WobZIP ເປັນເວັບໄຊໃຫ້ບໍລິການອັບໂຫລດໄຟລ໌ zip ຈາກເຄື່ອງເຮົາແລ້ວແຕກໄຟລ໌ໃຫ້ໃນ Server ຂອງ WobZIP ໃຫ້ເຮົາເລືອກໂຫລດໄດ້ວ່າຢາກໂຫລດໄຟລ໌ໃດ ຕອນນີ້ຮອງຮັບທັງ 7z, ZIP, GZIP, BZIP2, TAR, RAR, CAB, ISO, ARJ, LZHCHM, Z, CPIO, RPM, DEB ແລະ NSIS ຂະຫນາດໄຟລ໌ສູງສຸດທີ່ອັບໂຫລດໄດ້ແມ່ນ 100MB
ຂໍ້ດີກໍ່ຄື ອັບໂຫລດໃນ Server ເຮັດໃຫ້ຫລຸດຄວາມສ່ຽງຈາກໄວຣັດ ແລ້ວກໍ່ເລືອກໄຟລ໌ໄດ້ ແລະທີ່ສຳຄັນ ບາງຄັ້ງເຮົາບໍ່ມີໂປຣແກຣມແຕກໄຟລ໌ (ເຊັ່ນ CPIO) ກໍ່ສາມາດໃຊ້ WobZIP ໄດ້ 
ອັດເດດເປັນເວີຊັນ ໓ ແລ້ວ ເຮັດວຽກໄດ້ໄວຂຶ້ນ ປັບປຸງ UI ໃຫມ່ເລັກນ້ອຍ ແລະສາມາດໃຊ້ໄດ້ກັບ Windows Vista ທຸກເວີຊັນພ້ອມ ໂຫລດໄດ້ຈາກ Sourceforge ໄດ້ເລີຍ
Firenes ເປັນ Extension ສຳຫລັບ Firefox ໃຊ້ໄວ້ຫຼິ້ນເກມຂອງເຄື່ອງ NES aka Family, Famicom, etc… ຈຸດເດັ່ນກໍ່ຄື ສາມາດຫຼິ້ນໄດ້ໂດຍບໍ່ຕ້ອງດາວໂຫລດ Emulator ຫຼື ROM ມາເລີຍ (ເພິ່ນວ່າແນວນັ້ນ)
ສົນໃຈໂຫລດໄດ້ທີ່ມາ
ທີ່ມາ - Mozilla.org via del.icio.us
ພໍດີຊ່ວງນີ້ຕ້ອງເຮັດເວັບໄຊໃຫ້ລູກຄ້າ ເຊິ່ງຕ້ອງເຮັດໃຫ້ຮອງຮັບ Cross Browser ຄືໃຊ້ໄດ້ໃນ Web Browser ສ່ວນໃຫຍ່ ກໍ່ຄື Firefox, Internet Explorer, Safari, Opera ເປັນຕົ້ນ ແຕ່ວ່າ ມັນກໍ່ມີຄວາມຫຍຸ້ງຍາກລຳບາກພໍສົມຄວນ ໂດຍສະເພາະແມ່ນ Internet Explorer (ຕໍ່ໄປນີ້ຈະຂຽນຫຍໍ້ວ່າ “IE”) ເພາະມັນມີຫລາຍເວີຊັນ ແລະໃນເວີຊັນເກົ່າກໍ່ມີ Bugs ຫລວງຫລາຍອີກ ກໍ່ເລີຍຕ້ອງໄປນຳແກ້ໄຂໃຫ້ແລ້ວ ເພາະວ່າຫຍັງ? ກໍ່ເພາະວ່າຄົນສ່ວນຫລາຍຍັງຄົງໃຊ້ IE ເວີຊັນເກົ່າ ເຊັ່ນ IE6 ເປັນຕົ້ນ
ໂດຍປົກກະຕິແລ້ວ ເຮົາຈະສາມາດໃຊ້ IE ໄດ້ພຽງເວີຊັນດຽວເທົ່ານັ້ນ ຫາກໃຊ້ IE6 ກໍ່ຈະມີແຕ່ IE6 ບໍ່ສາມາດໃຊ້ IE7 ໃນຂະນະທີ່ມີ IE6 ຫຼືເວີຊັນອື່ນ ໆ ນຳໄດ້ ແຕ່ເຖິງຢ່າງໃດກໍ່ຕາມ ກໍ່ມີຄົນພະຍາຍາມທີ່ຈະໃຫ້ IE ສາມາດຣັນໃນເວລາດຽວກັນໃນເຄື່ອງ ໆ ດຽວໄດ້ ເຊິ່ງຫນຶ່ງໃນຄວາມພະຍາຍາມເຫລົ່ານັ້ນກໍ່ມີ:
ທີ່ “ໃຊ້ງ່າຍ” ທີ່ບອກວ່າໃຊ້ງ່າຍ ກໍ່ເພາະວ່າບໍ່ຕ້ອງໄດ້ໄປແກ້ໄຂໃນສ່ວນຂອງ Registry ຫຍັງຫລາຍ ມີແຕ່ຕິດຕັ້ງ ແລ້ວກໍ່ໃຊ້ໄດ້ເລີຍ ພຽງເທົ່ານີ້ ເຮົາກໍ່ສາມາດເປີດໃຊ້ງານ IE ຫລາຍ ໆ ເວີຊັນໃນເຄື່ອງດຽວໄດ້ແລ້ວ –ເຖິງແມ່ນວ່າບໍ່ອາດຈະໃຊ້ທຸກ features ໄດ້ກໍ່ຕາມ
ເນື່ອງໃນໂອກາດທີ່ Firefox 3 ກຳລັງຈະຖືກປ່ອຍອອກມາໃນໄວ ໆ ນີ້ ທາງ Mozilla ເຈົ້າຂອງ Firefox ກໍ່ໄດ້ເປີດກິດຈະກຳ Firefox 3 Download Day 2008 ເຊີນຊວນໃຫ້ຜູ້ໃຊ້ງານ Firefox (ແລະທີ່ບໍ່ໃຊ້ກໍ່ໄດ້) ມາຮ່ວມດາວໂຫລດ Firefox ເພື່ອສ້າງສະຖິຕິ “Software ທີ່ຖືກດາວໂຫລດຫລາຍທີ່ສຸດພາຍໃນ ໒໔ ຊົ່ວໂມງ”
ການເຂົ້າຮ່ວມກິດຈະກຳນີ້ກໍ່ງ່າຍ ໆ ພຽງເຂົ້າໄປທີ່ຫນ້າ Firefox 3 Download Day 2008 ແລ້ວຄລິກທີ່ Pledge Now ຈາກນັ້ນເລືອກປະເທດ ແລະໃສ່ອີເມລຂອງເຮົາ ກໍ່ເປັນອັນຈົບພິທີ ເຫລືອແຕ່ວ່າ ຖ້າໃຫ້ຮອດມື້ເປີດໃຫ້ດາວໂຫລດມາແລ້ວ ຈະມີອີເມລສົ່ງມາແຈ້ງໃຫ້ເຮົາໄປຮ່ວມສ້າງສະຖິຕິອັນຍິ່ງໃຫຍ່ນີ້ 
ແຟນຄລັບ Firefox ຢ່າພາດເດັດຂາດ! (ຂະນະທີ່ກຳລັງຂຽນຂ່າວນີ້ ປະເທດລາວມີຜູ້ເຂົ້າຮ່ວມແລ້ວ ໗ ຄົນ)
ທີ່ມາ - Mozilla Blog [via B|N]
Trillian™ ຍັງບໍ່ຕາຍ! (ຄິດວ່າຕາຍດົນແລ້ວ 
) ຕອນນີ້ອອກເວີຊັນໃຫມ່ ເພີ່ມຄວາມໄວ ແກ້ໄຂບັ໊ກ ເພີ່ມລະບົບ Biography ເພີ່ມນັ້ນນີ້ຫລາຍຢ່າງ ຮອງຮັບ IRC ໄດ້ດີຂຶ້ນຫລາຍ ແລະເຜື່ອວ່າບາງຄົນອາດຈະບໍ່ຮູ້ຈັກ Trillian ເປັນໂປຣແກຣມ ສົນທະນາທີ່ຮອງຮັບທັງ AIM, ICQ, WLM, Yahoo! ແລະ IRC ແລ້ວກໍ່ ມີ skin ໃຫ້ໃຊ້ໄດ້ຫລາຍແບບ ສົນໃຈທົດລອງໃຊ້ ຄລິກລິງກ໌ລຸ່ມໂລດ
ເລົ່າໃຫ້ຟັງສັ້ນ ໆ ເພາະມັນບໍ່ມີຫຍັງຫລາຍ ເພາະວ່າຖ້າອວດຊື່ ໆ ພາສາໄທເອີ້ນວ່າ “ໂຊພາວ” ວ່າຊັ້ນ ດັ່ງນັ້ນເຮົາບໍ່ຢາກໂຊພາວ ຈຶ່ງຂໍເລົ່າຫນ້ອຍຫນຶ່ງ ເລື່ອງມັນມີຢູ່ວ່າ ປະມານຊ່ວງປາຍປີ ໒໐໐໗ ຕອນນັ້ນຫາທາງໃຫມ່ ໆ ໃນການຫາເງິນ ຊ່ວງນັ້ນກໍ່ມີເຮັດ AdSense ແດ່ ແລ້ວກໍ່ຫາເງິນຈາກພວກ Affiliate ຕ່າງ ໆ ເຊິ່ງຫນຶ່ງໃນນັ້ນຄື HostMonster ຜູ້ໃຫ້ບໍລິການ Hosting ລາຍໃຫຍ່ລາຍຫນຶ່ງຂອງໂລກ ໃຊ້ເວລາປະມານເດືອນປາຍກໍ່ສາມາດລໍ້ລວງເອົາຄົນມາສະຫມັກຕໍ່ຈາກ Affiliate link ຂອງເຮົາໄປໄດ້ ຫນຶ່ງໃນນັ້ນຄື xEKx ນັ້ນເອງ…
ທ່ານພະນົມສິນຖາມໃນ community ຂໍຍົກມາຕອບໃນຫນ້ານີ້ແທນ ເຜື່ອຈະເປັນປະໂຫຍດໃນກາລເບື້ອງໜ້າ
ໃຜກໍ່ຕາມທີ່ໃສ່ google adsense ໄວ້ໃນເວັບໄຊຂອງຕົນ ເມື່ອມີຄົນ click ເຈົ້າຂອງເວັບ ຈະໄດ້ເງິນ
ໃຜກໍ່ຕາມທີ່ລົງໂຄສະນາກັບ google adsense ໄວ້ໃນເວັບໄຊຂອງຜູ້ອຶ່ນ ເມື່ອມີຄົນ click ເຈົ້າໂຄສະນາ ຈະເສຍເງິນ
ໄລຍະຫລັງນີ້ ໄດ້ເຫັນໂຄສະນາຂອງເວັບ ພັນລາວ ລົງໂຄສະນາກັບ google adsense
ຈຶ່ງສົນໃຈຢາກຖາມ ວ່າ:
1 ລົງໂຄສະນາກັບ google adsense ເຮັດຄືແນວໃດ
2 ລົງໂຄສະນາກັບ google adsense ເສຍຄ່າ keyword ແນວໃດ
3 ມື້ຫນຶ່ງໆ ເສຍຄ່າ click ຫລາຍປານໃດ
Quote ດ້ານເທິງມາຈາກກະທູ້ ເສຍຄ່າຄົນ click ໄປຫລາຍປານໃດ ຂອງທ່ານພະນົມສິນ ທີ່ສົນໃຈກ່ຽວກັບເລື່ອງ AdWords ບາດນີ້ເຮົາມາອ່ານຄຳຕອບກັນ
JoomlaLao.com ສອນສ້າງເວັບໄຊໂດຍໃຊ້ Joomla! ຕັ້ງແຕ່ເບື້ອງຕົ້ນ ຈົນຮອດຂັ້ນສູງ ງ່າຍ ໆ ແລະຟຣີ! ພ້ອມຮູບປະກອບການສອນທຸກບົດ!
: ຮູ້ສຶກວ່າ database ມີບັນຫາເລັກນ້ອຍ
: ສະບາຍດີ... bub_own@hotmail.com
: theme ນີ້ສະອາດງາມຕາດີ =)
: Sabaydi, from USA
: come by to say Hi
: ແປງເວັບ =_=
: ເຮັດຫຍັງຢູ່ນໍ ນ້ອງນິນ?
: ສະບາຍດີ
ຄວາມຄິດເຫັນຫຼ້າສຸດ