Mafiaboy: How I Cracked the Internet and Why It’s Still Broken

ປື້ມເລື່ອງ “Mafiaboy: How I Cracked the Internet and Why It’s Still Broken” ເປັນຜົນງານການຂຽນຮ່ວມກັນລະຫວ່າງ Michael Calce ແລະ Craig Silverman ເຊິ່ງເປັນເລື່ອງລາວຂອງ Michael Calce ເມື່ອລາວຍັງເປັນເດັກນ້ອຍອາຍຸ 15 ປີທີ່ສາມາດເຮັດໃຫ້ລະບົບອິນເຕີເນັດໃຫຍ່ ໆ ທົ່ວໂລກລົ້ມໄດ

ກັບໄປເມື່ອປີ 2000 ເກີດເຫດການເວັບໄຊໃຫຍ່ ໆ ຂອງໂລກເຊັ່ນ CNN, Yahoo, eBay, Amazon ແລະ E*Trade Financial ຕ້ອງລົ້ມໄປເປັນເວລາຫຼາຍຊົ່ວໂມງ ແລະຕໍ່ມາທາງ FBI ແລະກໍ່ຕາມຫາຕົວຜູ້ຢູ່ເບື້ອງຫຼັງນີ້ ຈົນໄດ້ພົບວ່າເປັນຜົນງານຂອງເດັກນ້ອຍອາຍຸພຽງ 15 ປີເທົ່ານັ້ນ (ໄດ້ຮັບໂທດໄປຫຼາຍກວ່າ 50 ຂໍ້ຫາ)

ປື້ມດັ່ງກ່າວຈະກ່ຽວບັນທຶກກ່ຽວກັບເຫດການ ແລະເລື່ອງທີ່ເກີດຂຶ້ນເມື່ອ 8 ປີກ່ອນຂອງ Michael Calce ເຊິ່ງມີກຳນົດການວາງຈຳໜ່າຍໃນໄວ ໆ ນີ້

ທີ່ມາ – NationalPost [via BN]

ມາແລ້ວ! Google Chrome

chrome

ມື້ວານນີ້ຂຽນຂ່າວປະໄວ້ ວ່າ Google ຈະອອກ Web Browser ຂອງຕົວເອງໃນມື້ນີ້ ແລະກໍ່ເປັນໄປຕາມນັ້ນ ບໍ່ຖືກພະຍາດເລື່ອນເຂົ້າແຊກແຊງຕ່າງຢ່າໃດ ເມື່ອເວລາປະມານ ໒ ໂມງເຊົ້າຂອງວັນທີ່ ໓ ກັນຍາ ໒໕໕໑ ທາງ Google ກໍ່ເປີດໜ້າດາວໂຫລດຂອງ Google Chrome ໃຫ້ຄົນທົ່ວໄປໄດ້ດາວໂຫລດໄປທົດລອງໃຊ້ໄດ້.

ການທົດລອງໃຊ້ເບິ່ງກໍ່ພົບວ່າ ມີບັນຫາຢູ່ເລັກນ້ອຍ ແລະທົ່ວໄປ ເພາະວ່າ Chrome ໃຊ້ WebKit ເປັນ rendering engine ເລີຍເຮັດໃຫ້ບໍ່ລຶ້ງເຄີຍປານໃດ ເຖິງແມ່ນວ່າມັນຈະໄວກໍ່ຕາມ ຫາກແຕ່ພົບວ່າມີບັນຫາໃນການໃຊ້ພາສາລາວຢູ່ ເຊັ່ນ ເວລາພິມຄຳວ່າ “ເລີກ” ແລ້ວກົດ Backspace ເພື່ອລຶບນັ້ນ ເມື່ອລຶບ ກ ອອກໄປແລ້ວ ກົດ Backspace ອີກຄັ້ງໜຶ່ງເພື່ອລຶບສະຫຼະອີ ຈະພົບວ່າມັນຫາຍໄປໝົດເລີຍທັງຄຳ (ໝາຍຄວາມວ່າ ບໍ່ໄດ້ລຶບສະເພາະສະຫຼະອີ ແຕ່ລຶບໝົດ) ບໍ່ຄືໃນ Firefox ຫຼື IE ທີ່ສາມາດລຶບໄດ້ເທື່ອລະໂຕ –ບັນຫານີ້ຮູ້ສຶກວ່າຈະມີໃນ Leopard ນຳ; ບັນຫາພາສາລາວອັນທີ່ ໓ ກໍ່ຄື ບໍ່ສາມາດກຳນົດຟອນໃຫ້ກັບພາສາໄດ້ ດັ່ງທີ່ສາມາດເຮັດໄດ້ໃນ Firefox ແລະ IE; ເຊິ່ງຜົນຂອງມັນກໍ່ຄື ເຮັດໃຫ້ໜ້າເວັບຫຼາຍ ໆ ເວັບກາຍເປັນວ່າໃຊ້ຟອນ Arial Unicode MS (ທີ່ມີຮູບຮ່າງພາສາລາວຄ້າຍ ໆ ຟອນດອກຈຳປາ). ຢ່າງສຸດທ້າຍທີ່ພົບປັນຫາກ່ຽວກັບພາສາ ກໍ່ຄື ໃນ Address bar ທີ່ທາງ Google ລວມ Search box ເຂົ້າໄວ້ນຳກັນນັ້ນ ບໍ່ສາມາດສະແດງຜົນພາສາລາວໄດ້!

ນອກຈາກນັ້ນ ບາງເວັບໄຊກໍ່ບໍ່ສາມາດສະແດງຜົນໄດ້ເຕັມທີ່ ແລະຮ້າຍໄປກວ່ານັ້ນຄື ອາດຈະສະແດງຜົນບໍ່ໄດ້ເລີຍ (ເຊັ່ນລະບົບທີ່ໃຊ້ Applet ຕ່າງ ໆ) ແຕ່ວ່າ ເວັບໄຊທົ່ວໄປແລ້ວ ກໍ່ໃຊ້ໄດ້ຕາມປົກກະຕິ.

ເວົ້າຂໍ້ເສຍໄປແລ້ວກໍ່ມາເວົ້າຂໍ້ດີກັນແດ່ ເລີ່ມທຳອິດເລີຍຄື ມັນໄວຫຼາຍ! ເປີດປຸບຂຶ້ນປັບ ຕາມຄຳໂຄສະນາ ໜ້າເວັບກໍ່ສາມາດເປີດໄດ້ໄວເຊັ່ນດຽວກັນ ລະບົບ UI ກໍ່ໃຊ້ງ່າຍ ສະດວກສະບາຍ ແຖບຕ່າງ ໆ ສາມາດເລື່ອນໄປມາ ແລະຍ້າຍໄດ້ຢ່າງໄວ ມີການແຍກ Process ຂອງແຕ່ລະແຖບອອກຈາກກັນເພື່ອປ້ອງກັນການຄ້າງທັງລະບົບ ແຕ່ວ່າຍັງມີບາງຢ່າງທີ່ຍັງບໍ່ທັນແຍກເຊັ່ນ Flash ຍັງໃຊ້ Process ດຽວກັນຢູ່. ລະບົບ Inline download ແລະ Inline search ຖືວ່າໃຊ້ໄດ້ດີ. ສຳລັບນັກພັດທະນາເວັບໄຊແລ້ວ ຄືຊິດີໃຈ ເພາະໃນ Chrome ມີໂຕ Inspector ແຖມມານຳ ໃຊ້ໄດ້ຄ້າຍ ໆ Firebug ແຕ່ແກ້ໄຂໜ້າເວັບ ແລະ CSS ໂດຍກົງບໍ່ໄດ້ຄືໃນ Firebug ເທື່ອ.

ໂດຍລວມແລ້ວ Google Chrome ເປັນກ້າວທຳອິດທີ່ດີ ແລະມີອະນາຄົດໄກ ແຕ່ໃນເບື້ອງຕົ້ນ ກໍ່ຍັງບໍ່ສາມາດເປັນ Main stream ຂອງນັກທ່ອງເວັບໄດ້ເທື່ອ ຍັງຕ້ອງໃຊ້ເວລາປັບປຸງອີກໄລຍະໜຶ່ງ ເຖິງເວລານັ້ນ ໃຜຈະຮູ້ໄດ້ວ່າ Chrome ອາດຈະເປັນດັ່ງ Gmail ທຸກມື້ນີ້ກໍ່ເປັນໄດ້ 😉

ອ່ານຈົບແລ້ວກໍ່ໄດ້ເວລາ ດາວໂຫລດ Google Chrome

Google Chrome — Web browser ຈາກ Google!

ຫຼັງຈາກທີ່ເປັນຂ່າວມາດົນວ່າ Google ຈະສ້າງ Web browser ຫຼືໂປຣແກຣມທ່ອງເວັບຂຶ້ນມາດ້ວຍຕົວເອງ ແຕ່ທີ່ຜ່ານມາກໍ່ບໍ່ໄດ້ມີຫຼັກຖານຫຍັງ ຈົນມາຮອດຕອນນີ້ ທາງ Google ໄດ້ອອກມາປະກາດຢ່າງເປັນທາງການແລ້ວວ່າ ກຳລັງພັດທະນາ Google Chrome ຢູ່

ໂດຍຫຼັກແລ້ວ Google Chrome ຖືກອອກແບບມາໃໝ່ ບໍ່ຄືດັ່ງທີ່ Web browser ໃນປັດຈຸບັນ ໂດຍສະເພາະແມ່ນເລື່ອງລະບົບ multi-process ທີ່ຖືກນຳມາໃຊ້ໃນ Chrome ນີ້. ການເປີດ Tab ນັ້ນ ຈະຖືກແບ່ງອອກເປັນ process ສະເພາະຂອງໃຜມັນ ເມື່ອແຖບໃດມີບັນຫາ ກໍ່ສາມາດປິດແຖບນັ້ນ ເພື່ອປ້ອງກັນບໍ່ໃຫ້ລະບົບລົ້ມທັງໝົດພ້ອມ ໆ ກັນ (ເຊັ່ນໃນ IE ຫຼື Firefox ມັກເປັນ).

ໃນສ່ວນຂອງການສະແດງຜົນແລ້ວ Chrome ໃຊ້ Webkit ເປັນ rendering engine (ແບບດຽວກັບທີ່ໃຊ້ໃນ Safari –Web browser ຂອງ Apple) ແລະໃຊ້ “V8” ເຊິ່ງເປັນຕົວປະມວນຜົນ JavaScript ທີ່ຖືກພັດທະນາໂດຍທາງ Google ໃນປະເທດເດັນມາກ. V8 ໃຊ້ການເຮັດວຽກແບບ virtual machine ເປັນເທັກນິກໃນການເລັ່ງປະສິດທິພາບ.

ໃນດ້ານຂອງ UI ແລ້ວ ທີມພັດທະນາໄດ້ຕັດສິນໃຈເອົາແຖບຕ່າງ ໆ ຂຶ້ນໄປໄວ້ດ້ານເທິງແທນທີ່ຈະໄວ້ທາງກ້ອງດັ່ງ Web browser ທົ່ວໄປ (ຕາມຮູບປະກອບດ້ານລຸ່ມ).

ຄວາມປ່ຽນແປງອື່ນ ໆ ຂອງ UI ທີ່ສັງເກດໄດ້ຄື ໃນ Chrome ຈະບໍ່ມີ Search box ແລ້ວ ເພາະມັນຖືກລວມກັບ Address bar ແລ້ວຖືກເອີ້ນຊື່ວ່າ “Omni Box” ເຊິ່ງສາມາດໃຊ້ຄົ້ນຫາ Bookmark ແລະ History ໄດ້ນຳ. ການເປີດແຖບໃຫມ່ ຈະມີຂໍ້ມູນແນະນຳເຊັ່ນ ເວັບໄຊທີ່ເຂົ້າໄປໃຊ້ຫຼາຍທີ່ສຸດ ແລະຄຳຊອກຫາທີ່ໃຊ້ຫຼາຍທີ່ສຸດເປັນຕົ້ນ.

ໃນດ້ານຂອງລະບົບຄວາມປອດໄພນັ້ນ ທຸກ ໆ process ຈະຖືກເປີດໃຊ້ໃນແບບ sandbox ເພື່ອບໍ່ໃຫ້ແຕ່ລະ process ໄປຫຍຸ້ງຕໍ່ກັນແລະກັນ ແລະຍັງດາວໂຫລດລາຍຊື່ເວັບທີ່ບໍ່ປອດໄພມາໄວ້ສະເໝີ ເພາະປ້ອງກັນບໍ່ໃຫ້ເຂົ້າໄປໃນເວັບທີ່ອາດຈະເປັນອັນຕະລາຍໄດ້.

ໃນສ່ວນອື່ນ ໆ ກໍ່ມີ “Gears” ທີ່ຖືກລວມເຂົ້າມາໃນ Chrome ນຳ ເພື່ອສະດວກຕໍ່ການນຳໃຊ້ ບໍ່ຄືແບບເກົ່າທີ່ຕ້ອງໂຫລດມາເອງ.

Google Chrome ມີກຳນົດອອກມື້ອື່ນ (ຖັດຈາກມື້ທີ່ກຳລັງຂຽນຂ່າວນີ້) ເຊິ່ງກໍ່ຄາດວ່າຈະໄດ້ຮັບສຽງຕອບຮັບຢ່າງກວ້າງຂວາງແນ່ນອນ.

ທາງທີມງານ Chrome ໄດ້ແຕ້ມກາຕູນສາທິດ ແລະແນະນຳໄວ້ໃນ http://books.google.com/books?id=8UsqHohwwVYC&printsec=frontcover ອະທິບາຍກ່ຽວກັບແນວຄິດ ແລະທິດທາງຂອງ Chrome ໄວ້.

ທີ່ມາ – Official Google Blog, TechCrunch, Blognone

PageRank Updated!

ດົນແລ້ວທີ່ບໍ່ໄດ້ຂຽນກ່ຽວກັບ PageRank ຕັ້ງແຕ່ຮອບກ່ອນ ໆ ທີ່ມັນອັບເດດກໍ່ບໍ່ໄດ້ຂຽນອີກເລີຍ ແຕ່ວ່າ ເວັ້ນໄລຍະບໍ່ຮອດ 6 ເດືອນ ມັນກໍ່ອັບເດດອີກແລ້ວ ເຊິ່ງຖືວ່າໄວຫລາຍ ແລະອັນດັບຕ່າງ ໆ ກໍ່ມີການປ່ຽນແປງໂດຍສັງເຂບດັ່ງນີ້

ເບິ່ງເວັບໃນເຄືອກ່ອນ

  • au8ust.org PR4 (0) ບໍ່ຫວັງວ່າມັນຈະຂຶ້ນໄວ ໆ ນີ້ ເພາະ PR5 ໄດ້ມາຍາກຫລາຍ
  • *real me PR2 (-1) ອັນດັບຕົກ ອາດຈະເປັນຍ້ອນ Links ອອກຫລາຍເກີນ
  • au8ust’s community PR3 (0) ຮັກສາອັນດັບໄດ້ເທົ່າເກົ່າ
  • mydream PR0 (0) ບໍ່ຂຶ້ນຊ້ຳ ຫນ້າແປກ ສົງໄສໃຊ້ເວລາບໍ່ພໍ
  • au8ust.spaces.live.com PR1 (-1) ອັນດັບຕົກ ເພາະ Link ເຂົ້າຫນ້ອຍລົງ
  • au8ust.wordpress.com PR3 (0) ອານິສົງຈາກ WordPress.com ເຮັດໃຫ້ຮັກສາອັນດັບໄວ້ຄືເກົ່າໄດ້
  • au8ust.exteen.com PR2 (+1) ເພີ່ມຂຶ້ນ ໑ ອາດຈະເປັນຜົນຈາກບາງຢ່າງ
  • au8ust.blogspot.com PR1 (-1) ຫລຸດລົງ ເພາະເອົາ Link ອອກ
  • pasalao.wordpress.com PR3 (0) ກໍລະນີດຽວກັບ au8ust.wordpress.com ເລີຍ
  • LaoBlogger.com PR3 (0) ເທົ່າເກົ່າ ສົງໄສຕ້ອງ Build Link ກັນໃຫມ່
  • LaoUpload.com PR3 (0) ຄືຂໍ້ເທິງ
  • Punlao.com PR2 (0) ເວັບນີ້ຕັ້ງໃຈໃຫ້ມັນ PR ສູງໄວໄວ ແຕ່ກໍ່ບໍ່ຍອມສູງ ຖ້າເບິ່ງງວດຫນ້າອາດຈະດີຂຶ້ນ
  • YakRuu.net PR3 (+1) ເພີ່ມຂຶ້ນ ໑
  • Pasalao.net PR2 (+2) ເວັບທີ່ແຍກມາຈາກ pasalao.wordpress.com ເຊິ່ງກໍ່ໄດ້ PR2 ແລ້ວ
  • LaoBB.com PR2 (+2) ເວັບໃຫມ່ ເຮັດປະມານເກືອບ ໓ ເດືອນ ໄດ້ PR2 ແລ້ວ
  • JoomlaLao.com PR0 (0) ບໍ່ຄ່ອຍໄດ້ເຮັດ Link ເຂົ້າຫາ ກໍ່ເລີຍອັນດັບບໍ່ມີນຳເພິ່ນ
  • DirectoryBuck.com PR0 (0) ອັນນີ້ແປກ ບໍ່ມີຄືກັນ
  • Friendsku.com PR0 (0) ອັນນີ້ Link ຫນ້ອຍໂພດ
  • URLDER.COM PR0 (0) ຫາກໍ່ເປີດສົດ ໆ ຮ້ອນ ໆ ເລີຍຖ້າງວດຫນ້າແທນ
  • luangprabang-bakery-guesthouse.com PR2 (0) ກໍ່ເທົ່າເກົ່າ ເພາະບໍ່ໄດ້ຫາ Link ເພີ່ມ
  • AnythingMalls.com PR2 (0) ເທົ່າເກົ່າ
  • techomaticblog.com PR0 (0) ບໍ່ເຄື່ອນເລີຍ ບໍ່ໄດ້ຊອກ Link ເພີ່ມ

ໂດຍລວມແລ້ວ ມີ ໔ ເວັບທີ່ອັນດັບເພີ່ມຂຶ້ນ ແລະມີ ໓ ເວັບທີ່ອັນດັບຕົກລົງ ແລະອີກ ໖ ເວັບທີ່ບໍ່ປ່ຽນແປງເລີຍ (ແຕ່ຫວັງໃຫ້ມັນປ່ຽນ)

ມາເບິ່ງເວັບອື່ນ ໆ ກັນ

  • Pnomsin.com PR3 ເວັບອ້າຍພະນົມສິນ PR3 ຢ່າງໜຽວແໜ້ນ
  • LaoZaa.com PR2 ເວັບຂອງໂອ້ດຊີ່ອັນດັບຕົກໄປ ໑
  • Luangprabang2day.com PR3 ນີ້ກໍ່ຮັກສາອັນດັບໄວ້ໄດ້
  • samakomlao.blogspot.com PR4 ສະມາຄົມລາວຄົງຈະບໍ່ຂຶ້ນງ່າຍ ໆ ແຕ່ງວດຫນ້າ ບໍ່ແນ່ເດີ້
  • vienglao.blogspot.com PR2 ອັນດັບຕົກ ເພິ່ນບໍ່ຄ່ອຍອັບເດດແລ້ວ
  • Inlao.net PR4 ອັນດັບເທົ່າເກົ່າ
  • Mahasan.com PR4 ຄ້າຍ ໆ ວ່າຈະເທົ່າເກົ່າ
  • LaoHub.com PR4 ນີ້ກໍ່ເທົ່າເກົ່າ
  • LaoSmile.com PR3 ອັນນີ້ບໍ່ແນ່ໃຈວ່າເທົ່າເກົ່າບໍ່
  • LaoTel.com PR4 ເວັບຂອງລາວໂທລະຄົມ ອັນດັບຕົກຈາກ PR5 ເຫລືອ PR4
  • ETLLAO.com PR4 ນີ້ກໍ່ຕົກ
  • TigoLao.com PR3 ເວັບຂອງທິໂກ້ຮູ້ສຶກວ່າ ຈະຂຶ້ນ ບໍ່ແນ່ໃຈ ງວດແລ້ວລືມເບິ່ງ
  • VientianeMai.net PR5 ເວັບຫນັງສືພິມວຽງຈັນໃຫມ່ ຍັງຄອງ PR5 ດັ່ງເດີມ

ໄລຍະຫລັງນີ້ Google ປັບປ່ຽນ Algolithm ຫລາຍຄັ້ງ ແຕ່ໂດຍຫລັກຂອງ PageRank ແລ້ວຍັງຄົງໃຊ້ຫລັກການເກົ່າຄື Link ເປັນປັດໄຈສຳຄັນ ແຕ່ວ່າ ຢ່າງໃດກໍ່ຕາມ ຖ້າມີ PR ສູງ ແຕ່ບໍ່ມີ Traffic ກໍ່ບໍ່ມີຄ່າຫຍັງ ຄິດເບິ່ງວ່າ ເວັບໄຊທີ່ມີ PR4 ແຕ່ມີ Traffic ມື້ລະ 30 ~ 40 UIPs ທຽບກັບເວັບທີ່ມີ PR2 ແຕ່ Traffic ມື້ຫນຶ່ງ 300 UIPs ຂຶ້ນໄປ ແບບໃດຊິດີກວ່າກັນ?

ສາມາດກວດສອບ PageRank ໄດ້ໃນ TareeInternet ຫຼືຜ່ານທາງ Google Toolbar

ເຊື່ອມຕໍ່ເຄືອຂ່າຍໄຣ້ສາຍ WPA ໃນ Windows XP SP1

ດ້ວຍຄວາມບັງເອີນອັນເຈດຕະນາໄວ້ແລ້ວ ມີແຂກມາພັກຢູ່ຫ້ອງ ແລະເຂົາມີ Notebook ທີ່ໃຊ້ Windows XP SP1 ເຊິ່ງໂດຍທົ່ວໄປແລ້ວ ຈະບໍ່ຮອງຮັບການເຂົ້າລະຫັດແບບ WPA ຈະໃຊ້ໄດ້ສະເພາະ WEP ເທົ່ານັ້ນ ແຕ່ວ່າຢູ່ທີ່ຮ້ານພັດໃຊ້ລະບົບຮັກສາຄວາມປອດໄພເປັນ WPA-PSK (Wi-Fi Protected Access Pre-Shared Key) ຫາກໃຊ້ Windows XP SP1 ເຊື່ອມຕໍ່ຫາ Access Point ທີ່ເປີດລະບົບ WPA-PSK ແລ້ວ ກໍ່ຈະບໍ່ສາມາດເຊື່ອມຕໍ່ໄດ້ ລະບົບຈະສະແດງຂໍ້ຄວາມວ່າ ລະຫັດຜ່ານບໍ່ຖືກຕ້ອງ ເນື່ອງຈາກມັນເຂົ້າໃຈວ່າກຳລັງເຊື່ອມຕໍ່ໄປທີ່ Access Point ທີ່ໃຊ້ WEP

ການແກ້ໄຂບັນຫານີ້ໃນເບື້ອງຕົ້ນກໍ່ຄິດວ່າ ຄົງຈະຕ້ອງໄດ້ອັບເກຣດໄປໃຊ້ Service Pack 2 ແຕ່ວ່າ ກໍ່ເປັນໄປໄດ້ຍາກ ເນື່ອງຈາກເປັນຄອມຂອງລູກຄ້າຫ້ອງພັກ ມັນກໍ່ເບິ່ງຄືຈະເປັນການຂີ່ຊ້າງຈັບຕັກກະແຕນເກີນໄປ ກໍ່ເລີຍຕ້ອງ Googling ຊອກຫາ Workaround ດ່ວນ ແລະໄດ້ຄວາມວ່າ ຕ້ອງລົງ Hotfix KB826942 ເຊິ່ງສາມາດດາວໂຫລດໄດ້ຈາກເວັບໄຊຂອງ Microsoft ເອງ ໂຫລດມາແລ້ວໃຊ້ເວລາອີກດົນເຕີບ ກວ່າຈະສາມາດຕິດຕັ້ງຜ່ານໄປໄດ້ ເພາະວ່າຄອມເປັນຄອມລຸ້ນເກົ່າ ເຮັດວຽກຊ້າຫລາຍ ຈົນຄິດວ່າຊິບໍ່ໄດ້ແລ້ວ ແຕ່ຖ້າໄປເກືອບ ໒໐ ນາທີກໍ່ຕິດຕັ້ງຜ່ານ

ການແກ້ໄຂບັນຫາພວກນີ້ ຖ້າບໍ່ມີອິນເຕີເນັດແລ້ວລະຊວຍແທ້ ໆ ຖືກວ່າໂຊກດີຫລາຍທີ່ມີເນັດໃຊ້ 😀

OpenDNS – ທາງອອກຂອງບັນຫາ DNS

OpenDNSໄລຍະຫລັງນີ້ຮູ້ສຶກວ່າອິນເຕີເນັດຂອງ ລາວໂທລະຄົມ ຈະມີບັນຫາກັບເວັບໄຊຕ໌ບາງແຫ່ງ ສົ່ງຜົນໃຫ້ເຂົ້າບໍ່ໄດ້ເປັນບາງເວັບ ເຊິ່ງຕົວຂ້າພະເຈົ້າເອງກໍ່ປະສົບບັນຫາປະມານນີ້ເຊັ່ນກັນ ລວມເຖິງທ່ານພະນົມສິນ ເພິ່ນກໍ່ບອກວ່າເຂົ້າເວັບໄຊຕ໌ຕົວເອງບໍ່ໄດ້ ແຕ່ພາຍຫລັງກໍ່ເຂົ້າໄດ້ ເມື່ອແຈ້ງໄປຫາ Host ທາງ Host ກໍ່ຕອບກັບມາວ່າອາດຈະເປັນເພາະ DNS ມີບັນຫາ ແຕ່ຂອງຂ້າພະເຈົ້ານັ້ນ ເຂົ້າ Subdomain ທີ່ສ້າງໃຫມ່ບໍ່ໄດ້ ຫຼືບາງທີ Subdomain ເກົ່າກໍ່ເຂົ້າບໍ່ໄດ້ ຫລ້າສຸດ community.au8ust.org ກໍ່ເຂົ້າບໍ່ໄດ້ ແຕ່ຄົນອື່ນທີ່ໃຊ້ເນັດບໍລິສັດອື່ນພັດວ່າເຂົ້າໄດ້ ເມື່ອປ່ຽນ DNS ແລ້ວກໍ່ເຂົ້າໄດ້ນຳເພິ່ນ

ຮູ້ສຶກວ່າຈະຂຽນສັບສົນດີ ມາເຂົ້າເລື່ອງເລີຍດີກວ່າ ມື້ນີ້ຂໍແນະນຳ OpenDNS ເຊິ່ງເປັນຜູ້ໃຫ້ບໍລິການ DNS ຟຣີແຕ່ມີຄຸນນະພາບ (ຈົນ DNS ເສຍເງິນຍັງຕ້ອງຊິດຊ້າຍ) ເຊິ່ງ OpenDNS ທີ່ວ່ານີ້ມີຄວາມສາມາດຫລັກ ໆ ກໍ່ຄື

  • ອັບເດດ DNS ໄດ້ໄວ (ໄວກວ່າຂອງ ISP ຫລາຍ ໆ ບ່ອນອີກ)
  • ປ້ອງກັນ Phishing ໄດ້ໃນລະດັບ DNS (ໃຊ້ຖານຂໍ້ມູນຈາກ PhishTank.com)
  • ປ້ອງກັນການເຂົ້າເຖິງເວັບໄຊຕ໌ທີ່ບໍ່ຕ້ອງການໄດ້ (Domain Blocking)
  • ປ້ອງກັນການເຂົ້າເຖິງເວັບໄຊຕ໌ທີ່ມີເນື້ອຫາສຳຫລັບຜູ້ໃຫຍ່ (Adult Site Blocking)
  • ປ້ອງກັນການໃຊ້ງານ Proxy
  • ລະບົບສະຖິຕິການໃຊ້ງານ
  • ລະບົບການແກ້ຄຳຜິດ ເຊັ່ນວ່າພິມ http://au8ust.og/ ກໍ່ຈະແກ້ໃຫ້ເປັນ http://au8ust.org/ ເປັນຕົ້ນ

ສຳຫລັບລາຍລະອຽດຂອງແຕ່ລະ Feature ນັ້ນ ສາມາດອ່ານໄດ້ຈາກເວັບໄຊຕ໌ຂອງ OpenDNS

ການໃຊ້ງານ OpenDNS ນັ້ນກໍ່ບໍ່ມີຫຍັງຍາກເລີຍ ພຽງເຮັດຕາມຂັ້ນຕອນທີ່ລະບຸໃນເວັບໄຊຕ໌ OpenDNS ກໍ່ຈະສາມາດໃຊ້ງານໄດ້ທັນທີ ທີ່ສຳຄັນຄື ບໍລິການນີ້ຟຣີ!

Google Zeitgeist 2007

ເມື່ອຮອດທ້າຍປີໃດ Google ກໍ່ຈະມີສະຫລຸບສະຖິຕິການຄົ້ນຫາມາໃຫ້ເບິ່ງກັນໃນຊື່ Google Zeitgeist (ຄຳວ່າ Zeitgeist ມາຈາກພາສາເຢຍລະມັນແປວ່າ Spirit of Time ໃນພາສາອັງກິດ) ເຊິ່ງໃນປີນີ້ກໍ່ເຊັ່ນກັນ Google Zeitgeist 2007 ໄດ້ສະແດງສະຖິຕິຂອງ Keyword ຄຳຄົ້ນຫາຕ່າງ ໆ ທີ່ມີຜູ້ໃຊ້ງານກັນຫລາຍທີ່ສຸດດັ່ງນີ້

ຄຳຄົ້ນຫາທີ່ມີຄົນໃຊ້ຫລາຍທີ່ສຸດໃນອະເມລິການຣຽງຕາມໄຕຣມາດ 

Continue reading Google Zeitgeist 2007

ທາງການໄທຢຸດຕິການ block ເວບ YouTube.com ແລ້ວ

ຫລັງຈາກທີ່ທາງການໄທໄດ້ທຳການ block ການເຂົ້າເຖິງເວບໄຊຕ໌ YouTube.com ເຊິ່ງເປັນເວບໄຊຕ໌ວີດິໂອລາຍໃຫຍ່ທີ່ສຸດໃນໂລກຕອນນີ້; ຜ່ານມາເປັນເວລາຫລາຍເດືອນ ໃນທີ່ສຸດກະຊວງ ICT ຂອງປະເທດໄທກໍ່ໄດ້ຍົກເລີກການສະກັດກັ້ນການເຂົ້າເຖິງ YouTube.com ໂດຍໄດ້ມີຂໍ້ຕົກລົງກັບທາງ YouTube.com ວ່າ ທາງ YouTube.com ຈະຕ້ອງກັນ IP ຈາກປະເທດໄທບໍ່ໃຫ້ສາມາດເບິ່ງຄລິບວີດິໂອທີ່ລະເມີດກົດຫມາຍຂອງປະເທດໄທໄດ້.

ການຍົກເລີກການ block ເວບ YouTube.com ຢ່າງເປັນທາງການໃນຄັ້ງນີ້ ສົ່ງຜົນໃຫ້ຜູ້ໃຊ້ບໍລິການອິນເຕີເນັດຂອງລາວໂທລະຄົມສາມາດເຂົ້າໃຊ້ງານ YouTube.com ໄດ້ຕາມປົກກະຕິແລ້ວ ເພາະວ່າ Gateway ຂອງລາວໂທລະຄົມນັ້ນແລ່ນຜ່ານປະເທດໄທ. ຫາກປະເທດໄທ block ເວບໄຊຕ໌ໃດ ໆ ກໍ່ຕາມ, ກໍ່ຈະສົ່ງຜົນໃຫ້ຜູ້ໃຊ້ບໍລິການອິນເຕີເນັດຂອງລາວໂທລະຄົມ ບໍ່ສາມາດເຂົ້າເວບໄຊຕ໌ນັ້ນ ໆ ໄດ້ນຳ.

ທີ່ມາ – The Nation [via Blognone]

ສ່ວນແບ່ງຕະຫລາດຂອງ Search Engine ໃນເດືອນເມສາ

comScore ໄດ້ລາຍງານສ່ວນແບ່ງຕະຫລາດຂອງການໃຊ້ງານ Search Engine ຕ່າງ ໆ​ ວ່າ ໃນເດືອນເມສາທີ່ຜ່ານມາ (ນັບສະເພາະໃນອະເມລິກາ) Google ກິນສ່ວນແບ່ງຕະຫລາດໄປເຖິງ 49.7% ສ່ວນ Yahoo! ນຳມາຕິດ ໆ​ ດ້ວຍອັນດັບທີ່ສອງ ກິນສ່ວນແບ່ງໄປ 26.8% ຕາມມາດ້ວຍ Microsoft ທີ່ 10.3%, Ask Network ຢູ່ທີ່ 5.1% ແລະສຸດທ້າຍ Time Warner Network ຢູ່ທີ່ 5.0%

ໃນບັນດາ Search Engine ເຫລົ່ານີ້ ມີພຽງ Google ທີ່ມີຍອດການໃຊ້ງານເພີ່ມຂຶ້ນ ຄິດເປັນ 1.4 ສ່ວນນອກນັ້ນ ຫລຸດລົງມາຕາມ ໆ ກັນ ຫລາຍທີ່ສຸດຄື Yahoo! ທີ່ -0.7

ລາຍງານຍັງໄດ້ລະບຸວ່າປະຊາຊົນອະເມລິກາ ໄດ້ທຳການຄົ້ນຫາໃນອິນເຕີເນັດໄປເຖິງ 7.3 ພັນລ້ານຄັ້ງໃນເດືອນເມສາທີ່ຜ່ານມານີ້ ແຍກເປັນຂອງ Google ແມ່ນ 3.6 ພັນລ້ານຄັ້ງ, Yahoo! ແມ່ນ 2.0 ພັນລ້ານຄັ້ງ, Microsoft ແມ່ນ 757 ລ້ານຄັ້ງ, Ask Network ແມ່ນ 376 ລ້ານຄັ້ງ ແລະ Time Warner ອີກ 364 ລ້ານຄັ້ງ

ທີ່ມາ – TAUME

ອິນເຕີເນັດທົ່ວໂລກມີອັດຕາການ Censor ສູງຂຶ້ນ

ມີຜົນສຳຫລວດອອກມາຈາກຫນ່ວຍງານຮ່ວມລະຫວ່າງ 4 ມະຫາວິທະຍາໄລຊັ້ນນຳຄື Cambridge, Oxford, Harvard ແລະ Toronto ໂດຍມີຊື່ກຸ່ມວ່າ ONI ຫຼື OpenNet Initiative ເຊິ່ງໃນຜົນສຳຫລວດທັງ 41 ປະເທດ ປະກົດວ່າ ມີເຖິງ 25 ປະເທດທີ່ມີການຈຳກັດການເຂົ້າເຖິງເນື້ອຫາໃນອິນເຕີເນັດ ເຊິ່ງຈາກໃນພາບປະກອບນັ້ນ ສີແດງຈະຫມາຍເຖິງ ປະເທດທີ່ມີການຈຳກັດການເຂົ້າເຖິງຫລາຍທີ່ສຸດ ສ່ວນສີເຫລືອງແມ່ນຫມາຍເຖິງ ມີການເຝົ້າລະວັງຢູ່ ໂດຍເນື້ອຫາທີ່ມີການຈຳກັດຫລາຍທີ່ສຸດນັ້ນ ກໍ່ຄືເລື່ອງການເມືອງ

ທີ່ມາ – TechnologyReview.com [via NadiaMode]