Ubuntu 8.04 LTS (Hardy Heron) Alpha 1

ຜ່ານໄປດ໋ຽວດຽວກໍ່ອອກ Alpha ທີ່ຫນຶ່ງຂອງ Hardy Heron ອອກມາແລ້ວ ເຊິ່ງນັບເປັນເວີຊັນ 8.04 ແລະມີກຳຫນົດການປ່ອຍຢ່າງເປັນທາງການໃນເດືອນເມສາປີ 2008

ສຳຫລັບທ່ານທີ່ສົນໃຈລອງຂອງໃຫມ່ອ່ຽມ (ທີ່ຍັງບໍ່ທັນແລ້ວເທື່ອ 😛 ) ກໍ່ດາວໂຫລດມາລອງໄດ້ເລີຍ 😀

Long time boot in Ubuntu Gutsy

ມີເລື່ອງມາເລົ່າສູ່ກັນຟັງກ່ຽວກັບ Ubuntu 7.10 ລະຫັດ Gutsy ຮູ້ສຶກວ່າ release ນີ້ຈະມີບັນຫາຫລາຍພໍສົມຄວນ ທັງເລື່ອງພາສາໄທໃນ OpenOffice ເລື່ອງເຮັດໃຫ້ Harddisk ອາຍຸສັ້ນ ແລະກໍ່ຍັງມີເລື່ອງເວລາໃນການເຂົ້າສູ່ລະບົບທີ່ໃຊ້ເວລາດົນກວ່າປົກກະຕິອີກ

ຕອນເຊົ້ານີ້ໄດ້ມີໂອກາດລົງ Ubuntu Gutsy ໃນ Acer Aspire 5052 ເຊິ່ງກໍ່ຄາດຫວັງໄວ້ວ່າ Gutsy ຈະສາມາດສ້າງຄວາມປະທັບໃຈໄດ້ດີກວ່າ Feisty Fawn ແຕ່ກໍ່ບໍ່ເປັນເຊັ່ນນັ້ນເລີຍ ນອກຈາກຈະຍັງພົບບັນຫາກ່ຽວກັບ Drivers ບໍ່ວ່າຈະເປັນຂອງ Wireless LAN, Bluetooth, Card reader, VGA ແລ້ວ ກໍ່ຍັງພົບວ່າ Gutsy ມີບັນຫາໃນການ boot ເຂົ້າລະບົບທີ່ກິນເວລາດົນກວ່າປົກກະຕິອີກ ເຊິ່ງທຳອິດກໍ່ຄິດວ່າອາດຈະເປັນທີ່ RAM ເພາະຫາກໍ່ປ່ຽນ RAM ເມື່ອສອງສາມມື້ທີ່ຜ່ານມາ ແຕ່ກໍ່ບໍ່ແມ່ນອີກ ພໍດີໄດ້ໄປຜ່ານບລັອກຂອງທ່ານ bact’ ກໍ່ພົບວ່າບັນຫານີ້ເປັນບັ໊ກໃນ Ubuntu 7.10 ອີກໂຕຫນຶ່ງເລີຍ

ໃນບລັອກດັງກ່າວຂຽນໄວ້ວ່າສາມາດຫລຸດເວລາໂຫລດຈາກ 3 ນາທີເຫລືອພຽງ 40 ວິນາທີໄດ້ໂດຍການແກ້ທີ່ /etc/initramfs-tools/modules ໃຫ້ເພີ່ມຄຳສັ່ງສາມແຖວເຂົ້າໄປຄື

vga16fb
fbcon
vesafb

ແລະໄຟລ໌ /etc/modprobe.d/blacklist-framebuffer ໃຫ້ໃສ່ # ຫນ້າຄຳສັ່ງສອງຄຳສັ່ງຄື

blacklist vesafb
blacklist vga16fb

ຈາກນັ້ນກໍ່ຣັນຄຳສັ່ງ sudo update-initramfs -u ແລ້ວ restart ຮອບຫນຶ່ງກໍ່ເປັນອັນເສັດສິ້ນພິທີ

ທີ່ມາ – bact’

edit: ຫາກວິທີຂ້າງຕົ້ນໃຊ້ບໍ່ໄດ້ຜົນ ໃຫ້ລອງແກ້ໄຂ usplash ໃຫ້ມີຂະຫນາດກົງກັບຂະຫນາດຫນ້າຈໍທີ່ໃຊ້ ໂດຍໃຊ້ຄຳສັ່ງ sudo gedit /etc/usplash.conf  ແລ້ວແກ້ຂະຫນາດຂອງ xres=xxxx ແລະ yres=xxxx ໃຫ້ເທົ່າກັບຂະຫນາດຫນ້າຈໍທີ່ໃຊ້ຈາກນັ້ນກໍ່ບັນທຶກແລ້ວຣັນຄຳສັ່ງ sudo update-usplash-theme usplash-theme-ubuntu

ທີ່ມາ – UbuntuClub Forum

Ubuntu 7.10 RC

ໃກ້ເຂົ້າມາທຸກມື້ແລ້ວສຳຫລັບ Ubuntu 7.10 ລະຫັດ Gusty Gibbon ເຊິ່ງມີກຳຫນົດການອອກແມ່ນວັນທີ່ 17 ຕຸລາທີ່ໃກ້ຈະມາຮອດນີ້ ເຊິ່ງຕອນນີ້ທາງຜູ້ພັດທະນາກໍ່ໄດ້ປ່ອຍ Ubuntu 7.10 Release Candidate ໃຫ້ໄດ້ດາວໂຫລດໄປທົດລອງໃຊ້ງານກັນແລ້ວ ເຊິ່ງຈະເປັນ release ສຸດທ້າຍກ່ອນຕົວຈິງຈະມາ

ໃນເວີຊັນໃຫມ່ກໍ່ຈະມີຄວາມສາມາດຫລາຍຢ່າງທີ່ເພີ່ມຂຶ້ນມາຈາກ 7.04 ບໍ່ວ່າຈະເປັນ Desktop Effect ທີ່ໃຊ້ Compiz ແລະຈະເປີດໃຊ້ທັນທີຫາກວ່າລະບົບຮອງຮັບການທຳງານສາມມິຕິ ລວມໄປເຖິງລະບົບຄົ້ນຫາແບບ Desktop search ແລະ Fast user switching ເປັນຕົ້ນ

ສຳຫລັບລາຍລະອຽດເພີ່ມເຕີມສາມາດກົດອ່ານໄດ້ຈາກລິງກ໌ທີ່ມາ

ທີ່ມາ – Ubuntu.com

Mac4Lin | ແປງໂສມ​ Linux ໃຫ້ກາຍເປັນ Mac OS X

Mac4Lin ເປັນຊຸດໂປຣແກຣມທີ່ຈະປ່ຽນຫນ້າຕາຂອງ Linux ບໍ່ວ່າຈະເປັນ Ubuntu, Debian, Red Hat, ຯລຯ ໃຫ້ເປັນຫນ້າຕາແບບຂອງ Mac OS X (ຕົວ Leopard ເລີຍ) ເຊິ່ງຕອນນີ້ກຳລັງຢູ່ໃນລະຫວ່າງການພັດທະນາຢູ່ ແລະໄດ້ອອກເວີຊັນ 0.2 ມາແລ້ວ ສາມາດດາວໂຫລດໄດ້ຈາກເວບໂຄງການເລີຍ

Mac4Lin

Ubuntu 7.10 (Gutsy Gibbon) Tribe-1

Gutsy Gibbon ອອກມາແລ້ວ ເປັນ Alpha ຕົວທຳອິດເລີຍ ເຊິ່ງ Final release ຈະມີຂຶ້ນໃນຊ່ວງເດືອນຕຸລາປີນີ້ ເຊິ່ງໄດ້ຍິນວ່າຍັງບໍ່ມີຫຍັງປ່ຽນແປງຫລາຍ ຖ້າບໍ່ໃຈຮ້ອນກໍ່ລໍຖ້າຕົວເຕັມກ່ອນດີກວ່າ 😉

Beryl ແລະ Compiz ກັບມາລວມກັນອີກຄັ້ງ

Beryl ແລະ Compiz ຕ່າງກໍ່ເປັນ Window Manager ແຕ່ໄດ້ແຍກຕົວອອກຈາກກັນກ່ອນຫນ້ານີ້ ດ້ວຍເຫດຜົນແນວທາງການພັດທະນາທີ່ບໍ່ກົງກັນ ແຕ່ຕໍ່ມາກໍ່ກັບມາລວມກັນອີກຄັ້ງ ເຊິ່ງມີແຈ້ງຈາກບລັອກຂອງ Beryl ຍັງບໍ່ມີຊື່ໃຫມ່ຢ່າງເປັນທາງການເທື່ອ ແລະຈະເປີດໃຫ້ຮ່ວມໂຫວດຊື່ໄດ້ ແລະໄດ້ເປີດເວບໄຊຕ໌ໃຫມ່ຄື opencompositing.org ອອກມາພ້ອມ

ທີມງານ Beryl ຄາດວ່າອີກປະມານອາທິດຫນຶ່ງ ຄົງຈະມີລາຍລະອຽດ ກ່ຽວກັບການລວມກັນອອກມາອີກຄັ້ງ

ທີ່ມາ – Beryl Blog

Feisty RC ເລື່ອນ!

Ubuntu 7.04 Feisty Release Candidate ຖືກເລື່ອນການເປີດຕົວອອກໄປ ເພາະມີບັນຫາກັບ ATA chipsets ບາງຮຸ່ນ ແລະບັນຫາກ່ຽວກັບການສະແດງສະຖານະຂອງການເຊື່ອມຕໍ່ ເຊິ່ງທາງຕົວແທນຂອງທີມງານໄດ້ແຈ້ງອອກມາວ່າ ຈະຕ້ອງໄດ້ເລື່ອນການເປີດຕົວອອກໄປກ່ອນ ແລະກໍ່ຍັງບໍ່ມີກຳຫນົດການໃຫມ່ອອກມາແຕ່ຢ່າງໃດ

ເລື່ອງນີ້ສົ່ງຜົນໃຫ້ Final ver. ນັ້ນ ອາດຈະຕ້ອງຖືກເລື່ອນໄປນຳພ້ອມ ແຕ່ທາງຕົວແທນຂອງ Ubuntu ກ່າວວ່າ ຈະພະຍາຍາມບໍ່ໃຫ້ຕ້ອງເລື່ອນ

ທີ່ມາ – UbuntuNews [via]

ອືມ… ເລື່ອນກໍ່ດີ ຈະໄດ້ຈັດການບັນຫາໃຫ້ຫມົດ ໆ ກ່ອນ ດີກວ່າເປີດຕົວອອກມາແລ້ວມີແຕ່ບັ໊ກ ^_^

RevDNS’s Ubuntu Desktop

[google 5771298210255313600]

ໃຜສົນໃຈກໍ່ລອງດາວໂຫລດ Ubuntu ມາລອງໃຊ້ເບິ່ງເດີ້ ຢ່າລືມລົງ Beryl ນຳ ຖ້າຈະໃຊ້ Desktop Effect  🙂

ປ.ລ. ຕ້ອງ config ປານໃດຈຶ່ງໄດ້ແບບໃນວີດິໂອເນາະ – -a

Beryl 0.2.0 Beta released

ແວະມາບອກສັ້ນໆ ກ່ຽວກັບ Beryl ທາງຜູ້ພັດທະນາເຂົາອອກ Beta ໃຫມ່ຂອງ Beryl –OpenGL accelerated desktop– ອອກມາແລ້ວ ມີ plugin ໃຫມ່ສອງອັນ ແລະອອກແບບ settings manager ໃຫມ່ຫມົດ ໃຊ້ສະດວກກວ່າເກົ່າ ຖ້າໃຜໃຊ້ Ubuntu ຢູ່ແລ້ວ ແຕ່ຍັງບໍ່ໄດ້ລົງ Beryl ກໍ່ຈັດການ apt-get install beryl beryl-emerald ຫລືຫາກມີແລ້ວ ຕ້ອງການອັບເດທໃຫ້ໃຊ້ apt-get update beryl ກໍ່ຮຽບຮ້ອຍ
ສຳຫລັບ Users ທຳມະດາ (ບໍ່ນັບ Geeks) ຖ້າໃຊ້ Ubuntu ແລ້ວບໍ່ລົງ Berly ນິ ຊີວິດຄົງຈະຈືດພິລຶກ ເພາະ Berly ຈະຊ່ວຍເພີ່ມສີສັນໃຫ້ກັບ Desktop ໃນ Linux ໃຫ້ຫນ້າໃຊ້ງານຫລາຍຂຶ້ນ (ໃຊ້ OpenGL –ຕ້ອງມີກາຣ໌ດຈໍທີ່ຮອງຮັບ–) ໄວ້ຕໍ່ໄປຊິຂຽນ Review ສັ້ນໆ ອອກມາໃຫ້ອ່ານເພີ່ມເຕີມ 🙂

ທີ່ມາ – Berly-Project.org [via Digg]

Novell ປຽບທຽບ Linux ກັບ Vista

ໃນວັນທີ່ 31 ນີ້ Microsoft Windows Vista ກໍ່ຈະໄດ້ວາງຈຳຫນ່າຍຢ່າງເປັນທາງການແລ້ວ ແລະ Novell ເພິ່ນກໍ່ເປີດເວັບສະເພາະກິດມາປຽບທຽບລະຫວ່າງ SUSE Linux 10 ກັບ Windows Vista ຂອງ Microsoft ໂດຍໃຫ້ເຫດຜົນນາໆ ປະການທີ່ຄວນຈະໃຫ້ SUSE ຫລາຍກວ່າ

ໃນເວັບໄຊທ໌ Novell ໄດ້ອ້າງວ່າ SUSE Linux Enterprise Desktop 10 ນັ້ນມີຄວາມສາມາດຕ່າງໆກວ່າ 90% ທີ່ມີໃນ Windows Vista ແລະໃຊ້ຕົ້ນທຶນທີ່ຕ່ຳກວ່າຫລາຍເທົ່າ (ມີຕາລະລາງປຽບທຽບ) ແຖມຍັງບໍ່ຕ້ອງຊື້ພວກ Office ອີກ ເພາະ Novell SUSE Linux ED 10 ມາພ້ອມກັບ OpenOffice.org 2 Novell Edition ທີ່ມີ word processing, spreadsheet, presentation, drawing, ແລະ database applications ເປັນອັນວ່າມີຄົບສູດແລ້ວ ແລະຍັງບໍ່ຕ້ອງເສັຍເງິນເພີ່ມອີກ ແທນທີ່ຊິຈ່າຍ US$299 ເພື່ອໃຊ້ Windows Vista Business ແລະເສັຍເງິນ US$499 ສຳຫລັບຊື້ Microsoft Office Professional 2007 ມາໃຊ້ເພີ່ມເຕີມ (SUSE ມີແຕ່ US$50) ລວມເຖິງເຫດຜົນຕ່າງໆ ນານັບປະການບໍ່ວ່າຈະເປັນ Stability, Security ບລາ ບລາ ບລາ… ດັ່ງນັ້ນແລ SUSE Linux ຈຶ່ງດີກວ່າເຫັນໆ –Novell ພະຍາຍາມຈະບອກປະມານນີ້

ໃນລາວຈະບໍ່ຄ່ອຍມີການໃຊ້ງານ Linux ປານໃດໃນກຸ່ມຜູ້ໃຊ້ທົ່ວໆໄປ ຈະມີກໍ່ແຕ່ພວກລະດັບອົງກອນໃຫຍ່ໆ ບາງແຫ່ງທີ່ເຮັດ ກ່ຽວກັບລະບົບເຄືອຂ່າຍ (ແບບ Laotel ເປັນຕົ້ນລ່ະ) ແຕ່ວ່າ ຕໍ່ໄປຫາກ Linux Distribution ຕ່າງໆ ມີການປັບປຸງເລື່ອງ Software ທົດແທນໄດ້ພຽງພໍ –ລວມເຖິງພວກ Drivers ຕ່າງໆ– ກໍ່ອາດຈະໄດ້ເຫັນຊຸມຊົນ Linux ໃນລາວກໍ່ເປັນໄດ້ 😉

ທີ່ມາ – Novell [via ExtremeTech, Digg]