AOL ກາຍເປັນອັນດັບ 3 ຂອງຜູ້ໃຫ້ບໍລິການອິນເຕີເນັດໃນສະຫະລັດ

ນັບເປັນເວລາຫລາຍກວ່າສະຕະວັດທີ່ AOL ໃຫ້ບໍລິການດ້ານອິນເຕີເນັດ ແກ່ປະຊາຊົນຊາວອາເມລິກາຫລາຍກວ່າບໍລິສັດໃດ ໆ ເຊິ່ງໃນປີທີ່ຜ່ານມາທາງ AOL ຕັດສິນໃຈທີ່ຈະຫາເງິນຈາກການ ໂຄສະນາ ໂດຍໄດ້ນຳສະເຫນີເນື້ອຫາຕ່າງ ໆ ພາຍໃນເວບໄຊຕ໌ຟຣີ ເປັນຮູບແບບປົກກະຕິ ຈາກທີ່ເຄີຍໃຫ້ບໍລິການດ້ານອິນເຕີເນັດ ພຽງຢ່າງດຽວມາດົນ

ແຕ່ຜົນທີ່ໄດ້ນັ້ນ AT&T ກັບກາຍມາເປັນຜູ້ໃຫ້ບໍລິການອິນເຕີເນັດທີ່ໃຫຍ່ທີ່ສຸດ ມີຖານລູກຄ້າເຖິງ 12.1 ລ້ານລາຍ ໃນຂະນະທີ່ Comcast ຕາມມາເປັນອັນດັບສອງ ແລະອັນດັບທີ່ສາມຕົກເປັນຂອງ AOL ທີ່ມີຖານລູກຄ້າ 12 ລ້ານລາຍ ຈາກລາຍງານສະຫລຸບເມື່ອເດືອນມີນາທີ່ຜ່ານມາ

Continue reading AOL ກາຍເປັນອັນດັບ 3 ຂອງຜູ້ໃຫ້ບໍລິການອິນເຕີເນັດໃນສະຫະລັດ

ລັດຖະບານຈີນສັ່ງງົດຮ້ານອິນເຕີເນັດເປີດໃຫມ່

ສຳນັກຂ່າວ Xinhua ລາຍງານວ່າ ລັດຖະບານຈີນໄດ້ມີປະກາດ ຫ້າມການອະນຸມັດຮ້ານອິນເຕີເນັດຄາເຟ່ ທີເປີດໃຫມ່ພາຍໃນປີນີ້ ໂດຍສຳນັກຂ່າວດັ່ງກ່າວໄດ້ໃຫ້ຂໍ້ມູນວ່າ ເປັນສ່ວນຫນຶ່ງຂອງ ແຜນການຫລຸດຜ່ອນ ອັດຕາສ່ວນບັນຫາຮຸນແຮງຕ່າງ ໆ ທີ່ເກີດຂຶ້ນຈາກການໃຊ້ອິນເຕີເນັດ ແລະສຳຫລັບຮ້ານອິນເຕີເນັດໃດ ທີ່ໄດ້ຮັບອະນຸຍາດໃຫ້ເປີດໄດ້ນັ້ນ ຈະຕ້ອງຮີບເລັ່ງທຳການເຮັດໃບຢັ້ງຢືນໃຫ້ຄົບຖ້ວນກ່ອນຫມົດເດືອນມິຖຸນານີ້

ຈາກລາຍງານຂອງປີກາຍ ຈີນມີຮ້ານອິນເຕີເນັດທັງຫມົດປະມານ 113,000 ແຫ່ງທົ່ວປະເທດ ແລະມີອັດຕາການເພີ່ມຂຶ້ນຂອງຜູ້ໃຊ້ງານ ທີ່ສູງເຖິງ 132 ລ້ານຄົນ ຄິດເປັນອັດຕາສ່ວນ 30%

ທີ່ມາ – BBC News [via Neowin.net]

JLC’s Internet TV 1.0 Beta 5

ໂປຣແກຣມຟຣີທີວີ ສາມາດຮັບຊົມໂທລະທັດຈາກທົ່ວໂລກຟຣີ ບໍ່ມີຄ່າໃຊ້ຈ່າຍ ຕົວໂປຣແກຣມສາມາດຄົ້ນຫາ ຊ່ອງຕ່າງໆ ໄດ້ກວ່າພັນຊ່ອງ ແລະມີລະບົບອັບເດທຊ່ອງຕ່າງໆ ແບບອອນໄລນ໌ໃນໂປຣແກຣມເອງ ມີທັງຊ່ອງທີ່ໃຊ້ Windows Media Player ແລະ Real Player ອີກທັງໂປຣແກຣມສາມາດໃຊ້ງານໄດ້ທັນທີ ໂດຍບໍ່ຕ້ອງຕິດຕັ້ງ

ທີ່ມາ​ – Neowin.net

ADSL2+ ເຕັມ!!!

ສອງມື້ກ່ອນມີຄົນຈາກ Laotel ເອົາໂຄສະນາ Internet Service ຈາກບໍລິສັດລາວໂທລະຄົມມາໃຫ້ຢູ່ຮ້ານ ເປັນ 1 ຍິງ ກັບ 1 ຊາຍ ມາຮອດບໍ່ເວົ້າບໍ່ວ່າຫຍັງ ຂຶ້ນຕົ້ນມາກໍ່ “ສະບາຍດີອ້າຍ” ແລ້ວກໍ່ຍື່ນແຜ່ນພັບໂຄສະນາໃຫ້ ແລ້ວກໍ່ປິ່ນຫລັງຫນີ 😮

ເອົາມາອ່ານເບິ່ງ ປະກົດວ່າເປັນໂຄສະນາເກົ່າ ອອກແບບໃຫມ່ (ແບບດຽວກັບໃນເວັບລາວໂທລະຄົມ ແຕ່ອອກແບບໃຫມ່ ແລະມີຫລາຍອັນ) ອ່ານໄປອ່ານມາ ຄິດອອກວ່າ ມື້ນີ້ເງິນເດືອນອອກ ເລີຍວ່າຊິຕິດຕັ້ງ ADSL 256K ໄວ້ໃຊ້ ສ່ວນ 56K (ທີ່ຈ່າຍລ່ວງຫນ້າ 1 ປີ ໄປແລ້ວ) ກໍ່ຍົກໃຫ້ນ້າຊາຍຢູ່ວັງວຽງໃຊ້ແທນ. ປົງຕົກແລ້ວກໍ່ກິ໊ງໆ ໄປຫາ 101 Laotelecom Call Center ສະບາຍດີ…​ ສອບຖາມໄປ ເຂົາບອກໃຫ້ໂທໄປຖາມເບີ ADSL ໂດຍກົງ ວ່າແລ້ວກໍ່ໂທໄປ ໂທໄປຮອດ ບອກກັບມາວ່າ ຕ້ອງໂທໄປຖາມອີກເບີ ເພາະບໍ່ຮູ້ວ່າເຕັມຫລືຍັງ (ອ່າວ… ມີເຕັມອີກ) ເລີຍໂທໄປອີກເບີ (#3) ໂທໄປຮອດ ຖາມໆ ເບິ່ງ ເຂົາຕອບວ່າ ມັນເຕັມແລ້ວ  😯

ຕ້ອງຖ້າຕົ້ນເດືອນຫນ້າ ບາງທີຈະມີເຂົ້າມາໃຫມ່… ໃຫ້ໄປຍື່ນແບບຟອມປະໄວ້ ຖ້າມາຕອນໃດ ກໍ່ຊິໄປຕິດຕັ້ງໃຫ້…

ສະຫລຸບແລ້ວ ເຖິງມີເງິນກໍ່ຢ່າຫວັງວ່າຊິໄດ້ໃຊ້ ADSL ໃນຫລວງພະບາງ  😛

7 ວິທີໃນການຕິດຕາມ Internet’s Trends

ມື້ນີ້ໄປອ່ານ lifehack ມາ ກ່ຽວກັບວິທີຄົ້ນຫາ Trends ຫລືຄວາມນິຍົມໃນອິນເຕີເນັດ ລອງຈິນຕະນາການວ່າ ເຮົາບໍ່ໄດ້ໃຊ້ອິນເຕີເນັດມາສາມເດືອນ ກັບມາໃຊ້ ບາດນີ້ ເຮົາຈະຮູ້ໄດ້ແນວໃດວ່າ ໂລກກົມໆໃບນີ້ເຂົາໄປຮອດໃສກັນແລ້ວ??? ຖ້າເປັນຫລາຍປີກ່ອນ ກໍ່ອາດເປັນເລື່ອງທີ່ ລຳບາກພໍສົມຄວນເລີຍ ແຕ່ວ່າ ໃນສະໄຫມນີ້ ມັນຈະມີ 7 ວິທີງ່າຍໆໃນການໃຊ້ຄົ້ນຫາແນວໂນ້ມ ຫລືຄວາມນິຍົມເຫລົ່ານີ້ໄດ້

Continue reading 7 ວິທີໃນການຕິດຕາມ Internet’s Trends

ນີ້ມັນຍຸກຂອງ Web 2.0 ແລ້ວ!

ຄົນໃຊ້ເນັດບ້ານເຮົາ ບໍ່ຄ່ອຍຈະສົນໃຈວ່າຍຸກໃດເປັນຍຸກໃດພໍປານໃດ ມີແນວໃດກໍ່ໃຊ້ແນວນັ້ນ ອັດຕາການເຕີບໂຕ ຂອງຜູ້ໃຊ້ງານອິນເຕີເນັດໃນບ້ານເຮົາ ກໍ່ເລີຍບໍ່ເພີ່ມຂຶ້ນຢ່າງໄວວາຄືປະເທດອື່ນໆ ໃນລະແວກດຽວກັນ ຂະຫນາດເມືອງນອກເຂົາເຂົ້າສູ່ຍຸກ Web 2.0 ແລ້ວ ບ້ານເຮົາຍັງຊິມາເຮັດເວັບບອຣ໌ດ ໃຫ້ຄົນເຂົ້າໄປຖາມຕອບກັນເອງຢູ່ (ບໍ່ມີເນື້ອຫາໃນເວັບໄຊທ໌ຫລັກ) ພວກທີ່ມີເວັບຫລັກເຂົາກໍ່ປ່ອຍໃຫ້ເວັບຕາຍດ້ານໄປເສີຍໆ ບໍ່ຫມັ່ນອັບເດທຂໍ້ມູນເລີຍ ກໍ່ມີຫລວງຫລາຍ ບໍ່ຮູ້ຕອນໃດມັນຊິເຂົ້າຮູບເຂົ້າຮອຍໄດ້ 🙁

Web 2.0

ເຂົ້າເລື່ອງເລີຍດີກວ່າ… ມື້ນີ້ມາແນະນຳກ່ຽວກັບເວັບໄຊທ໌ທີ່ເປັນ Web 2.0 ເຊິ່ງມີເປັນຮ້ອຍເປັນພັນແລ້ວໃນປະຈຸບັນ ບໍ່ຮູ້ຊິແນະນຳແນວໃດຫມົດ (ໂດຍສະເພາະຫາກ Web 2.0 ຍັງບໍ່ມີແນວທາງທີ່ຊັດເຈນ) ດັ່ງນັ້ນ ອາຫານພ້ອມເສີບມື້ນີ້ ກໍ່ຄື Web 2.0 Directory ເຊິ່ງກໍ່ມີຫລາກຫລາຍອັນ ຫລາກຫລາຍແນວໃຫ້ໃຊ້ ສາມາດເຂົ້າໄປເບີ່ງໄດ້ໃນ go2web2.netແຕ່ຫາກເຂົ້າໄປແລ້ວລາຍຕາບໍ່ຮູ້ລອງອັນໃດ ແນະນຳ –> NetVibes ແລ້ວຈະໄດ້ Feeling of Web 2.0
ທຳອິດວ່າຊິຂຽນບົດຄວາມ ໃນເຊີງເທັກນິກລອງເບິ່ງ ແຕ່ຂຽນໄປຂຽນມາແລ້ວລືມ ເລີຍຢ່າແຫລ່ະ 555 (ຂຽນບລັອກໄປ ເຮັດຮ່າງສັນຍາໄປ ສະມາທິຫົດຫາຍຫມົດ 🙁 )

ສົ່ງເງິນມາ! ບໍ່ຊັ້ນຕາຍ!!

ເອ… ສົງໄສຫົວຂໍ້ມັນຈະເກີນເຫດໄປເບາະ? ເລື່ອງມັນມີຢູ່ວ່າ ມີການ ຂູ່ເຂັນ ຮີດໄຖ ແບບໃຫມ່ຂຶ້ນໃນອິນເຕີເນັດອີກແລ້ວ ແບບໃຫມ່ທີ່ວ່າຄວາມຈິງມັນອາດຈະມີມາດົນແລ້ວ ແຕ່ບໍ່ເປັນທີ່ແຜ່ຫລາຍ ຊ່ວງນີ້ແຜ່ຫລາຍເຂົາເລີຍເອົາມາເວົ້າ ກໍ່ຄືໃຊ້ໆ ອິນເຕີເນັດໄປ ວັນດີຄືນດີເຂົ້າໄປເບິ່ງເມລ ປະກົດວ່າມີອີເມລລຶກລັບສົ່ງມາຫາ ບອກວ່າຕົວເອງເປັນມືປືນ ຖືກຮັບຈ້າງມາ ໃຫ້ມາຂ້າເຮົາ (ສົມມຸດວ່າເຮົາເປັນເຈົ້າຂອງອີເມລກໍ່ແລ້ວກັນ) ແຕ່ວ່າ ຖ້າເຮົາບໍ່ຢາກຕາຍກ່ອນໄວອັນຄວນ ໃຫ້ສົ່ງຈ່າຍເງິນໃຫ້ມັນ $80,000 ແລ້ວມັນຈະຍອມຜິດສັນຍາກັບນາຍຈ້າງເກົ່າ (ທີ່ມັນບອກວ່າຈ້າງມາຂ້າເຮົາ) ແຖມມັນຍັງຖິ້ມທ້າຍອີກວ່າ ຫ້າມບໍ່ເຈົ້າຫນ້າທີ່ຕຳຫລວດ ຫລື FBI ແລະທີ່ຕະຫລົກສຸດໆ ຄື ມັນບອກວ່າ… ນີ້ເປັນຄັ້ງທຳອິດທີ່ມັນບ້ຽວງານ -_-”

ອອກຈະເປັນແນວບໍ່ຄ່ອຍຈະມີສາລະ ແຕ່ຖ້າຄົນທີ່ Innocent ແບບສຸດໆ ກໍ່ອາດຈະເຊື່ອຂຶ້ນມາກໍ່ເປັນໄດ້ ຖືວ່າມາເລົ່າສູ່ກັນຟັງ ຂັ້ນເວລາ 🙂

ທີ່ມາ – TechWeb

ແຜ່ນດິນໄຫວເຮັດໃຫ້ຄົນລາວໃຊ້ເນັດຫນ້ອຍລົງ?

ຫນັງສືພິມວຽງຈັນໄທມ໌ສເພິ່ນລົງຂ່າວກ່ຽວກັບ ຜົນກະທົບຂອງແຜ່ນດິນໄຫວ ທີ່ເຮັດໃຫ້ສາຍເຄເບີ້ລທີ່ເຊື່ອມຕໍ່ ລະຫວ່າງທະວີບເສຍຫາຍຫນັກ ເຊິ່ງມັນເຮັດໃຫ້ບໍລິສັດທີ່ໃຫ້ບໍລິການອິນເຕີເນັດໃນລາວ ຕ້ອງປ່ຽນລະບົບສັນຍານຈາກທີ່ເຄີຍໃຊ້ຂອງໄຕ້ຫວັນ ມາເປັນຂອງໄທແທນ ໂດຍເຈົ້າຫນ້າທີ່ຄົນຫນຶ່ງໃນ ETL ບອກວ່າຮັບສັນຍານຈາກໄຕ້ຫວັນບໍ່ໄດ້ເລີຍ ເພາະວ່າໄຕ້ຫວັນເສຍຫາຍຫນັກ ແຕ່ຄາດວ່າປະມານຊ່ວງອາທິດນີ້ຄົງຈະສາມາດໃຊ້ງານໄດ້ເປັນປົກກະຕິ

ເຂົ້າໃຈວ່າ ເມື່ອເນັດຊ້າລົງ ຄົນເຂົ້າເວັບບໍ່ໄດ້ ກໍ່ເລີຍອອກ ພໍກັບມາໃຊ້ໃຫມ່ກໍ່ເປັນອີກ ເປັນແນວນີ້ຫລາຍໆ ຄັ້ງເລີຍເຊົາ? ຊ່ວງນີ້ເລີຍໃຊ້ຫນ້ອຍລົງ? ອືມ… -_-”

ທີ່ມາ: RFA Lao via Inlao.net

blog-tag

ຕອນນີ້ເຂົາກຳລັງນິຍົມຫລິ້ນ blog tag ຢູ່ ເລີຍຫລິ້ນນຳເບີ່ງ ^_^

ເລື່ອງບາງເລື່ອງກ່ຽວກັບ au8ust

1. ບໍ່ວ່າຊິໄປຮຽນຢູ່ໃສກໍ່ຕາມ ເກືອບຈະທຸກໆ ທີ່ຈະເປັນຄົນທີ່ມີອາຍຸນ້ອຍທີ່ສຸດໃນຫ້ອງ (ຖ້າບໍ່ນັບຜູ້ຍິງ)

2. ຊື່ au8ust ມາຈາກຄຳວ່າ august, ທີ່ເປັນຄຳນີ້ກໍ່ເພາະວ່າເກີດເດືອນສິງຫາ —ໃນຊື່ນີ້
ບໍ່ມີຫຍັງຫລາຍໄປກວ່ານັ້ນ 🙂 ຕອນທຳອິດຄິດຄຳນີ້ໄດ້ ກໍ່ວ່າມັນເທ່ດີເວີ້ຍ ແຕ່ໄປຄົ້ນຫາໃນ google ອ່າວ… ມີຄົນໃຊ້ແຕ່ປີບາງຫໍ້ແລ້ວ ອຸ້ວ່ະ 555 ໂອຍ ຕະຫລົກ

3. ຄັ້ງທຳອິດທີ່ໄດ້ເຫັນອິນເຕີເນັດ ບອກພໍ່ແມ່ເລີຍວ່າ ບໍ່ຫນ້າສົນໃຈຈັກດີ້ ໃຊ້ຄອມຢ່າງດຽວກໍ່ເກີນພໍ (ແຕ່ດຽວນີ້ກາຍເປັນວ່າ ໃຊ້ຄອມຢ່າງດຽວບໍ່ພໍເວີ້ຍ 555)

4. ຕອນຍັງນ້ອຍໆ ເວລາຊິກິນຫຍັງມັກຊິດົມກ່ອນ ແລ້ວຄ່ອຍກິນ ຈົນພໍ່ຮ້າຍ ບໍ່ໃຫ້ເຮັດ ແລ້ວກໍ່ບໍ່ຄ່ອຍເຮັດອີກຕັ້ງແຕ່ນັ້ນມາ

5. ເຄີຍອອກແບບ/ສ້າງ/ພັດທະນາ ເວັບໄຊທ໌ (ຫ່ວຍໆ) ມາເປັນສິບໆ ເວັບ ແຕ່ວ່າອັນທີ່ມີຄົນຮູ້ຈັກພັດມີບໍ່ຮອດ 2 ອັນ LOL

ເອົາເທົ່ານີ້ແຫລ່ະ ບາດນີ້ຊິສົ່ງໃຫ້ໃຜດີນໍ້…?

ຮັບໄປ: Sian, nanoteam, …ຊວຍແລ້ວ!! ບໍ່ຮູ້ຊິສົ່ງໃຫ້ໃຜ OoO!! ອໍ້! ແມ່ນແລ້ວ ຍັງມີ wihane ຄິດອອກແຕ່ເທົ່ານີ້ແຫລ່ະ Blog ທີ່ຮູ້ຈັກມັນມີບໍ່ຫລາຍ ຜິດກົດຢ່າມັນ 😛 pnomsin ແລະ os555

*ຖ້າໃຜຍັງບໍ່ຮູ້ວິທີຫລິ້ນ ອ່ານບ່ອນນີ້ ຊິບອກ ວິທີຫລິ້ນກໍ່ງ່າຍໆ ໃຫ້ຂຽນເລື່ອງຂອງຕົວເອງ ຂຽນໃຫ້ໄດ້ 5 ຂໍ້ ຈາກນັ້ນກໍ່ tag ໄປໃຫ້ຄົນອື່ນອີກ 5 ຄົນ ແລ້ວກໍ່ສົ່ງຕໍ່ກັນໄປເລື່ອຍໆ

ພາບປະກອບຈາກ: keng.ws