BitDefender 10 ກັບ Windows Vista

ກະແສການໃຊ້ງານ Windows Vista​ ໃນບ້ານເຮົານັ້ນ ເຖິງຈະຍັງບໍ່ທັນເປັນທີ່ແຜ່ຫລາຍ ແຕ່ກໍ່ມີການໃຊ້ງານ Theme ລວມເຖິງ Icons ແລະຮູບລັກສະນະຂອງ Windows Vista ໃຫ້ເຫັນຫລາຍພໍສົມຄວນບໍ່ວ່າຈະເປັນຕາມຮ້ານອິນເຕີເນັດ ຫຼືແຜ່ນຕິດຕັ້ງ Windows XP ແບບໃຫມ່ ໆ ທີ່ຫລັງຈາກຕິດຕັ້ງແລ້ວຈະມີຮູບຮ່າງຫນ້າຕາ “ຄ້າຍ ໆ ” Windows Vista ເລີຍ (ມີຮອດ Sidebar ຢ່າງດີ)

ບັນຫາຫລັກໃຫຍ່ທີ່ເປັນທີ່ໂຈດຂານກັນໃນອັນດັບຕົ້ນ ໆ ກໍ່ຄື Hardware compatibility ຄືຄວາມເຂົ້າກັນໄດ້ກັບອຸປະກອນຕ່າງ ໆ ທີ່ມີຢູ່ແລ້ວ ບາງຄົນອາດຈະພົບວ່າ ອຸປະກອນບາງຢ່າງໃນເຄື່ອງຄອມພິວເຕີນັ້ນບໍ່ສາມາດໃຊ້ງານໄດ້ເພາະຂາດ Driver ແລະບາງທ່ານອາດຈະພົບວ່າໂປຣແກຣມຯ ທີ່ຕົນຕ້ອງໃຊ້ງານນັ້ນ ບໍ່ສາມາດໃຊ້ຮ່ວມກັນໄດ້ກັບ Windows Vista ເລີຍ ເຊິ່ງໃນຂໍ້ຫລັງນີ້ກໍ່ສ້າງບັນຫາປວດຫົວພໍສົມຄວນ ລວມເຖິງບັນດາໂປຣແກຣມ Antivirus ຕ່າງ ໆ ນຳພ້ອມ

/

BitDefender VS. Windows Vista

ທ່ານຮູ້ຫຼືບໍ່ວ່າ BitDefender 10 ເຊິ່ງເປັນ Antivirus ທີ່ມີຜູ້ນິຍົມໃຊ້ງານກັນຫລາຍນັ້ນ ບໍ່ສາມາດໃຊ້ງານຮ່ວມກັນໄດ້ກັບ Windows Vista ໄດ້ເລີຍ ເຖິງແມ່ນວ່າ ຈະສາມາດຕິດຕັ້ງໄດ້ຕາມປົກກະຕິກໍ່ຕາມ ຫາກແຕ່ວ່າຈະພົບກັບສະຖານະການອັນຫລາກຫລາຍທີ່ເຮັດໃຫ້ລະບົບ Windows Vista ຂອງທ່ານນັ້ນ ຂາດຄວາມໝັ້ນຄົງເປັນຢ່າງຍິ່ງ ທ່ານຈະພົບບັນຫາຕ່າງ ໆ ເຊັ່ນ ລະບົບຂອງທ່ານຢຸດການຕອບສະຫນອງໂດຍບໍ່ຮູ້ສາເຫດ ແລະອາດຈະຕ້ອງໄດ້ພົບກັບ Blue Screen Of The Dead ເປັນບາງຄັ້ງຄາວອີກນຳ

ແລະໃນທັນໃດທີ່ເກີດຄວາມຄິດຈະ Uninstall ຫຼືຖອດຖອນໂປຣແກຣມ BitDefender 10 ອອກນັ້ນ ທ່ານກໍ່ຈະພົບວ່າ ມັນບໍ່ສາມາດຖືກຖອນການຕິດຕັ້ງໄດ້!!!​ ລະບົບການຖອນການຕິດຕັ້ງຈະສາມາດເປີດໃຊ້ງານໄດ້ ແຕ່ວ່າບໍ່ສາມາດດຳເນີນການໄດ້ຈົນເຖິງຂັ້ນສຸດທ້າຍໄດ້ເລີຍ

Continue reading BitDefender 10 ກັບ Windows Vista

Google Maps

ຫລັງຈາກທີ່ບໍ່ໄດ້ເຂົ້າໄປເບິ່ງດົນ ເພາະວ່າແຕ່ກ່ອນໃຊ້ເນັດ 56K (ຕໍ່ໄດ້ 52Kbps) ຈຶ່ງຊ້າຫລາຍ ຕອນຫລັງນີ້ປ່ຽນມາໃຊ້ ADSL 256K ເລີຍມີໂອກາດໄດ້ໄປລອງໃຊ້ບໍລິການແຜນທີ່ຈາກ Google Maps ອີກຄັ້ງໜຶ່ງ (ເຫດສືບເນື່ອງມາຈາກໂພສຕ໌ນີ້) ກໍ່ເລີຍໄດ້ຮູ້ວ່າ Google Maps ໄດ້ອັບເດດຄວາມຄົມຊັດຂອງແຜນທີ່ ໃນປະເທດລາວແດ່ແລ້ວ ເຖິງຈະເປັນສະເພາະບາງຈຸດກໍ່ຕາມ

ເປີດແຜນທີ່ມາຫລວງພະບາງ ຄ່ອຍ ໆ ເລື່ອນ ໆ ມາເບິ່ງ ປະກົດເຫັນ…

Google Maps

ເອ໊ະ!!? ມັນຢູ່ບ່ອນໃດຂອງຫລວງພະບາງ?? ຄິດບໍ່ອອກ 555

Continue reading Google Maps

ຣີວິວ Lao Antivirus 2007

Lao Antivirus 2007 ເປັນໂປຣແກຣມ Antivirus ທີ່ພັດທະນາໂດຍຄົນລາວ ມີອອກມາ ຮູ້ສຶກຈະຫລາຍເວີຊັນແລ້ວພໍສົມຄວນ ຜູ້ພັດທະນາມີຊື່ວ່າ “ອາເລັກໄຊ” ໄດ້ຍິນວ່າໃຊ້ VB ໃນການພັດທະນາ

ເອົາລະ ເພື່ອບໍ່ໃຫ້ເປັນການເສຍເວລາ ເຮົາມາເລີ່ມກັນເລີຍ ທຳອິດກໍ່ດາວໂຫລດຕົວຕິດຕັ້ງມາກ່ອນ ຮູ້ສຶກວ່າ ຈະເປັນ Antivirus ທີ່ມີຂະໜາດນ້ອຍຫລາຍ ນ້ອຍຈົນເຫລືອເຊື່ອ ຄາດວ່າຈະເປັນ Antivirus ທີ່ມີຂະຫນາດນ້ອຍທີ່ສຸດເທົ່າທີ່ເຄີຍເຫັນມາ ດ້ວຍຂະຫນາດພຽງ 1.5MB ເທົ່ານັ້ນ!

Continue reading ຣີວິວ Lao Antivirus 2007

ພາທົວ Ubuntu 7.04 “Feisty Fawn” ຕອນທີ່ ໒

ຫລັງຈາກທີ່ຂຽນຄ້າງໄວ້ໃນຕອນທີ່ແລ້ວ ກໍ່ໄດ້ເວລາມາຂຽນຕອນຕໍ່ໄປ ແລະເປັນຕອນຈົບຂອງພາທົວນີ້ແລ້ວ

ເມື່ອຕິດຕັ້ງຮຽບຮ້ອຍແລ້ວ ລະບົບກໍ່ຈະຖາມໃຫ້ Restart ແລະເມື່ອຕົກລົງໄປ ລະບົບກໍ່ຈະເລີ້ມໃຫມ່ ໂດຍຄັ້ງນີ້ຈະເຂົ້າສູ່ Ubuntu 7.04 ຜ່ານ Harddisk ແທນ LiveCD (ຖ້າໃຜກຳຫນົດ boot priority ໃນ BIOS ຈະຕ້ອງໄດ້ກັບໄປແກ້ໄຂຄືນກ່ອນ ໃຫ້ boot ຈາກ HDD ແທນ)

Ubuntu Startup

ກໍ່ຈະພົບກັບຫນ້າຈໍນີ້

Continue reading ພາທົວ Ubuntu 7.04 “Feisty Fawn” ຕອນທີ່ ໒

ພາທົວ Ubuntu 7.04 “Feisty Fawn” ຕອນທີ່ ໑

Ubuntu ເປັນລະບົບປະຕິບັດການ Linux ທີ່ໄດ້ຮັບຄວາມນິຍົມຂຶ້ນເລື້ອຍ ໆ ໃນຊ່ວງປີທີ່ຜ່ານມາ ດ້ວຍຄວາມທີ່ເປັນ Linux Distribution ທີ່ໃຊ້ງານງ່າຍ ແລະມີຄວາມສາມາດຄົບຖ້ວນ

ແລະມື້ວານນີ້ເອງ Ubuntu 7.04 ລະຫັດ “Feisty Fawn” ກໍ່ໄດ້ອອກມາສູ່ສາຍຕາຊາວໂລກ ຜູ້ຄົນແຫ່ແຫນກັນໄປ Ubuntu.com (ຈົນເຮັດໃຫ້ Server ລົ່ມເປັນຄັ້ງຄາວ -_-“) ເຊິ່ງ au8ust.org ກໍ່ພາດບໍ່ໄດ້ທີ່ຈະນຳມາຣີວິວໃຫ້ ໄດ້ອ່ານກັນ

ໃນບົດຄວາມຣີວິວ Ubuntu 7.04 ນີ້ ຈະເປັນແບບ Step-By-Step ຕັ້ງແຕ່ຂັ້ນຕອນການຕິດໄປ ໄປຈົນເຖິງສ່ວນຕ່າງ ໆ ຂອງລະບົບ ແລະມີພາບປະກອບເປັນຈຳນວນຫລາຍ ດັງນັ້ນ ທ່ານໃດທີ່ໃຊ້ເນັດຊ້າກໍ່ກຽມໃຈໄວ້ເລັກນ້ອຍ 😛 Continue reading ພາທົວ Ubuntu 7.04 “Feisty Fawn” ຕອນທີ່ ໑