Toshiba ຈະຂາຍ Notebook ທີ່ໃຊ້ AMD

ToshibaToshiba Corp. –ບໍລິສັດຜະລິດຄອມພິວເຕີ Notebook ອັນດັບ 4 ຂອງໂລກ ໄດ້ປະກາດຈະເລີ່ມນຳໃຊ້ CPU ຈາກ AMD ມາໃຊ້ໃນສາຍການຜະລິດ Notebook ຂອງຕົນ ໂດຍຕັ້ງເປົ້າໄວ້ວ່າ ຈະໃຊ້ AMD ປະມານ 20% ຂອງຈຳນວນເຄື່ອງທີ່ຈະວາງຂາຍໃນອາເມລິກາ ແລະຢູໂຣບ

ການປ່ຽນມາໃຊ້ CPU ຂອງ AMD ໃນຄັ້ງນີ້ ຄາດການກັນວ່າຈະຊ່ວຍໃຫ້ລາຄາຜະລິດຕະພັນຖືກລົງປະມານ $80 ໂດຍຈະເລີ່ມອອກວາງຂາຍໃນຊ່ວງລະດູຮ້ອນປີນີ້

ທີ່ມາ – Yahoo! News [via Engadget]

ຈະໄດ້ເຫັນ Notebook ຮ້ອນ ໆ ຈາກ Toshiba ແລ້ວ *-*

NVIDIA ອອກ GeForce 8 ສຳຫຼັບ Notebook

ຜູ້ຜະລິດຫນ່ວຍປະມວນຜົນກຣາຟຟິກລາຍໃຫຍ່ຢ່າງ NVIDIA ໄດ້ອອກຖະແຫລງການເຖິງກາຣ໌ດຈໍໃນສາຍ GeForce 8 ສຳຫຼັບຄອມພິວເຕີແບບ Notebook ແລ້ວ ໂດຍໃນເບື້ອງຕົ້ນນັ້ນ ຈະເປັນ GeForce 8600M ແລະ GeForce 8400M ຄວາມສາມາດຫລັກ ໆ​ ໃນກາຣ໌ດຈໍຮຸ່ນໃຫມ່ນີ້ກໍ່ຄື Nvidia’s PureVideo HD video processing engine ທີ່ໃຊ້ໃນການປະມວນຜົນໄຟລ໌ວີດິໂອ HD-DVD, Blu-ray and HD (high-definition) ແລະຍັງມີເທັກໂນໂລຢີ Nvidia PowerMizer ທີ່ຈະຊ່ວຍໃຫ້ປະຫຍັດພະລັງງານໄດ້ອີກ

GeForce 8600M ແລະ 8400M ຈະເປັນ GPU ຮຸ່ນທຳອິດຂອງ Notebook ທີ່ຮອງຮັບ DirectX 10 ໂດຍຈະມີວາງຈຳໜ່າຍຈາກ Notebook ຄ່າຍຕ່າງ ໆ ເຊັ່ນ HP, Toshiba, Acer, Samsung ແລະ Asus ເປັນຕົ້ນ ສ່ວນລາຄານັ້ນ ຍັງບໍ່ທັນມີການເປີດເຜີຍເທື່ອ (ແຕ່ຄາດວ່າຈະແພງຢ່າງບໍ່ຕ້ອງສົງໄສ 😛 )

ທີ່ມາ – DigiTimes [via]

ໜ່ວຍຄວາມຈຳ Flash ຈະຖືກນຳມາໃຊ້ໃນ Notebooks ຫລາຍຂຶ້ນ

iSuppli ເຊິ່ງເປັນບໍລິສັດທີ່ວິໄຈຂໍ້ມູນທາງການຕະຫຼາດ ໄດ້ມີລາຍງານອອກມາວ່າ ການໃຊ້ງານໜ່ວຍຄວາມຈຳແບບ Flash ຈະເພີ່ມສູງຂຶ້ນເລື້ອຍ ໆ ຈົນໃນປີທ້າຍປີ 2009 ຈະສາມາດກິນຕະຫລາດກວ່າເຄິ່ງໜຶ່ງ ຫຼືປະມານ 60% ຂອງ Notebooks ທັງໝົດໄດ້ (ຄິດເປັນ Notebooks ຈຳນວນເຖິງ 40.1 ລ້ານເຄື່ອງທີ່ຈະວາງຂາຍໃນອະນາຄົດນີ້)

ນອກຈາກນັ້ນ ລາຍງານຍັງລະບຸວ່າໃນປີ 2003 ລາຄາໜ່ວຍຄວາມຈຳແບບ NAND flash ຄວາມຈຸ 1GB ມີລາຄາແພງກວ່າໜ່ວຍຄວາມຈຳແບບ Harddisk ເຖິງ 100 ເທົ່າ ແຕ່ຕົວເລກນີ້ຈະຫລຸດລົງເຫລືອພຽງ 14 ເທົ່າໃນອີກ 2-3 ປີຂ້າງໜ້ານີ້ ເຊິ່ງຈະເຮັດໃຫ້ Notebooks ຕ່າງ ໆ ຈະຫັນມາໃຫ້ຄວາມສົນໃຈກັບ NAND flash memory ກັນຫຼາຍຂຶ້ນແນ່ນອນ

ທີ່ມາ – DailyTech [via]

Fujitsu ອອກໂນ້ດບຸກໃຊ້ SSD ເກັບຂໍ້ມູນ

Fujitsu ບໍລິສັດຜະລິດອຸປະກອນ IT ລາຍໃຫຍ່ຂອງຢິ່ປຸ່ນ ໄດ້ອອກຄອມພິວເຕີໂນ້ດບຸກຮຸ່ນໃຫມ່ ທີ່ໃຊ້ການເກັບຂໍ້ມູນໃນ Flash solid-state drive (SSD) ແທນ Harddisk drive ແບບເກົ່າ ເຊິ່ງໂນ້ດບຸກດັ່ງກາວນັ້ນຈະເປັນ Tablet PC ສອງຮຸ່ນ ຄື LifeBook P1610 ແລະ LifeBook B6210.

ໂດຍໃນໂມເດລ P1610 ຈະເປັນໂນ້ດບຸກທີ່ມີໜ້າຈໍສຳຜັດຂະໜາດ 8.9″, ໃຊ້ CPU ຂອງ Intel Core Solo 1.2GHz, ແຣມ 1GB ແລະມີລະບົບໄຣ້ສາຍ WiFi 802.11a/b/g, ໃຊ້ລະບົບປະຕິບັດການ Windows XP ຫຼື Windows Vista (ເລືອກໄດ້ຢ່າງດຽວ). ນອກຈາກນັ້ນທາງ Fujitsu ຍັງລະບຸວ່າ ລູກຄ້າສາມາດຈະສັ່ງໄດ້ວ່າ ຈະໃຊ້ harddisk drive ແບບເກົ່າ ຫຼືຈະໃຊ້ Flash solid-state drive ໃນການເກັບຂໍ້ມູນ ໂດຍມີຂະໜາດໃຫ້ເລືອກໃຊ້ສອງຂະໜາດຄື 16GB ແລະ 32GB ແລະຈະຕ້ອງເພີ່ມເງິນ $700 ແລະ $1200 ຫາກຕ້ອງການເລືອກໃຊ້ Flash solid-state drive ດັ່ງກ່າວ.

ສ່ວນໂມເດລ B6210 ຈະມີໜ້າຈໍໃຫຍ່ເຖິງ 12.1″ ສ່ວນລາຍລະອຽດອື່ນ ໆ ກໍ່ຄ້າຍກັບ P1610

ທີ່ມາ – The Tech Report

Flash solid-state drive (SSD) ເປັນການໃຊ້ໜ່ວຍຄວາມຈຳແບບ Flash ໃນການເກັບຂໍ້ມູນ ເຊິ່ງໜ່ວຍຄວາມຈຳປະເພດນີ້ມີຂໍ້ດີທີ່ວ່າ ມີຂະໜາດເບົາ, ມີຄວາມໄວໃນການເຂົ້າເຖິງສູງ, ທົນຕໍ່ແຮງກະແທກ, ແລະເກັບຮັກສາຂໍ້ມູນໄດ້ດີກວ່າ ແຕ່ເຖິງຢ່າງໃດກໍ່ຕາມ SDD ກໍ່ຍັງມີລາຄາທີ່ສູງຢູ່ຫລາຍເມື່ອທຽບກັບ Harddisk drive ແບບເກົ່າ ເຊິ່ງໝາຍຄວາມວ່າ ໃນບ້ານເຮົາຄົງຈະຍັງບໍ່ເປັນທີ່ແຜ່ຫລາຍໃນມໍ່ ໆ ນີ້ແນ່ນອນ

Seagate ສົ່ງ Harddrive ທີ່ມີລະບົບເຂົ້າລະຫັດໃນຕົວອອກຈຳຫນ່າຍ

ອີກສອງເດືອນຫນ້າ ບໍລິສັດ ASI Computer Technologies ຈະເປັນບໍລິສັດທຳອິດ ທີ່ວາງຂາຍຄອມພິວເຕີ ASI C8015 ເຊິ່ງເປັນຄອມພິວເຕີໂນ້ດບຸກ ທີ່ມີ Harddrive ຮຸ່ນໃຫມ່ຢ່າງ Momentus 5400 FDE.2 ເປັນສື່ສຳຫລັບບັນທຶກຂໍ້ມູນ

Momentus 5400 FDE.2 ເປັນ Harddrive ມີຂະຫນາດຄວາມຈຸ 80GB ແລະໄດ້ຮັບການອອກແບບໃຫ້ມີການເຂົ້າລະຫັດໃນຕົວ ຜະລິດໂດຍ Seagate ໂດຍໃຊ້ເທັກໂນໂລຢີຊື່ວ່າ “ DriveTrust ” ເຊິ່ງທີ່ Seagate ອ້າງວ່າ ສາມາດຊ່ວຍໃຫ້ການເກັບຮັກສາຂໍ້ມູນ ໃນໂນ້ດບຸກນັ້ນປອດໄພ ແລະງ່າຍດາຍຍິ່ງຂຶ້ນ

ທີ່ມາ – ActiveWin

ກຽມພົບໂນ້ດບຸກ dual-GPU ຈາກ Gigabyteໃນງານ CeBIT

Gigabyte Technology ກຽມເປີດຕົວໂນ້ດບຸກ dual-GPU ຂອງຕົນໃນງານ CeBIT ປະຈຳປີນີ້ ໂດຍໂນ້ດບຸດດັ່ງກ່າວ ທາງ Gigabyte ອ້າງວ່າ ເປັນໂນ້ດບຸກທີ່ເຄື່ອງທຳອິດຂອງໂລກທີ່ມີ GPU ເຖິງສອງຕົວໃນເຄື່ອງດຽວ

ໃນວັນອັງຄານທີ່ຜ່ານມາ Gigabyte –ບໍລິສັດຜະລິດຄອມພິວເຕີຈາກໄຕ້ຫວັນ ໄດ້ມີຖະແຫລງການອອກມາວ່າ ຈະມີການເປີດເຜີຍໂນ້ດບຸກ ຫລາຍຮຸ່ນໃນສາຍການຜະລິດ W ໃນງານ CeBIT ຈັດຂຶ້ນທີ່ປະເທດເຢັຍລະມັນ ໂດຍລາຍລະອຽດຕ່າງ ໆ ຂອງຜະລິດຕະພັນນັ້ນ ຍັງບໍ່ມີອອກມາ ເຊິ່ງຄາດວ່າ ທາງ Gigabyte ຄົງຈະເກັບໄວ້ເປີດເຜີຍໃນງານບາດດຽວ

ທີ່ມາ – Electronista

ຂໍ້ມູນເພິ່ມເຕີມ XG Station –ກາຣ໌ດຈໍພາຍນອກຈາກ ASUS

XG Station ກາຣ໌ດຈໍພາຍນອກ ທີ່ໃຊ້ອິນເຕີເຟສແບບ PCIe ຈາກ ASUS ມີກຳຫນົດວາງຈຳຫນ່າຍພາຍໃນເດືອນຫນ້ານີ້ ໂດຍຈະຂາຍພ້ອມກັບກາຣ໌ດຈໍ PCIe ທຳມະດາ ເຊິ່ງລາຄາກໍ່ຈະຂຶ້ນຢູ່ກັບກາຣ໌ດລຸ້ນນັ້ນ ໆ. XG Station ຈະມາພ້ອມກັບຄວາມສາມາດໃນການ overclock ໃນຕົວ ແລະຫນ້າຈໍທີ່ບອກລາຍລະອຽດກ່ຽວກັບການທຳງານຕ່າງ ໆ ເຊັ່ນຄວາມໄວ GPU clock, ອຸຫະພູມ, ສະຖານະການທຳງານຂອງລະບົບສຽງ, FPS ແລະອື່ນ ໆ

ASUS ກຳຫນົດເປົ້າຫມາຍຂອງ XG Station ເປັນກຸ່ມຜູ້ໃຊ້ງານຄອມພິວເຕີໂນ້ດບຸກ ທີ່ຕ້ອງການປະສິດທິພາບ ໃນການປະມວນຜົນດ້ານກຣາຟຟິກ ທີ່ສູງກວ່າລະດັບປົກກະຕິ ເຊັ່ນຜູ້ໃຊ້ທີ່ເນັ້ນຫນັກໃນການຫລິ້ນເກມເປັນຕົ້ນ

ທີ່ມາ – Neowin.net

Estari DC15 – ໂນ້ດບຸກ dual screen + touch screen ເຄື່ອງແຮກຂອງໂລກ!!

estars-15dc-dual-touch-scre_jpg.jpgEstari DC15 ໂນ້ດບຸກເຄື່ອງທຳອິດຂອງໂລກ ທີ່ໃຊ້ທັງຫນ້າຈໍຄູ່  ແລະຫນ້າຈໍສຳຜັດ ຂັບເຄື່ອນດ້ວຍ Intel Dual Core Processor 1.83GHz ພ້ອມແຣມ 2 GB ແລະ HDD ຂະຫນາດ 60, 100 GB ຫນ້າຈໍ 15” widescreen ຮອງຮັບ WiFi ໃນໂຕ

ຫນ້າຈໍຂອງ Estari DC15 ສາມາດເລືອກໃຊ້ງານໄດ້ທັງໃນແນວຕັ້ງ ແລະແນວນອນ ສາມາດໃຊ້ virtual keyboard ຜ່ານຫນ້າຈໍສຳຜັດໄດ້ ຫລືອາດຈະເຊື່ອມຕໍ່ຄີບອຣ໌ດພາຍນອກຜ່ານ USB ແລະ wireless ຫາກຕ້ອງການ

ຂໍ້ດ້ອຍຫລັກ ໆ ຂອງ DC15 ຄື ມັນມີນ້ຳຫນັກຫລາຍເຖິງ 5.9 ກິໂລ, ສາມາດໃຊ້ງານຕໍ່ເນື່ອງໄດ້ພຽງ 2.5 ຊົ່ວໂມງ ແລະມີລາຄາວາງຈຳຫນ່າຍທີ່ສູງພໍ ໆ ກັບນ້ຳຫນັກຄື $4350!!

estars-15dc-dual-touch-scre_jpg_2.jpg

ທີ່ມາ – NewLuanches [via TechEBlog]

ອ່າ… ລາຄາປານນີ້ຊິມີໃຜສູ້ໄຫວບໍ່ລ່ະ? ແລ້ວ ເອົາມາໃຊ້ງານປະເພດໃດລ່ະນໍ້…  😮

Intel ແລະ Nokia ລົ້ມເລີກແຜນການ 3G Module ສຳຫລັບ Notebook

ແຜນການທີ່ທາງ Intel ແລະ Nokia ເຄີຍປະກາດໃນຊ່ວງປີ 2549 ວ່າ ຈະຮ່ວມມືກັນອອກແບບ ແລະພັດທະນາ HSDPA (High-Speed Downlink Packet Access) module ສຳຫລັບຄອມພິວເຕີໂນ໊ດບຸກນັ້ນ ຫລ້າສຸດທັງສອງຝ່າຍ ໄດ້ອອກມາປະກາດອີກຄັ້ງຫນຶ່ງວ່າ ແຜນການຄວາມຮ່ວມມືດັ່ງກ່າວ ຖືກຍົກເລີກໄປແລ້ວ ແຕ່ເຖິງຢ່າງໃດກໍ່ຕາມ ທາງ Nokia ກໍ່ໄດ້ອອກມາຖະແຫລງການວ່າ HSDPA module ນັ້ນ ຍັງຄົງມີການພັດທະນາຢູ່ຕໍ່ໄປ ເຖິງແມ່ນວ່າຈະຍັງບໍ່ມີການຕັດສິນໃຈ ທີ່ຈະນຳອອກມາຜະລິດ ເຜື່ອຈັດຈຳຫນ່າຍໃນເຊີງການຄ້າກໍ່ຕາມ

ໂດຍເຫດຜົນຫລັກຂອງການຍົກເລີກຄັ້ງນີ້ ທັງສອງບໍລິສັດໄດ້ອອກມາໃຫ້ຂໍ້ມູນພຽງວ່າ ຜະລິດຕະພັນດັ່ງກ່າວນັ້ນ ບໍ່ສາມາດໃຫ້ຜົນກຳໄລທາງການຄ້າພຽງພໍ –ບໍ່ຄຸ້ມຄ່າໃນການລົງທຶນ

HSDPA module ສຳຫລັບຄອມພິວເຕີໂນ໊ດບຸກທີ່ທັງສອງບໍລິສັດ ເຄີຍປະກາດຈະຮ່ວມກັນພັດທະນານັ້ນ ຈະເຮັດໃຫ້ຜູ້ໃຊ້ງານສາມາດ ໃຊ້ອິນເຕີເນັດຄວາມໄວສູງໄດ້ຜ່ານລະບົບເຄືອຂ່າຍ 2.5G (EDGE) ແລະ 3G (CDMA-2000/WCDMA) ໂດຍບໍ່ຕ້ອງຕິດຕັ້ງຮາດແວຣ໌ເພີ່ມເຕີມແຕ່ຢ່າງໃດ

ທີ່ມາ – X-bit labs [via Neowin.net]

Asus XG Station — The World’s First External GPU for Notebooks!!

ເປັນອີກຫນຶ່ງເລື່ອງທີ່ບໍ່ຄິດວ່າມັນຈະອອກມາເປັນຮູບເປັນຮ່າງ ນັ້ນຄື ASUS XG Station, ກາຣ໌ດຈໍແບບພາຍນອກ ສຳຫລັບຄອມພິວເຕີ Notebook ລຸ້ນທຳອິດຂອງໂລກທີ່ທາງ ASUS ໄດ້ນຳມາສະແດງໃນງານ CES ທີ່ຈັດຂຶນໃນ Las Vegas

XG Station ຈະມີຫນ້າຈໍເປັນຂອງຕົວເອງ ໃຊ້ສະແດງລະດັບສຽງ, clock speed, ອຸນຫະພູມຂອງ GPU, FPS ແລ້ວກໍ່ GPU fan indicator ແລະມັນເຊື່ອມຕໍ່ຜ່ານ PCI Express
ທາງ ASUS ກະຊິວາງຈຳຫນ່າຍ XG Station ທີ່ໃຊ້ EN7900GS ໃນຊ່ວງ Q2 ຂອງປີນີ້ ແຕ່ວ່າຍັງບໍ່ໄດ້ໃຫ້ຂໍ້ມູນ ເລື່ອງຄ່າຕົວຂອງຫນ້າປັດວິທະຍຸ GPU ພາຍນອກທີ່ວ່ານີ້ເທື່ອ

ອືມ… ສະຫລຸບແລ້ວ ກໍ່ຕ້ອງມີ Notebook ລຸ້ນໃຫມ່ຮອງຮັບ PCI Express ຈຶ່ງຈະໃຊ້ງານໄດ້ ດັ່ງນັ້ນ ບ້ານເຮົາບໍ່ມີໃຜໃຊ້ແນ່ນອນ 555+
ທີ່ມາ: PC Exposure via Digg