Screenshots ຈາກ Devil May Cry 4

ບໍ່ໄດ້ລົງຂ່າວດົນ ພໍດີໄປເຫັນ SS ໃຫມ່ຂອງພາກຕໍ່ເກມ Action ຍອດນິຍົມຈາກຄ່າຍ Capcom ອັນສ້າງຊື່ມາແລ້ວເຖິງ 3 ພາກ ເລີຍເອົາມາລົງ ເຊິ່ງໃນພາກນີ້ຈະລົງໃຫ້ທັງ PC, PS3 ແລະ Xbox 360 ເລີຍ (ຄາດວ່າຈະໄດ້ຫຼິ້ນຈາກ PC ລະເຮົາ 😀 )

Devil May Cry 4

Continue reading Screenshots ຈາກ Devil May Cry 4

Command & Conquer 3 Tiberium Wars World Builder

C&C3World Builder ສຳຫລັບເກມວາງແຜນ C&C3 ອອກມາແລ້ວ ໃຊ້ໄວ້ສ້າງແຜນທີ່ທັງແບບຜູ້ຫຼິ້ນດຽວ ແລະແບບຜູ້ຫຼິ້ນຫລາຍຄົນ ທ່ານໃດທີ່ສົນໃຈຈະສ້າງແຜນທີ່ C&C3 ກໍ່ລອງດາວໂຫລດໄປໃຊ້ງານໄດ້ເລີຍ

ດາວໂຫລດ

ທີ່ມາ – [via Neowin.net]

ຂ່າວລື! StarCraft 2 beta ທ້າຍປີນີ້!!

ແຫລ່ງຂ່າວຈາກເວບໄຊຕ໌ເກົາຫລີແຫ່ງໜຶ່ງອ້າງວ່າ ທີມງານ Blizzard ຈະເປີດຕົວ beta ຂອງສຸດຍອດເກມ RTS ໃນອະດີດ (ຕອນນີ້ກໍ່ຍັງມີຄົນຫຼິ້ນຫຼາຍຢູ່) StarCraft ໃນຊ່ວງທ້າຍປີ 2007 ນີ້ ໂດຍຂໍ້ມູນຈາກແຫລ່ງຂ່າວະບຸວ່າ ຈະມີເຜົ່າພັນໃຫມ່ຂຶ້ນມາອີກເຜົ່າໜຶ່ງ ລວມກັບຂອງເກົ່າເປັນທັງຫມົດ 4 ເຜົ່ານຳກັນ ໂດຍເຜົ່າເກົ່າຈາກພາກທຳອິດນັ້ນ ຈະມີຢູນິດໃຫມ່ ໆ ເພີ່ມຂຶ້ນມາປະມານ 2 ຢູນິດຕໍ່ເຜົ່າ

ນອກຈາກນັ້ນ ໃນເວບໄຊຕ໌ດັງກ່າວ ຍັງອ້າງວ່າ ທາງ Blizzard ໄດ້ວາງແຜນທີ່ຈະປິດ StarCraft servers ອີກດ້ວຍ

ຢ່າງໃດກໍ່ຕາມ ທາງ Blizzard ກໍ່ຍັງບໍ່ໄດ້ມີການອອກມາປະກາດຢ່າງເປັນທາງການແຕ່ຢ່າງໃດ

ທີ່ມາ – IGN [via]

Capcom ປະກາດຈະ port ເກມ Lost Planet ລົງ PCs!

ບໍລິສັດເກມຍັກໃຫຍ່ຈາກຢິ່ປຸ່ນເຈົ້າຂອງຜົນງານ Lost Planet (ເຄື່ອງ XBOX360) ປະກາດທີ່ຈະນຳເກມ Lost Planet ມາລົງໃຫ້ກັບ PCs ໂດຍໄດ້ຮັບຄວາມຮ່ວມມືຈາກທາງ NVIDIA ໃນການພັດທະນາ PC Ver. ເຊິ່ງພາກລົງຄອມຈະມີກຳຫນົດວາງຈຳຫນ່າຍພາຍໃນເດືອນມິຖຸນານີ້ ທັງໃນ ອະເມລິກາ ແລະຢູໂຣບ

ຕົວເກມໃນພາກ PC ຈະໃຊ້ DirectX 10 ແລະມີ XHD (Extreme High Definition) ຄວາມລະອຽດສູງສຸດເຖິງ 2560×1600!

ທີ່ມາ – Gamasutra [via]

ຍອດຂາຍ PS2 ແຊງໜ້າ PS3 ອີກຄັ້ງ!

ລາຍງານຈາກ Media Create ເຖິງຍອດຂາຍເຄື່ອງເກມຕ່າງ ໆ​ ໃນປະເທດຢີ່ປຸ່ນ ລະບຸວາເຄື່ອງເກມ PlayStation2 ນັ້ນ ມີຍອດຂາຍສູງກວ່າ PlayStation3 ເຊິ່ງເປັນເຄື່ອງເກມຮຸ່ນໃຫມ່ຈາກ Sony

PlayStation2 ຂາຍໄປໄດ້ 17,787 ເຄື່ອງ ປຽບທຽບກັບ PlayStation3 ທີ່ທຳຍອດຂາຍໄດ້ພຽງ 16,889 ໃນຂະນະທີ່ເຄື່ອງເກມຍອດຂາຍອັນດັບໜຶ່ງຍັງຄົງເປັນຂອງ DS Lite ຫລື Nintendo DS Lite ຈາກເຈົ້າພໍ່ເກມ Nintendo

  • DS Lite: 79,897
  • Wii: 51,365
  • PSP: 39,077
  • PS2: 17,787
  • PS3: 16,889
  • Xbox 360: 3,889
  • GBA SP: 609
  • Game Boy Micro: 588
  • Gamecube: 205
  • DS Phat: 115
  • GBA: 9

ທີ່ມາ – MaxConsole.net

ບ້ານເຮົາກໍ່ຍັງຄົງນິຍົມ PS2 ຕໍ່ໄປ… ຍັງບໍ່ເຫັນຮ້ານເກມໃດກ້າເອົາ PS3 ມາປານນີ້ -_-“

Concept Art ແລະ Screeshots ຈາກເກມ Naruto 360

Xbox 360 Naruto Screenshots And Concept Arts

ອືມ… ຫາກໍ່ສັງເກດວ່າ Naruto ໄປລົງ Xbox 360 ໂດຍມີຊື່ພາກໃຫມ່ນີ້ວ່າ “Naruto 360” ແລະກໍ່ມີ Concept Art ຮວມເຖິງພາບໃນເກມອອກມາແລ້ວ ເຊິ່ງໃນພາກນີ້ເຂົ້າໃຈວ່າມີ Ubisoft ເປັນຜູ້ພັດທະນາ ໂດຍຮູບແບບຂອງເກມຈະເປັນແນວ RPG ມີກຳໜົດການວາງຈຳໜ່າຍພາຍໃນປີໜ້ານີ້

Continue reading Concept Art ແລະ Screeshots ຈາກເກມ Naruto 360

Sony ຕັດລາຄາ PSP ໃນ US

Sony ຕັດສິນໃຈຕັດລາຄາຂອງເຄື່ອງເກມມືຖື PlayStation Portable ຫຼື PSP ທີ່ວາງຈຳໜ່າຍໃນ US ລົງ ເຮັດໃຫ້ລາຄາຕໍ່ເຄື່ອງໃນຕອນນີ້ຢູ່ທີ່ $169.99 ສ່ວນໃນຢູໂຣບນັ້ນ ທາງໂຊນີ່ຍັງບໍ່ມີແຜນການໃດ ໆ ທີ່ຈະຫລຸດລາຄາເທື່ອ

ທີ່ມາ – Gamesindustry.biz

Xbox 360 Elite ເປີດຕົວຢ່າງເປັນທາງການ

Xbox 360 EliteMicrosoft ໄດ້ທຳການເປີດຕົວເຄື່ອງເກມ Xbox 360 ຮຸ່ນໃຫມ່ອອກມາຢ່າງເປັນທາງການແລ້ວ ເຊິ່ງໃນຮຸ່ນໃຫມ່ນີ້ຈະເປັນການເພີ່ມຄວາມສາມາດໃຫ້ກັບຕົວເຄື່ອງ ເຊັ່ນຮອງຮັບ HDMI ແລະເພີ່ມຂະໜາດ Harddisk ເປັນ 120GB ລວມເຖິງປ່ຽນສີຂອງຕົວເຄື່ອງເປັນສີດຳ ໂດຍຈະມີລາຄາວາງຈຳໜ່າຍຢູ່ທີ່ $479

ທີ່ມາ – Crave

ລັດຖະບານ Mexico ສັ່ງຫ້າມເກມ GRAW2

GRAW2ໜັງສືພິມ El Diario ມີລາຍງານວ່າ ທາງການຂອງ Mexico ສັ່ງຫ້າມຮ້ານຄ້າທຸກແຫ່ງໃນລັດຂອງຕົນ ບໍ່ໃຫ້ຈັດຈຳໜ່າຍເກມ Tom Clancy’s Ghost Recon Advanced Warfighter 2 ຫລື GRAW2 ພາຍໃນລັດຢ່າງເດັດຂາດ

ເກມ GRAW2 ນັ້ນ ມີເນື້ອເລື່ອງສົມມຸດເກີດຂຶ້ນໃນປີ 2014 ໂດຍທີມ Ghost ຕ້ອງໄປປາບປາມຈາລະຈົນຊາວເມັກຊິກັນ ເຊິ່ງຈຸດນີ້ເອງທີ່ເຮັດໃຫ້ Reyes Baeza Terrazas ນາຍົກເທດສະມົນຕີຂອງເມືອງ Juárez ບໍ່ພໍໃຈເປັນຢ່າງຍິ່ງ ໂດຍເຫັນວ່າ ເກມນີ້ບໍ່ພຽງແຕ່ກ່າວຫາພົນລະເມືອງຂອງ Juárez ແຕ່ກ່າວຫາພົນລະເມືອງເມັກຊິກັນທັງປະເທດ

ທີ່ມາ – GameDrift [via]

Wii ຍັງຄົງຄອງອັນດັບເຄື່ອງເກມຂາຍດີຕໍ່ໄປ

Wii ກາຍເປັນເຄື່ອງເກມທີ່ມີຍອດຂາຍ ຕິດອັນດັບສູງສຸດ ໃນອະເມລິການປະຈຳເດືອນກຸມພາໄປເປັນທີ່ຮຽບຮ້ອຍ ຕາມລາຍງານສະຖິຕິການຂາຍຂອງ NPD Group ດ້ວຍຍອດຂາຍທີ່ສູງກວ່າ 335,000 ເຄື່ອງ ແລະ 485,000 ເຄື່ອງສຳຫລັບ NintendoDS

ຕາມລາຍງານຂ່າວຍັງລະບຸອີກວ່າ ເຄື່ອງເກມຈາກ Nintendo ກາຍເປັນເຄື່ອງເກມທີ່ມີສ່ວນແບ່ງການຂາຍສູງເຖິງ 54% ຂອງເຄື່ອງເກມທັງຫມົດໃນເດືອນກຸມພາທີ່ຜ່ານມາ ເຊິ່ງທາງຜູ້ບໍລິຫານຂອງ Nintendo ປະຈຳອາເມລິກາໄດ້ໃຫ້ສຳພາດວ່າ ຮູ້ສຶກປື້ມປິຕິຍິນດີທີ່ເຫັນ Wii ຂາຍດິບຂາຍດີເຊັ່ນນີ້

ເຄື່ອງເກມ Wii ກາຍເປັນສູນລວມຄວາມບັນເທິງພາຍໃນບ້ານ ດ້ວຍຮູບແບບການຫລິ້ນທີ່ແຕກຕ່າງຈາກເຄື່ອງເກມອື່ນ ໆ ທີ່ເນັ້ນສະເພາະຜູ້ຊາຍ ແຕ່ສຳຫລັບ Wii ແລ້ວນັ້ນ ສາມາດຫລິ້ນໄດ້ທັງຄອບຄົວ ແລະຍັງສາມາດຊ່ວຍຫລຸດນ້ຳຫນັກໄດ້ອີກ!

ທີ່ມາ – MaxConsole.net