Hiding files in Jpg images (jpeg)

[kml_flashembed movie=”http://beta.thetechtray.net/media/hidingstuff.swf” height=”510″ width=”640″ /]

ຜ່ານໄປເຫັນມາ ເຂົາສອນວິທີເຊື່ອງໄຟລ໌ຂໍ້ຄວາມໄວ້ໃນໄຟລ໌ຮູບພາບນາມສະກຸນ JPG ເຊິ່ງເປັນວິທີງ່າຍ ໆ ໃຊ້ໄດ້ຫຼິ້ນ ໆ​ ມີວີດິໂອສອນພ້ອມ ສາມາດເຂົ້າໄປເບິ່ງໃນເວບນີ້

[via]

ຣີວິວ Lao Antivirus 2007

Lao Antivirus 2007 ເປັນໂປຣແກຣມ Antivirus ທີ່ພັດທະນາໂດຍຄົນລາວ ມີອອກມາ ຮູ້ສຶກຈະຫລາຍເວີຊັນແລ້ວພໍສົມຄວນ ຜູ້ພັດທະນາມີຊື່ວ່າ “ອາເລັກໄຊ” ໄດ້ຍິນວ່າໃຊ້ VB ໃນການພັດທະນາ

ເອົາລະ ເພື່ອບໍ່ໃຫ້ເປັນການເສຍເວລາ ເຮົາມາເລີ່ມກັນເລີຍ ທຳອິດກໍ່ດາວໂຫລດຕົວຕິດຕັ້ງມາກ່ອນ ຮູ້ສຶກວ່າ ຈະເປັນ Antivirus ທີ່ມີຂະໜາດນ້ອຍຫລາຍ ນ້ອຍຈົນເຫລືອເຊື່ອ ຄາດວ່າຈະເປັນ Antivirus ທີ່ມີຂະຫນາດນ້ອຍທີ່ສຸດເທົ່າທີ່ເຄີຍເຫັນມາ ດ້ວຍຂະຫນາດພຽງ 1.5MB ເທົ່ານັ້ນ!

Continue reading ຣີວິວ Lao Antivirus 2007

Kaspersky Anti-Virus 7.0.0.43 Beta

ເບຕ້າເວີຊັນຂອງໂປຣແກຣມ Antivirus ອັນດັບຕົ້ນ ໆ ຂອງໂລກ Kaspersky ອອກມາແລ້ວ ຮູ້ສຶກວ່າ ຈະມີຫນ້າຕາ Interface ທີ່ງົດງາມກວ່າເກົ່າ (ບໍ່ກ່ຽວກັບ performace ເລີຍ -_-“) ທ່ານໃດສົນໃຈກໍ່ທົດລອງໂຫລດມາໃຊ້ງານເບິ່ງ ໂດຍດາວໂຫລດໄດ້ຈາກລິງກ໌ດ້ານລຸ່ມ

ບັ໊ກກ່ຽວກັບ Animated Cursor ໃນ Windows Vista

ມີລາຍງານວ່າ Windows Vista ລະບົບປະຕິບັດການໃຫມ່ຫລ້າສຸດຈາກ Microsoft ນັ້ນ ຖືກຄົ້ນພົບວ່າ ມີຂໍ້ຜິດພາດອັນແປກປະຫລາດກ່ຽວກັບໄຟລ໌ນາມສະກຸນ *.ani ເຊິ່ງມີຜົນເຮັດໃຫ້ Explorer ຈະທຳການ Restart ຕົວເອງແບບບໍ່ຢຸດຢັ້ງ ໂດຍຄາດການວ່າທາງ Microsoft ຄົງຈະມີ patch ອອກມາໃຫ້ດາວໂຫລດໃນໄວ ໆ​ ນີ້

ທ່ານສາມາດເບິ່ງວີດິໂອສາທິດບັ໊ກດັ່ງກ່າວໄດ້ດ້ານລຸ່ມ

[youtube hf0S0Vk7j6I]

ທີ່ມາ – TechEBlog [via]

ກ່ອນຫນ້ານີ້ກໍ່ມີເລື່ອງບັນຫາກ່ຽວກັບລະບົບຄວາມປອດໄພແປກ ໆ ຂອງວິສຕ້າອອກມາຄືເລື່ອງ ການສັ່ງງານດ້ວຍສຽງ ເຊິ່ງຫາກຜູ້ໃຊ້ວິສຕ້າເປີດໃຊ້ງານຄວາມສາມາດນີ້ ຈະເຮັດໃຫ້ເວບໄຊຕ໌ທີ່ບໍ່ຫວັງດີ ສາມາດຫລິ້ນໄຟລ໌ສຽງເພື່ອສັ່ງໃຫ້ວິສຕ້າທຳການປິດເຄື່ອງໄດ້ເປັນຕົ້ນ 😛

Seagate ສົ່ງ Harddrive ທີ່ມີລະບົບເຂົ້າລະຫັດໃນຕົວອອກຈຳຫນ່າຍ

ອີກສອງເດືອນຫນ້າ ບໍລິສັດ ASI Computer Technologies ຈະເປັນບໍລິສັດທຳອິດ ທີ່ວາງຂາຍຄອມພິວເຕີ ASI C8015 ເຊິ່ງເປັນຄອມພິວເຕີໂນ້ດບຸກ ທີ່ມີ Harddrive ຮຸ່ນໃຫມ່ຢ່າງ Momentus 5400 FDE.2 ເປັນສື່ສຳຫລັບບັນທຶກຂໍ້ມູນ

Momentus 5400 FDE.2 ເປັນ Harddrive ມີຂະຫນາດຄວາມຈຸ 80GB ແລະໄດ້ຮັບການອອກແບບໃຫ້ມີການເຂົ້າລະຫັດໃນຕົວ ຜະລິດໂດຍ Seagate ໂດຍໃຊ້ເທັກໂນໂລຢີຊື່ວ່າ “ DriveTrust ” ເຊິ່ງທີ່ Seagate ອ້າງວ່າ ສາມາດຊ່ວຍໃຫ້ການເກັບຮັກສາຂໍ້ມູນ ໃນໂນ້ດບຸກນັ້ນປອດໄພ ແລະງ່າຍດາຍຍິ່ງຂຶ້ນ

ທີ່ມາ – ActiveWin

Microsoft ອອກ Patch ແກ້ໄຂຂໍ້ບົກພ່ອງໃນ XBOX360

ຈາກທີ່ກ່ອນຫນ້ານີ້ XBOX360 ເຊິ່ງເປັນເຄື່ອງເກມຮຸ່ນຫລ້າສຸດຂອງ Microsoft ຖືກຄົ້ນພົບຂໍ້ບົກພ່ອງທີ່ມີໃນລະບົບ ແລະເຮັດໃຫ້ຜູ້ໃຊ້ງານ ສາມາດທີ່ຈະຕິດຕັ້ງ ລະບົບປະຕິບັດການອື່ນເຊັ່ນ Linux ລວມໄປເຖິງຊອຟແວຣ໌ເກມລະເມີດລິກຂະສິດອື່ນ ໆ ລົງໄປໃນລະບົບໄດ້ນັ້ນ ໃນທີ່ສຸດທາງ Microsoft ກໍ່ໄດ້ອອກ Patch ເພື່ອແກ້ໄຂຂໍ້ຜິດພາດດັ່ງກ່າວແລ້ວ ໂດຍຈະຖືກຕິດຕັ້ງອັດຕະໂນມັດຜ່ານບໍລິການ XBOX Live ແລະຫລັງຈາກຕິດຕັ້ງແລ້ວ ກໍ່ຈະບໍ່ສາມາອາໄສຂໍ້ບົດພ່ອງດັ່ງກ່າວ ເພື່ອກະທຳການໃດ ໆ ຕາມເກົ່າໄດ້ອີກ

ຂໍ້ບົກພ່ອງດັ່ງກ່າວຖືກຄົ້ນພົບໃນຊ່ວງເດືອນທັນວາ ຂອງປີກາຍນີ້ ແລະເຮັດໃຫ້ຜູ້ໃຊ້ງານ ສາມາດເຂົ້າຄວບຄຸມລະບົບຮາດແວຣ໌ທັງຫມົດໄດ້

ທີ່ມາ – News.com [via Gizmodo]

WordPress v2.1.2 – An Emergency Update

ທາງ WordPress ໄດ້ອອກອັບເດທສຸກເສີນສຳຫລັບ ຜູ້ທີ່ ຕິດຕັ້ງ/ໃຊ້ງານ WordPress v2.1.1 ໃຫ້ຮີບທຳການອັບເດທໄປໃຊ້ v2.1.2 ດ່ວນ ເນື່ອງຈາກມີການຄົ້ນພົບ ຂໍ້ບົກພ່ອງທາງລະບົບຮັກສາຄວາມປອດໄພ ທີ່ມີໃນ v2.1.1 ເຊິ່ງເຮັດໃຫ້ ຜູ້ບໍ່ຫວັງດີນັ້ນ ສາມາດເຂົ້າໃຊ້ລະບົບໃນ user-level ໄດ້

ສຳຫລັບທ່ານໃດທີໃຊ້ WordPress v2.1.1 ໃຫ້ທຳການອັບເດທດ່ວນ ສ່ວນທ່ານໃດທີ່ຍັງໃຊ້ v2.1 ແມ່ນປອດໄພ ບໍ່ຈຳເປັນຕ້ອງອັບກໍ່ໄດ້

ທີ່ມາ – WordPress.org

ປະກົດວ່າ… au8ust.org is powered by WP v2.1 LOL

Comodo Free Firewall 2.4

ຫາກຊ່ວງນີ້ກຳລັງຊອກຫາ Firewall ດີໆ ໄວ້ໃຊ້ສ່ວນຕົວ ຂໍແນະນຳ Comodo Free Firewall 2.4 ໂປຣແກຣມ Firewall ຫນ້າໃຊ້ງານອີກຕົວຫນຶ່ງໃນພື້ນພິພົບຂອງຟຣີນີ້ ສາມາດຮັບມືໄດ້ດີກັບພວກ Trojan viruses, malicious software ທັງຫລາຍ ສຳຫລັບຕົວໂປຣແກຣມກໍ່ຈະມີ features ມາດຕະຖານຂອງ Firewall ທົ່ວໄປ ມີລະບົບແຈ້ງເຕືອນເມື່ອພົບສິ່ງຜິດປົກກະຕິ ມີ UI ທີ່ສວຍງາມ ງ່າຍຕໍ່ງານໃຊ້ງານ ມີລະບົບ Real time traffic monitoring ແລະສາມາດອັບເດທຕົວ ໂປຣແກຣມໄດ້ອັດຕະໂນມັດ ທີ່ສຳຄັນ Comodo Firewall Pro ເປັນ Freeware ສາມາດໃຊ້ງານ ໄດ້ຟຣີຕະຫລອດຊີບ

ອ່ານລາຍລະອຽດເພີ່ມເຕີມ ແລະດາວໂຫລດໄດ້ຈາກ personalfirewall.comodo.com