CrossOver 8.0 Beta

CodeWeavers ອອກ CrossOver 8.0 ເວີຊັນ Beta ໃຫ້ທົດສອບໃຊ້ກັນ ໂດຍຫຼັກແມ່ນຮອງຮັບ Quicken 2009 ໂດຍສະເພາະ. ນອກຈາກ Quicken 2009 ແລ້ວ ທາງຜູ່ພັດທະນາກໍຍັງພະຍາຍາມປັບປຸງໃຫ້ Internet Explorer 7 ສາມາດໃຊ້ງານໄດ້ດີຂຶ້ນ ແລະໃນສ່ວນຂອງ Microsoft Office 2007 ກໍເຊັ່ນດຽວກັນ. ສຳລັບສິ່ງພິເສດເພີ່ມເຕີມກໍຄື ຕອນນີ້ CrossOver ນັ້ນ ໃນລຸ້ນ 8.0 Beta ມີສຳລັບລະບົບປະຕິບັດການ Solaris ແລະ BSD ອີກນຳ ນັບວ່າເປັນກ້າວໃໝ່ຂອງ CrossOver ອີກຂັ້ນ ທີ່ຈະເປີດຊ່ອງທາງໃຫ້ໃຊ້ໂປຣແກຣມສຳລັບ Windows ໃນລະບົບປະຕິບັດການທີ່ບໍ່ແມ່ນ Windows.

ທີ່ມາ – CrossWeavers blog

CrossOver ແຈກຟຣີມື້ອື່ນມື້ດຽວເທົ່ານັ້ນ!

ຂ່າວດີສຳລັບຄົນໃຊ້ Linux ເມື່ອ CodeWeavers ປະກາດແຈກຟຣີໂປຣແກຣມ CrossOver Office ແລະ CrossOver Games ສຳລັບມື້ອື່ນມື້ດຽວເທົ່ານັ້ນ ເຊິ່ງທ່ານທີ່ດາວໂຫລດມື້ອື່ນນັ້ນ ຈະໄດ້ຮັບທັງ CrossOver Office ແລະ CrossOver Games ຂອງແທ້ ພ້ອມບໍລິການຫຼັງການຂາຍຟຣີ.

ສຳລັບຂໍ້ມູນເພີ່ມເຕີມແມ່ນສາມາດອ່ານໄດ້ຈາກ Press Release.

ທີ່ມາ – Phoronix

CrossWeaver ເປັນຜູ້ພັດທະນາໂປຣແກຣມ CrossOver Office ແລະ CrossOver Games ທີ່ຊ່ວຍໃຫ້ຜູ້ໃຊ້ Linux ສາມາດຕິດຕັ້ງແລະໃຊ້ງານ ໂປຣແກຣມ ຫຼືເກມທີ່ອອກແບບມາສຳລັບ Windows ໃນ Linux ໄດ້ (ເຊັ່ນບາງຄົນອາດຕ້ອງການໃຊ້ Microsoft Office ຫຼືຫຼິ້ນເກມ Half-Life 2 ໃນ Linux).