iPhone ຈະມີ 3rd party apps?

iPhoneໃນງານ D Conference ທີ່ຜ່ານມາ Steve Jobs ໄດ້ກ່າວເຖິງຄວາມເປັນໄປໄດ້ທີ່ iPhone –ໂທລະສັບລະບົບຫນ້າຈໍສຳຜັດລາຄາກວ່າ $600 ຂອງ Apple ຈະສາມາດຕິດຕັ້ງແລະໃຊ້ງານ Applications ຕ່າງ ໆ ຈາກ 3rd party ໄດ້ ແຕ່ Jobs ກໍ່ໄດ້ສະແດງຄວາມກັງວົນໃຈວ່າ ຈະເປັນເຫດໃຫ້ເກີດບັນຫາດ້ານຄວາມປອດໄພ ເຊິ່ງລາວບໍ່ຢາກເຫັນ iPhone ຄ້າງເມື່ອໃຊ້ງານ

ທີ່ມາ – CrunchGear

ຮູ້ສຶກວ່າ iPhone ໃກ້ ໆ ຈະອອກແລ້ວ ປະມານປີຫນ້າ ຄົງຈະມີເຂົ້າມາຂາຍຢ່າງເປັນທາງການ ໃນແທບບ້ານເຮົາ ບໍ່ຮູ້ວ່າຈະລາຄາລົງບໍ່ – -“

ເປີດຕົວ Mac Pro ຮຸ່ນ 8-Core

ຫລັງຈາກທີ່ກ່ອນໜ້ານີ້ມີຄົນເຫັນລາຍລະອຽດຂອງ Mac Pro ຮຸ່ນໃຫມ່ໃນເວບໄຊຕ໌ບາງແຫ່ງນັ້ນ ໃນທີ່ສຸດທາງ Apple ກໍ່ໄດ້ເປີດເຜີຍຂໍ້ມູນຢ່າງເປັນທາງການກ່ຽວກັບ Mac Pro ຮຸ່ນໃຫມ່ນີ້ ເຊິ່ງເປັນຮຸ່ນທີ່ໃຊ້ໜ່ວຍປະມວນຜົນກາງ ຫລື CPU ໃນສາຍ Intel Xeon ແບບ 8 Core ຄວາມໄວທີ່ 3.0GHz ຕໍ່ 1 Core ແລະມີລາຄາສູງເຖິງ $3,997

ທີ່ມາ – Crave

$3,997 ຄິດເປັນເງິນກີບເທົ່າກັບ 38,371,200 ກີບ ໂອ້…!!

Apple ຫລຸດລາຄາ Cinema Display

ບໍລິສັດ Apple ໄດ້ທຳການຫລຸດລາຄາຂອງຈໍພາບ Cinema Display ລົງ ໂດຍໃນຮຸ່ນທີ່ມີໜ້າຈໍຂະໜາດ 21 ນິ້ວ ແລະ 23 ນິ້ວນັ້ນ ຫລຸດລົງ $100 ໃນຂະນະທີ່ຮຸ່ນ 31 ນິ້ວຫລຸດລົງເຖິງ $200 ສົ່ງຜົນໃຫ້ລາຄາຕອນນີ້ຢູ່ທີ່

  • 20 ນິ້ວ ລາຄາ $599
  • 23 ນິ້ວ ລາຄາ $899
  • 30 ນິ້ວ ລາຄາ $1799

ທີ່ມາ – TUAW

ເຖິງຈະລາຄາລົງ ແຕ່ກໍ່ຍັງເອື້ອມບໍ່ຮອດ 😛

ຂ່າວລື: Leopard ເລື່ອນ?

ມີຂ່າວລືອອກມາວ່າ Leopard ອາດຈະຖືກເລື່ອນວັນວາງຈຳໜາຍໄປຊ່ວງເດືອນຕຸລາຄົມປີນີ້ ເຊິ່ງເປັນລາຍງານຈາກ DigiTimes

ໂດຍໄດ້ມີລາຍລະອຽດໃນຂ່າວລືວ່າ ທາງ Apple ກຳລັງປັບປຸງໃຫ້ Boot Camp ໃນ Leopard ນັ້ນ ສາມາດຮອງຮັບ Windows Vista ຢ່າງເຕັມປະສິດທິພາບ ກ່ອນການອອກວາງຈຳໜ່າຍ

ທີ່ມາ – TUAW

ບ້ານເຮົາໜ້ອຍທີ່ສຸດທີ່ຈະມີຄົນໃຊ້ Mac ກໍ່ເລີຍວ່າ ຂ່າວນີ້ບາງຄົນອ່ານແລ້ວອາດຈະບໍ່ຮູ້ເລື່ອງ 😛

Mac OS X 10.4.9 ເພີ່ມ drivers ຂອງມືຖື

ກ່ອນຫນ້ານີ້ທາງ Apple ໄດ້ອອກ patch ສຳຫລັບ Mac OS X 10.4.9 ອອກມາ (ເຊິ່ງແນ່ນອນວ່າ ບໍ່ໄດ້ລົງຂ່າວ 555+) ກໍ່ມີການປັບປຸງ ແລະແກ້ໄຂສ່ວນຕ່າງ ໆ​ ຂອງລະບົບ ແລະນອກຈາກນັ້ນ ກໍ່ຍັງມີການເພີ່ມການຮອງຮັບໂທລະສັບມືຖືໃຫມ່ ໆ ເຂົ້າໄປຕື່ນອີກ ເຊິ່ງມີລາຍຊື່ດັ່ງນີ້:

  • Motorola K1 Bluetooth + USB
  • Motorola K1m Bluetooth + USB
  • Motorola V3m Bluetooth + USB
  • Motorola L2 Bluetooth + USB
  • Samsung D600 Bluetooth
  • Samsung D900 Bluetooth
  • Nokia N80 Bluetooth + USB
  • Nokia E61 Bluetooth + USB
  • Nokia E62 Bluetooth + USB
  • Nokia N71 Bluetooth + USB
  • Nokia N72 Bluetooth + USB
  • Nokia N73 Bluetooth + USB
  • Nokia N91 Bluetooth + USB
  • Nokia N93 Bluetooth + USB
  • Nokia 6102 Bluetooth
  • Nokia 6103 Bluetooth
  • Nokia 6131 Bluetooth + USB
  • Sony Ericsson K610i Bluetooth + USB
  • Sony Ericsson K790i Bluetooth + USB
  • Sony Ericsson K800i Bluetooth + USB
  • Sony Ericsson Z525a Bluetooth + USB

ທີ່ມາ – MacRumors

Apple Design Awards 2007 ເປີດຮັບຜົນງານແລ້ວ

ada_cubes.jpgApple Design Awards 2007 ເປັນການເປີດໃຫ້ຜູ້ພັດທະນາຊອຟແວຣ໌ Mac ສາມາດສົ່ງຊອຟແວຣ໌ ທີ່ຕົນພັດທະນາຂຶ້ນ ມາປະກວດໃນງານນີ້ໄດ້ ສຳຫລັບໃນປີນີ້ ກໍ່ມີລາຍການແຂ່ງຂັນດັ່ງນີ້ :

Apple Design Awards ປີນີ້ຈັດເປັນປີທີ່ 12 ແລ້ວ, ຜູ້ຊະນະການປະກວດຈະໄດ້ຮັບລາງວັນເປັນ ຜະລິດຕະພັນຕ່າງ ໆ ຂອງ Apple. ຜູ້ທີ່ຕ້ອງການເຂົ້າຮ່ວມ ຕ້ອງສົ່ງຜົນງານເຂົ້າປະກວດກ່ອນ 23 ເມສາ 2007 ໂດຍການປະກາດຜົນລາງວັນ ຈະມີຂຶ້ນໃນງານ Worldwide Developers Conference 2007 (WWDC) ເຊິ່ງຈະຈັດຂຶ້ນໃນວັນທີ່ 11-15 ມິຖຸນາ 2007 ທີ່ San Francisco

ທີ່ມາ – TUAW

ສົງໄສວ່າຂອງລາງວັນຊິມີ iPhone ບໍ່… 😉

ຂໍ້ຢຸດຕິລະຫວ່າງ Apple ແລະ Cisco ມາເຖິງແລ້ວ

ຫລັງຈາກເປັນປະເດັນໃຫ້ຖົກຖຽງກັນຢູ່ຫວ່າງຫນຶ່ງ ເລື່ອງຊື່ຂອງ iPhone ໃນທີ່ສຸດ ຂໍ້ຢຸດຕິລະຫວ່າງຄວາມຂັດແຍ້ງຂອງສອງບໍລິສັດ ກໍ່ຖືກແກ້ໄຂ ໂດຍທັງສອງຝ່າຍ ຄືທາງ Apple Inc. ແລະ Cisco Inc. ໄດ້ຕົກລົງກັນທີ່ຈະໃຊ້ຊື່ iPhone ຮ່ວມກັນໄດ້ ໂດຍບໍ່ມີການຟ້ອງຮ້ອງກັນທາງກົດຫມາຍ

ນອກຈາກນັ້ນ ກໍ່ຍັງຈະມີການຮ່ວມງານກັນໃນສ່ວນຂອງ ລະບົບຄວາມປອດໄພ ແລະຜູ້ໃຊ້ບໍລິການນຳ

ຊື່ iPhone ນັ້ນ ໃນສະໄຫມທຳອິດ ເປັນຂອງບໍລິສັດ Infogear ເຊິ່ງມີສິດໃນຊື່ນີ້ມາຫລາຍປີ ແຕ່ຕໍ່ມາ Cisco ໄດ້ຊື້ບໍລິສັດດັ່ງກ່າວ ແລະໄດ້ຊື່ນີ້ມາຄອບຄອງ ແລະອອກສິນຄ້າກ່ຽວກັບ VOIP ໃນຊື່ iPhone ໃນເວລາຕໍ່ມາ ຈົນມາເຖິງງານ CES 2007 ທາງ Apple ໄດ້ເປີດຕົວ iPhone –ມືຖື Multimedia ຈາກ Apple ອອກມາ ແລະກໍ່ມາຊົນກັບຊື່ iPhone ຈາກ Cisco ຈົນເປັນຂ່າວກັນຂຶ້ນມາ

ທີ່ມາ – Yahoo! News [via Neowin.net]

Cisco ຟ້ອງ Apple ເລື່ອງຊື່ຂອງ iPhone

ຫລັງຈາກ Cisco ໄດ້ທຳການເປີດຕົວໂທລະສັບ VoIP ໃນຊື່ iPhone ໄປເມື່ອປາຍປີທີ່ແລ້ວ ຫລາຍທ່ານໃນວົງການຄິດວ່າ Apple ຈະຕ້ອງປ່ຽນຊື່ໂຄງການໂທລະສົບມືຖືຊອງຕົວເອງທີ່ໃຊ້ຊື່ iPhone ຄືກັນຢ່າງແນ່ນອນ

ແຕ່ໃນງານ MacWorld 2007 ທີ່ San Fransisco ເມື່ອວັນຈັນທີ່ຜ່ານມາ Apple ໄດ້ເຮັດໃຫ້ຫລາຍທ່ານຕ້ອງປະຫລາດໃຈ ເມື່ອໄດ້ທຳການເປຶດຕົວໂທລະສັບມືຖືໃນຊື່ iPhone ເຮັດໃຫ້ຄາດການໄດ້ວ່າ Cisco ຈະເຮັດຢ່າງໃດ

ໃນທີ່ສຸດ Cisco ທີ່ໄດ້ສິດການໃຊ້ຊື່ iPhone ມາຕັ້ງແຕ່ປີ 2000 ກໍ່ໄດ້ທຳການຟ້ອງຮ້ອງ Apple ເນື່ອງຈາກໃຊ້ຊື່ເຄື່ອງຫມາຍການຄ້າ ໂດຍບໍ່ໄດ້ຮັບອະນຸຍາດ ໂດຍທາງ Cisco ໄດ້ເປີດເຜີຍວ່າ ມີຄວາມພະຍາຍາມທີ່ຈະຕົກລົງກັບທາງ Apple ໃນເລື່ອງການໃຊ້ງານຊື່ iPhone ແຕ່ກໍ່ບໍ່ໄດ້ຮັບການຕອບຮັບກັບມາ

ບໍລິສັດຍັກໃຫຍ່ຖຽງກັນ ຄວາມມັນຍ່ອມບັງເກີດ

ທີ່ມາ – BetaNews

3rd party application ຂອງ iPhone?

ມີຂ່າວສັ້ນໆ ກ່ຽວກັບ 3rd party apps ໃນ iPhone, ທາງ Apple ບອກວ່າໃນ iPhone ຈະສາມາດຕິດຕັ້ງໂປຣແກຣມຈາກ 3rd party ເຂົ້າໄປເພີ່ມເຕີມໄດ້ ແຕ່ວ່າໂປຣແກຣມຕ່າງໆ ເຫລົ່ານັ້ນຈະຖືກຈຳກັດການທຳງານຢູ່ໃນ “controlled environment” ສ່ວນເຫດຜົນນັ້ນ Apple ໃຫ້ຂໍ້ມູນວ່າ ມັນມີທຸກຢ່າງທີ່ຕ້ອງໃຊ້ໃນ iPhone ແລ້ວ ບໍ່ມີເຫດຜົນຫຍັງທີ່ຈະເຮັດໃຫ້ມືຖືການເປັນເຄື່ອງ PC ຈົບຂ່າວ.

ທີ່ມາ: Mac Rumors