ອິນເຕີເນັດທົ່ວໂລກມີອັດຕາການ Censor ສູງຂຶ້ນ

ມີຜົນສຳຫລວດອອກມາຈາກຫນ່ວຍງານຮ່ວມລະຫວ່າງ 4 ມະຫາວິທະຍາໄລຊັ້ນນຳຄື Cambridge, Oxford, Harvard ແລະ Toronto ໂດຍມີຊື່ກຸ່ມວ່າ ONI ຫຼື OpenNet Initiative ເຊິ່ງໃນຜົນສຳຫລວດທັງ 41 ປະເທດ ປະກົດວ່າ ມີເຖິງ 25 ປະເທດທີ່ມີການຈຳກັດການເຂົ້າເຖິງເນື້ອຫາໃນອິນເຕີເນັດ ເຊິ່ງຈາກໃນພາບປະກອບນັ້ນ ສີແດງຈະຫມາຍເຖິງ ປະເທດທີ່ມີການຈຳກັດການເຂົ້າເຖິງຫລາຍທີ່ສຸດ ສ່ວນສີເຫລືອງແມ່ນຫມາຍເຖິງ ມີການເຝົ້າລະວັງຢູ່ ໂດຍເນື້ອຫາທີ່ມີການຈຳກັດຫລາຍທີ່ສຸດນັ້ນ ກໍ່ຄືເລື່ອງການເມືອງ

ທີ່ມາ – TechnologyReview.com [via NadiaMode]

ລັດຖະບານຈີນສັ່ງງົດຮ້ານອິນເຕີເນັດເປີດໃຫມ່

ສຳນັກຂ່າວ Xinhua ລາຍງານວ່າ ລັດຖະບານຈີນໄດ້ມີປະກາດ ຫ້າມການອະນຸມັດຮ້ານອິນເຕີເນັດຄາເຟ່ ທີເປີດໃຫມ່ພາຍໃນປີນີ້ ໂດຍສຳນັກຂ່າວດັ່ງກ່າວໄດ້ໃຫ້ຂໍ້ມູນວ່າ ເປັນສ່ວນຫນຶ່ງຂອງ ແຜນການຫລຸດຜ່ອນ ອັດຕາສ່ວນບັນຫາຮຸນແຮງຕ່າງ ໆ ທີ່ເກີດຂຶ້ນຈາກການໃຊ້ອິນເຕີເນັດ ແລະສຳຫລັບຮ້ານອິນເຕີເນັດໃດ ທີ່ໄດ້ຮັບອະນຸຍາດໃຫ້ເປີດໄດ້ນັ້ນ ຈະຕ້ອງຮີບເລັ່ງທຳການເຮັດໃບຢັ້ງຢືນໃຫ້ຄົບຖ້ວນກ່ອນຫມົດເດືອນມິຖຸນານີ້

ຈາກລາຍງານຂອງປີກາຍ ຈີນມີຮ້ານອິນເຕີເນັດທັງຫມົດປະມານ 113,000 ແຫ່ງທົ່ວປະເທດ ແລະມີອັດຕາການເພີ່ມຂຶ້ນຂອງຜູ້ໃຊ້ງານ ທີ່ສູງເຖິງ 132 ລ້ານຄົນ ຄິດເປັນອັດຕາສ່ວນ 30%

ທີ່ມາ – BBC News [via Neowin.net]

ວຽງລາວ – ບລັອກຄົນລາວ ເພື່ອຄົນລາວ

ຫລັງຈາກທີ່ມື້ວານໄດ້ໂພສຕ໌ໄວ້ໃນ *real me ກໍ່ມາຄິດວາ… ເອ໊ະ! ຄົນເຂົ້າ *real me ມີຫນ້ອຍກວ່າຄົນເຂົ້າບລັອກຫລັກຂອງເຮົາ ແບບນີ້ບໍ່ໄດ້ ດຽວຄົນຊິບໍຮູ້ຄືເກົ່າ ບວກກັບເຫັນວ່າ ບລັອກຂອງທ່ານລາວວຽງນັ້ນ ເປັນບລັອກທີ່ມີປະໂຫຍດ ມີສາລະ ສົມຄວນທີ່ຈະມີການບອກຕໍ່ກັນໃຫ້ເປັນທີ່ຮູ້ຈັກ ກໍ່ເລີຍຕັ້ງໃຈສ້າງໂພສຕ໌ນີ້ຂຶ້ນມາ

ບລັອກ “ວຽງລາວ” ເປັນບລັອກທີ່ນຳສະເຫນີຄວາຮູ້ ຂໍ້ມູນຂ່າວສານຕ່າງ ໆ ແກ່ຄົນລາວ ໂດຍໃຊ້ພາສາລາວເປັນພາສາຫລັກ ໂດຍເນື້ອຫາໃນບລັອກ ກໍ່ຈະມີຕັ້ງແຕ່ເລື່ອງຄອມພິວເຕີທົ່ວໄປ, ການຊອກຫາຂໍ້ມູນ, ການຂຽນໂປຣແກຣມ, ການໃຊ້ງານໂປຣແກຣມຕ່າງ ໆ ລວມໄປເຖິງເທັກນິກການໃຊ້ງານຕ່າງ ໆ ອີກນຳ ນັບວ່າຫນ້າສົນໃຈຢ່າງຍິ່ງ

ຂ້າພະເຈົ້າເອງ ກໍ່ຂໍຊົມເຊີຍຄວາມເສັຍສະຫລະ ຂອງທ່ານວຽງລາວ ທີ່ໄດ້ຮ່ວມກັນສ້າງສັນເນື້ອຫາພາສາລາວ ໃນໂລກອິນເຕີເນັດ ໃຫ້ແຜ່ຫລາຍຂຶ້ນ ແລະເປັນປະໂຫຍດແກ່ຄົນລາວຕໍ່ ໆ ໄປ

ຢ່າລືມ… ແວະໄປທີ່ “ວຽງລາວ” ບລັອກຄົນລາວ ເພື່ອຄົນລາວ ^_^

ນັກຮຽນທຳຮ້າຍຄູເພາະຖືກຢຶດ iPod !!?

ຂ່າວຫນ້າເສົ້າໃຈ Frank Burd ຄູໄວ 60 ປີ ຖືກນັກຮຽນ ທຳຮ້າຍຮ່າງກາຍ ເຫດມາຈາກການ ໄປຢືດເອົາເຄື່ອງຫລິ້ນເພງ iPod ຈາກເດັກນັກຮຽນໄວພຽງ 14 ປີ ທີ່ໃຊ້ iPod ຂະນະກຳລັງຮຽນຢູ່ໃນຫ້ອງຮຽນ ສ້າງຄວາມເດືອດດານໃຫ້ປະທຸຂຶ້ນໃນໃຈ ເລີຍຊັກຊວນຫມູ່ອີກຄົນມາຮ່ວມທີມ ຫາໂອກາດ ຍູ້ອາຈານໄປຊົນລັອກເກີ ເປັນເຫດໃຫ້ໄດ້ຮັບບາດເຈັບ

ນັກຮຽນທັງສອງຄົນ ຖືກຈັບໃນເວລາຕໍ່ມາ  ແລະຖືກລົງໂທດຕາມກົດຫມາຍສຳຫລັບຜູ້ໃຫຍ່ ສ່ວນຄູຄົນດັ່ງກ່າວ ຕອນນີ້ອາການຊົງຕົວດີຂຶ້ນແລ້ວ

ທີ່ມາ – Engadget

ອາ… ຄົນຫນໍ…

Gravatar 2.0 ເປີດຕົວ 15 ກຸມພານີ້!

Gravatar 2.0ຫລັງຈາກທີ່ Gravatar ປິດປັບປຸງເວັບເປັນການໃຫຍ່ໃນຊ່ວງຫລາຍເດືອນທີ່ຜ່ານມາ ໃນທີ່ສຸດ ກໍ່ມີການຖະແຫລງການ ເຖິງວັນທີ່ເປີດຕົວຢ່າງເປັນທາງການຂອງ Gravatar 2.0 ໂດຍກ່ອນຫນ້າ ຈະມີເປີດຕົວນັ້ນ ທາງທີມງານ Gravatar ຈະເປີດໃຫ້ຜູ້ທີ່ສົນໃຈ ສາມາດທົດລອງໃຊ້ງານໄດ້ກ່ອນ ເຜື່ອວ່າອາດຈະພົບປັນຫາ ແລະສາມາດແກ້ໄຂໄດ້ທັນ

 

Gravatar ເປັນບໍລິການ Avatar ສຳຫລັບຜູ້ໃຊ້ງານ Blog ທີ່ໄດ້ຮັບຄວາມນິຍົມໂດຍທົ່ວໄປ ມີຈຸດພິເສດຢູ່ທີ່ວ່າ ຜູ້ໃຊ້ງານບລັອກ ສາມາດລົງທະບຽນພຽງຄັ້ງດຽວກັບທາງ Gravatar ແລະເລືອກໃຊ້ Avatar ຫລືພາບແທນຕົວເອງທີ່ຕ້ອງການຜ່ານເວັບໄຊທ໌ຂອງ Gravatar ແລະເມື່ອໄປສະແດງຄວາມຄິດເຫັນໃນບລັອກອື່ນ (ທີ່ມີການໃຊ້ງານ Gravatar) ກໍ່ຈະດຶງພາບແທນຕົວເອງ ຂຶ້ນມາສະແດງໄດ້ ໂດຍອ້າງອິງຈາກອີເມລ (ສະຫລຸບແລ້ວ ຄ້າຍໆ ໃນເວັບບອຣ໌ດທົ່ວໄປ ພຽງແຕ່ອັນນີ້ໃຊ້ກັບ Blog ແລະມີຄວາມສະດວກກວ່າ)

Source – blog.gravatar.com

ເຫດຜົນທີ່ IT ໃນລາວຄືບຄານໄປຢ່າງຊ້າໆ

ມື້ຄືນອ່ານຂ່າວໃນ RFA Lao ເປັນເລື່ອງກ່ຽວກັບໄຟຟ້າ… ນັ້ນແຫລ່ະ ນັ້ນແຫລ່ະ ແບບດຽວທີ່ທ່ານຜູ້ອ່ານກຳລັງຄິດ ນັ້ນລ່ະ ເລື່ອງມັນກໍ່ມີຢູ່ວ່າ ຕາມທີ່ RFA Lao ລາຍງານ ອ້າງວ່າ ລັດວິສະຫາກິດໄຟຟ້າລາວ ໃຫ້ຂໍ້ມູນວ່າ ກວ່າ 50% ຂອງຄອບຄົວລາວ ບໍ່ມີໄຟຟ້າໃຊ້!!! ຮູ້ແບບນີ້ແລ້ວບໍ່ຕ້ອງແປກໃຈເລີຍວ່າ ເປັນຫຍັງວົງການ IT ໃນລາວ ມັນຈຶ່ງຕ້ອງຄ່ອຍໆ ຄານໄປແບບນີ້

ເພາະຫາກບໍ່ມີໄຟຟ້າຢ່າງດຽວ ທຸກຢ່າງກໍ່ຈົບ ຢ່າເວົ້າແຕ່ Internet ເລີຍ ເອົາແຕ່ໂທລະທັດ ຍັງຟັງເປັນເລື່ອງຫ່າງໄກແລ້ວ… ຄິດເບິ່ງວ່າ ກວ່າ 583,000 ຄອບຄົວ ມັນຊິນັບເປັນປະຊາກອນຈັກຄົນ ພວກທີ່ມີໄຟຟ້າໃຊ້ ກໍ່ມີແຕ່ຄົນໃນເມືອງ ຄົນໃນເມືອງ ແລ້ວຍັງຕ້ອງມາຫັກອອກພວກທີ່ບໍ່ໃຊ້ຄອມອີກ ແລ້ວພວກໃຊ້ຄອມ ກໍ່ຍັງຕ້ອງມາຫັກອອກພວກທີ່ບໍ່ໃຊ້ອິນເຕີເນັດອີກ ແລ້ວພວກທີ່ໃຊ້ອິນເຕີເນັດ ກໍ່ຍັງຕ້ອງມາຫັກອອກພວກທີ່ໃຊ້ອິນເຕີເນັດພຽງເພື່ອຮັບສົ່ງອີເມລອີກ!!!

ລອງຄິດຫລິ້ນໆ ວ່າ ປະຊາກອນໃນລາວທັງຫມົດມີ 6 ລ້ານປາຍ…

  • ມີຈັກ % ທີ່ຢູ່ຕາມປ່າ ຕາມເຂົາ ຕາມເຂດທີ່ບໍ່ມີໄຟຟ້າໃຊ້
  • ມີຈັກ % ທີ່ມີໄຟຟ້າໃຊ້ ແຕ່ບໍ່ຮູ້ຈັກຄອມ
  • ມີຈັກ % ທີ່ມີໄຟຟ້າໃຊ້ ແຕ່ບໍ່ມີຄອມ
  • ມີຈັກ % ທີ່ມີຄອມ ແຕ່ບໍ່ມີອິນເຕີເນັດໃຊ້
  • ມີຈັກ % ທີ່ມີອິນເຕີເນັດໃຊ້ ແຕ່ໃຊ້ພຽງແຕ່ຮັບສົ່ງອີເມລ…

ແລະສ່ວນທີ່ເຫລືອຈາກນີ້ແຫລ່ະ ຜູ້ໃຊ້ງານແທ້ໆ ຈຶງບໍ່ຫນ້າແປກໃຈວ່າ ເປັນຫຍັງບ້ານເຮົາ ຄືມາຄ່ອຍໆ ຄືບຄານເອົາແທ້ເອົາວ່າ ກ່ຽວກັບເລື່ອງ IT

ກວ່າ 50% ຄອບຄົວທີ່ວ່ານີ້ ປີ ຄ.ສ. 2020 ກໍ່ຍັງບໍ່ແນ່ວ່າຊິມີໄຟຟ້າໃຊ້…  🙁

ແຕ່ກໍ່ເປັນເລື່ອງທຳມະດອກ ທຳມະດາ ປະເທດລາວສະຖາປະນາເປັນປະເທດເອກກະລາດມາໄດ້ 30 ກວ່າປີນີ້ ກໍ່ຖືວ່າດີຫລາຍແລ້ວ (ຫລືບໍ່xະ?!)  😎  😎  😎

Tag Book Meme

ຖືກ tag ຕໍ່ມາຈາກບັອກຂອງທ່ານ elixer ^_^

ວິທີຫລິ້ນ blog-tag ແບບໃຫມ່ ມີກະຕິກາວິທີການຫລິ້ນຢູ່ບ່ອນວ່າ ໃຫ້ຫາຫນັງສືທີ່ຢູ່ໃກ໊ໆຕົວ ແລ້ວເປີດໄປທີ່ຫນ້າ 123 (ຖ້າປື້ມບາງໂພດກໍ່ອົດ 555+) ຈາກນັ້ນໃຫ້ເລືອກປະໂຫຍກທີ່ 4 ແລ້ວກໍ່ໂພສ 3 ປະໂຫຍກຫລັງຈາກນັ້ນ (ກໍ່ຈະເປັນປະໂຫຍກທີ່ 5 ຮອດ 7) ເມື່ອໂພສແລ້ວ ກໍ່ໃຫ້ບອກຊື່ຫນັງສື ພ້ອມຜູ້ແຕ່ງ ແລ້ວກໍ່ສົ່ງຕໍ່ໄປໃຫ້ຄົນຮູ້ຈັກ (ທີ່ຂຽນບລັອກຢູ່) ອີກ 2 ຄົນ ຫວັງວ່າຊິບໍ່ງົງນໍ້…

ເອົາລ່ະ ມາເລີ່ມຂອງນິນກ່ອນເລີຍ 😉

[…] พ่อหัวเราะเขินอายเมื่อนึกขึ้นได้

“หยุดเทศกาลบงติดกันหลายวัน เลยไม่รู้ว่ามันวันอะไรกันแล้ว”

พ่อของฟุมิยะเป็นคนประเภทถูกกำหนดอุปนิสัยทั้งหมดด้วยงานเจ้าหน้าที่ธุรการของสหกรณ์การเกษตรที่ทำ […]

ซิโกะกุ แรงรักจากปรภพ(ອ້າວ! ເປັນພາສາໄທຫວາ? ແມ່ນແລ້ວ ຫາຫນັງສືອື່ມັນບໍ່ມີອ່ະ) ຈາກຫນັງສື ซิโกะกุ แรงรักจากปรภพ ຂຽນໂດຍ ບັນໂດ ມາຊາໂກະ ແລະແປໄທໂດຍ ຊົມນາດ ສີຕິສານ ເປັນຫນັງສືນິຍາຍແນວສະຫຍອງຂວັນ ໄປຊື້ມາຈາກອຸດອນ (ຫລືຫນອງຄາຍ?? ລືມໆ) ຫນ້າປົກເຂົາບອກວ່າ “ນິຍາຍຮັກສະຫຍອງຂວັນຍອດນິຍົມຂອງຍີ່ປຸ່ນ” ອ່ານແລ້ວກໍ່ມັນດີ 555+ (ເກືອບສະຫຍອງ)

ຕໍ່ໄປຊິ tag ໃຫ້ໃຜດີນໍ້??? ອໍ້ tag ໃຫ້ຫນ້າໃຫມ່ວົງການບລັອກລະກັນ ແນ່ນອນວ່າຫມາຍເຖິງ Sengy 🙂 ແລ້ວກໍ່ອ້າຍພະນົມສິນ ລະກັນ ^o^

Blog-tag ເທື່ອແລ້ວ ບໍ່ມີໃຜຫລິ້ນນຳເລີຍ ຫວັງວ່າເທື່ອນີ້ຊິບໍ່ເປັນຄືເກົ່າເດີ້!!

ຄວາມສຳຄັນຂອງການໃຫ້ Credit ກັບແຫລ່ງຂ່າວ

ມື້ນີ້ມີໂອກາດໄປອ່ານບົດຄວາມຂອງຄົນດັງມາ ພໍດີວ່າມັນເປັນເລື່ອງກ່ຽວກັບ ຄວາມສຳຄັນຂອງການໃຫ້ Credit ກັບແຫລ່ງຂ່າວ ເລີຍຖືໂອກາດມາເລົ່າສູ່ກັນຟັງຈັກຫນ່ອຍ ເລື່ອງນີ້ຮູ້ສຶກວ່າບ້ານເຮົາຈະຍັງບໍ່ຄ່ອຍຈະເອົາຈິງເອົາຈັງປານໃດ ເຖິງຈະຍັງບໍ່ມີເກີດຂຶ້ນຫລາຍ ແຕ່ກໍ່ຍັງບໍ່ມີການປະຊາສຳພັນເພື່ອໃຫ້ເກີດຄວາມຮູ້ຄວາມເຂົ້າໃຈເທື່ອ

Darren Rowse ນັກຂຽນບລັອກຄົນດັງແຫ່ງ ProBlogger.net ເພິ່ນຂຽນລົງໃນບລັອກເພິ່ນກ່ຽວກັບເລື່ອງນີ້ ຮູ້ສຶກວ່າຈະໃຫ້ແງ່ຄິດທີ່ຫນ້າສົນໃຈຢູ່ຫລາຍເຕີບ

Continue reading ຄວາມສຳຄັນຂອງການໃຫ້ Credit ກັບແຫລ່ງຂ່າວ

iJigg – ເວທີສຳຫລັບຄົນຮັກສຽງເພງ

ວ່າແລ້ວມື້ຫນຶ່ງມັນຕ້ອງມີເວັບແບບນີ້! iJigg ເປັນເວັບໄຊທ໌ທີ່ໃຫ້ເຮົາ ສາມາດນຳສະເຫນີ ຜົນງານເພງຂອງເຮົາເອງ ແລະ share ໃຫ້ກັບຄົນທົ່ວໂລກຟັງໄດ້ຢ່າງງ່າຍດາຍ ມີຫລາຍຕົວເລືອກໃຫ້ໃຊ້ງານ ທັງແບບຫນ້າເວັບ iJigg ເອງ ຫລືອາດຈະເປັນທາງອີເມລ, ບລັອກ ຫລືເວັບໄຊທ໌ກໍ່ໄດ້ (ລວມເຖິງ factbook ແຕ່ບ້ານເຮົາບໍ່ຄ່ອຍມີໃຜຮູ້ຈັກ ຫລືອາດຈະບໍ່ມີເລີຍ) ຮູບແບບຈະອອກໄປແນວ Social Bookmarking ແຕ່ວ່າເປັນກ່ຽວກັບເພງລ້ວນໆ

ນອກຈາກຈະສົ່ງຜົນງານເພງຂອງເຮົາເອງແລ້ວ ຍັງສາມາດຟັງເພງຂອງສິລປິນຄົນອື່ນທົ່ວໂລກໄດ້ອີກ ຫາກວ່າຟັງແລ້ວມັກເພງໃດ ກໍ່ Jigg It! ເຂົ້າໄປ ເພື່ອເປັນການໂຫວດເພງນັ້ນ (ປະມານແບບຂອງເວັບ Digg) ວ່າແລ້ວກໍ່ມີ Demo ສາທິດການໃຊ້ງານໃຫ້ເບິ່ງພ້ອມ (ຊ່ວງນີ້ຂາດບໍ່ໄດ້ເລີຍ ໄອ່ສາທົງ ສາທິດນິ ໂພສກ່ອນໆ ກໍ່ມີ 555+)

ກໍ່ຖືວ່າເປັນເວັບໄຊທ໌ໃນຍຸກ Web 2.0 ທີ່ຫນ້າສົນໃຈເວັບຫນຶ່ງເລີຍ ເຫມາະທັງສຳຫລັບສິລປິນ ແລະຄົນຟັງທົ່ວໄປ ດີກວ່າ ແຕ່ງເອງ ຮ້ອງເອງ ຟັງເອງ ຂາຍເອງ… ຊື້ເອງພ້ອມ!!? ເອິ້ຍ… ບໍ່ແມ່ນໆ ກຳລັງຄິດຢູ່ວ່າຖ້າບ້ານເຮົາມີແບບນີ້ກໍ່ຫນ້າຈະດີ
^o^ ທົດລອງເຂົ້າໃຊ້ງານໄດ້ທີ່ເວັບໄຊທ໌ iJigg.com

ທີ່ມາ – iJigg, Go2web2

ນີ້ມັນຍຸກຂອງ Web 2.0 ແລ້ວ!

ຄົນໃຊ້ເນັດບ້ານເຮົາ ບໍ່ຄ່ອຍຈະສົນໃຈວ່າຍຸກໃດເປັນຍຸກໃດພໍປານໃດ ມີແນວໃດກໍ່ໃຊ້ແນວນັ້ນ ອັດຕາການເຕີບໂຕ ຂອງຜູ້ໃຊ້ງານອິນເຕີເນັດໃນບ້ານເຮົາ ກໍ່ເລີຍບໍ່ເພີ່ມຂຶ້ນຢ່າງໄວວາຄືປະເທດອື່ນໆ ໃນລະແວກດຽວກັນ ຂະຫນາດເມືອງນອກເຂົາເຂົ້າສູ່ຍຸກ Web 2.0 ແລ້ວ ບ້ານເຮົາຍັງຊິມາເຮັດເວັບບອຣ໌ດ ໃຫ້ຄົນເຂົ້າໄປຖາມຕອບກັນເອງຢູ່ (ບໍ່ມີເນື້ອຫາໃນເວັບໄຊທ໌ຫລັກ) ພວກທີ່ມີເວັບຫລັກເຂົາກໍ່ປ່ອຍໃຫ້ເວັບຕາຍດ້ານໄປເສີຍໆ ບໍ່ຫມັ່ນອັບເດທຂໍ້ມູນເລີຍ ກໍ່ມີຫລວງຫລາຍ ບໍ່ຮູ້ຕອນໃດມັນຊິເຂົ້າຮູບເຂົ້າຮອຍໄດ້ 🙁

Web 2.0

ເຂົ້າເລື່ອງເລີຍດີກວ່າ… ມື້ນີ້ມາແນະນຳກ່ຽວກັບເວັບໄຊທ໌ທີ່ເປັນ Web 2.0 ເຊິ່ງມີເປັນຮ້ອຍເປັນພັນແລ້ວໃນປະຈຸບັນ ບໍ່ຮູ້ຊິແນະນຳແນວໃດຫມົດ (ໂດຍສະເພາະຫາກ Web 2.0 ຍັງບໍ່ມີແນວທາງທີ່ຊັດເຈນ) ດັ່ງນັ້ນ ອາຫານພ້ອມເສີບມື້ນີ້ ກໍ່ຄື Web 2.0 Directory ເຊິ່ງກໍ່ມີຫລາກຫລາຍອັນ ຫລາກຫລາຍແນວໃຫ້ໃຊ້ ສາມາດເຂົ້າໄປເບີ່ງໄດ້ໃນ go2web2.netແຕ່ຫາກເຂົ້າໄປແລ້ວລາຍຕາບໍ່ຮູ້ລອງອັນໃດ ແນະນຳ –> NetVibes ແລ້ວຈະໄດ້ Feeling of Web 2.0
ທຳອິດວ່າຊິຂຽນບົດຄວາມ ໃນເຊີງເທັກນິກລອງເບິ່ງ ແຕ່ຂຽນໄປຂຽນມາແລ້ວລືມ ເລີຍຢ່າແຫລ່ະ 555 (ຂຽນບລັອກໄປ ເຮັດຮ່າງສັນຍາໄປ ສະມາທິຫົດຫາຍຫມົດ 🙁 )