ust.org ກໍ່ໃຊ້ WordPress ເຊັ່ນກັນ ແລະກໍ່ຫວັງວ່າ ມື້ຫນຶ່ງຈະມີໂອກາດຂຽນບົດຄວາມກ່ຽມກັບ WordPress 🙂

WordPress v2.1.2 – An Emergency Update

ທາງ WordPress ໄດ້ອອກອັບເດທສຸກເສີນສຳຫລັບ ຜູ້ທີ່ ຕິດຕັ້ງ/ໃຊ້ງານ WordPress v2.1.1 ໃຫ້ຮີບທຳການອັບເດທໄປໃຊ້ v2.1.2 ດ່ວນ ເນື່ອງຈາກມີການຄົ້ນພົບ ຂໍ້ບົກພ່ອງທາງລະບົບຮັກສາຄວາມປອດໄພ ທີ່ມີໃນ v2.1.1 ເຊິ່ງເຮັດໃຫ້ ຜູ້ບໍ່ຫວັງດີນັ້ນ ສາມາດເຂົ້າໃຊ້ລະບົບໃນ user-level ໄດ້

ສຳຫລັບທ່ານໃດທີໃຊ້ WordPress v2.1.1 ໃຫ້ທຳການອັບເດທດ່ວນ ສ່ວນທ່ານໃດທີ່ຍັງໃຊ້ v2.1 ແມ່ນປອດໄພ ບໍ່ຈຳເປັນຕ້ອງອັບກໍ່ໄດ້

ທີ່ມາ – WordPress.org

ປະກົດວ່າ… au8ust.org is powered by WP v2.1 LOL