Tag: Blog

ວຽງລາວ – ບລັອກຄົນລາວ ເພື່ອຄົນລາວ

ຫລັງຈາກທີ່ມື້ວານໄດ້ໂພສຕ໌ໄວ້ໃນ *real me ກໍ່ມາຄິດວາ… ເອ໊ະ! ຄົນເຂົ້າ *real me ມີຫນ້ອຍກວ່າຄົນເຂົ້າບລັອກຫລັກຂອງເຮົາ ແບບນີ້ບໍ່ໄດ້ ດຽວຄົນຊິບໍຮູ້ຄືເກົ່າ ບວກກັບເຫັນວ່າ ບລັອກຂອງທ່ານລາວວຽງນັ້ນ ເປັນບລັອກທີ່ມີປະໂຫຍດ ມີສາລະ ສົມຄວນທີ່ຈະມີການບອກຕໍ່ກັນໃຫ້ເປັນທີ່ຮູ້ຈັກ ກໍ່ເລີຍຕັ້ງໃຈສ້າງໂພສຕ໌ນີ້ຂຶ້ນມາ

ບລັອກ “ວຽງລາວ” ເປັນບລັອກທີ່ນຳສະເຫນີຄວາຮູ້ ຂໍ້ມູນຂ່າວສານຕ່າງ ໆ ແກ່ຄົນລາວ ໂດຍໃຊ້ພາສາລາວເປັນພາສາຫລັກ ໂດຍເນື້ອຫາໃນບລັອກ ກໍ່ຈະມີຕັ້ງແຕ່ເລື່ອງຄອມພິວເຕີທົ່ວໄປ, ການຊອກຫາຂໍ້ມູນ, ການຂຽນໂປຣແກຣມ, ການໃຊ້ງານໂປຣແກຣມຕ່າງ ໆ ລວມໄປເຖິງເທັກນິກການໃຊ້ງານຕ່າງ ໆ ອີກນຳ ນັບວ່າຫນ້າສົນໃຈຢ່າງຍິ່ງ

ຂ້າພະເຈົ້າເອງ ກໍ່ຂໍຊົມເຊີຍຄວາມເສັຍສະຫລະ ຂອງທ່ານວຽງລາວ ທີ່ໄດ້ຮ່ວມກັນສ້າງສັນເນື້ອຫາພາສາລາວ ໃນໂລກອິນເຕີເນັດ ໃຫ້ແຜ່ຫລາຍຂຶ້ນ ແລະເປັນປະໂຫຍດແກ່ຄົນລາວຕໍ່ ໆ ໄປ

ຢ່າລືມ… ແວະໄປທີ່ “ວຽງລາວ” ບລັອກຄົນລາວ ເພື່ອຄົນລາວ ^_^

Gravatar 2.0 ເປີດຕົວ 15 ກຸມພານີ້!

Gravatar 2.0ຫລັງຈາກທີ່ Gravatar ປິດປັບປຸງເວັບເປັນການໃຫຍ່ໃນຊ່ວງຫລາຍເດືອນທີ່ຜ່ານມາ ໃນທີ່ສຸດ ກໍ່ມີການຖະແຫລງການ ເຖິງວັນທີ່ເປີດຕົວຢ່າງເປັນທາງການຂອງ Gravatar 2.0 ໂດຍກ່ອນຫນ້າ ຈະມີເປີດຕົວນັ້ນ ທາງທີມງານ Gravatar ຈະເປີດໃຫ້ຜູ້ທີ່ສົນໃຈ ສາມາດທົດລອງໃຊ້ງານໄດ້ກ່ອນ ເຜື່ອວ່າອາດຈະພົບປັນຫາ ແລະສາມາດແກ້ໄຂໄດ້ທັນ

 

Gravatar ເປັນບໍລິການ Avatar ສຳຫລັບຜູ້ໃຊ້ງານ Blog ທີ່ໄດ້ຮັບຄວາມນິຍົມໂດຍທົ່ວໄປ ມີຈຸດພິເສດຢູ່ທີ່ວ່າ ຜູ້ໃຊ້ງານບລັອກ ສາມາດລົງທະບຽນພຽງຄັ້ງດຽວກັບທາງ Gravatar ແລະເລືອກໃຊ້ Avatar ຫລືພາບແທນຕົວເອງທີ່ຕ້ອງການຜ່ານເວັບໄຊທ໌ຂອງ Gravatar ແລະເມື່ອໄປສະແດງຄວາມຄິດເຫັນໃນບລັອກອື່ນ (ທີ່ມີການໃຊ້ງານ Gravatar) ກໍ່ຈະດຶງພາບແທນຕົວເອງ ຂຶ້ນມາສະແດງໄດ້ ໂດຍອ້າງອິງຈາກອີເມລ (ສະຫລຸບແລ້ວ ຄ້າຍໆ ໃນເວັບບອຣ໌ດທົ່ວໄປ ພຽງແຕ່ອັນນີ້ໃຊ້ກັບ Blog ແລະມີຄວາມສະດວກກວ່າ)

Source – blog.gravatar.com

ຄວາມສຳຄັນຂອງການໃຫ້ Credit ກັບແຫລ່ງຂ່າວ

ມື້ນີ້ມີໂອກາດໄປອ່ານບົດຄວາມຂອງຄົນດັງມາ ພໍດີວ່າມັນເປັນເລື່ອງກ່ຽວກັບ ຄວາມສຳຄັນຂອງການໃຫ້ Credit ກັບແຫລ່ງຂ່າວ ເລີຍຖືໂອກາດມາເລົ່າສູ່ກັນຟັງຈັກຫນ່ອຍ ເລື່ອງນີ້ຮູ້ສຶກວ່າບ້ານເຮົາຈະຍັງບໍ່ຄ່ອຍຈະເອົາຈິງເອົາຈັງປານໃດ ເຖິງຈະຍັງບໍ່ມີເກີດຂຶ້ນຫລາຍ ແຕ່ກໍ່ຍັງບໍ່ມີການປະຊາສຳພັນເພື່ອໃຫ້ເກີດຄວາມຮູ້ຄວາມເຂົ້າໃຈເທື່ອ

Darren Rowse ນັກຂຽນບລັອກຄົນດັງແຫ່ງ ProBlogger.net ເພິ່ນຂຽນລົງໃນບລັອກເພິ່ນກ່ຽວກັບເລື່ອງນີ້ ຮູ້ສຶກວ່າຈະໃຫ້ແງ່ຄິດທີ່ຫນ້າສົນໃຈຢູ່ຫລາຍເຕີບ

Continue reading ຄວາມສຳຄັນຂອງການໃຫ້ Credit ກັບແຫລ່ງຂ່າວ

WordPress 2.0.7 Released

Wordpress

WordPress 2.0.7 ຕົວຈິງ ອອກມາແລ້ວ (ມື້ວານອອກ RC2) ໃນຕົວນີ້ຈະມີການແກ້ໄຂ ເລື່ອງລະບົບຄວາມປອດໄພເລັກນ້ອຍ ແລ້ວກໍ່ມີເລື່ອງຂອງ Bug ໃນ​ 2.0.6 ກ່ຽວກັບ FeedBurner ນອກນັ້ນກໍ່ບໍ່ມີຫຍັງຫລາຍ ສາມາດດາວໂຫລດໄດ້ຈາກເວັບໄຊທ໌ຂອງ WordPress

ທາງຜູ້ພັດທະນາແນະນຳໃຫ້ຜູ້ໃຊ້ງານ WordPress 2.0.6 ຫລືເວີຊັ່ນທີ່ຕ່ຳກວ່ານີ້ທຳການອັບເດທເປັນ 2.0.7 ລາຍລະອຽດເພີ່ມເຕີມກ່ຽວກັບເວີ່ຊັ່ນໃຫມ່ ລວມເຖິງວິທີອັບເດທ ສາມາດອ່ານໄດ້ໃນ ທີ່ນີ້

ສຳຫລັບໃຜທີ່ຖ້າໃຊ້ 2.1 ຢູ່ ກໍ່ຖ້າໄປອີກຈັກຫນ່ອຍກໍ່ໄດ້ ເພາະວ່າໃນບລັອກເຂົາບອກວ່າ ອີກປະມານທ້າຍເດືອນນີ້ຊິອອກເວີຊັ່ນ 2.1 ອອກມາແລ້ວ (ແຕ່ 2.0.x ຈະຍັງຄົງມີການອັບເດທຕໍ່ໄປເລື້ອຍໆ ອີກຫລາຍປີ)

Changelog

  • Security fix for wp_unregister_GLOBALS() to work around the zend_hash_del_key_or_index bug in PHP 4 versions less than 4.4.3 and PHP 5 versions less than 5.1.4 with register_globals set to “On.”
  • Feeds now properly serve 304 Not Modified headers instead of mismatched 200/304 headers (a.k.a. the FeedBurner bug).
  • Backport of another 304 Not Modified fix from WordPress 2.1
  • Deleting WordPress Pages no longer gives an “Are You Sure?” prompt.
  • After deleting a WordPress Page, you are now properly redirected to the Edit Pages screen.
  • Sending an image at original size in Internet Explorer no longer adds an incorrect “height” attribute.

blog-tag

ຕອນນີ້ເຂົາກຳລັງນິຍົມຫລິ້ນ blog tag ຢູ່ ເລີຍຫລິ້ນນຳເບີ່ງ ^_^

ເລື່ອງບາງເລື່ອງກ່ຽວກັບ au8ust

1. ບໍ່ວ່າຊິໄປຮຽນຢູ່ໃສກໍ່ຕາມ ເກືອບຈະທຸກໆ ທີ່ຈະເປັນຄົນທີ່ມີອາຍຸນ້ອຍທີ່ສຸດໃນຫ້ອງ (ຖ້າບໍ່ນັບຜູ້ຍິງ)

2. ຊື່ au8ust ມາຈາກຄຳວ່າ august, ທີ່ເປັນຄຳນີ້ກໍ່ເພາະວ່າເກີດເດືອນສິງຫາ —ໃນຊື່ນີ້
ບໍ່ມີຫຍັງຫລາຍໄປກວ່ານັ້ນ 🙂 ຕອນທຳອິດຄິດຄຳນີ້ໄດ້ ກໍ່ວ່າມັນເທ່ດີເວີ້ຍ ແຕ່ໄປຄົ້ນຫາໃນ google ອ່າວ… ມີຄົນໃຊ້ແຕ່ປີບາງຫໍ້ແລ້ວ ອຸ້ວ່ະ 555 ໂອຍ ຕະຫລົກ

3. ຄັ້ງທຳອິດທີ່ໄດ້ເຫັນອິນເຕີເນັດ ບອກພໍ່ແມ່ເລີຍວ່າ ບໍ່ຫນ້າສົນໃຈຈັກດີ້ ໃຊ້ຄອມຢ່າງດຽວກໍ່ເກີນພໍ (ແຕ່ດຽວນີ້ກາຍເປັນວ່າ ໃຊ້ຄອມຢ່າງດຽວບໍ່ພໍເວີ້ຍ 555)

4. ຕອນຍັງນ້ອຍໆ ເວລາຊິກິນຫຍັງມັກຊິດົມກ່ອນ ແລ້ວຄ່ອຍກິນ ຈົນພໍ່ຮ້າຍ ບໍ່ໃຫ້ເຮັດ ແລ້ວກໍ່ບໍ່ຄ່ອຍເຮັດອີກຕັ້ງແຕ່ນັ້ນມາ

5. ເຄີຍອອກແບບ/ສ້າງ/ພັດທະນາ ເວັບໄຊທ໌ (ຫ່ວຍໆ) ມາເປັນສິບໆ ເວັບ ແຕ່ວ່າອັນທີ່ມີຄົນຮູ້ຈັກພັດມີບໍ່ຮອດ 2 ອັນ LOL

ເອົາເທົ່ານີ້ແຫລ່ະ ບາດນີ້ຊິສົ່ງໃຫ້ໃຜດີນໍ້…?

ຮັບໄປ: Sian, nanoteam, …ຊວຍແລ້ວ!! ບໍ່ຮູ້ຊິສົ່ງໃຫ້ໃຜ OoO!! ອໍ້! ແມ່ນແລ້ວ ຍັງມີ wihane ຄິດອອກແຕ່ເທົ່ານີ້ແຫລ່ະ Blog ທີ່ຮູ້ຈັກມັນມີບໍ່ຫລາຍ ຜິດກົດຢ່າມັນ 😛 pnomsin ແລະ os555

*ຖ້າໃຜຍັງບໍ່ຮູ້ວິທີຫລິ້ນ ອ່ານບ່ອນນີ້ ຊິບອກ ວິທີຫລິ້ນກໍ່ງ່າຍໆ ໃຫ້ຂຽນເລື່ອງຂອງຕົວເອງ ຂຽນໃຫ້ໄດ້ 5 ຂໍ້ ຈາກນັ້ນກໍ່ tag ໄປໃຫ້ຄົນອື່ນອີກ 5 ຄົນ ແລ້ວກໍ່ສົ່ງຕໍ່ກັນໄປເລື່ອຍໆ

ພາບປະກອບຈາກ: keng.ws