Google PageRank ອັບເດດທຸກ ໆ​ 6 ເດືອນ ເຊິ່ງຕອນນີ້ກໍ່ກຳລັງປັບ ໆ​ BL ກັບ PR ຂຶ້ນເທື່ອລະນ້ອຍແລ້ວ ໂດຍສັງເກດວ່າ BL ຕອນນີ້ຈະຂຶ້ນໄປຢູ່ສູງພໍສົມຄວນ (ກ່ອນຫນ້ານີ້ຢູ່ທີ່ 31) ແລ້ວກໍ່ ລອງກວດ PR ເບິ່ງ ປະກົດວ່າ ເຊີເວີຕ່າງ ໆ​ ຂອງ Google ເລີ້ມຈະປ່ຽນແປງຄ່າ PR ຂອງ au8ust’s tech channel ກັນແດ່ແລ້ວ

ມີຄົນຕິດຕໍ່ມາກ່ຽວກັບເລື່ອງຕົວອັກສອນທີ່ປະກົດໃນບລັອກແຫ່ງນີ້ ຂ້າພະເຈົ້າເອງ ກໍ່ຮູ້ສຶກແປກໃຈ ແລະສົງໄສວ່າ ຈະເຮັດແນວໃດເພື່ອແກ້ໄຂດີຫນໍ? ມາເບິ່ງສະຖານະການກັນກ່ອນດີກວ່າ ຖ້າທ່ານໃຊ້ Mozilla Firefox ໃນການເຂົ້າຊົມບລັອກແຫ່ງນີ້ ຈະປະກົດວ່າ… ຈະເຫັນວ່າ ຂະໜາດຂອງຕົວອັກສອນນັ້ນ ສາມາດອ່ານໄດ້ງ່າຍ ແລະມີຄວາມສວຍງາມດີ (ໃຊ້ຟອນຕ໌ Saysettha OT) ບາດນີ້ ມາເບິ່ງໃນ Internet Explorer 7 ປະກົດວ່າ… ຕົວອັກສອນໃນໜ້າເວບຈະນ້ອຍລົງໄປຢ່າງເຫັນໄດ້ຊັດ ເຊິ່ງໃນກໍລະນີນີ້ ຂ້າພະເຈົ້າກໍ່ບໍ່ຈັກຊິບອກວ່າແນວໃດດີ ຟອນຕ໌ທີ່ໃຊ້ຄື Saysettha OT ເຊັ່ນກັນ ຕໍ່ມາ ມາລອງໃຊ້ Opera ເປີດເບີ່ງ… ໃນ Opera ນັ້ນ ຂະໜາດຕົວອັກສອນ ຈະມີຂະໜາດເທົ່າ ໆ ກັບເປີດໃນ Firefox ເລີຍ ກໍ່ເປັນທີ່ໜ້າແປກໃຈ… ສຳຫລັບເລື່ອງຂະໜາດຕົວອັກສອນນີ້ ຂ້າພະເຈົ້າກໍ່ບໍ່ຮູ້ຊິເຮັດແນວໃດດີ ອາດຈະສ້າງ css ie-hack ເລັກນ້ອຍເບິ່ງ ເຜື່ອວ່າຈະໄດ້ຜົນ ຫລືອາດຈະ ແນະນຳໃຫ້ທ່ານໃຊ້ Mozilla [...]

ຂໍປະຊາສຳພັນໜ້ອຍໜຶ່ງກ່ຽວກັບໝວດໃໝ່ ຕັ້ງຊື່ວ່າໝວດວ່າ “Articles beta” ຫຼືໝວດບົດຄວາມນັ້ນເອງ ໂດຍເປົ້າໝາຍຫຼັກກໍ່ຈະເປັນ ການຂຽນບົດຄວາມກ່ຽວກັບຄອມພິວເຕີທີ່ໜ້າສົນໃຈ ແລະເປັນປະໂຫຍດ ໃຫ້ບັນດາທ່ານໄດ້ຕິດຕາມອ່ານ ແລະນຳໄປໃຊ້ໃນຊີວິດປະຈຳວັນກັນ ແຕ່ວ່າ ໃນເບື້ອງຕົ້ນນີ້ ກໍ່ຈະມີພຽງບົດຄວາມເລັກ ໆ ນ້ອຍ ໆ ແລະເປັນບົດຄວາມເກົ່າທີ່ເຄີຍລົງມາກ່ອນແລ້ວ ເອົາມາຈັດລວມກັນຊື່ ໆ ຕໍ່ໄປກໍ່ຄົງຈະໄດ້ເຫັນບົດຄວາມດີ ໆ ຫລາຍຂຶ້ນແນ່ນອນ ທ່ານສາມາດເຂົ້າໃຊ້ງານໄດ້ຜ່ານທາງເມນູດ້ານເທິງ ເຊິ່ງມີຫົວຂໍ້ວ່າ “Articles beta” ກໍ່ຫວັງວ່າໝວດໃຫມ່ນີ້ຈະໄດ້ຮັບການຕ້ອນຮັບທີ່ດີ ແລະຢ່າລືມວ່າ ທ່ານສາມາດຮ່ວມສ້າງເນື້ອຫາໃນ au8ust’s tech channel ແຫ່ງນີ້ໄດ້ ໂດຍອາດຈະເປັນການຮ່ວມຂຽນຂ່າວ ຫລືຂໍບົດຄວາມທີ່ທ່ານສົນໃຈຈະສຶກສາເຂົ້າມາ ກໍ່ໄດ້ເຊັ່ນກັນ

ກ່ອນຫນ້ານີ້ບາງທ່ານອາດພົບວ່າ ບໍ່ສາມາດສະແດງຄວາມຄິດເຫັນໄດ້ ອັນເປັນເຫດເນື່ອງມາຈາກ ການທົດລອງໃຊ້ ປລັ໊ກອິນ ຕົວໃຫມ່ສຳຫລັບກອງ spam comments ເຊິ່ງທຳງານຜິດພາດ ເຮັດໃຫ້ຜູ້ໃຊ້ງານທີ່ບໍ່ເປັນສະມາຊິກນັ້ນ ບໍ່ສາມາດໂພສຕ໌ຄວາມຄິດເຫັນເຂົ້າມາໄດ້ ຢ່າງໃດກໍ່ຕາມ ຂະນະນີ້ ບັນຫາໄດ້ຮັບການຄົ້ນພົບ ແລະຖືກແກ້ໄຂເປັນທີ່ຮຽບຮ້ອຍແລ້ວ ຈິ່ງຂໍຮຽນມາໃຫ້ຊາບໂດຍທົ່ວເຖິງກັນ ຂໍຂອບໃຈ au8ust

ຫລັງຈາກທີ່ມື້ວານໄດ້ໂພສຕ໌ໄວ້ໃນ *real me ກໍ່ມາຄິດວາ… ເອ໊ະ! ຄົນເຂົ້າ *real me ມີຫນ້ອຍກວ່າຄົນເຂົ້າບລັອກຫລັກຂອງເຮົາ ແບບນີ້ບໍ່ໄດ້ ດຽວຄົນຊິບໍຮູ້ຄືເກົ່າ ບວກກັບເຫັນວ່າ ບລັອກຂອງທ່ານລາວວຽງນັ້ນ ເປັນບລັອກທີ່ມີປະໂຫຍດ ມີສາລະ ສົມຄວນທີ່ຈະມີການບອກຕໍ່ກັນໃຫ້ເປັນທີ່ຮູ້ຈັກ ກໍ່ເລີຍຕັ້ງໃຈສ້າງໂພສຕ໌ນີ້ຂຶ້ນມາ ບລັອກ “ວຽງລາວ” ເປັນບລັອກທີ່ນຳສະເຫນີຄວາຮູ້ ຂໍ້ມູນຂ່າວສານຕ່າງ ໆ ແກ່ຄົນລາວ ໂດຍໃຊ້ພາສາລາວເປັນພາສາຫລັກ ໂດຍເນື້ອຫາໃນບລັອກ ກໍ່ຈະມີຕັ້ງແຕ່ເລື່ອງຄອມພິວເຕີທົ່ວໄປ, ການຊອກຫາຂໍ້ມູນ, ການຂຽນໂປຣແກຣມ, ການໃຊ້ງານໂປຣແກຣມຕ່າງ ໆ ລວມໄປເຖິງເທັກນິກການໃຊ້ງານຕ່າງ ໆ ອີກນຳ ນັບວ່າຫນ້າສົນໃຈຢ່າງຍິ່ງ ຂ້າພະເຈົ້າເອງ ກໍ່ຂໍຊົມເຊີຍຄວາມເສັຍສະຫລະ ຂອງທ່ານວຽງລາວ ທີ່ໄດ້ຮ່ວມກັນສ້າງສັນເນື້ອຫາພາສາລາວ ໃນໂລກອິນເຕີເນັດ ໃຫ້ແຜ່ຫລາຍຂຶ້ນ ແລະເປັນປະໂຫຍດແກ່ຄົນລາວຕໍ່ ໆ ໄປ ຢ່າລືມ… ແວະໄປທີ່ “ວຽງລາວ” ບລັອກຄົນລາວ ເພື່ອຄົນລາວ ^_^

ມື້ຄືນອ່ານຂ່າວໃນ RFA Lao ເປັນເລື່ອງກ່ຽວກັບໄຟຟ້າ… ນັ້ນແຫລ່ະ ນັ້ນແຫລ່ະ ແບບດຽວທີ່ທ່ານຜູ້ອ່ານກຳລັງຄິດ ນັ້ນລ່ະ ເລື່ອງມັນກໍ່ມີຢູ່ວ່າ ຕາມທີ່ RFA Lao ລາຍງານ ອ້າງວ່າ ລັດວິສະຫາກິດໄຟຟ້າລາວ ໃຫ້ຂໍ້ມູນວ່າ ກວ່າ 50% ຂອງຄອບຄົວລາວ ບໍ່ມີໄຟຟ້າໃຊ້!!! ຮູ້ແບບນີ້ແລ້ວບໍ່ຕ້ອງແປກໃຈເລີຍວ່າ ເປັນຫຍັງວົງການ IT ໃນລາວ ມັນຈຶ່ງຕ້ອງຄ່ອຍໆ ຄານໄປແບບນີ້ ເພາະຫາກບໍ່ມີໄຟຟ້າຢ່າງດຽວ ທຸກຢ່າງກໍ່ຈົບ ຢ່າເວົ້າແຕ່ Internet ເລີຍ ເອົາແຕ່ໂທລະທັດ ຍັງຟັງເປັນເລື່ອງຫ່າງໄກແລ້ວ… ຄິດເບິ່ງວ່າ ກວ່າ 583,000 ຄອບຄົວ ມັນຊິນັບເປັນປະຊາກອນຈັກຄົນ ພວກທີ່ມີໄຟຟ້າໃຊ້ ກໍ່ມີແຕ່ຄົນໃນເມືອງ ຄົນໃນເມືອງ ແລ້ວຍັງຕ້ອງມາຫັກອອກພວກທີ່ບໍ່ໃຊ້ຄອມອີກ ແລ້ວພວກໃຊ້ຄອມ ກໍ່ຍັງຕ້ອງມາຫັກອອກພວກທີ່ບໍ່ໃຊ້ອິນເຕີເນັດອີກ ແລ້ວພວກທີ່ໃຊ້ອິນເຕີເນັດ ກໍ່ຍັງຕ້ອງມາຫັກອອກພວກທີ່ໃຊ້ອິນເຕີເນັດພຽງເພື່ອຮັບສົ່ງອີເມລອີກ!!! ລອງຄິດຫລິ້ນໆ ວ່າ ປະຊາກອນໃນລາວທັງຫມົດມີ 6 ລ້ານປາຍ… ມີຈັກ % ທີ່ຢູ່ຕາມປ່າ ຕາມເຂົາ [...]

ສອງມື້ກ່ອນມີຄົນຈາກ Laotel ເອົາໂຄສະນາ Internet Service ຈາກບໍລິສັດລາວໂທລະຄົມມາໃຫ້ຢູ່ຮ້ານ ເປັນ 1 ຍິງ ກັບ 1 ຊາຍ ມາຮອດບໍ່ເວົ້າບໍ່ວ່າຫຍັງ ຂຶ້ນຕົ້ນມາກໍ່ “ສະບາຍດີອ້າຍ” ແລ້ວກໍ່ຍື່ນແຜ່ນພັບໂຄສະນາໃຫ້ ແລ້ວກໍ່ປິ່ນຫລັງຫນີ ເອົາມາອ່ານເບິ່ງ ປະກົດວ່າເປັນໂຄສະນາເກົ່າ ອອກແບບໃຫມ່ (ແບບດຽວກັບໃນເວັບລາວໂທລະຄົມ ແຕ່ອອກແບບໃຫມ່ ແລະມີຫລາຍອັນ) ອ່ານໄປອ່ານມາ ຄິດອອກວ່າ ມື້ນີ້ເງິນເດືອນອອກ ເລີຍວ່າຊິຕິດຕັ້ງ ADSL 256K ໄວ້ໃຊ້ ສ່ວນ 56K (ທີ່ຈ່າຍລ່ວງຫນ້າ 1 ປີ ໄປແລ້ວ) ກໍ່ຍົກໃຫ້ນ້າຊາຍຢູ່ວັງວຽງໃຊ້ແທນ. ປົງຕົກແລ້ວກໍ່ກິ໊ງໆ ໄປຫາ 101 Laotelecom Call Center ສະບາຍດີ…​ ສອບຖາມໄປ ເຂົາບອກໃຫ້ໂທໄປຖາມເບີ ADSL ໂດຍກົງ ວ່າແລ້ວກໍ່ໂທໄປ ໂທໄປຮອດ ບອກກັບມາວ່າ ຕ້ອງໂທໄປຖາມອີກເບີ ເພາະບໍ່ຮູ້ວ່າເຕັມຫລືຍັງ (ອ່າວ… ມີເຕັມອີກ) [...]

ມື້ນີ້ຂະນະທີ່ກຳລັງອ່ານໆ comment ຢູ່ນັ້ນ ຄິດວ່າຊິໄປແກ້ໄຂຫນ້າ Need-A-Font? ບາດຫນຶ່ງ ເພາະມີຄົນລາຍງານວ່າ ຟ້ອນທ໌ Saysettha OT ມັນໄປ conflict ກັບພາສາໄທ ກໍ່ເລີຍໄປຫນ້າທີ່ວ່າ ເກີດໄປເຫັນ… ເຫັນ… ໂຄສະນາຕ່າງໆ ໂດຍ Google!!!   ກົດຄົ້ນຫາໃນກ່ອງແລ້ວຈະກາຍເປັນ… ຍັງບໍ່ເຄີຍເຫັນແບບນີ້ມາກ່ອນເລີຍ ປົກກະຕິໃນ au8ust.org ຈະຕິດ AdSense ເປັນແບບ Text links ໄວ້ກ້ອງ Menu ເປັນແບບນີ້ ແຕ່ອັນນີ້ມາແນວໃຫມ່ ແປກໆ ດີ ສົງໄສເປັນເລື່ອງທຳມະດາຂອງທີມງານ Google ໄປແລ້ວ ທີ່ຈະມີຂອງແປກໆ ອອກມາໃຫ້ສັງເກດ ເຊັ່ນວ່າ ບາງຄັ້ງຈະບໍ່ມີຄຳວ່າ Ads by Google ໃນໂຄສະນາເລີຍ (ທີມງານ Google ອະທິບາຍ ກໍລະນີນີ້ເປັນເພາະລົງໂຄສະນາແບບ Premium) ເອົາລ່ະ Break ໂຄສະນາພໍແລ້ວ ດຽວມາອັພຕໍ່ດີກວ່າ…

ສອງມື້ກ່ອນນັ່ງເບີ່ງ BBC News ເຫັນຂ່າວແຜ່ນດິນໄຫວໃນໄຕ້ຫວັນ ຟັງໆ ເຂົ້າໃຈວ່າເຮັດໃຫ້ອິນເຕີເນັດມີປັນຫາໄປນຳ ເພາະວ່າແຜ່ນດິນໄຫວມັນໄປເຮັດໃຫ້ສາຍ Cable ໃຕ້ນ້ຳທີ່ເຊື່ອມຕໍ່ກັນລະຫວ່າງທະວີບເອເຊຍເສຍຫາຍຫນັກ ເບີ່ງແລ້ວກໍ່ຍັງບໍ່ໄດ້ຮູ້ຫຍັງ ຈົນມື້ວານມາເປີດເນັດແລ້ວພົບວ່າ… ຈ້າກກກກ!!!? ເນັດຊ໊າ… ຊ້າ… Y_Y ບໍ່ຄິດວ່າມັນຊິສົ່ງຜົນປານນັ້ນ ເພິ່ນວ່າແຮງສັ່ນສະເທືອນວັດໄດ້ ໗.໑ ຣິກເຕີ ແລ້ວກໍ່ອາດຕ້ອງໃຊ້ເວລາຫລາຍອາທິດ ຫລືອາດຈະເປັນເດືອນ ວ່າຊັ້ນ ອືມ…

ກ່ອນອື່ນຕ້ອງຂໍກ່າວຄຳວ່າ ສະບາຍດີທຸກໆ ທ່ານທີ່ແວະເຂົ້າມາ ແລະຫລົງເຂົ້າມາອ່ານຂ່າວໃນ au8ust.org ມື້ນີ້ກໍ່ມີເລື່ອງສອງເລື່ອງຢາກຈະບອກເລົ່າສູ່ກັນຟັງ ເລື່ອງທຳອິດກໍ່ຄື ພົບບັນຫາໃຫມ່ອີກແລ້ວ ຄືວ່າ server overloaded… ກໍ່ບໍ່ຮູ້ຊິວ່າແນວໃດເລີຍແບບນີ້ ບໍ່ເຂົ້າໃຈວ່າມັນເປັນໄປໄດ້ແນວໃດ ຫລືອາດຈະເປັນຍ້ອນພວກ Scripts ກໍ່ເປັນໄດ້ ແຕ່ວ່າມັນກໍ່ຄືບໍ່ໄດ້ຫລາຍຫຍັງນ້າ… ຫື້… ເອົາແນວໃດລ່ະບາດນີ້ ເອົາໄວ້ກ່ອນດີກວ່າ (໕໕໕) ເລື່ອງທີ່ສອງກໍ່ຄື ຊ່ວງນີ້ສະພາບແວດລ້ອມມັນບໍ່ເອື້ອອຳນວຍໃຫ້ເຂົ້າເນັດ ໃຫ້ອ່ານຂ່າວ ໃຫ້ຂຽນບລັອກເລີຍ ຕອນນີ້ກໍ່ໃຊ້ເນັດ One4Click ຢູ່ ດຽວມັນຫມົດກໍ່ໃຊ້ບໍ່ໄດ້ ກໍ່ເຂົ້າມາອັບເດທບລັອກບໍ່ໄດ້ແລ້ວ ຈັກຊິເຮັດແນວໃດອີກບາດນີ້. ຄິດວ່າ ບາງທີອາດຈະໄປຢືມ Account ຂອງຄົນແຖວໆ ນີ້ມາໃຊ້ຕໍ່ຕອນກາງຄືນເບີ່ງ ບໍ່ຮູ້ເຂົາຊິວ່າແນວໃດ ໄວ້ມື້ອື່ນກ່ອນ ຕອນນີ້ເວລາ ໒ ໂມງ ໔ ນາທີ ຂອງມື້ໃຫມ່ ແປວ່ານອນເດິກອີກແລ້ວມື້ນີ້. ນອກເລື່ອງໄປຮອດໃສແລ້ວ ກັບເຂົ້າເລື່ອງກ່ອນ ຄືຈະບອກວ່າ ສອງສາມມື້ນີ້ ຫລືອາດຈະເປັນຊ່ວງອາທິດສອງອາທິດ ຫລືອາດຈະເປັນເດືອນສອງເດືອນນີ້ ບາງທີຈະບໍ່ຄ່ອຍໄດ້ຂຽນຂ່າວໃຫມ່ໆ ແລ້ວ ກໍ່ຕ້ອງຂໍອະໄພຫລາຍໆ ເອົາແນວນີ້ບໍ່ [...]