Viacom ຢື່ນຟ້ອງ YouTube ຮຽກຮ້ອງຄ່າເສຍຫາຍກວ່າພັນລ້ານ!

Viacom ບໍລິສັດແມ່ຂອງ MTV ໄດ້ຢື່ນຟ້ອງ YouTube ແລະຮຽກຄ່າເສຍຫາຍເປັນເງິນຈຳນວນກວ່າ $1 ພັນລ້ານ ໂດຍໂຄສົກຂອງທາງ Viacom ອອກມາເວົ້າວ່າ ມີວີດິໂອຈາກເຄືອຂ່າຍໂທລະທັດຂອງ Viacom ຫລາຍກວ່າ 160,000 ລາຍການ ຖືກອັບໂຫລດໄປໄວ້ເທິງ YouTube ບໍ່ວ່າຈະເປັນຂອງລາຍການທີ່ມີຊື່ສຽງເຊັ່ນ Comedy Central, VH1 ແລະ Nickelodeon ເປັນຕົ້ນ ເຊິ່ງລາຍການເຫລົ່ານີ້ນັ້ນ ຖືກເປີດເບິ່ງຫລາຍກວ່າ 1.5 ພັນລ້ານຄັ້ງ!

ນອກຈາກນັ້ນຕົວແທນຈາກ Viacom ຍັງບອກວ່າ ທາງບໍລິສັດເອງບໍ່ຄິດວ່າ YouTube ຈະມີນະໂຍບາຍອອກມາ ປາບປາມການເພີ່ມຂຶ້ນຂອງຄລິບວີດິໂອເຫລົ່ານີ້ແຕ່ຢ່າງໃດ

ທີ່ມາ – MSNBC News [via]

YouTube ເປັບເວັບໄຊທ໌ທີ່ໃຫ້ບໍລິການ video-sharing ທີ່ໄດ້ຮັບຄວາມນິຍົມສູງ ແລະຍັງເປັນເວັບໄຊທ໌ທີ່ມີອັດຕາການຂະຫຍາຍຕົວ ແລະມີຜູ້ຊົມຫລາຍທີ່ສຸດເທົ່າທີ່ເຄີຍມີມາ ໂດຍປະຈຸບັນຖືກຂາຍໄປໃຫ້ກັບ Google Inc. ເປັນທີ່ຮຽບຮ້ອຍແລ້ວ

ອັນທີ່ຈິງ ເດືອນທີ່ຜ່ານມາ YouTube ກໍ່ເອົາວີດິໂອຄລິບຂອງ Viacom ອອກເປັນແສນລາຍການແລ້ວ ແຕ່ Viacom ເອງກໍ່ຍັງບໍ່ພໍໃຈ ຢາກໄດ້ຄ່າເສຍຫາຍ ແລະວິທີປ້ອງກັນບໍ່ໃຫ້ເກີດເຫດການແບບນີ້ຊ້ຳ ໆ ອີກ ສ່ວນພວກເຮັດ YouTube ເກົ່າກໍ່ໂຄດໂຊກດີ ທີ່ຂາຍ YouTube ໄດ້ກ່ອນມີບັນຫາໃຫຍ່ແບບນີ້ເກີດຂຶ້ນ (ຫລື Viacom ແລະບໍລິສັດອື່ນ ໆ ອາດຈະຕັ້ງໃຈຖ້າໃຫ້ Google ຊື້ແລ້ວຄ່ອຍຟ້ອງຢູ່ແລ້ວກໍ່ບໍ່ຈັກ ;P )

AdSense ພາສາລາວ!!?

ມື້ນີ້ຂະນະທີ່ກຳລັງອ່ານໆ comment ຢູ່ນັ້ນ ຄິດວ່າຊິໄປແກ້ໄຂຫນ້າ Need-A-Font? ບາດຫນຶ່ງ ເພາະມີຄົນລາຍງານວ່າ ຟ້ອນທ໌ Saysettha OT ມັນໄປ conflict ກັບພາສາໄທ ກໍ່ເລີຍໄປຫນ້າທີ່ວ່າ ເກີດໄປເຫັນ… ເຫັນ… ໂຄສະນາຕ່າງໆ ໂດຍ Google!!!

AdSense Lao

 

ກົດຄົ້ນຫາໃນກ່ອງແລ້ວຈະກາຍເປັນ…

AdSense

ຍັງບໍ່ເຄີຍເຫັນແບບນີ້ມາກ່ອນເລີຍ ປົກກະຕິໃນ au8ust.org ຈະຕິດ AdSense ເປັນແບບ Text links ໄວ້ກ້ອງ Menu ເປັນແບບນີ້

AdSense

ແຕ່ອັນນີ້ມາແນວໃຫມ່ ແປກໆ ດີ ສົງໄສເປັນເລື່ອງທຳມະດາຂອງທີມງານ Google ໄປແລ້ວ ທີ່ຈະມີຂອງແປກໆ ອອກມາໃຫ້ສັງເກດ ເຊັ່ນວ່າ ບາງຄັ້ງຈະບໍ່ມີຄຳວ່າ Ads by Google ໃນໂຄສະນາເລີຍ (ທີມງານ Google ອະທິບາຍ ກໍລະນີນີ້ເປັນເພາະລົງໂຄສະນາແບບ Premium)

ເອົາລ່ະ Break ໂຄສະນາພໍແລ້ວ ດຽວມາອັພຕໍ່ດີກວ່າ…

Goggles Flight Sim v0.94

ອອກຈະແປກແຫວກແນວແດ່ສຳຫລັບອັນນີ້ ເລື່ອງມັນມີຢູ່ວ່າ ເວັບໄຊທ໌ Goggles ເຂົາເປີດໃຫ້ບໍລິການບິນ ບິນຟຣີທົ່ວໂລກ ຜ່ານ Google Maps… (-_-)” ໂດຍ Goggles ຈະໃຊ້ Flash ອອກແບບ ສັ້ນໆ ກໍ່ຄືຫລິ້ນໃນ Flash ຫັ້ນແຫລ່ະ ເຮົາຈະສາມາດເລືອກໄດ້ ວ່າຈະບິນຈາກຈຸດໃດຫາຈຸດໃດ ເມື່ອເລືອກແລ້ວ ມັນກໍ່ຈະໂຫລດຂໍ້ມູນແຜນທີ່ ພໍໂຫລດແລ້ວ ເຮົາກໍ່ຈະໄດ້ບິນຟຣີລ່ະ!! ໃຜສົນໃຈກໍ່ເຂົ້າໄປໄດ້ທີ່ Goggles

ທີ່ມາ – GoogleSystem

ຈະເກີດຫຍັງຂຶ້ນເມື່ອທີມອອກແບບຂອງ Yahoo! ມາອອກແບບ Google…

ເປັນ Joke ຕະຫລົກໆ ທີ່ GoogleWatch ເຮັດອອກມາໃຫ້ເບິ່ງກັນ ມັນຈະເປັນແນວໃດຫາກວ່າ ທີມງານຝ່າຍອອກແບບຂອງບໍລິສັດ Yahoo! ຕ້ອງມາອອກແບບໃຫ້ກັບ Google ມາເບິ່ງເລຍດີກວ່າ…

ຈະເກີດຫຍັງຂຶ້ນເມື່ອທີມອອກແບບຂອງ Yahoo! ມາອອກແບບ Google...

ແລະຫາກຕ້ອງການຈະຮູ້ວ່າ Yahoo! ເມື່ອເອົາແມ່ນຫຍັງຕ່າງໆ ອອກຈົນເຫລືອນ້ອຍທີ່ສຸດແລ້ວເປັນແນວໃດ ຕ້ອງໄປເບິ່ງ search.yahoo.com (ເຂົາອາດຈະເຮັດດີທີ່ສຸດແລ້ວ… ເຖິງຈະຍັງຮົກໆ ຕາຢູ່ກໍ່ຕາມ :P)

ສະຫລຸບແລ້ວ ເປັນຕົວຂອງຕົວເອງຫນ້າຈະດີທີ່ສຸດ lol

ທີ່ມາ: TechCrunch

Google Earth 4 Officially Released

ໂປຣແກຣມເບີ່ງແຜນທີ່ທົ່ວໂລກແບບສາມມິຕິ ທີ່ຫລາຍໆ ຄົນຄົງຈະຮູ້ຈັກກັນດີ ມາໃນ Version ເຕັມ ຫລັງຈາກທີ່ Google Earth 4 Beta ອອກມາຄັ້ງທຳອິດເມື່ອ 6 ເດືອນກ່ອນ
ຄວາມສາມາດໃຫມ່ໆ ກໍ່ມີການເບີ່ງຕຶກອາຄານ ໃນຮູບແບບສາມມິຕິ, ສາມາດໃຊ້ JoyStick ບັງຄັບໄດ້ (!?) ເປັນຕົ້ນ
ສາມາດອ່ານ ລາຍລະອຽດເພີ່ມເຕີມ ແລະດາວໂຫລດໄດ້ຈາກ ເວັບໄຊທ໌ຂອງ Google Earth

ທີ່ມາ: GEarhBlog via Digg