ອາດມີບາງຄັ້ງທີ່ຕ້ອງໃຊ້ເວີຊັນເກົ່າຂອງໂປຣແກຣມບາງໂຕ ຫາກມີເກັບໄວ້ກໍດີໄປ ຖ້າບໍ່ມີກໍຕ້ອງມາຊອກກັນວຸ້ນວາຍເລີຍ ແຕ່ນັ້ນຈະບໍ່ເປັນບັນຫາອີກຕໍ່ໄປແລ້ວ ເມື່ອໄດ້ພົບກັບ OldVersion.com ເວັບໄຊທີ່ຮວບຮວມບັນດາເວີຊັນຕ່າງໆຂອງໂປຣແກຣມທີ່ມີຄົນນິຍົມໄວ້ ເຊັ່ນວ່າ MSN Messenger, Winamp, Win MX, RealPlayer ແລະ Skype ເປັນຕົ້ນ. ສຳລັບໝວດໝູ່ຂອງໂປຣແກຣມກໍຄອບຄຸມເປັນຢ່າງດີ ມີຕັ້ງແຕ່ ໂປຣແກຣມໃນໝວດ Communication, Graphic, Multimedia, Internet ແລະ Utilities. ການດາວໂຫຼດກໍສາມາດໂຫຼດໄດ້ຟຣີ ບໍ່ມີຄ່າໃຊ້ຈ່າຍແຕ່ຢ່າງໃດ ຮູ້ແບບນີ້ແລ້ວ ຢ່າລືມ bookmark ໄວ້

ຮູ້ສຶກວ່າບໍ່ໄດ້ລົງຂ່າວກ່ຽວກັບໂປຣແກຣມຊ່ວຍດາວໂຫລດມາດົນເຕີບແລ້ວ ມື້ນີ້ມາແນະນຳ Internet Download Manager ຫຼືທີ່ມັກເອີ້ນຊື່ຫຍໍ້ວ່າ IDM ເຊິ່ງອອກເວີຊັນໃຫມ່ມາພໍດີ ເປັນເວີຊັນ 5.12 ມີຄວາມສາມາດໃຫມ່ເພີ່ມອີກຢ່າງຫນຶ່ງຄື Speed Limiter ເອົາໄວ້ຈຳກັດຄວາມໄວໃນການດາວໂຫລດ ເພື່ອບໍ່ໃຫ້ດຶງ Bandwidth ເນັດທີ່ໃຊ້ຈົນເກີນໄປ ນອກນັ້ນກໍ່ເປັນການແກ້ໄຂບັ໊ກຕ່າງ ໆ ທີ່ມີໃນເວີຊັນກ່ອນຫນ້ານີ້ IDM ເປັນໂປຣແກຣມຊ່ວຍດາວໂຫລດທີ່ມີຄວາມສາມາດພິເສດຄື ແບ່ງໄຟລ໌ເປັນຫລາຍ ໆ​ ສ່ວນກ່ອນທຳການດາວໂຫລດມາ ແລະກໍ່ຍັງຮອງຮັບ FTP, HTTP, Firewalls, Redirects, Cookies, Authorization, MP3, MPEG video ແລ້ວກໍ່ຍັງມີຕົວເຊື່ອມກັບ Internet Explorer, Firefox, Opera, ຯລຯ ເພື່ອໃຫ້ການດາວໂຫລດນັ້ນງ່າຍດາຍຍິ່ງຂຶ້ນ ອີກທັງສຳຫລັບທ່ານໃດທີ່ໃຊ້ Modem ໃນການເຊື່ອມຕໍ່ອິນເຕີເນັດນັ້ນ ຍັງສາມາດຕັ້ງເວລາໃຫ້ເຊື່ອມຕໍ່ອິນເຕີເນັດເພື່ອດາວໂຫລດໄຟລ໌ ແລະຕັດການເຊື່ອມຕໍ່ເມື່ອດາວໂຫລດແລ້ວ ໆ ດາວໂຫລດ ເວັບໄຊຕ໌ຜູ້ພັດທະນາ

ຫລັງຈາກທີ່ອອກເບຕ້າມາຫລາຍເວີຊັນ ໃນທີ່ສຸດ RarLab ກໍ່ໄດ້ປ່ອຍ WinRAR 3.70 Final ອອກມາແລ້ວ ແລະຄວາມປ່ຽນແປງຫລັກ ໆ ໃນເວີຊັນນີ້ກໍ່ຈະເປັນການຮອງຮັບການໃຊ້ງານໃນ Windows Vista, ຮອງຮັບ ISO 13346 (UDF) file format, ຮອງຮັບ Unicode ໃນໄຟລ໌ ISO 9660 ລວມໄປເຖິງຫນ້າຕ່າງ archiving ແລະ extraction ທີ່ໄດ້ຮັບການອອກແບບໃຫມ່ ແລະເພີ່ມ command line switches ອີກຈຳນວນໜຶ່ງ ນອກຈາກນັ້ນກໍ່ຍັງມີການປັບປຸງຄວາມປອດໄພອີກເລັກນ້ອຍ ເຊິ່ງລາຍລະອຽດທັງຫມົດຂອງ change log ສາມາດອ່ານໄດ້ຈາກເວບໄຊຕ໌ຂອງຜູ້ພັດທະນາ ດາວໂຫລດ ເວບໄຊຕ໌ຜູ້ພັດທະນາ

Lao Antivirus 2007 ເປັນໂປຣແກຣມ Antivirus ທີ່ພັດທະນາໂດຍຄົນລາວ ມີອອກມາ ຮູ້ສຶກຈະຫລາຍເວີຊັນແລ້ວພໍສົມຄວນ ຜູ້ພັດທະນາມີຊື່ວ່າ “ອາເລັກໄຊ” ໄດ້ຍິນວ່າໃຊ້ VB ໃນການພັດທະນາ ເອົາລະ ເພື່ອບໍ່ໃຫ້ເປັນການເສຍເວລາ ເຮົາມາເລີ່ມກັນເລີຍ ທຳອິດກໍ່ດາວໂຫລດຕົວຕິດຕັ້ງມາກ່ອນ ຮູ້ສຶກວ່າ ຈະເປັນ Antivirus ທີ່ມີຂະໜາດນ້ອຍຫລາຍ ນ້ອຍຈົນເຫລືອເຊື່ອ ຄາດວ່າຈະເປັນ Antivirus ທີ່ມີຂະຫນາດນ້ອຍທີ່ສຸດເທົ່າທີ່ເຄີຍເຫັນມາ ດ້ວຍຂະຫນາດພຽງ 1.5MB ເທົ່ານັ້ນ!

FlashFXP ເປັນໂປຣແກຣມປະເພດ FTP client ໃຊ້ໄວ້ອັບໂຫລດຂໍ້ມູນຂຶ້ນໄປໄວ້ເທິງ FTP sites ຕ່າງ ໆ ໂປຣແກຣມນີ້ມີຄວາມສາມາດພິເສດຢູ່ທີ່ FXP ທີ່ຫຍໍ້ມາຈາກ File eXchange Protocol ກໍ່ຄື ການອັບໂຫລດໄຟລ໌ຈາກ FTP server ໄປຫາ FTP server ເຊິ່ງເຮັດໃຫ້ຄວາມໄວໃນການສົ່ງຂໍ້ມູນນັ້ນ ໄວພໍ ໆ ກັບຂອງ servers ທັງສອງເອງເລີຍ ແຕ່ວ່າ FTP server ທີ່ໃຊ້ງານນັ້ນຈະຕ້ອງຮອງຮັບຄວາມສາມາດນີ້ນຳ ໃນເບຕ້າໃຫມ່ນີ້ ເພີ່ມຄວາມສາມາດໃນການຮອງຮັບ UTF-8 ກັບ MLSD ແລະອັບເດດອື່ນ ໆ ອີກຈຳນວນໜຶ່ງ ດາວໂຫລດ ເວບໄຊຕ໌ຜູ້ພັດທະນາ ປ.ລ. ລືມບອກໄປວ່າເປັນ Shareware