Flash-based hard drives ໂດຍ Intel

vssdsm.jpgIntel ຜູ້ຜະລິດ CPU ລາຍໃຫຍ່ຂອງໂລກ ໄດ້ກຽມເປີດວາງຈຳຫນ່າຍ Z-U130 ເຊິ່ງເປັນ Hard drive ທີ່ໃຊ້ຫນ່ວຍຄວາມຈຳລະບົບ Flash ໂດຍເນັ້ນທຳຕະຫລາດໄປທີ່ກຸ່ມຜູ້ໃຊ້ຄອມພິວເຕີລາຄາປະຫຍັດ ລວມໄປເຖິງ Intel’s Classmate PC ທີ່ໃຊ້ເນື້ອທີ່ HDD ພຽງ 1GB ສຳຫລັບລະບົບປະຕິບັດການ Linux ແລະ 2GB ສຳຫລັບລະບົບປະຕິບັດການ Windows XP

ໂດຍໃນຂະນະນີ້ໂມເດລ 1GB ແລະ 2GB ມີວາງຈຳຫນ່າຍແລ້ວ ສ່ວນໂມເດລ 4GB, 8GB ຈະມີວາງຈຳຫນ່າຍໃນເດືອນຫນ້າ ແລະໃນຊ່ວງເຄິ່ງຫລັງຂອງປີນີ້ ກໍ່ຈະມີການວາງຈຳຫນ່າຍໂມເດລທີ່ມີຄວາມຈຸ 20GB ແລະ 40GB ຕາມດ້ວຍ 80GB, 160GB ໃນປີຫນ້ານີ້

ທີ່ມາ – vnunet [via Neowin]

ກິນຢູ່ຢ່າງພໍພຽງອີຫລີ lol

Intel ແລະ Nokia ລົ້ມເລີກແຜນການ 3G Module ສຳຫລັບ Notebook

ແຜນການທີ່ທາງ Intel ແລະ Nokia ເຄີຍປະກາດໃນຊ່ວງປີ 2549 ວ່າ ຈະຮ່ວມມືກັນອອກແບບ ແລະພັດທະນາ HSDPA (High-Speed Downlink Packet Access) module ສຳຫລັບຄອມພິວເຕີໂນ໊ດບຸກນັ້ນ ຫລ້າສຸດທັງສອງຝ່າຍ ໄດ້ອອກມາປະກາດອີກຄັ້ງຫນຶ່ງວ່າ ແຜນການຄວາມຮ່ວມມືດັ່ງກ່າວ ຖືກຍົກເລີກໄປແລ້ວ ແຕ່ເຖິງຢ່າງໃດກໍ່ຕາມ ທາງ Nokia ກໍ່ໄດ້ອອກມາຖະແຫລງການວ່າ HSDPA module ນັ້ນ ຍັງຄົງມີການພັດທະນາຢູ່ຕໍ່ໄປ ເຖິງແມ່ນວ່າຈະຍັງບໍ່ມີການຕັດສິນໃຈ ທີ່ຈະນຳອອກມາຜະລິດ ເຜື່ອຈັດຈຳຫນ່າຍໃນເຊີງການຄ້າກໍ່ຕາມ

ໂດຍເຫດຜົນຫລັກຂອງການຍົກເລີກຄັ້ງນີ້ ທັງສອງບໍລິສັດໄດ້ອອກມາໃຫ້ຂໍ້ມູນພຽງວ່າ ຜະລິດຕະພັນດັ່ງກ່າວນັ້ນ ບໍ່ສາມາດໃຫ້ຜົນກຳໄລທາງການຄ້າພຽງພໍ –ບໍ່ຄຸ້ມຄ່າໃນການລົງທຶນ

HSDPA module ສຳຫລັບຄອມພິວເຕີໂນ໊ດບຸກທີ່ທັງສອງບໍລິສັດ ເຄີຍປະກາດຈະຮ່ວມກັນພັດທະນານັ້ນ ຈະເຮັດໃຫ້ຜູ້ໃຊ້ງານສາມາດ ໃຊ້ອິນເຕີເນັດຄວາມໄວສູງໄດ້ຜ່ານລະບົບເຄືອຂ່າຍ 2.5G (EDGE) ແລະ 3G (CDMA-2000/WCDMA) ໂດຍບໍ່ຕ້ອງຕິດຕັ້ງຮາດແວຣ໌ເພີ່ມເຕີມແຕ່ຢ່າງໃດ

ທີ່ມາ – X-bit labs [via Neowin.net]

ແທ້ຈິງແລ້ວ Xscale ຕ່າງຫາກທີ່ຢູ່ໃນ iPhone?

ມີຄົນເດົາໄວ້ຫລາຍຄົນແລ້ວວ່າ iPhone ຫນ້າຈະໃຊ້ Xscale ແລ້ວກໍ່ແມ່ນແທ້ໆ ເມື່ອ Dario Bucci (ເປັນ Intel Italy executive) ໃຫ້ສຳພາດກັບຫນັງສືພິມ Il Sole 24 Ore ວ່າ iPhone ໃຊ້ກຳລັງຂັບເຄື່ອນຂອງ Xscale processor (ແຕ່ວ່າບໍ່ແມ່ນຂອງ Intel ເພາະ Intel ຂາຍໃຫ້ກັບ Mavell Technology Group ໄປເມື່ອປີກາຍແລ້ວ)

ນອກຈາກນັ້ນ Dario Bucci ຍັງອ້າງວ່າ Intel ເປັນຜູ້ຮັບຫນ້າທີ່ຜະລິດ NAND flash memory ໃຫ້ກັບ iPhone ອີກນຳ

Xscale ໄດ້ຮັບການພັດທະນາໂດຍ Intel ໃນຊ່ວງປີ 2002 ເຊິ່ງຕະຫລາດຫລັກຈະເປັນພວກມືຖື ແລະອຸປະກອນພົກພາຕ່າງໆ (ລວມເຖິງ iPod) ແຕ່ຕໍ່ມາໄດ້ຂາຍໃຫ້ກັບ Marvell Technology group ໃນມູນຄ່າ $600 ລ້ານ

ທີ່ມາ – Electronista [via AppleInsider]