Safari 4.0

ອອກ Final ແລ້ວສຳລັບ Safari ສຳລັບ Windows ຕົວເລກ build ແມ່ນ 4.0.530.17 ຫຼາຍຄົນຍ້ອງວ່າໄວຂຶ້ນກວ່າເວີຊັນກ່ອນໜ້ານີ້ຫຼາຍ ຜູ່ຂຽນລອງໃຊ້ແລ້ວ ໃນລຸ້ນນີ້ມີການປັບປ່ຽນ UI ຂອງໂປຣແກຣມຢູ່ເລັກນ້ອຍ ເຊັ່ນເວລາໂຫຼດໜ້າຕ່າງ ໆ ແລະໃນສ່ວນຂອງ tab ຈະມີຄວາມສວຍງາມຂຶ້ນເລັກນ້ອຍເຖິງປານກາງ.

ເຊັ່ນເຄີຍ Safari (ໜ້າຈະຮວມເຖິງ web browser ອື່ນ ໆ ທີ່ີໃຊ້ Webkit ມີ Google Chrome ເປັນຕົ້ນ) ຍັງບໍ່ສາມາດປັບ font ສຳລັບພາສາໃດພາສານຶ່ງໄດ້ຄືກັບ Firefox ຫຼື IE ເທື່ອ.

ດາວໂຫຼດ – Safari 4.0 for Windows

Safari 3.1​

ຮູ້ສຶກວ່າ ບໍ່ໄດ້ຂຽນບລັອກໃນ au8ust.org ມາດົນແລ້ວ ເກືອບລືມໄປເລີຍວ່າຍັງມີບລັອກນີ້ຢູ່ໃນໂລກ lol

Apple ອອກ Safari ເວີຊັນໃຫມ່ 3.1 ເຊິ່ງຖອດ Beta ອອກເປັນທີ່ຮຽບຮ້ອຍແລ້ວ ແລະກໍ່ຍັງຄົງໂມ້ມາຕະຫລອດວ່າ Safari ໄວກວ່າ Web browser ຄູ່ແຂ່ງເຖິງ 1.9 ເທົ່າ ໄວທີ່ສຸດໃນບັນດາໂປຣແກຣມທ່ອງເວັບທີ່ມີໃນຕະຫລາດປະຈຸບັນ

Safari ເປັນ Web Browser ຫຼືແປລາວວ່າໂປຣແກຣມທ່ອງເວັບ ທີ່ພັດທະນາໂດຍ Apple Inc. ແຕ່ກ່ອນມີໃຫ້ໃຊ້ແຕ່ສະເພາະ Mac OS ແຕ່ຕອນນີ້ຂະຫຍາຍຕະຫລາດມາ Microsoft Windows ນຳ ແລະເປັນ Web Browser ທີ່ໃຊ້ WebKit ເປັນໂຕ Render ຫນ້າເວັບ

ບັນຫາໃນການຕິດຕັ້ງ​ Safari 3.0 ໃນ Windows Vista

ການຕິດຕັ້ງ Safari 3.0 ໃນ Microsoft Windows Vista ຈະມີບັນຫາຕອນຕິດຕັ້ງ ມັນຈະຂຶ້ນ Error ລະຫັດ 2738 ຂຶ້ນມາ ເຊິ່ງຈະເຮັດໃຫ້ບໍ່ສາມາດດຳເນີນການຕິດຕັ້ງຕໍ່ໄປໄດ້

ເຊິ່ງວິທີແກ້ໄຂນັ້ນ ໃຫ້ໄປທີ່ Start > Run… ຫຼືກົດ Windows Key + R ເພື່ອເປີດຫນ້າຕ່າງ Run​ ຂຶ້ນມາ ແລ້ວພິມວ່າ:
regsvr32 vbscript.dll
ຈາກນັ້ນຄລິກ OK ກໍ່ເປັນອັນຮຽບຮ້ອຍ

ຂັ້ນຕໍ່ໄປກໍ່ພຽງຕິດຕັ້ງ Safari ຕາມປົກກະຕິກໍ່ຈະຜ່ານໄປເອງ 🙂

Safari on Windows!!


Steve Jobs ເປີດເຜີຍໃນງານ WWDC keynote ວ່າ Safari –ໂປຣແກຣມທ່ອງເວບຂອງ Mac OS X ນັ້ນ ຈະມີເປັນ Windows version ນຳ ແລະ Jobs ຍັງອ້າງວ່າ Safari ຈະໄວກວ່າ Internet Explorer ກັບ Firefox ອີກ

ເຊິ່ງຕອນນີ້ກໍ່ສາມາດດາວໂຫລດ Public Beta ໄດ້ແລ້ວ ຕ້ອງລອງທົດສອບກັນເບິ່ງ 😉

ທີ່ມາ – ZDNet Blog