SanDisk Ultra II SD Plus USB

ເບິ່ງແລ້ວກໍ່ຄ້າຍໆ ກັບວ່າຈະເປັນ SD Card ທຳມະດາທົ່ວໆໄປ ແຕ່ຄວາມບໍ່ທຳມະດາຂອງມັນກໍຄື ມັນສາມາດທີ່ຈະສຽບເຂົ້າ USB Port ໄດ້ໂດຍກົງ ບໍ່ຕ້ອງຜ່ານ Card Reader ຫລືອຸປະກອນ ເຊືອມຕໍ່ໃດໆ ເພິ່ມເຕີມເລີຍ!

SanDisk Ultra II SD Plus USB ຈະມີ USB Connector ໃນຕົວ ພຽງແຕ່ເຮົາພັບຈຸດລະຫວ່າງຂໍ້ຕໍ່ອອກ ກໍ່ຈະກາຍເປັນ USB Drive ຂຶ້ນມາໄດ້ທັນທີ

ຂໍ້ດີຂອງກາຣ໌ດຈາກ SanDisk ຕົວນີ້ກໍ່ຄື ເປັນທັງ SD Card ທີ່ໃຊ້ໄດ້ທັງກັບອຸປະກອນທີ່ ເປັນ SD compliant device ທຸກຕົວ ແລະຍັງໃຊ້ເຊື່ອມຕໍ່ກັບ USB port ໄດ້ທັນທີ ບໍ່ຕ້ອງຫຍຸ້ງຍາກກັບພວກ Card Reader ຕ່າງໆອີກຕໍ່ໄປ ຮູ້ສຶກວ່າຈະໃຊ້ງານໄດ້ສະດວກກວ່າແບບເກົ່າໆ ຫລາຍ ແຕ່ວ່າລາຄາກໍ່ແພງກວ່າ SD Card ທົ່ວໆໄປຢູ່ພໍສົມຄວນ ແບບ 512MB ຈະມີລາຄາ $49.99 ແລະ $134.99 ສຳຫລັບຂະຫນາດ 2GB

ຂໍ້ມູນເພີ່ມເຕີມ ແນະນຳໃຫ້ເບິ່ງ Interactive Tour

ທີ່ມີ – ZDNet Blog, SanDisk

SanDisk Sansa Connect

SanDisk Santa ConnectWiFi-Based MP3 Player ເຄື່ອງທຳອິດ ໃນສາຍການຜະລິດ ຂອງທາງ SanDisk. ມີຈຸດເດັ່ນທີ່ການຮອງຮັບ ການເຊື່ອມຕໍ່ ຜ່ານ Wi-Fi, ຜູ້ໃຊ້ສາມາດດາວໂຫລດເພງ ຟັງເພງອອນໄລນ໌ ຟັງວິທະຍຸ ແລະເບິ່ງຮູບພາບໄດ້ຜ່ານການເຊື່ອມຕໍ່ໄຣ້ສາຍ

Santa Connect ມາພ້ອມກັບຫນ້າຈໍຂະຫນາດ 2.2″ TFT ສີສັນສວຍງາມ (ນ່ານ!! ໄປໂຄສະນາໃຫ້ເຂົ້າອີກ 555) ແລະ Slot ສຳຫລັບໃສ່ຫນ່ວຍຄວາມຈຳແບບ microSD ເຜື່ອວ່າ ຜູ້ໃຊ້ອາດຕ້ອງການໂອນຖ່າຍເພງ ຫລືເພີ່ມຄວາມຈຸ ໃຫ້ກັບເຄື່ອງໄດ້ ໃນພາຍຫລັງ

ເຄື່ອງລຸ້ນ 4GB ຈະມີອອກວາງຈຳຫນ່າຍ ໃນຊ່ວງເດືອນມີນາປີນີ້ ໃນລາຄາປະມານ $249.99
ສຳຫລັບໃນບ້ານເຮົາ ຄືຊິບໍ່ມີຄົນໃຊ້ຫລາຍປານໃດ ຫລືອາດຈະບໍ່ມີເລີຍກໍ່ເປັນໄດ້ ກໍ່ເຫດອັນ Wi-Fi HotSpot ໃນບ້ານເຮົາຍັງມີນ້ອຍ ເທົ່າທີ່ນັບໄດ້ກໍ່ມີແຖວນ້ຳພຸ, ສະຫນາມບິນວັດໄຕ, ຖ້າເປັນຫລວງພະບາງກໍ່ຈະມີຢູ່ແຖວໆ ໃນເມືອງທີ່ຢູ່ໃກ້ກັບສູນລາວໂທລະຄົມ ນອກຈາກນັ້ນກໍ່ຍັງມີຜູ້ໃຫ້ບໍລິການບາງລາຍທີ່ໃຫ້ບໍລິກາຮ Wi-Fi HotSpot ແຕ່ໂດຍລວມແລ້ວກໍ່ຍັງມີນ້ອຍຫລາຍ ຫາກຈະເອົາມາໃຊ້ກັບເຄື່ອງອຸປະກອນທີ່ຕ້ອງໃຊ້ Wi-Fi Connection ເປັນຫລັກແບບນີ້ ອີກຢ່າງ Wi-Fi ບ້ານເຮົາເກືອບຈະທັງຫມົດ (ຫລືອາດຈະທັງຫມົດ) ຕ້ອງເສຍຄ່າໃຊ້ຈ່າຍ ໃນການໃຊ້ບໍລິການອີກ ແຕ່ກໍ່ເປັນໄປໄດ້ວ່າອາດຈະມີຄົນຊື້ມາ ແລ້ວໃສ່ເພງລົງໄປໃນຫນ່ວຍຄວາມຈຳທີ່ມາກັບເຄື່ອງ ແລະ microSD ຟັງເອົາ 😛

SanDisk Santa Connect

ທີ່ມາ: taume.com