GIMP 2.6 ມາແລ້ວ

GIMP (GNU Image Manipulation Program) ໂປຣແກຣມແຕ່ງພາບແບບ Open Source ອອກເວີຊັນໃໝ່ຮຽບຮ້ອຍແລ້ວ UI ຫຼັກບໍ່ປ່ຽນແປງໄປຫຼາຍປານໃດ ແຕ່ພາຍໃນມີການປ່ຽນແປງພໍສົມຄວນ ທີ່ເດັ່ນ ໆ ກໍ່ຄືໃຊ້ Cairo ໃນການແຕ້ມເສັ້ນຕ່າງ ໆ ໄດ້ເຮັດໃຫ້ພາບອອກມານຽນຂຶ້ນຫຼາຍກວ່າເກົ່າ ແລະມີ Free Select ພ້ອມ Brush ມາໃນເວີຊັນ 2.6 ນີ້ແລ້ວ ທີ່ສຳຄັນໃນ GIMP ເວີຊັນ 2.6 ໄດ້ໃຊ້ GEGL ເຊິ່ງເປັນ graph based image processing framework ທີ່ຊ່ວຍໃຫ້ພາບອອກມາດີກວ່າເກົ່າຫຼາຍ

ສຳລັບຜູ້ໃຊ້ Linux ສາມາດຖ້າໂຫລດເອົາຈາກ package ໄດ້ ສ່ວນຜູ້ໃຊ້ Windows ສາມາດໂຫລດໄດ້ຈາກ link ນີ້ເລີຍ

Blender Game Engine Tech Demo

ພໍດີໄດ້ຍິນໝູ່ບອກວ່າ ກຳລັງຊິສ້າງເກມ ກໍ່ເລີຍວ່າຂຽນເລື່ອງເກມແດ່ຈັກໜ່ອຍ 😉 ສຳລັບຊື່ Blender ຫຼາຍຄົນທີ່ນິຍົມ Linux ອາດຈະຮູ້ກັນແລ້ວວ່າ ມັນຄືໂປຣແກຣມອອກແບບ 3D Model ທີ່ເປັນ OpenSource ແລະມີຊື່ສຽງຫຼາຍໃນ Linux. ໃນຫຼາຍເດືອນທີ່ຜ່ານມາທາງ Blender ແລະ Crystal Space projects ໄດ້ຮ່ວມມືກັນສ້າງເກມສາມມິຕິທີ່ເປັນ opensource ທີ່ມີແນວຄິດຈະໃຫ້ມີຄວາມທັດທຽມກັບ industry standard ຂອງວົງການເກມສາມມິຕິ.

ເກມທີ່ວ່ານີ້ມີຊື່ວ່າ “Frankie” ເຊິ່ງໃນເບື້ອງຕົ້ນທາງທາງຝ່າຍພັດທະນາຄາດຫວັງວ່າຈະສາມາດ ອອກເກມນີ້ໄດ້ໃນຊ່ວງທ້າຍເດືອນສິງຫາ ແຕ່ວ່າກໍ່ບໍ່ເປັນໄປຕາມນັ້ນ. ເຖິງຢ່າງໃດກໍ່ຕາມ ທາງ Blender ແລະ Crystal Space ກໍ່ອອກ technology demo ທີ່ພັດທະນາໂດຍໃຊ້ Blender Game Engine ໃຫ້ໄດ້ທົດລອງຫຼິ້ນກັນ. ພາຍໃນເດໂມ Yo Frankie Demo 1.1 ຈະມີດ່ານທີ່ສາມາດຫຼິ້ນໄດ້ເພື່ອສາທິດກ່ຽວກັບ Engine ຂອງເກມ.

ຕົວເກມເປັນລິກຂະສິດ GPL/LGPL ເຊິ່ງທາງຝ່າຍພັດທະນາໄດ້ອອກເດໂມສຳລັບ Linux, Windows, ແລະ Mac OS X ໃຫ້ໄດ້ລອງກັນທົ່ວໜ້າ. ຍິ່ງໄປກວ່ານັ້ນ ໃນອະນາຄົດຍັງມີ 64Bit ອອກມານຳ.

ຂໍ້ມູນເພີ່ມເຕີມແລະດາວໂຫລດ ສາມາດເບິ່ງໄດ້ໃນເວັບໄຊ YoFrankie.org

OpenOffice 3.0 RC1

ໃຊ້ເວລາດົນພໍສົມຄວນກວ່າຈະອອກ Release Candidate version ມາໃຫ້ທົດລອງໃຊ້ ເຊິ່ງກໍ່ມີການພັດທະນາໄປຫຼາຍພໍສົມຄວນເມື່ອ ທຽບກັບສາຍການພັດທະນາໃນເວີຊັນ 2.x ແຕ່ຢ່າງໃດກໍ່ຕາມ OpenOffice 3.0 Final ນັ້ນ ຍັງບໍ່ໄດ້ມີກຳນົດການແລ້ວເສັດເທື່ອ ອາດຈະໃຊ້ເວລາໄປຈົນຮອດຕົ້ນປີໜ້າກໍ່ເປັນໄດ້.

ສຳລັບທ່ານທີ່ສົນໃຈທົດລອງ RC1 ສາມາດເລືອກດາວໂຫລດໄດ້ຕາມຕ້ອງການ.

Firefox 3.1 Alpha 2

Firefox 3.1 Alpha 2 ຫຼືທີ່ເອີ້ນກັນໃນລະຫັດການພັດທະນາວ່າ “Shiretoko Alpha 2” ນັ້ນຖືກປ່ອຍອອກມາໃຫ້ດາວໂຫລດ ໄປທົດລອງໃຊ້ກັນແລ້ວ ໂດຍໃຊ້ Gecko 1.9.1 ແລະຮອງຮັບຄວາມສາມາດໃໝ່ ໆ ເຊັ່ນ:

ອ່ານເພີ່ມເຕີມ ຫຼືດາວໂຫລດໄດ້ຈາກເວັບໄຊຂອງ Mozilla

Google Chrome — Web browser ຈາກ Google!

ຫຼັງຈາກທີ່ເປັນຂ່າວມາດົນວ່າ Google ຈະສ້າງ Web browser ຫຼືໂປຣແກຣມທ່ອງເວັບຂຶ້ນມາດ້ວຍຕົວເອງ ແຕ່ທີ່ຜ່ານມາກໍ່ບໍ່ໄດ້ມີຫຼັກຖານຫຍັງ ຈົນມາຮອດຕອນນີ້ ທາງ Google ໄດ້ອອກມາປະກາດຢ່າງເປັນທາງການແລ້ວວ່າ ກຳລັງພັດທະນາ Google Chrome ຢູ່

ໂດຍຫຼັກແລ້ວ Google Chrome ຖືກອອກແບບມາໃໝ່ ບໍ່ຄືດັ່ງທີ່ Web browser ໃນປັດຈຸບັນ ໂດຍສະເພາະແມ່ນເລື່ອງລະບົບ multi-process ທີ່ຖືກນຳມາໃຊ້ໃນ Chrome ນີ້. ການເປີດ Tab ນັ້ນ ຈະຖືກແບ່ງອອກເປັນ process ສະເພາະຂອງໃຜມັນ ເມື່ອແຖບໃດມີບັນຫາ ກໍ່ສາມາດປິດແຖບນັ້ນ ເພື່ອປ້ອງກັນບໍ່ໃຫ້ລະບົບລົ້ມທັງໝົດພ້ອມ ໆ ກັນ (ເຊັ່ນໃນ IE ຫຼື Firefox ມັກເປັນ).

ໃນສ່ວນຂອງການສະແດງຜົນແລ້ວ Chrome ໃຊ້ Webkit ເປັນ rendering engine (ແບບດຽວກັບທີ່ໃຊ້ໃນ Safari –Web browser ຂອງ Apple) ແລະໃຊ້ “V8” ເຊິ່ງເປັນຕົວປະມວນຜົນ JavaScript ທີ່ຖືກພັດທະນາໂດຍທາງ Google ໃນປະເທດເດັນມາກ. V8 ໃຊ້ການເຮັດວຽກແບບ virtual machine ເປັນເທັກນິກໃນການເລັ່ງປະສິດທິພາບ.

ໃນດ້ານຂອງ UI ແລ້ວ ທີມພັດທະນາໄດ້ຕັດສິນໃຈເອົາແຖບຕ່າງ ໆ ຂຶ້ນໄປໄວ້ດ້ານເທິງແທນທີ່ຈະໄວ້ທາງກ້ອງດັ່ງ Web browser ທົ່ວໄປ (ຕາມຮູບປະກອບດ້ານລຸ່ມ).

ຄວາມປ່ຽນແປງອື່ນ ໆ ຂອງ UI ທີ່ສັງເກດໄດ້ຄື ໃນ Chrome ຈະບໍ່ມີ Search box ແລ້ວ ເພາະມັນຖືກລວມກັບ Address bar ແລ້ວຖືກເອີ້ນຊື່ວ່າ “Omni Box” ເຊິ່ງສາມາດໃຊ້ຄົ້ນຫາ Bookmark ແລະ History ໄດ້ນຳ. ການເປີດແຖບໃຫມ່ ຈະມີຂໍ້ມູນແນະນຳເຊັ່ນ ເວັບໄຊທີ່ເຂົ້າໄປໃຊ້ຫຼາຍທີ່ສຸດ ແລະຄຳຊອກຫາທີ່ໃຊ້ຫຼາຍທີ່ສຸດເປັນຕົ້ນ.

ໃນດ້ານຂອງລະບົບຄວາມປອດໄພນັ້ນ ທຸກ ໆ process ຈະຖືກເປີດໃຊ້ໃນແບບ sandbox ເພື່ອບໍ່ໃຫ້ແຕ່ລະ process ໄປຫຍຸ້ງຕໍ່ກັນແລະກັນ ແລະຍັງດາວໂຫລດລາຍຊື່ເວັບທີ່ບໍ່ປອດໄພມາໄວ້ສະເໝີ ເພາະປ້ອງກັນບໍ່ໃຫ້ເຂົ້າໄປໃນເວັບທີ່ອາດຈະເປັນອັນຕະລາຍໄດ້.

ໃນສ່ວນອື່ນ ໆ ກໍ່ມີ “Gears” ທີ່ຖືກລວມເຂົ້າມາໃນ Chrome ນຳ ເພື່ອສະດວກຕໍ່ການນຳໃຊ້ ບໍ່ຄືແບບເກົ່າທີ່ຕ້ອງໂຫລດມາເອງ.

Google Chrome ມີກຳນົດອອກມື້ອື່ນ (ຖັດຈາກມື້ທີ່ກຳລັງຂຽນຂ່າວນີ້) ເຊິ່ງກໍ່ຄາດວ່າຈະໄດ້ຮັບສຽງຕອບຮັບຢ່າງກວ້າງຂວາງແນ່ນອນ.

ທາງທີມງານ Chrome ໄດ້ແຕ້ມກາຕູນສາທິດ ແລະແນະນຳໄວ້ໃນ http://books.google.com/books?id=8UsqHohwwVYC&printsec=frontcover ອະທິບາຍກ່ຽວກັບແນວຄິດ ແລະທິດທາງຂອງ Chrome ໄວ້.

ທີ່ມາ – Official Google Blog, TechCrunch, Blognone

Joomla.org hacked

ວັນທີ່ ໑໔ ສິງຫາ ໒໕໕໑ ເວລາປະມານ ໙ ໂມງ ໕໕ ນາທີ ມີຂ່າວວ່າ Joomla.org ຖືກ Hack ເປັນທີ່ຮຽບຮ້ອຍ…

Joomla.org

ແລະອີກປະມານ ໓໕ ນາທີຕໍ່ມາ ກໍ່ກັບມາພ້ອມຫນ້າເວັບໃຫມ່ ເຊິ່ງໃນລະຫວ່າງນັ້ນກໍ່ຂຶ້ນຂໍ້ຄວາມ “be right back.” ມາໃຫ້ເບິ່ງແທນ

WordPress Mu 2.6

ກ່ອນຫນ້ານີ້ທາງທີມງານພັດທະນາ Mu ໄດ້ອອກເວີຊັນ RC1 ມາໃຫ້ທົດລອງໃຊ້ໄດ້ປະມານ ໒ ອາທິດ ຈາກນັ້ນກໍ່ຕາມດ້ວຍ WordPress Mu 2.6 ຢ່າງເປັນທາງການໃນມື້ນີ້ເອງ ເຊິ່ງໂດຍຫລັກແລ້ວ ເວີຊັນນີ້ຈະເປັນການປັບປຸງແບບຂ້າມເລກເວີຊັນ ຈາກເດີມທີ່ນັບມາເປັນ 1.3.3 ກໍ່ຂ້າມມາເປັນ 2.6 ເລີຍ

ນອກຈາກຈະອັບເດດຄວາມສາມາດຕ່າງ ໆ ໃຫ້ເທົ່າກັບ WordPress 2.6 ແລ້ວ ກໍ່ຍັງປັບປຸງດ້ານຄວາມປອດໄພຂຶ້ນອີກ ເຊິ່ງເປັນອີກກ້າວສຳຄັນຂອງ WordPress Mu

ຖ້າຢາກທົດລອງໃຊ້ບລັອກທີ່ສ້າງຈາກ Mu ຢ່າລືມ LaoBlogger.com ບໍລິການຟຣີບລັອກສຳຫລັບຄົນລາວ! (ມາໂຄສະນານຳ)

ທີ່ມາ – ocaoimh.ie [via] WPMUTutorial

ຕິດຕັ້ງ Font ໃນ Windows ຢ່າງເທບ

ທຳມະດາແລ້ວໃນລະບົບປະຕິບັດການ Windows ນັ້ນ ການຈະ ຕິດຕັ້ງຟອນ ຈະຕ້ອງໄດ້ເຂົ້າໄປໃນ Folder ຂອງ Fonts ແລ້ວກໍ່ຈັດການຕິດຕັ້ງຜ່ານຫນ້າຕ່າງນັ້ນ ແລະຫລາຍ ໆ ຄັ້ງມັນກໍ່ເປັນເລື່ອງທີ່ຫຍຸ້ງຍາກຫລາຍທີ່ຈະເຮັດຊ້ຳ ໆ ເມື່ອຕ້ອງການຕິດຕັ້ງຟອນໃນໂອກາດຫນຶ່ງ ມື້ນີ້ເລີຍມີໂປຣແກຣມນ້ອຍ ໆ ແຕ່ມີປະໂຫຍດຫລາຍມາແນະນຳ

Screenshot

ClickFont ເປັນໂປຣແກຣມຊ່ວຍຕິດຕັ້ງຟອນໃນ Windows ແບບງ່າຍ ໆ ນອກຈາກມັນຈະສົ່ງໄຟລ໌ຟອນໄປຫາ C:\Windows\Fonts\ ແລ້ວ ກໍ່ຍັງຈັດການຂຽນຄ່າລົງໃນ Registry ເພື່ອຢືນຢັນການຕິດຕັ້ງໃຫ້ພ້ອມ

ໂປຣແກຣມນີ້ເປັນ OpenSource ສາມາດໃຊ້ງານໄດ້ຟຣີ ຫຼືຈະດາວໂຫລດ Source code ໄປສຶກສາກໍ່ໄດ້

FileZilla 3.1.0

ຫລັງຈາກທີ່ FileZilla ອອກເວີຊັນ 3.0.x ມາຫລາຍເດືອນ ຕອນນີ້ສາຍການພັດທະນາໃນເວີຊັນ 3.1.x ກໍ່ອອກມາແລ້ວ ເຊິ່ງໃນເວີຊັນນີ້ກໍ່ຍັງຄົງສືບຕໍ່ແກ້ໄຂຂໍ້ຜິດພາດຕ່າງ ໆ ຈາກເວີຊັນກ່ອນໃຫ້ດີຂຶ້ນ

ສຳຫລັບທ່ານທີ່ຍັງບໍ່ຮູ້ FileZilla ເປັນໂປຣແກຣມປະເພດ FTP Client ທີ່ເປັນ OpenSource ທີ່ມີຄວາມສາມາດຮອບດ້ານ ຮອງຮັບທັງ FTP, FTPS ແລະ SFTP ມີໃຫ້ໃຊ້ທັງໃນ Windows ແລະ Linux OS

Firefox 3.0.1

ອອກ Firefox 3 ມາບໍ່ດົນ ກໍ່ມີ update ຕາມມາແລ້ວ ເນື່ອງດ້ວຍບັນຫາຈາກຄວາມປອດໄພໃຫຍ່ ໓ ຢ່າງ ທີ່ຈະເຮັດໃຫ້ Firefox ມີບັນຫາຫນັກ ຮວມເທິງໄດ້ແກ້ໄຂບັນຫາເລັກນ້ອຍຕ່າງ ໆ ທີ່ເວີຊັນເກົ່າອີກ ໙ ຢ່າງ ອ່ານລາຍລະອຽດໄດ້ໃນ Release notes

ຜູ້ໃຊ້ Firefox 3 ຈະສາມາອັບເດດເປັນ 3.0.1 ໄດ້ຜ່ານເມນູ Help > Check for Updates ສ່ວນຜູ້ໃຊ້ທີ່ຍັງບໍ່ມີ Firefox ໃນລະບົບເທື່ອກໍ່ສາມາດດາວໂຫລດມາຕິດຕັ້ງໄດ້ຈາກ Link ດາວໂຫລດດ້ານລຸ່ມ