ຕິດຕັ້ງ WLM ແບບເບົາ ໆ

ຂຽນໄວ້ກັນລືມ .. ໄດ້ຂໍ້ມູນຈາກ @Defago ວິທີຕິດຕັ້ງ Windows Live Messenger (a.k.a. WLM) ແບບເບົາ ໆ ເພາະໂດຍປົກກະຕິແລ້ວ ເວີຊັນຫຼັງ ໆ ຂອງ WLM ຈະມີຂະໜາດໄຟລ໌ໃຫຍ່ເຖິງ 130MB+ ເຮັດໃຫ້ຄົນເນັດຊ້າເກືອບຈະໂຫຼດກັນບໍ່ໄດ້ເລີຍ ເພາະມັນຍັດສາລະພັດຢ່າງມາໃຫ້ໃນ package ການຕິດຕັ້ງແທນທີ່ຈະມີພຽງ WLM ຢ່າງດຽວຄືແຕ່ກ່ອນ.

ວິທີການຕິດຕັ້ງແບບເບົາ ໆ ແມ່ນດາວໂຫຼດໄຟລ໌ຂອງ WLM ເວີຊັນທີ່ຕ້ອງການມາຈາກ Pank.org IM ເຊິ່ງໃນຕອນນີ້ເວີຊັນຫຼ້າສຸດແມ່ນ 14.0.8064.206 ກໍ່ເລືອກໂຫຼດ Windows Live Messenger 14.0.8064.206 (English) ມາ ມີຂະໜາດໄຟລ໌ພຽງ 24.9MB ເທົ່ານັ້ນ.

ຫຼັງຈາກໂຫຼດມາຮຽບຮ້ອຍແລ້ວ ຫາກວ່າໃນຄອມພິວເຕີຂອງທ່ານຜູ້ອ່ານມີ WLM ເວີຊັນເກົ່າຢູ່ກ່ອນແລ້ວບໍ່ວ່າຈະເປັນເວີຊັນໃດ ໆ ກໍ່ຕາມ ໃຫ້ Uninstall ແປວ່າຖອນການຕິດຕັ້ງອອກກ່ອນ ກໍ່ເຮັດໄດ້ຫຼາຍວິທີເຊັ່ນ ໄປທີ່ Control panel ເຂົ້າໄປ Add/remove programs ແລ້ວເລືອກ Uninstall Windows Live Messenger ຫຼືອີກວິທີທີ່ຜູ້ຂຽນໃຊ້ຕາມຄຳແນະນຳຂອງສະຫາຍ Defago ແມ່ນໃຊ້ໂປຣແກຣມ ZapMessenger ສາມາດດາວໂຫຼດໄດ້ຈາກເວັບ MessengerGeek ແຕ່ໂປຣແກຣມດັ່ງກ່າວຕ້ອງມີ .NET Framework 2.0 ກ່ອນຈຶ່ງຈະໃຊ້ໄດ້ ດັ່ງນັ້ນຖ້າໃຜບໍ່ມີ ຫຼືບໍ່ແນ່ໃຈວ່າມີບໍ່ ຂໍແນະນຳໃຫ້ Uninstall ແບບທຳອິດແທນ.

ເມື່ອ Uninstall ຮຽບຮ້ອຍແລ້ວກໍ່ເປີດໄຟລ໌ທີ່ໂຫຼດມາຕອນທຳອິດທີ່ວ່າ 24.9MB ກໍ່ຈະເຂົ້າສູ່ຂັ້ນຕອນການຕິດຕັ້ງ ໃຫ້ຈັດການຕິດຕັ້ງໄປຕາມເລື່ອງ ຄລິກ Next ຢ່າງແນ່ວແນ່ແລະໝັ້ນຄົງ ບໍ່ດົນຈະປະກົດວ່າເຫຼືອແຕ່ Finish ໃຫ້ຄລິກ ຈັດການໄປຕາມນັ້ນເປັນຈົບພາລະກິດ.

Yahoo! Messenger 9.0.0.2034 Final

ດົນແລ້ວບໍ່ໄດ້ຂຽນຂ່າວ ເພາະວ່າເອົາເວລາໄປເຮັດພັນລາວເວີຊັນ໒ ບໍ່ແລ້ວຈັກເທື່ອ ມື້ນີ້ພໍດີເຫັນ YIM ອອກໃໝ່ ເລີຍມາຂຽນ.

Yahoo! Instant Messenger ເປັນໂປຣແກຣມສົນທະນາຈາກ Yahoo! ເຊິ່ງມີລັກສະນະຄ້າຍ ໆ WLM ແລະ Google Talk ທີ່ທຸກຄົນຄຸ້ນເຄີຍກັນດີ ຕອນນີ້ອອກເວີຊັນໃໝ່ ໂດຍຫຼັກແລ້ວແມ່ນການຮອງຮັບການໃຊ້ງານກັບ Windows Vista ສ່ວນ changelog ນັ້ນບໍ່ມີ (ຫາບໍ່ພົບ)

Windows Live Messenger 2009 Build 14.0.5027.908 Beta

ອອກເວີຊັນເບຕ້າໃໝ່ມາແລ້ວສຳລັບ Windows Live Messenger ໂປຣແກຣມ Instant Messenger ອັນເປັນທີ່ນິຍົມກັນໃນກຸ່ມຄົນໃຊ້ເນັດ ໃນເວີຊັນນີ້ສິ່ງທີ່ປ່ຽນແປງໄປຢ່າງເຫັນໄດ້ຊັດກໍ່ຄືໜ້າຕາ UI ຂອງໂປຣແກຣມ ຈະປ່ຽນແປງໄປຫຼາຍ ແລະຮອງຮັບ Animated avatar ນຳ.

SS 2 WLM 9 Beta

ໂຫລດແບບເຕັມ ໆ ຕິດຕັ້ງໄດ້ Offline ແມ່ນໃຊ້ link http://g.live.com/1rebeta3/en/wlsetup-all.exe ເຊິ່ງມີຂະໜາດໄຟລ໌ກວ່າ 134.7 MB ເຊິ່ງຈະມີໂປຣແກຣມອື່ນ ໆ ໃນຊຸດ Live ແຖມມານຳ.

ຖ້າຈະໂຫລດສະເພາະ WLM ແມ່ນໃຊ້ link http://g.live.com/1rebeta3/en/wlsetup-web.exe ຈະເປັນ Web installer ເລືອກໂຫລດໄດ້ວ່າຊິໂຫລດຫຍັງມາຕິດຕັ້ງແດ່.

ອີກຂໍ້ສັງເກດຄື ມັນສາມາດສະແດງຜົນພາສາລາວໄດ້ໂດຍບໍ່ຕ້ອງກຳນົດຟອນແລ້ວ ໂດຍສະເພາະຢ່າງຍິ່ງໃນ status 😀

Trillian Pro 3.1.10.0

TrillianTrillian™ ຍັງບໍ່ຕາຍ! (ຄິດວ່າຕາຍດົນແລ້ວ 😛 ) ຕອນນີ້ອອກເວີຊັນໃຫມ່ ເພີ່ມຄວາມໄວ ແກ້ໄຂບັ໊ກ ເພີ່ມລະບົບ Biography ເພີ່ມນັ້ນນີ້ຫລາຍຢ່າງ ຮອງຮັບ IRC ໄດ້ດີຂຶ້ນຫລາຍ ແລະເຜື່ອວ່າບາງຄົນອາດຈະບໍ່ຮູ້ຈັກ Trillian ເປັນໂປຣແກຣມ ສົນທະນາທີ່ຮອງຮັບທັງ AIM, ICQ, WLM, Yahoo! ແລະ IRC ແລ້ວກໍ່ ມີ skin ໃຫ້ໃຊ້ໄດ້ຫລາຍແບບ ສົນໃຈທົດລອງໃຊ້ ຄລິກລິງກ໌ລຸ່ມໂລດ

ດາວໂຫລດ

digsby

ພໍດີໃນ Twitter​ ມີຄົນແນະນຳມາ

Digsby

Digsby ເປັນໂປຣແກຣມ IM​ ທີ່ລວມເອົາ IM + Email + Social Networking ສາມຢ່າງໄວ້ນຳກັນ ຄືມັນສາມາດເຊື່ອມຕໍ່ກັບ protocols ແບບ MSN, Yahoo!, Jabber, ICQ​ ແລະອື່ນ ໆ ເພື່ອລົມກັນໄດ້ຄ້າຍ ໆ Pidgin ແຕ່ວ່າມັນມີຈຸດເດັ່ນທີ່ຫນ້າຕາ ແລະການລວມເອົາໂຕກວດອີເມລ ກັບການເຊື່ອມຕໍ່ Social Network​ ມາໄວ້ນຳ (ຕອນນີ້ຮອງຮັບ Facebook, MySpace ແລະ Twitter)

Digsby

ຄວາມສາມາດໃຫມ່ໃນ Google Talk

ເກືອບລືມຂຽນເຖິງ Google Talk ເຊິ່ງເປັນ Chat protocol ຈາກ Google ເອົາໄວ້ລົມກັນແບບພວກ Windows Live Messenger ຫຼື Yahoo! Messenger ນັ້ນລະ ໂດຍຄວາມສາມາດໃຫມ່ທີ່ວ່ານີ້ກໍ່ຄື Group chat ສົນທະນາແບບຫລາຍ ໆ ຄົນໂດຍບໍ່ຕ້ອງເປີດຫລາຍ ໆ​ ຫນ້າຕ່າງ

ສຳຫລັບທ່ານທີ່ໃຊ້​ Gmail ກໍ່ພຽງແຕ່ຄລິກເຂົ້າລົມຄົນໃດກໍ່ໄດ້ ຈາກນັ້ນຄລິກທີ່ Options ແລ້ວເລືອກ Group Chat ແລ້ວໃສ່ຊື່ຂອງຄົນທີ່ຕ້ອງການໃຫ້ເຂົ້າຮ່ວມ

ນອກຈາກ Group Chat ແລ້ວ ຕອນນີ້ Gtalk ກໍ່ມີ Emoticons ໃຫ້ເລືອກຄລິກໄດ້ນຳ 😀

ທີ່ມາ – Go2Web2

Messenger Plus! Live 4.22.274

Messenger Plus! Live

ອອກເວີຊັນໃຫມ່ອອກມາເພື່ອຮອງຮັບ Windows Live! Messenger v8.5.0517 public beta ໂດຍສະເພາະ ແລະກໍ່ມີການແກ້ໄຂບັ໊ກອີກສາມຈຸດ ເຊິ່ງທາງຜູ້ພັດທະນາວາງແຜນວ່າຈະຄ່ອຍ ໆ ປັບແກ້ໃຫ້ມີຫນ້າຕາແບບດຽວກັບ Windows Live! Messenger v8.5

Windows Live Messenger 8.5 BETA

Windows Live Messenger 8.5 BETAສຳຫລັບຄົນຢາກລອງຂອງໃຫມ່ກ່ອນໃຜອືນ ກໍ່ສາມາດດາວໂຫລດມາລອງໃຊ້ງານໄດ້ເລີຍ ເມື່ອທຳການຕິດຕັ້ງແລ້ວ ກໍ່ໃຫ້ເອົາໄຟລ໌ DLL ສອງໄຟລ໌ໄປໄວ້ໃນ C:\Program Files\Windows Live\Messenger ກໍ່ເປັນອັນຈົບພິທີ

ແຕ່ວ່າເທົ່າທີ່ລອງໃຊ້ເບິ່ງ ຮູ້ສຶກວ່າມັນຈະ Error ເລື້ອຍ ໆ ແລະກໍ່ບໍ່ເຫັນວ່າຈະມີຫຍັງໃຫມ່ເລີຍ ນອກຈາກຫນ້າຕາທີ່ໃກ້ຄຽງກັບ Windows Vista ແລະມີການຍ້າຍປຸ່ມຕ່າງ ໆ ເລັກນ້ອຍ

ທ່ານໃດທີ່ສົນໃຈສາມາດດາວໂຫລດໄດ້ຈາກທີ່ນີ້

Edit: ຕອນນີ້ Microsoft ໄດ້ປ່ອຍ Windows Live Messenger 8.5 BETA ອອກມາໃຫ້ດາວໂຫລດຢ່າງເປັນທາງການແລ້ວ ສາມາດດາວໂຫລດໄດ້ຈາກເວບໄຊຕ໌ຂອງ Live.com

Pidgin 2.0.1 ອອກແລ້ວ


Pidgin (ຊື່ເກົ່າຄື Gaim) ໂປຣແກຣມ multi-protocol Instant Messaging client ສາມາດໃຊ້ໄດ້ກັບ AIM, ICQ, IRC, MSN, Yahoo!, Google Talk, QQ, etc… ໄດ້ອອກເວີຊັນໃຫມ່ມາເປັນທີ່ຮຽບຮ້ອຍ ໂດຍໄດ້ແກ້ໄຂບັ໊ກກວ່າ 100 ຈຸດຈາກເວີຊັນ 2.0 ທີ່ອອກມາກ່ອນຫນ້ານີ້

Trillian ກຽມອອກບໍລິການຜ່ານ Web-based

Cerulean Studios ບໍລິສັດຜູ້ສ້າງ Trillian ກຳລັງຢູ່ໃນລະຫວ່າງການພັດທະນາ WebApp ທີ່ມີຮູບແບບຄ້າຍກັບ Meebo ຢູ່ ໂດຍ WebApp ດັ່ງກ່າວນັ້ນເຮັດໃຫ້ ຜູ້ໃຊ້ສາມາດສົນທະນາຜ່ານ Protocols ຕ່າງ ໆ ເຊັ່ນ Google Talk, WLM, Yahoo!, ICQ, etc… ໄດ້ທັນທີຜ່ານເວັບໄຊທ໌ ໂດຍບໍ່ຈຳເປັນຕິດຕັ້ງໂປຣແກຣມໃດ ໆ ລົງໃນເຄື່ອງເລີຍ

ທີ່ມາ – CyberNet [via Solo Technology]