ບັນຫາການສະແດງຜົນຂອງ IE ໃນ au8ust.org

ຕອນທຳອິດກໍ່ສັງເກດເຫັນຢູ່ວ່າມັນແປກໆ ເປີດໃນ IE6 ແຕ່ວ່າຕອນນັ້ນຄິດວ່າເປັນຍ້ອນມັນໂຫລດຍັງບໍ່ແລ້ວເທື່ອ ຫລັງຈາກນັ້ນກໍ່ບໍ່ໄດ້ລອງອີກ ເພາະວ່າປົກກະຕິແລ້ວຈະໃຂ້ Firefox ເກືອບຈະຕະຫລອດເວລາເລີຍ

ແຕ່ວ່າ ມື້ວານໄປຮ້ານອິນເຕີເນັດ ລອງໃຊ້ IE6 ເປີດເບີ່ງ ກໍ່ເລີຍພົບວ່າ ເມນູທາງຊ້າຍມັນຍ້າຍໄປຢູ່ລຸ່ມໆ ພູ້ນ… ເວນກຳ… ເສັດ! ບາດນີ້ ເປີດໃນ Firefox ບໍ່ມີປັນຫາຫຍັງເລີຍ ແຕ່ເປີດໃນ IE6 ພັດເປັນແນວໃຫມ່ໄປ ສົງໄສດຽວຕ້ອງຫາທາງປ້ອງກັນກ່ອນ

ທ່ານອື່ນມີປັນຫາບໍ່ນໍ້?

EZ-Lao | ພາສາລາວໃນ Symbian!

ກ່ອນຫນ້ານີ້ປະມານເດືອນ ຫລືອາດຈະສອງເດືອນ ຕອນນັ້ນໄດ້ຂ່າວກ່ຽວກັບພາສາລາວໃນມືຖື ທຳອິດອ່ານແລ້ວ ກໍ່ຍັງຮູ້ສຶກງົງໆ ຢູ່ ວ່າມັນຊິອອກມາໃນຮູບແບບໃດ ໄດ້ຍິນວ່າ ETL ເປັນຜູ້ລິເລີ່ມກ່ຽວກັບເລື່ອງນີ້ ກໍ່ຖ້າໆ ຢູ່ດົນເຕີບ ວ່າຕອນໃດມັນຈະອອກມາໃຫ້ລອງໃຊ້. ຫລັງຈາກນັ້ນກໍ່ເຫັນຟ້ອນທ໌ລາວໃຫ້ໂຫລດໃນ wap.etllao.com (ຕ້ອງເຂົ້າຜ່ານມືຖື) ກໍ່ຮີບໂຫລດທັນທີ ແຕ່ວ່າ… 404 file not found \(OoO)/

ສອງສາມມື້ກ່ອນຫນ້ານີ້ ປະເດັນກ່ຽວກັບພາສາລາວໃນມືຖືກໍ່ເລີ່ມເປັນຫົວຂໍ້ສົນທະນາໃນຫລາຍໆ ເວັບ ແຕ່ກໍ່ບໍ່ມີໃຜເອົາລິ້ງຄ໌ມາໃຫ້ໂຫລດ ຈົນໃນທີ່ສຸດນັ້ນເອງ ພະເອກຂອງເລື່ອງກໍ່ປະກົດຕົວອອກມາ!!! “os55” ຫລື “ຕາໂອ້ດ” ເອົາລິ້ງຄ໌ມາໃຫ້ໂຫລດສົມໃຈຢາກ ແລະກໍ່ຮີບໄປລອງທັນທີ ກໍ່ເລີຍຈະມາຂຽນຣີວິວໃຫ້ອ່ານຈັກເລັກນ້ອຍ 🙂

ຂະຫນາດຂອງໂປຣແກຣມ EZ-Lao ມີພຽງ 150KB ເທົ່ານັ້ນ ແລະມືຖືທີ່ລອງຕິດຕັ້ງໃຊ້ງານ EZ-Lao ແມ່ນ Nokia 6680 ເຊີ່ງເປັນ Symbian S60 2nd Edition


ເມື່ອຕິດຕັ້ງໂປຣແກຣມແລ້ວກໍ່ຈະເຫັນໄອຄ່ອນຂອງໂປຣແກຣມຂຶ້ນມາ ເປັນໂລໂກ້ຂອງ ETL. ເປີດໂປຣແກຣມຂຶ້ນມາ ກໍ່ເປີດໃຊ້ງານແລ້ວໂປຣແກຣມກໍ່ຈະໃຫ້ Restart ກໍ່ກົດຕົກລົງໄປຕາມນັ້ນ
ຫລັງຈາກ Restart ແລ້ວໆ ກໍ່ ບໍ່ລໍຊ້າ ລອງເຂົ້າ Note ແລ້ວພິມລາວເບີ່ງປະກົດວ່າ…

ກໍ່ສາມາດພິມພາສາລາວໄດ້ຢ່າງດີ ແຕ່ວ່າວັນນະຍຸດຫາຍໆ ໄປຫລາຍເຕີບ


ກົດປຸ່ມ * ກໍ່ຂຶ້ນແບບນີ້


ກົດ # ແລ້ວກໍ່ຂຶ້ນອັນນີ້


ກົດ Pen ແລ້ວກໍ່ຂຶ້ນເມນູຂຶ້ນມາໃຫ້ເລືອກ ມີ Input ພາສາລາວ ພາສາໄທ ມີຕົວເລກ ແລ້ວກໍ່ Symbol


ລອງພິມພາສາໄທເບີ່ງ ກໍ່ສາມາດສະແດງຜົນໄດ້ພ້ອມກັນທັງສອງພາສາ : )


ຊື່ໄຟລ໌ກໍ່ໄດ້ທັງສອງພາສາພ້ອມກັນເລີຍ

ຫລັງຈາກທີ່ລອງໃຊ້ງານແລ້ວກໍ່ຮູ້ສຶກວ່າ ປະທັບໃຈໃນລະດັບຫນຶ່ງ ຖືວ່າດີຫລາຍທີ່ເຮັດໄດ້ຂະຫນາດນີ້ ແຕ່ຈຸດທີ່ຫນ້າສັງເກດກໍ່ຄືເມື່ອເປີດໃຊ້ງານແລ້ວ ຈະບໍ່ສາມາດໃຊ້ Dictionary ໄດ້ອີກ ເວລາພິມຂໍ້ຄວາມໃນມືຖືກໍ່ລຳບາກຫນ້ອຍຫນຶ່ງແບບນີ້

ອີກຈຸດຫນຶ່ງກໍ່ຄື EZ-Lao ຈະບໍ່ສາມາດໃຊ້ງານໄດ້ຫາກວ່າບໍ່ໄດ້ໃຊ້ SIM Card ຂອງ ETL (ຕອນທົດສອບ ຂ້າພະເຂົ້າໃຊ້ຊິມອີທີແອລເພື່ອເປີດໃຊ້ງານໂປຣແກຣມ ຈາກນັ້ນກໍ່ປ່ຽນເປັນຊິມລາວໂທລະຄົມຄືນ) ເທົ່ານັ້ນ ນັ້ນກໍ່ຫມາຍຄວາມວ່າ ຫາກບໍ່ໃຊ້ຊິມຂອງອີທີແອລແລ້ວ ກໍ່ເຈັ້ງ ໃຊ້ບໍ່ໄດ້ Y_Y

ຕ້ອງຖ້າເບີ່ງວ່າແທງໂກ້ກັບລາວໂທລະຄົມເພິ່ນຊິວ່າແນວໃດ?

Update!
ໄປລອງຕິດຕັ້ງໃນ N-Gage QD ແລ້ວ ຜົນກໍ່ຄື ໃຊ້ບໍ່ໄດ້ LOL ມັນກາຍເປັນວ່າ ເມື່ອຕິດຕັ້ງແລ້ວໆ ກໍ່ເປີດປິດເຄື່ອງ ແລ້ວປະກົດວ່າ ເຂົ້າເມນູບໍ່ໄດ້!!! ແລ້ວກັນບາດນີ້ ເລີຍເຊົາ ແລ້ວບາດນັ້ນມາລອງເບີ່ງ ກໍ່ເຂົ້າເມນູໄດ້ ກໍ່ເລີຍໄປເຂົ້າໂປຣແກຣມ ຕົວໂປຣແກຣມ EZ-Lao ຈະຖາມຫາ SIM ຂອງ ETL ອີກ ກໍ່ບໍ່ຮູ້ມັນຜິດພາດບ່ອນໃດ ເພາະໃຊ້ SIM ETL ຢູ່ ແຕ່ກໍ່ຍັງຖາມຫາຢູ່ອີກ ສະຫລຸບແລ້ວ N-Gage QD ໃຊ້ EZ-Lao ບໍ່ໄດ້ ແຕ່ຍັງບໍ່ໄດ້ລອງລົງສະເພາະຟ້ອນທ໌ເບີ່ງວ່າໄດ້ບໍ່ ຖ້າໄດ້ ຢ່າງນ້ອຍໆ ກໍ່ເຮັດໃຫ້ອ່ານພາສາລາວໄດ້ ເຖິງຈະພິມບໍ່ໄດ້ກໍ່ຕາມ ກໍ່ດີກວ່າບໍ່ມີໃຊ້ເລີຍລະວ້າ = =)”

ແລ້ວກໍ່ລອງກັບເຄື່ອງ 7610 ຕອນທຳອິດ ຫລັງຈາກລົງໂປຣແກຣມແລ້ວ ລອງເປີດໂປຣແກຣມເບີ່ງ ມັນຂຶ້ນ Error ຂຶ້ນມາ ຕົກໃຈຫມົດ ຄິດວ່າຊິໃຊ້ບໍ່ໄດ້ແລ້ວ ມັນຂຶ້ນມາກໍ່ກົດອອກ ເຂົ້າໃຫມ່ ກໍ່ເຂົ້າໄດ້ ລອງໃຊ້ເບີ່ງໄດ້ດີດັກ

ຕອນນີ້ເລີຍໄດ້ຮູ້ວ່າ Gage QD ໃຊ້ EZ-Lao ບໍ່ໄດ້ ສ່ວນ 7610 ໃຊ້ໄດ້ ແຕ່ມີປັນຫາໃນບາງຄັ້ງ ແລ້ວກໍ່ 6680 ນັ້ນ ຜ່ານ ໃຊ້ໄດ້ ສບມ ^_^

Update ໒!
ມີລາຍງານວ່າ 3230 ລົງໄດ້ ໃຊ້ໄດ້ ແຕ່ເວລາພິມຈະບໍ່ເຫັນໂຕລາວ ເວລາສົ່ງໄປຈະເຫັນ

ດາວໂຫລດໂປຣແກຣມ EZ-Lao | Mirror

ຂໍຊີ້ແຈງຈັກຫນ່ອຍ…

ຫາກໃຜໄດ້ຫລົງເຂົ້າມາອ່ານ au8ust.org ຊ່ວງນີ້ ກໍ່ຄົງຈະເຫັນແຕ່ຂ່າວຄ້າຍໆ ທຳນອງວ່າເປັນ Spam ແດ່ຈັກຫນ່ອຍ ເພາະວ່າຂ້າພະເຈົ້າເອງກໍ່ຫາເລີ່ມ ຮຽນຂຽນ/ລາຍງານ ຂ່າວ ດັງນັ້ນແລ້ວ ຄວາມຜິດພາດ, ຄວາມຂາດຕົກບົກພ່ອງ ກໍ່ຄົງຈະເປັນເລື່ອງທີ່ຂາດບໍ່ໄດ້ເສຍ ກໍ່ ຂໍໃຫ້ທົນໆ ອ່ານແລະສະແດງຄວາມຄິດເຫັນເຂົ້າມາໄດ້ຕະຫລອດເວລາ ເພື່ອທີ່ຈະນຳໄປປັບປຸງແກ້ໄຂ ໃຫ້ພວກເຮົາໄດ້ອ່ານຂ່າວທີ່ໆ ຕໍ່ໄປ : )

ທ່ານຮູ້ຫລືບໍ່ວ່າ…

ວ່າທ່ານສາມາດເຂົ້າອ່ານຂ່າວ au8ust.org ຜ່ານລະບົບ WAP ໃນມືຖືໄດ້! ພຽງແຕ່ມີມືຖືທີ່ສາມາດໃຊ້ງານ GPRS ໄດ້ ກໍ່ເຂົ້າຜ່ານທາງ wap.au8ust.org ກໍ່ສາມາດຮັບຂໍ້ມູນຂ່າວສານຜ່ານມືຖືໄດ້ແລ້ວ! ໂອ…! ມັນຈັງແມ່ນທັນສະໄຫມ (555)

ຄິດໃຫມ່ ທຳໃຫມ່!

ຂໍຢືມ Slogan ນີ້ມາໃຊ້ຈັກບາດຫນຶ່ງ ເພາະຄືຊິເຫມາະທີ່ສຸດສຳຫລັບເວລານີ້

ກໍ່ເນື່ອງມາຈາກວ່າ ເກີດຄວາມຄິດທີ່ວ່າ ຈະສານຕໍ່ຄວາມຄິດເລື່ອງການ Spread Knowledges ຕໍ່ຈາກເວັບໄຊທ໌ເກົ່າທີ່ເຮັດຄ້າງໄວ້ ກໍ່ເລີຍເປີດເວັບໄຊທ໌ນີ້ຂຶ້ນມາ. ບາດນີ້ ຄົນມາໃຫມ່ອ່ານແລ້ວຊິງົງ, ມັນສານຫຍັງຂອງມັນ 😛

ແຕ່ຢ່າກ່ອນ ຢ່າກ່ອນ ຂໍຍົກໄວ້ກ່ອນ ໄວ້ມື້ຫນ້າຄ່ອຍເລົ່າຄວາມຫລັງ. ເອົາເປັນວ່າ au8ust.org ຈະເປັນເວັບໄຊທ໌ທີ່ຈະເຮັດໃຫ້ດີທີ່ສຸດ ໃນການກະຈາຍຄວາມຮູ້ກ່ຽວກັບຄອມພິວເຕີ !