ທາງການໄທຢຸດຕິການ block ເວບ YouTube.com ແລ້ວ

ຫລັງຈາກທີ່ທາງການໄທໄດ້ທຳການ block ການເຂົ້າເຖິງເວບໄຊຕ໌ YouTube.com ເຊິ່ງເປັນເວບໄຊຕ໌ວີດິໂອລາຍໃຫຍ່ທີ່ສຸດໃນໂລກຕອນນີ້; ຜ່ານມາເປັນເວລາຫລາຍເດືອນ ໃນທີ່ສຸດກະຊວງ ICT ຂອງປະເທດໄທກໍ່ໄດ້ຍົກເລີກການສະກັດກັ້ນການເຂົ້າເຖິງ YouTube.com ໂດຍໄດ້ມີຂໍ້ຕົກລົງກັບທາງ YouTube.com ວ່າ ທາງ YouTube.com ຈະຕ້ອງກັນ IP ຈາກປະເທດໄທບໍ່ໃຫ້ສາມາດເບິ່ງຄລິບວີດິໂອທີ່ລະເມີດກົດຫມາຍຂອງປະເທດໄທໄດ້.

ການຍົກເລີກການ block ເວບ YouTube.com ຢ່າງເປັນທາງການໃນຄັ້ງນີ້ ສົ່ງຜົນໃຫ້ຜູ້ໃຊ້ບໍລິການອິນເຕີເນັດຂອງລາວໂທລະຄົມສາມາດເຂົ້າໃຊ້ງານ YouTube.com ໄດ້ຕາມປົກກະຕິແລ້ວ ເພາະວ່າ Gateway ຂອງລາວໂທລະຄົມນັ້ນແລ່ນຜ່ານປະເທດໄທ. ຫາກປະເທດໄທ block ເວບໄຊຕ໌ໃດ ໆ ກໍ່ຕາມ, ກໍ່ຈະສົ່ງຜົນໃຫ້ຜູ້ໃຊ້ບໍລິການອິນເຕີເນັດຂອງລາວໂທລະຄົມ ບໍ່ສາມາດເຂົ້າເວບໄຊຕ໌ນັ້ນ ໆ ໄດ້ນຳ.

ທີ່ມາ – The Nation [via Blognone]

ການບິນລາວເປີດທົດລອງໃຊ້ລະບົບ e-Ticket

ການບິນລາວ ຫຼື Lao Airlines ມີແຜນການທີ່ຈະນຳລະບົບ e-Ticket ມາໃຊ້ກັບສາຍການບິນຂອງຕົນ ໂດຍຈະເລີ່ມທົດລອງໃຊ້ງານຕັ້ງແຕ່ຕອນນີ້ໄປຈົນເຖິງເດືອນກໍລະກົດປີນີ້ ຈຶ່ງຈະມີການເປີດໃຊ້ງານຢ່າງເປັນທາງການ ເຊິ່ງໃນເບື້ອຕົ້ນນີ້ ຈະມີໃຫ້ໃຊ້ປະມານ 10 ເຖິງ 20 ປີ້ຕໍ່ເດືອນ ແລະເລີ່ມມີໃຊ້ເປັນປົກກະຕິເມື່ອຮອດເດືອນກໍລະກົດ

ການຫັນມາໃຊ້ລະບົບ e-Ticket ເປັນໜຶ່ງໃນນະໂຍບາຍຂອງ ສະມາຄົມການບິນສາກົນ ທີ່ໃຫ້ແຕ່ລະສາຍການບິນໃຊ້ e-Ticket ໂດຍໃນລາວກໍ່ມີສະໜາມບິນນາ ໆ ຊາດວັດໄຕ, ສະໜາມບິນຫລວງພະບາງ ແລະສະໜາມບິນປາກເຊ ທີ່ຈະເປີດບໍລິການໃຫ້ໃຊ້

ທາງສາຍການບິນລາວຍັງໄດ້ລະບຸວ່າໃນເດືອນກໍລະກົດປີນີ້ ເມື່ອເປີດຕົວຢ່າງເປັນທາງການແລ້ວ ກໍ່ຈະເພີ່ມຄວາມສະດວກສະບາຍຫລາຍຢ່າງ ເຊັ່ນການຂໍປີ້ຄືນໃຫມ່ໃນກໍລະນີເຮັດປີ້ເສຍ ແລະ ການຈອງປີ້ຍົນຜ່ານອິນເຕີເນັດ ເປັນຕົ້ນ

ທີ່ມາ – RFA Lao

ຣີວິວ Lao Antivirus 2007

Lao Antivirus 2007 ເປັນໂປຣແກຣມ Antivirus ທີ່ພັດທະນາໂດຍຄົນລາວ ມີອອກມາ ຮູ້ສຶກຈະຫລາຍເວີຊັນແລ້ວພໍສົມຄວນ ຜູ້ພັດທະນາມີຊື່ວ່າ “ອາເລັກໄຊ” ໄດ້ຍິນວ່າໃຊ້ VB ໃນການພັດທະນາ

ເອົາລະ ເພື່ອບໍ່ໃຫ້ເປັນການເສຍເວລາ ເຮົາມາເລີ່ມກັນເລີຍ ທຳອິດກໍ່ດາວໂຫລດຕົວຕິດຕັ້ງມາກ່ອນ ຮູ້ສຶກວ່າ ຈະເປັນ Antivirus ທີ່ມີຂະໜາດນ້ອຍຫລາຍ ນ້ອຍຈົນເຫລືອເຊື່ອ ຄາດວ່າຈະເປັນ Antivirus ທີ່ມີຂະຫນາດນ້ອຍທີ່ສຸດເທົ່າທີ່ເຄີຍເຫັນມາ ດ້ວຍຂະຫນາດພຽງ 1.5MB ເທົ່ານັ້ນ!

Continue reading ຣີວິວ Lao Antivirus 2007

ພາບບັນຍາກາດງານສົງການຢູ່ຫລວງພະບາງ

ເບິ່ງທັງຫມົດໄດ້ຈາກລິງກ໌ Picasa Web Album

ປ.ລ. ນາງສັງຂານປີນີ້ຊື່ວ່າ “ສະລັກເພັດ ສີອຸດົມພັນ” ອາຍຸ 18 ປີ

LAODEV.COM

ມີເວບໄຊຕ໌ມາແນະນຳໃຫ້ຮູ້ຈັກ Laodev.com ທີ່ມີຄຳຂວັນຂອງເວບວ່າ “ເວບໄຊຕ໌ຂອງຄົນລາວ ສຳຫລັບນັກພັດທະນາລາວ” ໂດຍເນື້ອຫາຫລັກ ໆ ໃນເວບກໍ່ຈະເປັນເລື່ອງກ່ຽວກັບຄອມພິວເຕີ ມີຂ່າວໃນແວດວົງໄອທີ, ຫາວຽກ, ເກັດຄວາມຮູ້, ຖາມ-ຕອບບັນຫາ ແລະຊື້ຂາຍ ເປັນອາທິ

Laodev.com

Continue reading LAODEV.COM

ວຽງລາວ – ບລັອກຄົນລາວ ເພື່ອຄົນລາວ

ຫລັງຈາກທີ່ມື້ວານໄດ້ໂພສຕ໌ໄວ້ໃນ *real me ກໍ່ມາຄິດວາ… ເອ໊ະ! ຄົນເຂົ້າ *real me ມີຫນ້ອຍກວ່າຄົນເຂົ້າບລັອກຫລັກຂອງເຮົາ ແບບນີ້ບໍ່ໄດ້ ດຽວຄົນຊິບໍຮູ້ຄືເກົ່າ ບວກກັບເຫັນວ່າ ບລັອກຂອງທ່ານລາວວຽງນັ້ນ ເປັນບລັອກທີ່ມີປະໂຫຍດ ມີສາລະ ສົມຄວນທີ່ຈະມີການບອກຕໍ່ກັນໃຫ້ເປັນທີ່ຮູ້ຈັກ ກໍ່ເລີຍຕັ້ງໃຈສ້າງໂພສຕ໌ນີ້ຂຶ້ນມາ

ບລັອກ “ວຽງລາວ” ເປັນບລັອກທີ່ນຳສະເຫນີຄວາຮູ້ ຂໍ້ມູນຂ່າວສານຕ່າງ ໆ ແກ່ຄົນລາວ ໂດຍໃຊ້ພາສາລາວເປັນພາສາຫລັກ ໂດຍເນື້ອຫາໃນບລັອກ ກໍ່ຈະມີຕັ້ງແຕ່ເລື່ອງຄອມພິວເຕີທົ່ວໄປ, ການຊອກຫາຂໍ້ມູນ, ການຂຽນໂປຣແກຣມ, ການໃຊ້ງານໂປຣແກຣມຕ່າງ ໆ ລວມໄປເຖິງເທັກນິກການໃຊ້ງານຕ່າງ ໆ ອີກນຳ ນັບວ່າຫນ້າສົນໃຈຢ່າງຍິ່ງ

ຂ້າພະເຈົ້າເອງ ກໍ່ຂໍຊົມເຊີຍຄວາມເສັຍສະຫລະ ຂອງທ່ານວຽງລາວ ທີ່ໄດ້ຮ່ວມກັນສ້າງສັນເນື້ອຫາພາສາລາວ ໃນໂລກອິນເຕີເນັດ ໃຫ້ແຜ່ຫລາຍຂຶ້ນ ແລະເປັນປະໂຫຍດແກ່ຄົນລາວຕໍ່ ໆ ໄປ

ຢ່າລືມ… ແວະໄປທີ່ “ວຽງລາວ” ບລັອກຄົນລາວ ເພື່ອຄົນລາວ ^_^

LaoSportFC.com

ແນະນຳເວັບໃຫມ່ຂອງຄົນລາວ (ດົນໆ ມີອອກມາເທື່ອຫນຶ່ງ ຊຶ້ງ Y_Y) www.LaoSportFC.com ເວັບໄຊທ໌ ທີ່ນຳສະເຫນີຂ່າວສານກິລາໃນພາສາລາວ ເຖິງວ່າ ຕອນນີ້ຈະຍັງບໍ່ສົມບູນ ແຕ່ຄາດວ່າ ອະນາຄົດ ຫນ້າຈະໄປໄດ້ດີ

ເນື້ອຫາສ່ວນໃຫຍ່ ຈະນຳມາຈາກຫນັງສືພິມ ຈະເປັນການລາຍງານຂ່າວກິລາ ທັງໃນ ແລະນອກ ແຕ່ວ່າ ຍັງບໍ່ມີລະບົບສະແດງຄວາມຄິດເຫັນເທື່ອ ຫວັງວ່າຕໍ່ໄປຄົງຈະມີ

ສາ….ທຸ! ຂໍໃຫ້ຢູ່ທົນ 🙂

ງານ IT COM LAO 2007

ໃນປີ 2007 ສປປ ລາວ ຈະໄດ້ຈັດງານ IT COM LAO 2007 ໂດຍກະຊວງວິທະຍາສາດ ເທັກໂນໂລຢີ ສປປ
ລາວ ໃນວັນທີ 5-8 ເມສາ 2007 ບໍລິເວນໂຮງແຮມດອນຈັນພາເລດ ເຊິ່ງຖືວ່າເປັນການຈັດງານສະແດງເທັກໂນໂລຢີສາລະ
ສົນເທດ ແລະ ການສື່ສານທີ່ໃຫຍ່ທີ່ສຸດຄັ້ງທຳອິດຂອງປະເທດ ແລະ ເປັນຄັ້ງທຳອິດຂອງການປະກາດສັກກາຍະພາບຂອງ
ສປປ ລາວ ແລະ ເປັນການປູທາງໃຫ້ຜູ້ປະກອບການທາງດ້ານ IT ລະດັບຊັ້ນນຳຂອງໂລກເຂົ້າມາຮ່ວມສະແດງເທັກໂນໂລຢີ
ທີ່ທັນສະໄຫມ ພ້ອມກັບສ້າງຕະຫລາດ ແລະ ການລົງທຶນໃນ ສປປ ລາວ ເປັນໄປຕາມນະໂຍບາຍຂອງລັດຖະບານ.

ການຈັດງານ IT COM LAO 2007 ທາງກະຊວງໄດ້ຕັ້ງເປົ້າຫມາຍທີ່ຈະໄດ້ຮັບຄວາມສົນໃຈ ຈາກຜູ້ປະກອບ
ການທີ່ເຂົ້າຮ່ວມສະແດງ ແລະ ຜູ້ເຂົ້າຊົມທັງໃນ ແລະ ຕ່າງປະເທດປະມານວັນລະ 5.000 ຄົນ ເຖິງ 10.000 ຄົນ ໂດຍຜູ້
ເຂົ້າຊົມຈະໄດ້ພົບກັບງານສະແດງວັດທະນະທຳ IT ຈາກຜູ້ປະກອບການຫລາຍປະເທດຮ່ວມ ນຳສະເຫນີວັດທະນະທຳ
ເພື່ອຊີວິດໃນຍຸກດີຈິຕອນ ແລະ ຖືວ່າເປັນໂອກາດສຳຄັນທີ່ຜູ້ປະກອບການດ້ານ IT ທຸກລະດັບໄດ້ແລກປ່ຽນເທັກໂນໂລຢີ ແລະ
ນຳສະເຫນີຄວາມຄິດສ້າງສັນສູ່ເວທີໂລກ ແລະ ເປັນງານດຽວທີ່ຈະເປັນຈຸດນັດພົບສຸດຍອດສິນຄ້າ IT ເພື່ອໃຫ້ເປັນຕະຫລາດ
ສິນຄ້າ IT ທີ່ຄົບວົງຈອນ ເພື່ອໃຫ້ສອດຄ່ອງກັບຮູບແບບຊີວິດລຸ້ນໃຫມ່ທີ່ທັນສະໄຫມ ແລະ ການຈັບຄູ່ທາງທຸລະກິດ ຜູ້ຜະລິດ
ພົບຜູ້ຄ້າ ເພື່ອເປັນເວທີໃນການສ້າງພັນທະມິດເຈລະຈາທຸລະກິດກັບຜູ້ປະກອບການ ແລະ ຍັງພົບງານສິນຄ້າດ້ານ IT ໂດຍ
ບຸກຄົນໃນແວດວົງ IT ຢ່າພາດຊາວ IT ເຮົາມີນັດໃນງານ IT COM LAO 2007 ຈັດຂຶ້ນວັນທີ 5-8/4/2007 ເວລາ 10:00
ໂມງເຊົ້າເຖິງ 8:00 ໂມງແລງ ໃນພື້ນທີ່ 32.000 ຕາຕະລາງແມັດ ທີ່ໂຮງແຮມດອນຈັນພາເລດ ນະຄອນຫລວງວຽງຈັນ ສອບ
ຖາມຂໍ້ມູນເພີ່ມເຕີມໄດ້ທີ່ 020 6534200 ພ້ອມຮັບບັດເຂົ້າຊົມງານຄັ້ງນີ້ ໂດຍບໍ່ເສຍຄ່າທີ່ຮ້ານຂາຍຄອມພິວເຕີທຸກແຫ່ງ ຫລື
ອົງການວິທະຍາສາດ ເທັກໂນໂລຢີ ແລະ ສິ່ງ ແວດລ້ອມ.

ຂໍ້ມູນຈາກ ນ.ສ.ພ ວຽງຈັນໃໝ່ – 16 ກຸມພາ 2007 11:55 ນ.

ຄັດລອກທັງຫມົດມາຈາກ – VientianeMai.net

ສົງໄສຊິບໍ່ໄດ້ໄປຕາມເຄີຍ ຖ້າໃຜໄປກໍ່ຖ່າຍຮູບໃນງານມາໃຫ້ເບີ່ງແດ່~

ເຫດຜົນທີ່ IT ໃນລາວຄືບຄານໄປຢ່າງຊ້າໆ

ມື້ຄືນອ່ານຂ່າວໃນ RFA Lao ເປັນເລື່ອງກ່ຽວກັບໄຟຟ້າ… ນັ້ນແຫລ່ະ ນັ້ນແຫລ່ະ ແບບດຽວທີ່ທ່ານຜູ້ອ່ານກຳລັງຄິດ ນັ້ນລ່ະ ເລື່ອງມັນກໍ່ມີຢູ່ວ່າ ຕາມທີ່ RFA Lao ລາຍງານ ອ້າງວ່າ ລັດວິສະຫາກິດໄຟຟ້າລາວ ໃຫ້ຂໍ້ມູນວ່າ ກວ່າ 50% ຂອງຄອບຄົວລາວ ບໍ່ມີໄຟຟ້າໃຊ້!!! ຮູ້ແບບນີ້ແລ້ວບໍ່ຕ້ອງແປກໃຈເລີຍວ່າ ເປັນຫຍັງວົງການ IT ໃນລາວ ມັນຈຶ່ງຕ້ອງຄ່ອຍໆ ຄານໄປແບບນີ້

ເພາະຫາກບໍ່ມີໄຟຟ້າຢ່າງດຽວ ທຸກຢ່າງກໍ່ຈົບ ຢ່າເວົ້າແຕ່ Internet ເລີຍ ເອົາແຕ່ໂທລະທັດ ຍັງຟັງເປັນເລື່ອງຫ່າງໄກແລ້ວ… ຄິດເບິ່ງວ່າ ກວ່າ 583,000 ຄອບຄົວ ມັນຊິນັບເປັນປະຊາກອນຈັກຄົນ ພວກທີ່ມີໄຟຟ້າໃຊ້ ກໍ່ມີແຕ່ຄົນໃນເມືອງ ຄົນໃນເມືອງ ແລ້ວຍັງຕ້ອງມາຫັກອອກພວກທີ່ບໍ່ໃຊ້ຄອມອີກ ແລ້ວພວກໃຊ້ຄອມ ກໍ່ຍັງຕ້ອງມາຫັກອອກພວກທີ່ບໍ່ໃຊ້ອິນເຕີເນັດອີກ ແລ້ວພວກທີ່ໃຊ້ອິນເຕີເນັດ ກໍ່ຍັງຕ້ອງມາຫັກອອກພວກທີ່ໃຊ້ອິນເຕີເນັດພຽງເພື່ອຮັບສົ່ງອີເມລອີກ!!!

ລອງຄິດຫລິ້ນໆ ວ່າ ປະຊາກອນໃນລາວທັງຫມົດມີ 6 ລ້ານປາຍ…

  • ມີຈັກ % ທີ່ຢູ່ຕາມປ່າ ຕາມເຂົາ ຕາມເຂດທີ່ບໍ່ມີໄຟຟ້າໃຊ້
  • ມີຈັກ % ທີ່ມີໄຟຟ້າໃຊ້ ແຕ່ບໍ່ຮູ້ຈັກຄອມ
  • ມີຈັກ % ທີ່ມີໄຟຟ້າໃຊ້ ແຕ່ບໍ່ມີຄອມ
  • ມີຈັກ % ທີ່ມີຄອມ ແຕ່ບໍ່ມີອິນເຕີເນັດໃຊ້
  • ມີຈັກ % ທີ່ມີອິນເຕີເນັດໃຊ້ ແຕ່ໃຊ້ພຽງແຕ່ຮັບສົ່ງອີເມລ…

ແລະສ່ວນທີ່ເຫລືອຈາກນີ້ແຫລ່ະ ຜູ້ໃຊ້ງານແທ້ໆ ຈຶງບໍ່ຫນ້າແປກໃຈວ່າ ເປັນຫຍັງບ້ານເຮົາ ຄືມາຄ່ອຍໆ ຄືບຄານເອົາແທ້ເອົາວ່າ ກ່ຽວກັບເລື່ອງ IT

ກວ່າ 50% ຄອບຄົວທີ່ວ່ານີ້ ປີ ຄ.ສ. 2020 ກໍ່ຍັງບໍ່ແນ່ວ່າຊິມີໄຟຟ້າໃຊ້…  🙁

ແຕ່ກໍ່ເປັນເລື່ອງທຳມະດອກ ທຳມະດາ ປະເທດລາວສະຖາປະນາເປັນປະເທດເອກກະລາດມາໄດ້ 30 ກວ່າປີນີ້ ກໍ່ຖືວ່າດີຫລາຍແລ້ວ (ຫລືບໍ່xະ?!)  😎  😎  😎

ADSL2+ ເຕັມ!!!

ສອງມື້ກ່ອນມີຄົນຈາກ Laotel ເອົາໂຄສະນາ Internet Service ຈາກບໍລິສັດລາວໂທລະຄົມມາໃຫ້ຢູ່ຮ້ານ ເປັນ 1 ຍິງ ກັບ 1 ຊາຍ ມາຮອດບໍ່ເວົ້າບໍ່ວ່າຫຍັງ ຂຶ້ນຕົ້ນມາກໍ່ “ສະບາຍດີອ້າຍ” ແລ້ວກໍ່ຍື່ນແຜ່ນພັບໂຄສະນາໃຫ້ ແລ້ວກໍ່ປິ່ນຫລັງຫນີ 😮

ເອົາມາອ່ານເບິ່ງ ປະກົດວ່າເປັນໂຄສະນາເກົ່າ ອອກແບບໃຫມ່ (ແບບດຽວກັບໃນເວັບລາວໂທລະຄົມ ແຕ່ອອກແບບໃຫມ່ ແລະມີຫລາຍອັນ) ອ່ານໄປອ່ານມາ ຄິດອອກວ່າ ມື້ນີ້ເງິນເດືອນອອກ ເລີຍວ່າຊິຕິດຕັ້ງ ADSL 256K ໄວ້ໃຊ້ ສ່ວນ 56K (ທີ່ຈ່າຍລ່ວງຫນ້າ 1 ປີ ໄປແລ້ວ) ກໍ່ຍົກໃຫ້ນ້າຊາຍຢູ່ວັງວຽງໃຊ້ແທນ. ປົງຕົກແລ້ວກໍ່ກິ໊ງໆ ໄປຫາ 101 Laotelecom Call Center ສະບາຍດີ…​ ສອບຖາມໄປ ເຂົາບອກໃຫ້ໂທໄປຖາມເບີ ADSL ໂດຍກົງ ວ່າແລ້ວກໍ່ໂທໄປ ໂທໄປຮອດ ບອກກັບມາວ່າ ຕ້ອງໂທໄປຖາມອີກເບີ ເພາະບໍ່ຮູ້ວ່າເຕັມຫລືຍັງ (ອ່າວ… ມີເຕັມອີກ) ເລີຍໂທໄປອີກເບີ (#3) ໂທໄປຮອດ ຖາມໆ ເບິ່ງ ເຂົາຕອບວ່າ ມັນເຕັມແລ້ວ  😯

ຕ້ອງຖ້າຕົ້ນເດືອນຫນ້າ ບາງທີຈະມີເຂົ້າມາໃຫມ່… ໃຫ້ໄປຍື່ນແບບຟອມປະໄວ້ ຖ້າມາຕອນໃດ ກໍ່ຊິໄປຕິດຕັ້ງໃຫ້…

ສະຫລຸບແລ້ວ ເຖິງມີເງິນກໍ່ຢ່າຫວັງວ່າຊິໄດ້ໃຊ້ ADSL ໃນຫລວງພະບາງ  😛