ເວັບໄຊ Social Networking ລາຍໃຫຍ່ອັນດັບສອງຂອງໂລກ Facebook.com ເປີດທົດລອງໃຫ້ບໍລິການ Facebook Lite ຢ່າງບໍ່ເປັນທາງການ. Facebook Lite ນັ້ນເປັນເວີຊັນພິເສດຂອງ Facebook ເຊິ່ງອອກແບບມາເພື່ອໃຫ້ສາມາດໃຊ້ງານເວັບໄຊຂອງຕົນໄດ້ໃນແບບງ່າຍຂຶ້ນ ແລະໄວຂຶ້ນ ໂດຍຕັດທອນຄວາມສາມາດບາງຢ່າງອອກໄປ ຈົ່ງໄວ້ພຽງຢ່າງຫຼັກ ໆ ເຊັ່ນ ການສະແດງຄຳເຫັນ, ຮັບໝູ່, ຂຽນູຄຳເຫັນໃນ wall ຂອງຄົນອື່ນ, ເບິ່ງຮູບ ຮວມເຖິງການອັບເດດ status ອີກນຳ.
ແຫຼ່ງຂ່າວລະບຸ ຂະນະນີ້ກຳລັງມີການທົດສອບ Facebook Lite ໃນອິນເດຍຢູ່ ແລະໃນອະນາຄົດອັນໃກ້ຈະເປັນຣັດເຊຍ ແລະ ຈີນ.
ພາບປະກອບ ສາມາດເບິ່ງໄດ້ຈາກທີ່ມາ.
ທີ່ມາ – TechCrunch 1, 2

ຫຼັງຈາກທີ່ມີການປ່ຽນແປງຕ່າງ ໆ ໄປກ່ອນໜ້ານີ້ເຊັ່ນ ວິດີໂອຄວາມລະອຽດສູງຂຶ້ນ (ລະດັບ HD) ແລະປ່ຽນເປັນ Widescreen ນັ້ນ ຫຼ້າສຸດແມ່ນການທີ່ລິ້ງສຳລັບດາວໂຫຼດວິດີໂອປະກົດຂຶ້ນມາໃຫ້ເຫັນ (ຂ່າວເກົ່າ) ຕອນນີ້ທາງ YouTube ກໍ່ມີປະກາດອອກມາຢ່າງເປັນທາງການແລ້ວ ວ່າຈະຮອງຮັບການຮັບຊົມແບບ Offline ຄືບໍ່ຕ້ອງຕໍ່ເນັດກໍ່ເບິ່ງກັນໄດ້
ໃນ blog ຂອງ YouTube ຂຽນລະບຸໄວ້ວ່າ ກຳລັງທົດສອບລະບົບໃໝ່ເຊິ່ງຈະອະນຸຍາດໃຫ້ຜູ້ອັບໂຫຼດເລືອກໄດ້ວ່າ ຈະຍອມຮັບສະແດງລິ້ງສຳລັບດາວໂຫຼດວິດີໂອນັ້ນ ໆ ຫຼືບໍ່ ແລະຍິ່ງໄປກວ່ານັ້ນຄື ສາມາດເລືອກໃຫ້ໂຫຼດໄດ້ຟຣີ ຫຼືເສຍເງິນໄດ້ນຳ (ຈ່າຍເງິນຜ່ານທາງ Google Checkout). ສຳລັບວິດີໂອທີ່ໃຫ້ໂຫຼດຟຣີໄດ້ຕອນນີ້ສ່ວນຫຼາຍຈະເປັນ lecture ຈາກມະຫາວິທະຍາໄລຕ່າງ ໆ ເຊັ່ນ Stanford, Duke, UC Berkeley ແລະ UCLA ເປັນຕົ້ນ
ທີ່ມາ – YouTube blog

ຜູ້ໃຫ້ບໍລິການ microblogging (ແບບ twitter) Pownce ກຳລັງຂາຍກິດຈະການໃຫ້ກັບ Six Apart ແລະປະກາດວ່າ ຈະໃຫ້ເວລາຈົນຮອດປາຍປີນີ້ສຳລັບຜູ້ໃຊ້ ເພື່ອເກັບຂໍ້ມູນຂອງຕົນໃນ Pownce.
ການເຂົ້າຊື້ກິດຈະການຂອງ Pownce ໃນຄັ້ງນີ້ ຍັງຮວມໄປເຖິງການຊື້ຕົວ Leah Culver ແລະຜູ້ຮ່ວມກໍ່ຕັ້ງ Mike Malone ເພື່ອໃຫ້ໄປເຮັດວຽກກັບທາງ Six Apart ອີກນຳ ໂດຍທາງ Leah Culver ໄດ້ເປີດເຜີຍຂໍ້ມູນວ່າ ຈະກັບມາອີກຄັ້ງກັບບາງຢ່າງທີ່ໃໝ່ ໆ ແລະດີກວ່າຫຼາຍໃນຊ່ວງປີໜ້ານີ້.
Six Apart ເປັນບໍລິສັດທີ່ເຄີຍພັດທະນາ MovableType ແລະເປັນຜູ້ໃຫ້ບໍລິການ Typepad.com
ທີ່ມາ – The Pownce Blog [via BN]

ພໍດີໃນ Twitter​ ມີຄົນແນະນຳມາ

Digsby ເປັນໂປຣແກຣມ IM​ ທີ່ລວມເອົາ IM + Email + Social Networking ສາມຢ່າງໄວ້ນຳກັນ ຄືມັນສາມາດເຊື່ອມຕໍ່ກັບ protocols ແບບ MSN, Yahoo!, Jabber, ICQ​ ແລະອື່ນ ໆ ເພື່ອລົມກັນໄດ້ຄ້າຍ ໆ Pidgin ແຕ່ວ່າມັນມີຈຸດເດັ່ນທີ່ຫນ້າຕາ ແລະການລວມເອົາໂຕກວດອີເມລ ກັບການເຊື່ອມຕໍ່ Social Network​ ມາໄວ້ນຳ (ຕອນນີ້ຮອງຮັບ Facebook, MySpace ແລະ Twitter)

ດາວໂຫລດ

Cerulean Studios ບໍລິສັດຜູ້ສ້າງ Trillian ກຳລັງຢູ່ໃນລະຫວ່າງການພັດທະນາ WebApp ທີ່ມີຮູບແບບຄ້າຍກັບ Meebo ຢູ່ ໂດຍ WebApp ດັ່ງກ່າວນັ້ນເຮັດໃຫ້ ຜູ້ໃຊ້ສາມາດສົນທະນາຜ່ານ Protocols ຕ່າງ ໆ ເຊັ່ນ Google Talk, WLM, Yahoo!, ICQ, etc… ໄດ້ທັນທີຜ່ານເວັບໄຊທ໌ ໂດຍບໍ່ຈຳເປັນຕິດຕັ້ງໂປຣແກຣມໃດ ໆ ລົງໃນເຄື່ອງເລີຍ
ທີ່ມາ – CyberNet [via Solo Technology]

Source – Google System

ແນະນຳຂອງຫລິ້ນໃຫມ່ Web 2.0 Company Name Generator ໃຊ້ສ້າງຊື່ເວັບໃຫ້ເຫມາະສົມກັບຍຸກ Web 2.0 (ແນ່ນອນ ນັ້ນຫມາຍເຖິງເວັບໄຊທ໌ທີ່ມີຊື່ທີ່ບໍ່ສາມາດຈະອ່ານແລ້ວເຂົ້າໃຈໄດ້ງ່າຍໆ )
ຕົວເວັບເຂົາຈະຂຽນຂຶ້ນມາດ້ວຍ JavaScript ທົດລອງໃຊ້ເບິ່ງກໍ່ໂອ… ແມ່ນອີ່ຫລີ ຊ່າງເປັນຊື່ຍຸກ Web 2.0 ແທ້ໆ… ເປັນຕົ້ນວ່າ
Oyota, Oyombu, 42fire, Quimbu, Mijo, Oyod, Yakiyo, 23type, Zoombee, Dabbird, Flipverse, Jamm, Plape
ທົດລອງໃຊ້ງານໄດ້ທີ່ Web 2.0 Company Name Generator
ທີ່ມາ : del.icio.us

ມື້ນີ້ມີໂອກາດໄປອ່ານບົດຄວາມຂອງຄົນດັງມາ ພໍດີວ່າມັນເປັນເລື່ອງກ່ຽວກັບ ຄວາມສຳຄັນຂອງການໃຫ້ Credit ກັບແຫລ່ງຂ່າວ ເລີຍຖືໂອກາດມາເລົ່າສູ່ກັນຟັງ. ເລື່ອງນີ້ຮູ້ສຶກວ່າບ້ານເຮົາຈະຍັງບໍ່ຄ່ອຍຈະເອົາຈິງເອົາຈັງປານໃດ ເຖິງຈະຍັງບໍ່ມີເກີດຂຶ້ນຫລາຍ ແຕ່ກໍຍັງບໍ່ມີການປະຊາສຳພັນເພື່ອໃຫ້ເກີດຄວາມຮູ້ຄວາມເຂົ້າໃຈເທື່ອ.
Darren Rowse ນັກຂຽນບລັອກຄົນດັງແຫ່ງ ProBlogger.net ເພິ່ນຂຽນລົງໃນບລັອກເພິ່ນກ່ຽວກັບເລື່ອງນີ້ ຮູ້ສຶກວ່າຈະໃຫ້ແງ່ຄິດທີ່ຫນ້າສົນໃຈຢູ່ຫລາຍເຕີບ.

ວ່າແລ້ວມື້ຫນຶ່ງມັນຕ້ອງມີເວັບແບບນີ້! iJigg ເປັນເວັບໄຊທ໌ທີ່ໃຫ້ເຮົາ ສາມາດນຳສະເຫນີ ຜົນງານເພງຂອງເຮົາເອງ ແລະ share ໃຫ້ກັບຄົນທົ່ວໂລກຟັງໄດ້ຢ່າງງ່າຍດາຍ ມີຫລາຍຕົວເລືອກໃຫ້ໃຊ້ງານ ທັງແບບຫນ້າເວັບ iJigg ເອງ ຫລືອາດຈະເປັນທາງອີເມລ, ບລັອກ ຫລືເວັບໄຊທ໌ກໍ່ໄດ້ (ລວມເຖິງ factbook ແຕ່ບ້ານເຮົາບໍ່ຄ່ອຍມີໃຜຮູ້ຈັກ ຫລືອາດຈະບໍ່ມີເລີຍ) ຮູບແບບຈະອອກໄປແນວ Social Bookmarking ແຕ່ວ່າເປັນກ່ຽວກັບເພງລ້ວນໆ
ນອກຈາກຈະສົ່ງຜົນງານເພງຂອງເຮົາເອງແລ້ວ ຍັງສາມາດຟັງເພງຂອງສິລປິນຄົນອື່ນທົ່ວໂລກໄດ້ອີກ ຫາກວ່າຟັງແລ້ວມັກເພງໃດ ກໍ່ Jigg It! ເຂົ້າໄປ ເພື່ອເປັນການໂຫວດເພງນັ້ນ (ປະມານແບບຂອງເວັບ Digg) ວ່າແລ້ວກໍ່ມີ Demo ສາທິດການໃຊ້ງານໃຫ້ເບິ່ງພ້ອມ (ຊ່ວງນີ້ຂາດບໍ່ໄດ້ເລີຍ ໄອ່ສາທົງ ສາທິດນິ ໂພສກ່ອນໆ ກໍ່ມີ 555+)
ກໍ່ຖືວ່າເປັນເວັບໄຊທ໌ໃນຍຸກ Web 2.0 ທີ່ຫນ້າສົນໃຈເວັບຫນຶ່ງເລີຍ ເຫມາະທັງສຳຫລັບສິລປິນ ແລະຄົນຟັງທົ່ວໄປ ດີກວ່າ ແຕ່ງເອງ ຮ້ອງເອງ ຟັງເອງ ຂາຍເອງ… ຊື້ເອງພ້ອມ!!? ເອິ້ຍ… ບໍ່ແມ່ນໆ [...]

ຂໍແນະນຳໃຫ້ຮູ້ຈັກກັບ Weebly ບໍລິການສ້າງ ເວັບໄຊທ໌ອອນໄລນ໌ສຳຫລັບຍຸກນີ້ ວິທີໃຊ້ກໍ່ງ່າຍໆ ບໍ່ຕ້ອງມີຄວາມຮູ້ເລື່ອງ HTML ກໍ່ໄດ້ ມີແຕ່ຈັບວາງຈັບວາງ ແລ້ວກໍ່ອອກມາເປັນເວັບ ໄດ້ຕາມວາດຕາມວາ ເຮັດແລ້ວແລ້ວກໍ່ສາມາດໃຊ້ງານໄດ້ເລີຍ ເຂົາມີ Host Service ໃຫ້ພ້ອມ ໃຫ້ໃຊ້ພ້ອມ ຫລືຖ້າບໍ່ຢາກໃຊ້ Web Host ທີ່ເຂົາຈັດໄວ້ໃຫ້ ກໍ່ມີແຕ່ໂຫລດໄຟລ໌ Zip ມາແລ້ວອັບໂຫລດຂຶ້ນໄປໄວ້ Host ທີ່ຕ້ອງການ
ມີວິດີໂອສາທິດການໃຊ້ງານໃຫ້ເບິ່ງໃນ YouTube ລອງເຂົ້າໄປເບິ່ງ
ເທົ່າທີ່ເບິ່ງຈາກວິດີໂອ ກໍ່ຮູ້ສຶກວ່າງ່າຍດີ ຢາກລອງໄປໃຊ້ຢູ່ ແຕ່ເນັດ 56K ມັນບໍ່ໄດ້ດັ່ງໃຈປານໃດ ເລີຍປະໄວ້ກ່ອນ ໃຜມີເນັດດີໆ ຢາກລອງໃຊ້ ກໍ່ເຂົ້າໄປທີ່ Weebly.com
Features:

Drag and Drop Interface (ລາກແລ້ວວາງ)
Variety of Themes (ມີຮູບແບບຫນ້າຕາໃຫ້ເລືອກຫລາຍແບບ)
Personalized Subdomains (ມີ Subdomain ໃຫ້ໃຊ້)
Export to Zip File [...]