EZ-Lao | ພາສາລາວໃນ Symbian!

ກ່ອນຫນ້ານີ້ປະມານເດືອນ ຫລືອາດຈະສອງເດືອນ ຕອນນັ້ນໄດ້ຂ່າວກ່ຽວກັບພາສາລາວໃນມືຖື ທຳອິດອ່ານແລ້ວ ກໍ່ຍັງຮູ້ສຶກງົງໆ ຢູ່ ວ່າມັນຊິອອກມາໃນຮູບແບບໃດ ໄດ້ຍິນວ່າ ETL ເປັນຜູ້ລິເລີ່ມກ່ຽວກັບເລື່ອງນີ້ ກໍ່ຖ້າໆ ຢູ່ດົນເຕີບ ວ່າຕອນໃດມັນຈະອອກມາໃຫ້ລອງໃຊ້. ຫລັງຈາກນັ້ນກໍ່ເຫັນຟ້ອນທ໌ລາວໃຫ້ໂຫລດໃນ wap.etllao.com (ຕ້ອງເຂົ້າຜ່ານມືຖື) ກໍ່ຮີບໂຫລດທັນທີ ແຕ່ວ່າ… 404 file not found \(OoO)/

ສອງສາມມື້ກ່ອນຫນ້ານີ້ ປະເດັນກ່ຽວກັບພາສາລາວໃນມືຖືກໍ່ເລີ່ມເປັນຫົວຂໍ້ສົນທະນາໃນຫລາຍໆ ເວັບ ແຕ່ກໍ່ບໍ່ມີໃຜເອົາລິ້ງຄ໌ມາໃຫ້ໂຫລດ ຈົນໃນທີ່ສຸດນັ້ນເອງ ພະເອກຂອງເລື່ອງກໍ່ປະກົດຕົວອອກມາ!!! “os55” ຫລື “ຕາໂອ້ດ” ເອົາລິ້ງຄ໌ມາໃຫ້ໂຫລດສົມໃຈຢາກ ແລະກໍ່ຮີບໄປລອງທັນທີ ກໍ່ເລີຍຈະມາຂຽນຣີວິວໃຫ້ອ່ານຈັກເລັກນ້ອຍ 🙂

ຂະຫນາດຂອງໂປຣແກຣມ EZ-Lao ມີພຽງ 150KB ເທົ່ານັ້ນ ແລະມືຖືທີ່ລອງຕິດຕັ້ງໃຊ້ງານ EZ-Lao ແມ່ນ Nokia 6680 ເຊີ່ງເປັນ Symbian S60 2nd Edition


ເມື່ອຕິດຕັ້ງໂປຣແກຣມແລ້ວກໍ່ຈະເຫັນໄອຄ່ອນຂອງໂປຣແກຣມຂຶ້ນມາ ເປັນໂລໂກ້ຂອງ ETL. ເປີດໂປຣແກຣມຂຶ້ນມາ ກໍ່ເປີດໃຊ້ງານແລ້ວໂປຣແກຣມກໍ່ຈະໃຫ້ Restart ກໍ່ກົດຕົກລົງໄປຕາມນັ້ນ
ຫລັງຈາກ Restart ແລ້ວໆ ກໍ່ ບໍ່ລໍຊ້າ ລອງເຂົ້າ Note ແລ້ວພິມລາວເບີ່ງປະກົດວ່າ…

ກໍ່ສາມາດພິມພາສາລາວໄດ້ຢ່າງດີ ແຕ່ວ່າວັນນະຍຸດຫາຍໆ ໄປຫລາຍເຕີບ


ກົດປຸ່ມ * ກໍ່ຂຶ້ນແບບນີ້


ກົດ # ແລ້ວກໍ່ຂຶ້ນອັນນີ້


ກົດ Pen ແລ້ວກໍ່ຂຶ້ນເມນູຂຶ້ນມາໃຫ້ເລືອກ ມີ Input ພາສາລາວ ພາສາໄທ ມີຕົວເລກ ແລ້ວກໍ່ Symbol


ລອງພິມພາສາໄທເບີ່ງ ກໍ່ສາມາດສະແດງຜົນໄດ້ພ້ອມກັນທັງສອງພາສາ : )


ຊື່ໄຟລ໌ກໍ່ໄດ້ທັງສອງພາສາພ້ອມກັນເລີຍ

ຫລັງຈາກທີ່ລອງໃຊ້ງານແລ້ວກໍ່ຮູ້ສຶກວ່າ ປະທັບໃຈໃນລະດັບຫນຶ່ງ ຖືວ່າດີຫລາຍທີ່ເຮັດໄດ້ຂະຫນາດນີ້ ແຕ່ຈຸດທີ່ຫນ້າສັງເກດກໍ່ຄືເມື່ອເປີດໃຊ້ງານແລ້ວ ຈະບໍ່ສາມາດໃຊ້ Dictionary ໄດ້ອີກ ເວລາພິມຂໍ້ຄວາມໃນມືຖືກໍ່ລຳບາກຫນ້ອຍຫນຶ່ງແບບນີ້

ອີກຈຸດຫນຶ່ງກໍ່ຄື EZ-Lao ຈະບໍ່ສາມາດໃຊ້ງານໄດ້ຫາກວ່າບໍ່ໄດ້ໃຊ້ SIM Card ຂອງ ETL (ຕອນທົດສອບ ຂ້າພະເຂົ້າໃຊ້ຊິມອີທີແອລເພື່ອເປີດໃຊ້ງານໂປຣແກຣມ ຈາກນັ້ນກໍ່ປ່ຽນເປັນຊິມລາວໂທລະຄົມຄືນ) ເທົ່ານັ້ນ ນັ້ນກໍ່ຫມາຍຄວາມວ່າ ຫາກບໍ່ໃຊ້ຊິມຂອງອີທີແອລແລ້ວ ກໍ່ເຈັ້ງ ໃຊ້ບໍ່ໄດ້ Y_Y

ຕ້ອງຖ້າເບີ່ງວ່າແທງໂກ້ກັບລາວໂທລະຄົມເພິ່ນຊິວ່າແນວໃດ?

Update!
ໄປລອງຕິດຕັ້ງໃນ N-Gage QD ແລ້ວ ຜົນກໍ່ຄື ໃຊ້ບໍ່ໄດ້ LOL ມັນກາຍເປັນວ່າ ເມື່ອຕິດຕັ້ງແລ້ວໆ ກໍ່ເປີດປິດເຄື່ອງ ແລ້ວປະກົດວ່າ ເຂົ້າເມນູບໍ່ໄດ້!!! ແລ້ວກັນບາດນີ້ ເລີຍເຊົາ ແລ້ວບາດນັ້ນມາລອງເບີ່ງ ກໍ່ເຂົ້າເມນູໄດ້ ກໍ່ເລີຍໄປເຂົ້າໂປຣແກຣມ ຕົວໂປຣແກຣມ EZ-Lao ຈະຖາມຫາ SIM ຂອງ ETL ອີກ ກໍ່ບໍ່ຮູ້ມັນຜິດພາດບ່ອນໃດ ເພາະໃຊ້ SIM ETL ຢູ່ ແຕ່ກໍ່ຍັງຖາມຫາຢູ່ອີກ ສະຫລຸບແລ້ວ N-Gage QD ໃຊ້ EZ-Lao ບໍ່ໄດ້ ແຕ່ຍັງບໍ່ໄດ້ລອງລົງສະເພາະຟ້ອນທ໌ເບີ່ງວ່າໄດ້ບໍ່ ຖ້າໄດ້ ຢ່າງນ້ອຍໆ ກໍ່ເຮັດໃຫ້ອ່ານພາສາລາວໄດ້ ເຖິງຈະພິມບໍ່ໄດ້ກໍ່ຕາມ ກໍ່ດີກວ່າບໍ່ມີໃຊ້ເລີຍລະວ້າ = =)”

ແລ້ວກໍ່ລອງກັບເຄື່ອງ 7610 ຕອນທຳອິດ ຫລັງຈາກລົງໂປຣແກຣມແລ້ວ ລອງເປີດໂປຣແກຣມເບີ່ງ ມັນຂຶ້ນ Error ຂຶ້ນມາ ຕົກໃຈຫມົດ ຄິດວ່າຊິໃຊ້ບໍ່ໄດ້ແລ້ວ ມັນຂຶ້ນມາກໍ່ກົດອອກ ເຂົ້າໃຫມ່ ກໍ່ເຂົ້າໄດ້ ລອງໃຊ້ເບີ່ງໄດ້ດີດັກ

ຕອນນີ້ເລີຍໄດ້ຮູ້ວ່າ Gage QD ໃຊ້ EZ-Lao ບໍ່ໄດ້ ສ່ວນ 7610 ໃຊ້ໄດ້ ແຕ່ມີປັນຫາໃນບາງຄັ້ງ ແລ້ວກໍ່ 6680 ນັ້ນ ຜ່ານ ໃຊ້ໄດ້ ສບມ ^_^

Update ໒!
ມີລາຍງານວ່າ 3230 ລົງໄດ້ ໃຊ້ໄດ້ ແຕ່ເວລາພິມຈະບໍ່ເຫັນໂຕລາວ ເວລາສົ່ງໄປຈະເຫັນ

ດາວໂຫລດໂປຣແກຣມ EZ-Lao | Mirror

Adobe Photoshop CS3 Beta v10.0 x 2006.12.08

ກ່ອນຫນ້ານີ້ໄປອ່ານຂ່າວໃນ Ars ເຂົາລົງຂ່າວເລື່ອງ Photoshop CS3 ແລະກໍ່ເປັນໄປຕາມຄາດ ຍັງບໍ່ທັນຂ້າມມື້ ກໍ່ອອກມາແລ້ວ ສຳຫລັບ Beta ທຳອິດນີ້ກໍ່ສະແດງໃຫ້ເຫັນເຖິງຄວາມປ່ຽນແປງໃນຫລາຍໆ ສ່ວນໃນໂປຣແກຣມ ບໍ່ວ່າຈະເປັນ user interface ແບບໃຫມ່ (ໄດ້ຍິນວ່າອອກແບບໃຫມ່ຫມົດ) ເຄື່ອງມືໃຫມ່ (Smart filter, Auto Align and Auto Blend tool, Black & White conversion control ບລາໆ ບລາໆ ບລາໆ), ປັບປຸງເຄື່ອງມືຕ່າງໆ ໃນໂປຣແກຣມເຊັ່ນ quick select tool, improved curves and printing controls ເປັນອາທິ

ໃນໂປຣແກຣມຈະມີ Photoshop CS3, ImageReady CS3, Bridge CS3, Adobe Device Central CS3, Adobe Stock Photos CS3

ສຳຫລັບການຕິດຕັ້ງແມ່ນຕ້ອງມີ Key ແທ້ຂອງ Photoshop CS2 ກ່ອນ ຈຶ່ງຈະສາມາດໃຊ້ງານໄດ້ ຖ້າບໍ່ມີກໍ່ຈະເຂົ້າສູ່ Trial Mode ຄືທົດລອງໃຊ້ງານ ໃນໄລຍະເວລາສອງມື້

ດາວໂຫລດ

A Quick Look at the New Features in Photoshop CS3, Public Beta Preview at Photoshopuser.com
Source: 9Down

KishKish Lie Detector ເຄື່ອງຈັບຜິດຄົນຂີ້ຕົວະ

KishKish Lie Detector ເຄື່ອງຈັບຜິດຄົນຂີ້ຕົວະ

ຕໍ່ໄປຂາ Skype ທັງຫລາຍເວລາຊິເວົ້າຫຍັງອອກໄປຕ້ອງຄິດໃຫ້ຫລາຍຂຶ້ນ ເພາະວ່າຕອນນີ້ທາງ KishKish ເພິ່ນໄດ້ພັດທະນາ Add-on ສຳຫລັບໂປຣແກຣມ Skype

KishKish Lie Detector ຈະທຳຫນ້າທີ່ໃນການວິເຄາະສຽງແບບ Real-Time ແລ້ວກໍ່ບອກຜູ້ໃຊ້ງານວ່າ ຄູ່ສົນທະນາຂອງເຮົາກຳລັງເວົ້າແທ້ ຫລືຕົວະເຮົາຢູ່

ແຕ່ວ່າ ເຖິງແນວໃດກໍ່ຕາມ Add-on ສຳຫລັບ Skype ໂຕນີ້ກໍ່ຍັງບໍ່ທັນອອກເທື່ອ ແລະກໍ່ຍັງບໍ່ມີລາຄາປະກາດອອກມາໃຫ້ຮູ້ກັນເທື່ອ ດັງນັ້ນ ຊ່ວງນີ້ທ່ານໃດທີ່ໃຊ້ Skype ຕ້ອງປັບຕົວແດ່ຫນ້ອຍຫນຶ່ງ ເຜື່ອວ່າມື້ຫນ້າຄູ່ສົນທະນາຂອງທ່ານເອົາໄປໃຊ້ຈັບຂີ້ຕົວະທ່ານ ແລ້ວຈະໄດ້ຫລີກທັນ 😛

Source: BBC News via Neowin

Microsoft Releases First IE7 Update

ນັບເປັນອັບເດທທຳອິດຂອງ IE7 ຕັ້ງແຕ່ມີການເປີດໂຕ IE7 ມາເລີຍ ໂດຍທີ່ອັບເດທໃຫມ່ນີ້ໄດ້ມີການແກ້ໄຂປັບປຸງກ່ຽວກັບລະບົບ Phishing Filter ເພາະວ່າ ກ່ອນຫນ້ານີ້ມັນມີບັກເຮັດໃຫ້ IE7 ດູດ CPU ເຄື່ອງຜູ້ໃຊ້ງານເລີຍຊ້າເອົາຊ້າເອົາເມື່ອມີການທຳງານໃນສ່ວນຂອງ Phishing Filter (ເປັນສະເພາະບາງເວັບໄຊທ໌) ແຕ່ວ່າ ອັບເດທໃຫມ່ນີ້ ບໍ່ມີສຳຫລັບ Windows Vista

ໃຜຊິໃຊ້ ໃຜຊິອັບເດທແນວໃດກໍ່ເຮັດໄປ ຂ້າພະເຈົ້າຈະຂໍໃຊ້ Firefox ຕໍ່ໄປ 😛

ດາວໂຫລດ Update ສຳຫລັບ Windows XP with Service Pack 2, x86-based versions
ດາວໂຫລດ Update ສຳຫລັບ Windows XP Professional, x64-based versions
ດາວໂຫລດ Update ສຳຫລັບ Windows Server 2003 with Service Pack 1, x86-based versions
ດາວໂຫລດ Update ສຳຫລັບ Windows Server 2003 with Service Pack 1, x64-based versions
ດາວໂຫລດ Update ສຳຫລັບ Windows Server 2003 with Service Pack 1, Itanium-based versions

Source: 9Down

DirectX Redistributable 9.0c December 2006, new ATI Catalyst

DirectX ປະຈຳເດືອນສຸດທ້າຍຂອງປີນີ້ ແລ້ວກໍ່ ອີກຂ່າວຫນຶ່ງ ຂໍລົງນຳກັນເລີຍ ກໍ່ຄືທາງ ATI ເພິ່ນອອກ Catalyst driver ໃຫມ່ສຳຫລັບທັງ Windows XP ແລະ Windows Vista ແຕ່ວ່າ ຂອງ Vista ຍັງເປັນ Beta ຢູ່

ດາວໂຫລດ DirectX 9.0c December 2006 | ເລືອກພາສາ
ດາວໂຫລດ ດາວໂຫລດ ATI Catalyst 6.12 ສຳຫລັບ Windows XP | x64
ດາວໂຫລດ Catalyst Beta Display Driver v8.31.100.3.2.1 ສຳຫລັບ Windows Vista 32-Bit | 64-Bit

Source: 9Down, ActiveWin

Skype 3.0.0.190 Final

ຂາ chat ທັງຫລາຍຕ້ອງຮູ້ຈັກ Skype ດີແນ່ນອນ, ສຳຫລັບຄົນທີ່ຍັງບໍ່ຮູ້ Skype ເປັນໂປຣແກຣມໃຊ້ລົມກັນຜ່ານອິນເຕີເນັດຟຣີ ແລະຫາກຕ້ອງການໃຊ້ໂທຫາເບີບ້ານ ເບີມືຖື ກໍ່ມີແບບເສຍເງິນໃຫ້ເລືອກໃຊ້ໃນລາຄາທີ່ຕ່ຳສຸດໆ

ໃນເວີຊັ່ນໃຫມ່ກໍ່ມີຟີເຈີເຂົ້າມາເພີ່ມເຕີມອີກເຊັ່ນ Rich Mood Messages, Connection Wizard ແລ້ວກໍ່ມີການອັບເດທພວກ Video quality, Extras Manager, plugins ສຳຫລັບ IE ກັບ Firefox ແລະທີ່ເຫລືອ ໃຫ້ອ່ານຈາກ ChangeLogs
ດາວໂຫລດ: Skype 3.0.0.190 (ຂະຫນາດໄຟລ໌ 19.04 MB)

Source: 9Down

Picasa 2.6.0 Build 35.97

Picasa ບາງທີຊື່ນີ້ບ້ານເຮົາອາດຈະຍັງບໍ່ຄຸ້ນຫູປານໃດ, ມັນເປັນໂປຣແກຣມຈັດການຮູບພາບ ປະມານພວກ ACD See ນັ້ນເອງ ແຕ່ວ່າ ຂຶ້ນຊື່ວ່າຂອງຫລິ້ນຈາກ Google ມັນກໍ່ຕ້ອງມີຫຍັງດີແນ່ນອນ. Picasa ຈະຄົ້ນຫາແລະຈັດການກັບຮູບພາບທີ່ມີໃນເຄື່ອງເອງໂດຍອັດຕະໂນມັດ ບໍ່ວ່າຈະເປັນໄຟລ໌ພາບປະເພດໃດກໍ່ຕາມເຊັ່ນ JPEG, TIFF, BMP, PSD ຫລືໄຟລ໌ຫນັງທີ່ອັດຈ້ອງກ້ອງດິຈິຕອລ ລວມເຖິງການທຳງານກ່ຽວກັບພາບເຊັ່ນ slideshows, ແກ້ໄຂຕາແດງ, ປັບປຸງພາບຖ່າຍ, ຫຍໍ້ຂະຫຍາຍ ໃສ່ເອັຟເຟັກພາບ ໂດຍບໍ່ເຮັດໃຫ້ຄຸນນະພາບຂອງພາບຫລຸດລົງແຕ່ຢ່າງໃດ ບລາໆ ບລາໆ ບລາໆ ແລະທີ່ສຳຄັນ ເປັນຟຣີແວຣ໌ອີກຕ່າງຫາກ

ສຳຫລັບເວີຊັ່ນນີ້ກໍ່ມີການປັບປຸງໃນສ່ວນຂອງ ການດາວໂຫລດອັບເດທແບບອັດຕະໂນມັດ, ເພີ່ມການສະຫນັບສະຫນຸນການໃຊ້ງານກັບ Windows Vista ແລະ Internet Explorer 7, ແລ້ວກໍ່ສາມາດເລືອກພາສາໃນ Picasa Web Albums ໄດ້ເຖິງ ໑໘ ພາສາ. ນອກຈາກນັ້ນກໍ່ມີການປັບປຸງອີກເລັກໆ ນ້ອຍໆ ໃນສ່ວນຂອງການແກ້ໄຂຮູບພາບ ແລະເພີ່ມເຕີມກ່ຽວກັບ screensaver

ຖ້າເວົ້າຮອດໂປຣແກຣມນີ້ແລ້ວ ຂ້າພະເຈົ້າມັກ GUI ຂອງໂປຣແກຣມ, ຮູ້ສຶກວ່າ ມັນຄັກດີ 🙂


ດາວໂຫລດ: Picasa 2.6.0 Build 35.97 (ຂະຫນາດໄຟລ໌ 4.68 MB) | Posted on Categories au8ust.orgTags Leave a comment on Picasa 2.6.0 Build 35.97

ເລັກໆ ນ້ອຍໆ ກ່ຽວກັບ Firefox 3.0 Alpha 1

ເຫັນອອກມາໄດ້ສອງສາມມື້ແລ້ວສຳຫລັບ Firefox 3.0 Alpha 1, ຕອນນັ້ນເຫັນກໍ່ຍັງງົງ ຄິດວ່າເຂົາໂພສ໌ຜິດ ແຕ່ວ່າຄວາມຈິງເຮົາຈື່ຜິດ -_-”

alpha ທຳອິດຂອງ Firefox 3.0 ໃນລະຫັດການພັດທະນາຊື່ Gran Paradiso ອອກມາພ້ອມກັບ Gecko 1.9 rendering engine ເຊີ່ງເຮັດໃຫ້ Firefox ຜ່ານການທົດສອບຂອງ Acid 2 ໃນທີ່ສຸດ


ຊ້າຍສຸດແມ່ນໃຊ້ Firefox 2.0 ທົດສອບບໍ່ຜ່ານ, ຮູບກາງໃຊ້ Firefox 3.0 Alpha 1 ແລະຂວາສຸດແມ່ນ Firefox 3.0 Alpha Minefield (nightly build)

ນອກຈາກເລື່ອງ Gecko 1.9 rendering engine ແລ້ວກໍ່ຍັງມີແກ້ໄຂບັກອີກເລັກນ້ອຍ ແລະເພີ່ມບັກອີກເລັກນ້ອຍເຊັ່ນກັນ lol

Source: Ars Technica

OpenOffice.org 2.1.0 Final

OpenOffice ຊື່ນີ້ຫລາຍໆ ຄົນອາດຈະຄຸ້ນຫູ ແລະຫລາຍໆ ຄົນກໍ່ອາດຈະບໍ່ຄຸ້ນເລີຍ, ມັນຄືໂປຣແກຣມ Office ທີ່ທຳງານຄ້າຍໆ ກັບພວກ Microsoft Office ນັ້ນເອງ ແຕ່ແຕກແຕ່ງຢູ່ບ່ອນວ່າມັນເປັນ Opensource Software ຄືໃຊ້ໄດ້ຟຣີ ບໍ່ຕິດຄ່າລິກຂະສິດ ແຕ່ຖ້າຊິໄປໃຊ້ໃນທາງການຄ້າໂດຍສະເພາະກໍ່ອີກເລື່ອງຫນຶ່ງ ເອົາເປັນວ່າ ຕ້ອງລອງແລ້ວຈະຮູ້ເອງວ່າມັນດີບ່ອນໃດ : P

ເວີຊັ່ນນີ້ເປັນ Final ແລ້ວສຳຫລັບ 2.1.0, ຍັງບໍ່ມີ Changelogs lol

ດາວໂຫລດ: OpenOffice.org 2.1.0 Final ສຳຫລັບ Windows (93 MB)
ດາວໂຫລດ: OpenOffice.org 2.1.0 Final ສຳຫລັບ Linux (121 MB)

Source: 9Down