SideWinder X6 Keyboard &SideWinder X5 Mouse

SideWinder keyboard and mouse

Microsoft ອອກ Keyboard ແລະ Mouse ສຳລັບຄໍ Gamer ລຸ້ນໃຫມ່ອອກມາ ດ້ວຍຮູບຊົງທີ່ທັນສະໄໝຂຶ້ນ ແຕ່ບໍ່ແມ່ນສະເພາະພາຍນອກ ພາຍໃນຍັງສາມາດໃຊ້ຄຳສັ່ງ Macro ໄດ້ກວ່າ 90 ແບບຕໍ່ເກມ ນອກນັ້ນກໍ່ມີໄຟ backlight ສອງສີ ແລະຄວາມສາມາດອື່ນ ໆ ສ່ວນທີ່ຂາດບໍ່ໄດ້ແມ່ນຮອງຮັບ Windows Vista ນຳ.

ລາຄາຂາຍໃນ Amazon ຕອນນີ້ແມ່ນ $80 ສຳລັບ Keyboard ແລະ $60 ສຳລັບ Mouse

ເປັນຕາຊື້ມາໃຊ້ຢູ່ບໍ້ແບບນີ້ ຮຶຮຶ

ທີ່ມາ – TechTickerBlog

Hardware embedded Firefox

P5E3 Deluxe/WiFi-AP ເມນບອຣ໌ດໃຫມ່ຈາກ Asus ທີ່ພ່ວງຄວາມສາມາດພິເສດມາຄື Firefox ທີ່ຝັງມາກັບລະບົບ Hardware ໂດຍກົງ ໃຊ້ຜ່ານ Embedded Linux ແຖມມີ Skype ໃຫ້ໃຊ້ພ້ອມ ນອກຈາກນັ້ນຍັງມີ Wireless ມານຳອີກ ເປີດເຄື່ອງມາກໍ່ສາມາດທ່ອງອິນເຕີເນັດໄດ້ເລີຍ ໃຊ້ເວລາເປີດປະມານ 5 ວິນາທີເທົ່ານັ້ນ ຫຼືຫາກຈະລົງ OS ອື່ນ ໆ ກໍ່ສາມາດເຮັດໄດ້ຕາມປົກກະຕິ ແຕ່ວ່າເມນບອຣ໌ດລຸ້ນນີ້ອາດຈະບໍ່ຄັກໃຈປານໃດ ດ້ວຍເຫດທີ່ລາຄາຂອງມັນສູງເຖິງ $350!

ເບິ່ງຮູບປະກອບໄດ້ຈາກເວັບທີ່ມາ

ທີ່ມາ – Crave

AMD ພ້ອມສົ່ງ quad-core ສຳຫລັບ Desktop

AMD ໜຶ່ງບໍລິສັດຜະລິດ CPU ລາຍໃຫຍ່ຂອງໂລກໄດ້ປະກາດເປີດຕົວ quad-core ຕົວທຳອິດຂອງບໍລິສັດສຳຫລັບຄອມພິວເຕີຕັ້ງໂຕະ ເຊິ່ງຈະມີປະສິດທິພາບທຽບໄດ້ກັບ chip ຂອງ Intel ໂດຍທາງ AMD ໄດ້ຕັ້ງຊື່ໃຫ້ວ່າ “Phenom” ແລະຈະມີສາຍການຜະລິດທັງແບບ quad-core ດ່ຽວ ແລະ quad-core ຄູ່ (ລວມເປັນ 8 cores) ສຳຫລັບເຄື່ອງຄອມພິວເຕີທີ່ຕ້ອງການ performance ສູງ

ທາງ AMD ອ້າງວ່າ “Phenom” ຈະໃຊ້ພະລັງງານໄດ້ຢ່າງຄຸ້ມຄ່າ ແລະກິນໄຟໜ້ອຍລົງ ນອກຈາກນັ້ນຍັງມີເທັກໂນໂລຢີອື່ນ ໆ ທີ່ຖືກເພີ່ມເຂົ້າມານຳເຊັ່ນ Integrated DDR2 memory controller, HyperTransport(tm) technology links, ແລະ 128-bit Floating Point Units

ທີ່ມາ CBRonline [via NanoMode]

NVIDIA ອອກ GeForce 8 ສຳຫຼັບ Notebook

ຜູ້ຜະລິດຫນ່ວຍປະມວນຜົນກຣາຟຟິກລາຍໃຫຍ່ຢ່າງ NVIDIA ໄດ້ອອກຖະແຫລງການເຖິງກາຣ໌ດຈໍໃນສາຍ GeForce 8 ສຳຫຼັບຄອມພິວເຕີແບບ Notebook ແລ້ວ ໂດຍໃນເບື້ອງຕົ້ນນັ້ນ ຈະເປັນ GeForce 8600M ແລະ GeForce 8400M ຄວາມສາມາດຫລັກ ໆ​ ໃນກາຣ໌ດຈໍຮຸ່ນໃຫມ່ນີ້ກໍ່ຄື Nvidia’s PureVideo HD video processing engine ທີ່ໃຊ້ໃນການປະມວນຜົນໄຟລ໌ວີດິໂອ HD-DVD, Blu-ray and HD (high-definition) ແລະຍັງມີເທັກໂນໂລຢີ Nvidia PowerMizer ທີ່ຈະຊ່ວຍໃຫ້ປະຫຍັດພະລັງງານໄດ້ອີກ

GeForce 8600M ແລະ 8400M ຈະເປັນ GPU ຮຸ່ນທຳອິດຂອງ Notebook ທີ່ຮອງຮັບ DirectX 10 ໂດຍຈະມີວາງຈຳໜ່າຍຈາກ Notebook ຄ່າຍຕ່າງ ໆ ເຊັ່ນ HP, Toshiba, Acer, Samsung ແລະ Asus ເປັນຕົ້ນ ສ່ວນລາຄານັ້ນ ຍັງບໍ່ທັນມີການເປີດເຜີຍເທື່ອ (ແຕ່ຄາດວ່າຈະແພງຢ່າງບໍ່ຕ້ອງສົງໄສ 😛 )

ທີ່ມາ – DigiTimes [via]

Harddisk ຂະໜາດ 1TB ຈາກ Hitachi

Hitachi Global Storage Technologies ໄດ້ວາງຈຳໜ່າຍ Harddisk ຮຸ່ນໃຫມ່ຂອງທາງບໍລິສັດ ທີ່ກ່ອນໜ້ານີ້ໄດ້ເປີດຕົວໄປແລ້ວໃນຊ່ວງຕົ້ນປີ ເຊິ່ງໃນ Harddisk ຕົວໃຫມ່ນີ້ ເປັນຮຸ່ນ Deskstar 7K1000 HDS721010KLA330 ມີເນື້ອທີ່ສຳຫຼັບບັນທຶກຂໍ້ມູນຫລາຍເຖິງ 1TB ຫລື 1000GB!

Harddisk ຮຸ່ນດັ່ງກ່າວນີ້ ມີຈານບັນທຶກຂໍ້ມູນ 5 ຊັ້ນ ໆ ລະ 200GB, ມີ Buffer ທີ່ສູງເຖິງ 32MB ແລະໃຊ້ອິນເຕີເຟສເປັນແບບ Serial ATA-300 ໂດຍມີລາຄາວາງຈຳໜ່າຍຢູ່ທີ່ $399

ທີ່ມາ – Xbit Laboratories [via]

ຈໍໂທລະທັດທີ່ໃຫຍ່ທີ່ສຸດໃນໂລກ (ໃນຕອນນີ້)

ກ່ອນຫນ້ານີ້ໃນງານ CES 2007 ທາງ Sharp ແລະ Panasonic ກໍ່ໄດ້ນຳສະເຫນີຈໍພາບທີ່ມີຂະຫນາດເຖິງ 108″ ແລະ 102″ ອອກມາໃຫ້ເຫັນກັນແລ້ວ ແຕ່ຄັ້ງນີ້ທີ່ງານ CeBIT ຮູ້ສຶກວ່າຈະໃຫຍ່ຍິ່ງກວ່າອີກ

ຈໍທີ່ວ່ານີ້ມີປະກົດຂຶ້ນໃນງານ CeBIT ໂດຍເປັນຈໍທີ່ມີຂະຫນາດໃຫຍ່ເຖິງ 205 ນິ້ວ ຄວາມລະອຽດລະດັບ HDTV ຜະລິດໂດຍບໍລິສັດສັນຊາດອິຕາລີ ຊື່ວ່າ TecnoVision ແຕ່ວ່າ ຍັງບໍ່ມີລາຍລະອຽດດ້ານເທັກນິກອອກມາຢ່າງເປັນທາງການແຕ່ຢ່າງໃດ ຄາດວ່າຄົງຈະຍັງບໍ່ມີວາງຈຳໜ່າຍໃນເວລາອັນໃກ້ນີ້

ທີ່ມາ – Tech Digest [via]

Flash-based hard drives ໂດຍ Intel

vssdsm.jpgIntel ຜູ້ຜະລິດ CPU ລາຍໃຫຍ່ຂອງໂລກ ໄດ້ກຽມເປີດວາງຈຳຫນ່າຍ Z-U130 ເຊິ່ງເປັນ Hard drive ທີ່ໃຊ້ຫນ່ວຍຄວາມຈຳລະບົບ Flash ໂດຍເນັ້ນທຳຕະຫລາດໄປທີ່ກຸ່ມຜູ້ໃຊ້ຄອມພິວເຕີລາຄາປະຫຍັດ ລວມໄປເຖິງ Intel’s Classmate PC ທີ່ໃຊ້ເນື້ອທີ່ HDD ພຽງ 1GB ສຳຫລັບລະບົບປະຕິບັດການ Linux ແລະ 2GB ສຳຫລັບລະບົບປະຕິບັດການ Windows XP

ໂດຍໃນຂະນະນີ້ໂມເດລ 1GB ແລະ 2GB ມີວາງຈຳຫນ່າຍແລ້ວ ສ່ວນໂມເດລ 4GB, 8GB ຈະມີວາງຈຳຫນ່າຍໃນເດືອນຫນ້າ ແລະໃນຊ່ວງເຄິ່ງຫລັງຂອງປີນີ້ ກໍ່ຈະມີການວາງຈຳຫນ່າຍໂມເດລທີ່ມີຄວາມຈຸ 20GB ແລະ 40GB ຕາມດ້ວຍ 80GB, 160GB ໃນປີຫນ້ານີ້

ທີ່ມາ – vnunet [via Neowin]

ກິນຢູ່ຢ່າງພໍພຽງອີຫລີ lol

Seagate ສົ່ງ Harddrive ທີ່ມີລະບົບເຂົ້າລະຫັດໃນຕົວອອກຈຳຫນ່າຍ

ອີກສອງເດືອນຫນ້າ ບໍລິສັດ ASI Computer Technologies ຈະເປັນບໍລິສັດທຳອິດ ທີ່ວາງຂາຍຄອມພິວເຕີ ASI C8015 ເຊິ່ງເປັນຄອມພິວເຕີໂນ້ດບຸກ ທີ່ມີ Harddrive ຮຸ່ນໃຫມ່ຢ່າງ Momentus 5400 FDE.2 ເປັນສື່ສຳຫລັບບັນທຶກຂໍ້ມູນ

Momentus 5400 FDE.2 ເປັນ Harddrive ມີຂະຫນາດຄວາມຈຸ 80GB ແລະໄດ້ຮັບການອອກແບບໃຫ້ມີການເຂົ້າລະຫັດໃນຕົວ ຜະລິດໂດຍ Seagate ໂດຍໃຊ້ເທັກໂນໂລຢີຊື່ວ່າ “ DriveTrust ” ເຊິ່ງທີ່ Seagate ອ້າງວ່າ ສາມາດຊ່ວຍໃຫ້ການເກັບຮັກສາຂໍ້ມູນ ໃນໂນ້ດບຸກນັ້ນປອດໄພ ແລະງ່າຍດາຍຍິ່ງຂຶ້ນ

ທີ່ມາ – ActiveWin

ຂໍ້ມູນເພິ່ມເຕີມ XG Station –ກາຣ໌ດຈໍພາຍນອກຈາກ ASUS

XG Station ກາຣ໌ດຈໍພາຍນອກ ທີ່ໃຊ້ອິນເຕີເຟສແບບ PCIe ຈາກ ASUS ມີກຳຫນົດວາງຈຳຫນ່າຍພາຍໃນເດືອນຫນ້ານີ້ ໂດຍຈະຂາຍພ້ອມກັບກາຣ໌ດຈໍ PCIe ທຳມະດາ ເຊິ່ງລາຄາກໍ່ຈະຂຶ້ນຢູ່ກັບກາຣ໌ດລຸ້ນນັ້ນ ໆ. XG Station ຈະມາພ້ອມກັບຄວາມສາມາດໃນການ overclock ໃນຕົວ ແລະຫນ້າຈໍທີ່ບອກລາຍລະອຽດກ່ຽວກັບການທຳງານຕ່າງ ໆ ເຊັ່ນຄວາມໄວ GPU clock, ອຸຫະພູມ, ສະຖານະການທຳງານຂອງລະບົບສຽງ, FPS ແລະອື່ນ ໆ

ASUS ກຳຫນົດເປົ້າຫມາຍຂອງ XG Station ເປັນກຸ່ມຜູ້ໃຊ້ງານຄອມພິວເຕີໂນ້ດບຸກ ທີ່ຕ້ອງການປະສິດທິພາບ ໃນການປະມວນຜົນດ້ານກຣາຟຟິກ ທີ່ສູງກວ່າລະດັບປົກກະຕິ ເຊັ່ນຜູ້ໃຊ້ທີ່ເນັ້ນຫນັກໃນການຫລິ້ນເກມເປັນຕົ້ນ

ທີ່ມາ – Neowin.net

Estari DC15 – ໂນ້ດບຸກ dual screen + touch screen ເຄື່ອງແຮກຂອງໂລກ!!

estars-15dc-dual-touch-scre_jpg.jpgEstari DC15 ໂນ້ດບຸກເຄື່ອງທຳອິດຂອງໂລກ ທີ່ໃຊ້ທັງຫນ້າຈໍຄູ່  ແລະຫນ້າຈໍສຳຜັດ ຂັບເຄື່ອນດ້ວຍ Intel Dual Core Processor 1.83GHz ພ້ອມແຣມ 2 GB ແລະ HDD ຂະຫນາດ 60, 100 GB ຫນ້າຈໍ 15” widescreen ຮອງຮັບ WiFi ໃນໂຕ

ຫນ້າຈໍຂອງ Estari DC15 ສາມາດເລືອກໃຊ້ງານໄດ້ທັງໃນແນວຕັ້ງ ແລະແນວນອນ ສາມາດໃຊ້ virtual keyboard ຜ່ານຫນ້າຈໍສຳຜັດໄດ້ ຫລືອາດຈະເຊື່ອມຕໍ່ຄີບອຣ໌ດພາຍນອກຜ່ານ USB ແລະ wireless ຫາກຕ້ອງການ

ຂໍ້ດ້ອຍຫລັກ ໆ ຂອງ DC15 ຄື ມັນມີນ້ຳຫນັກຫລາຍເຖິງ 5.9 ກິໂລ, ສາມາດໃຊ້ງານຕໍ່ເນື່ອງໄດ້ພຽງ 2.5 ຊົ່ວໂມງ ແລະມີລາຄາວາງຈຳຫນ່າຍທີ່ສູງພໍ ໆ ກັບນ້ຳຫນັກຄື $4350!!

estars-15dc-dual-touch-scre_jpg_2.jpg

ທີ່ມາ – NewLuanches [via TechEBlog]

ອ່າ… ລາຄາປານນີ້ຊິມີໃຜສູ້ໄຫວບໍ່ລ່ະ? ແລ້ວ ເອົາມາໃຊ້ງານປະເພດໃດລ່ະນໍ້…  😮