Windows Vista Service Pack 2 Beta ກຳລັງຈະມາ

ຫຼັງຈາກທີ່ອອກ Service Pack 1 ສຳລັບ Windows Vista ມາກ່ອນໜ້ານີ້ເປັນເວລາດົນພໍສົມຄວນ ຕອນນີ້ທາງ Microsoft ກໍ່ກຳລັງພັດທະນາ Service Pack 2 ຢູ່ ແລະຈະສົ່ງໃຫ້ກັບກຸ່ມຜູ້ໃຊ້ຈຳນວນໜຶ່ງເພື່ອທົດສອບການໃຊ້ງານກ່ອນ.

Windows Vista SP2 Beta ນີ້ຈະຖືກສົ່ງທົດສອບປະມານວັນທີ່ 29 ເດືອນຕຸລານີ້ເອງ ສ່ວນສຳລັບ Final release ນັ້ນຍັງບໍ່ມີກຳນົດການເທື່ອ ຈົນກວ່າ SP2 ຂອງ Vista ຈະຖືກຮອງຮັບສະຖານະພ້ອມເສຍກ່ອນ. ລາຍລະອຽດສຳຄັນຂອງ SP2 ແມ່ນຈະເນັ້ນໃສ່ການເພີ່ມປະສິດທິພາບ ແລະຄວາມເຂົ້າກັນໄດ້ຂອງລະບົບໃຫ້ຫຼາຍຂຶ້ນ.

ນອກຈາກນັ້ນ Mike Nash ຜູ້ບໍລິຫານລະດັບສູງຂອງ Microsoft ຍັງໄດ້ໃຫ້ຂໍ້ມູນອີກວ່າ Windows Vista SP2 ນັ້ນຈະມີສິ່ງທີ່ເພີ່ມເຂົ້າມາເຊັ່ນ:

  • Windows Search 4.0
  • Bluetooth 2.1 Feature Pack
  • Natively Blu-ray support
  • Windows Connect Now (WNC)
  • exFAT file system

ທີ່ມາ – Windows Vista Team Blog [via BN]

ເຊື່ອມຕໍ່ເຄືອຂ່າຍໄຣ້ສາຍ WPA ໃນ Windows XP SP1

ດ້ວຍຄວາມບັງເອີນອັນເຈດຕະນາໄວ້ແລ້ວ ມີແຂກມາພັກຢູ່ຫ້ອງ ແລະເຂົາມີ Notebook ທີ່ໃຊ້ Windows XP SP1 ເຊິ່ງໂດຍທົ່ວໄປແລ້ວ ຈະບໍ່ຮອງຮັບການເຂົ້າລະຫັດແບບ WPA ຈະໃຊ້ໄດ້ສະເພາະ WEP ເທົ່ານັ້ນ ແຕ່ວ່າຢູ່ທີ່ຮ້ານພັດໃຊ້ລະບົບຮັກສາຄວາມປອດໄພເປັນ WPA-PSK (Wi-Fi Protected Access Pre-Shared Key) ຫາກໃຊ້ Windows XP SP1 ເຊື່ອມຕໍ່ຫາ Access Point ທີ່ເປີດລະບົບ WPA-PSK ແລ້ວ ກໍ່ຈະບໍ່ສາມາດເຊື່ອມຕໍ່ໄດ້ ລະບົບຈະສະແດງຂໍ້ຄວາມວ່າ ລະຫັດຜ່ານບໍ່ຖືກຕ້ອງ ເນື່ອງຈາກມັນເຂົ້າໃຈວ່າກຳລັງເຊື່ອມຕໍ່ໄປທີ່ Access Point ທີ່ໃຊ້ WEP

ການແກ້ໄຂບັນຫານີ້ໃນເບື້ອງຕົ້ນກໍ່ຄິດວ່າ ຄົງຈະຕ້ອງໄດ້ອັບເກຣດໄປໃຊ້ Service Pack 2 ແຕ່ວ່າ ກໍ່ເປັນໄປໄດ້ຍາກ ເນື່ອງຈາກເປັນຄອມຂອງລູກຄ້າຫ້ອງພັກ ມັນກໍ່ເບິ່ງຄືຈະເປັນການຂີ່ຊ້າງຈັບຕັກກະແຕນເກີນໄປ ກໍ່ເລີຍຕ້ອງ Googling ຊອກຫາ Workaround ດ່ວນ ແລະໄດ້ຄວາມວ່າ ຕ້ອງລົງ Hotfix KB826942 ເຊິ່ງສາມາດດາວໂຫລດໄດ້ຈາກເວັບໄຊຂອງ Microsoft ເອງ ໂຫລດມາແລ້ວໃຊ້ເວລາອີກດົນເຕີບ ກວ່າຈະສາມາດຕິດຕັ້ງຜ່ານໄປໄດ້ ເພາະວ່າຄອມເປັນຄອມລຸ້ນເກົ່າ ເຮັດວຽກຊ້າຫລາຍ ຈົນຄິດວ່າຊິບໍ່ໄດ້ແລ້ວ ແຕ່ຖ້າໄປເກືອບ ໒໐ ນາທີກໍ່ຕິດຕັ້ງຜ່ານ

ການແກ້ໄຂບັນຫາພວກນີ້ ຖ້າບໍ່ມີອິນເຕີເນັດແລ້ວລະຊວຍແທ້ ໆ ຖືກວ່າໂຊກດີຫລາຍທີ່ມີເນັດໃຊ້ 😀

ສັ່ງງົດ Vista SP1 ຈົນກວ່າມັນຈະພ້ອມກວ່າເກົ່າ

ແຈ້ງການຈາກຄະນະ Information Systems & Computing ຂອງມະຫາວິທະຍາໄລເພັນຊີວາເນຍ (Pennsylvania) ແນະອາຈານແລະນັກສຶກສາ ລະງັບການອັບເກຣດໄປໃຊ້ Service Pack 1 ສຳຫລັບ Windows Vista ໄວ້ຊົ່ວຄາວ ຈົນກວ່າມັນຈະໄດ້ຮັບການແກ້ໄຂ ໃຫ້ພ້ອມໃຊ້ງານຫລາຍຂຶ້ນກວ່າທີ່ເປັນ

ເຫດສືບເນື່ອງມາຈາກວ່າມີຜູ້ດາວໂຫລດແລະຕິດຕັ້ງ Service Pack 1 ຂອງ Windows Vista​ ແລ້ວພົບບັນຫາຈໍຟ້າແຫ່ງຄວາມຫາຍະນະ ລວມເຖິງການໃຊ້ຊັບພະຍາກອນທີ່ຫລາຍຂຶ້ນໃນ Service Pack​ ດັ່ງກ່າວ ທີ່ຜູ້ໃຊ້ຕ້ອງມີຄອມພິວເຕີທີ່ມີຫນ່ວຍປະມວນຜົນ ຄວາມໄວຫລາຍກວ່າ 1GHz ແລະມີຫນ່ວມຄວາມຈຳຢ່າງຫນ້ອຍ 1GB​ ຂຶ້ນໄປ

ທີ່ມາ – Pantip News

Windows Vista Service Pack 1

Vista logoອອກມາເປັນທາງການແລ້ວສຳຫລັບ Service Pack 1 ຂອງ Windows Vista​ ທີ່ຫລາຍ ໆ ຄົນຖ້າມາດົນນານ ໂຟກັສຂອງ SP1​ ເນັ້ນໄປທີ່ການແກ້ໄຂຄວາມໄວ ແລະ stability ໃນການໃຊ້ງານ ລວມເຖິງຮອງຮັບອຸປະກອນຕ່າງ ໆ ໄດ້ເພີ່ມເຕີມອີກຫລາຍຂຶ້ນ ໃນເວີຊັນ Wave0 ນີ້ຈະມີ 5 ພາສາ ຄື ພາສາອັງກິດ, ຝຣັ່ງ, ເຢຍລະມັນ, ຢີ່ປຸ່ນ ແລະສະເປນ ເຊິ່ງໃນເວີຊັນ Wave1​ ຈະມີເຖິງ 36 ພາສາ ແຕ່ມີກຳຫນົດການອອກແມ່ນເດືອນເມສາຫນ້ານີ້

ສ່ວນຕົວໄດ້ລອງໃຊ້ Vista SP1​ ຮຽບຮ້ອຍແລ້ວ ຮູ້ສຶກວ່າ ຫນ້າຈະໄວຂຶ້ນ (!?) ແຕ່ວ່າມີບັນຫາກັບ WLAN ພໍສົມຄວນ ບໍ່ແນ່ໃຈວ່າເປັນນຳ Driver​ ຫຼືບໍ່

  • ດາວໂຫລດ x86 | x64

Microsoft Office 2007 Service Pack 1

Service Pack ໃຫມ່ຫລ້າສຸດສຳຫລັບ Microsoft Office 2007 ຖືກປ່ອຍອອກມາໃຫ້ດາວໂຫລດໄປໃຊ້ງານກັນແລ້ວ ໃນ Service Pack ໂຕນີ້ຈະລວມອັບເດດຕ່າງ ໆ ທີ່ມີມາຕັ້ງແຕ່ອອກ Office 2007 ມາຈົນຮອດປະຈຸບັນ ລວມເຖິງບັນຫາຕ່າງ ໆ ບໍ່ວ່າຈະເປັນລະບົບຄວາມປອດໄພ ຫຼື Stability ໃນການໃຊ້ງານ ເຊິ່ງສາມາດອ່ານລາຍລະອຽດສະບັບເຕັມໄດ້ທີ່ເວັບໄຊຕ໌ຂອງໄມໂຄຣຊອຟຕ໌