ຊ່ວງນີ້ມີເວລາອ່ານ Feed ຫລາຍ ກໍ່ເລີຍໄດ້ພົບໂປຣແກຣມໃຫມ່ ໆ ຢູ່ຕະຫລອດ ແລະຫາເວລາຂຽນກ່ຽວກັບໂປຣແກຣມເຫລົ່ານັ້ນ ເຜື່ອຈະເປັນປະໂຫຍດຕໍ່ຜູ້ອ່ານ au8ust.org ທຸກຄົນ

ມື້ນີ້ມີໂປຣແກຣມ ສຳຫລັບການສ້າງລະຫັດຜ່ານ ມາແນະນຳ ໂດຍທົ່ວໄປແລ້ວ ການຕັ້ງລະຫັດຜ່ານນັ້ນ ບໍ່ຄວນໃຊ້ລະຫັດ ທີ່ມັນສາມາດຮູ້ໄດ້ໂດຍການ ຄາດຄະເນ ເຊັ່ນລະຫັດທີ່ເປັນ ຊື່ຕົວເອງ, ຊື່ແຟນ, ເບີໂທລະສັບ, ວັນເດືອນປີເກີດ ຫຼືເລກທະບຽນລົດ ເປັນຕົ້ນ ເພາະຈະສ່ຽງຕໍ່ການ ຖືກບຸກຄົນຜູ້ມີຄວາມຮູ້ ແຕ່ບໍ່ປະສົງດີນັ້ນ ກະທຳການ ອັນເປັນການ ລະເມີດໄດ້ ໃນກໍລະນີທີ່ສາມາດຮູ້ລະຫັດຜ່ານຂອງເຮົາ

ເມື່ອຮູ້ວ່າການຕັ້ງລະຫັດຜ່ານ ເປັນເລື່ອງທີ່ສຳຄັນແລ້ວ ຈະເຮັດແນວໃດ ທີ່ຈະເລືອກລະຫັດຜ່ານ ທີ່ດີໄດ້? ຄຳຖາມນີ້ເປັນທີ່ມີຂອງໂປຣແກຣມນີ້

xyzzy (ຊື່ໂປຣແກຣມ) ເປັນໂປຣແກຣມທີ່ ໄວ້ສ້າງລະຫັດໃຫ້ເຮົາເລືອກໃຊ້ໄດ້ ໃນກໍລະນີທີ່ຄິດບໍ່ອອກວ່າ ຈະຕັ້ງລະຫັດແນວໃດດີ ເຊິ່ງຕົວໂປຣແກຣມເອງກໍ່ສາມາດ ກຳຫນົດໄດ້ວ່າ ຈະໃຫ້ລະຫັດມີຄວາມຍາວເທົ່າໃດ ເລືອກໄດ້ຕັ້ງແຕ່ ໖ ເຖິງ ໒໘ ຕົວ ຫຼືຈະກຳຫນົດ Random ເອົາກໍ່ໄດ້ ຫຼືຈະໃຫ້ມີຕົວເລກນຳກໍ່ໄດ້ຄືກັນອີກ

ຄວາມພິເສດຂອງ xyzzy ກໍ່ຄື ລະຫັດຜ່ານທີ່ generated ອອກມານັ້ນ ສາມາດອ່ານອອກສຽງໄດ້ ກໍ່ເພື່ອຄວາມງ່າຍ ໃນການຈົດຈຳລະຫັດຜ່ານນັ້ນເອງ ໂປຣແກຣມນີ້ເປັນ freeware ສາມາດດາວໂຫລດໄປໃຊ້ໄດ້ຟຣີ

• ດາວໂຫລດ: Windows, Mac OS

ທີ່ມາ - Hongkiat

Freeware Generator, Password, Securiy, ຄວາມປອດໄພ, ລະຫັດຜ່ານ

Find and Mount ເປັນໂປຣແກຣມກູ້ຂໍ້ມູນທີ່ສູນຫາຍໃນ Partition ຂອງ Harddisk ສາມາດໃຊ້ໄດ້ກັບ Windows 2000, XP ແລະ Windows Server 2003 ແຕ່ວ່າໂປຣແກຣມນີ້ມີແບບຟຣີ ກັບແບບເສຍເງິນ ແລະແນ່ນອນຖ້າເປັນແບບນີ້ກໍ່ຫມາຍຄວາມວ່າ ແບບຟຣີຕ້ອງມີຂໍ້ຈຳກັດບາງຢ່າງແນ່ນອນ ຢ່າງໃດກໍ່ຕາມສາມາດທົດລອງໂຫລດໄປໃຊ້ໄດ້ ເຜື່ອຊິກູ້ໄຟລ໌ຮູບພາບລັບທີ່ຫລົງລຶບໄປໄດ້

• ດາວໂຫລດ

Freeware Data Recovery, Harddisk, Partition, Recovery, ກູ້ຂໍ້ມູນ

Windows Se7en TransformationPack :
- Windows Se7en Visual Style
- Windows Se7en Start Menu
- Windows Se7en Styler TB
- Windows Se7en Pie Dock
- Windows Se7en Wallpapers

• ດາວໂຫລດ

Freeware Se7ven, Theme, Windows

ມື້ນີ້ມາແນະນຳໂປຣແກຣມນ້ອຍ ໆ ທີ່ມີປະໂຫຍດຫລາຍ ຊື່ວ່າໂປຣແກຣມ Dup Detector ຫນ້າທີ່ຂອງມັນຄື ຊອກຫາຮູບພາບຕ່າງ ໆ ໃນເຄື່ອງເຮົາທີ່ມັນຊ້ຳກັນ (ຮູບດຽວກັນແຕ່ຢູ່ຫລາຍບ່ອນ) ໂປຣແກຣມນີ້ ເຂົາ ແຈກຟຣີ

• ດາວໂຫລດ

Freeware Detector, Duplicate, ຊ້ຳ, ຮູບພາບ

໑໕ ປີຂອງການພັດທະນາຍາວນານຕໍ່ເນື່ອງມາຈົນຮອດມື້ນີ້ Wine 1.0.0 ກໍ່ອອກມາຈົນໄດ້ ເຖິງວ່າເວີຊັນນີ້ຈະຂາດຫລາຍ ໆ ຢ່າງທີ່ເຄີຍວາງແຜນໄວ້ຕອນຕົ້ນ ແຕ່ມັນກໍ່ເປັນ Stable release ທຳອິດເທົ່າທີ່ມີມາເລີຍ ໃນເວີຊັນຕໍ່ໄປຄື Wine 1.2.0 ນັ້ນຈະອອກຕາມມາໃນອີກສອງສາມເດືອນຕໍ່ຫນ້າ

ສ່ວນທາງ CodeWeavers ກໍ່ປະກາດອອກມາວ່າ CrossOver Office 7.0 ທັງສຳຫລັບ Linux ແລະ Mac ນັ້ນ ອອກແລ້ວ ເຊິ່ງຮອງຮັບ Photoshop CS/CS2 ລວມໄປເຖິງ Microsoft Office 2007 ນຳ

ອ່ານລາຍລະອຽດເພີ່ມເຕີມແລະດາວໂຫລດໄດ້ທີ່ Wine HQ

ທີ່ມາ - Phoronix

OpenSource Linux, OpenSource, Wine

ໃນທີ່ສຸດ ມັນກໍ່ມາຈົນໄດ້ Firefox 3 ໂປຣແກຣມທ່ອງເວັບໃຫມ່ຫລ້າສຸດຈາກ Mozilla ແລະໃນເວັບໄຊຂອງ Firefox ເອງກໍ່ຍັງມີການອັບເດດຫນ້າເວັບເປັນແບບໃຫມ່ນຳ ນອກຈາກນັ້ນ Extensions ແລະ Addons ຕ່າງ ໆ ກໍ່ເລີ່ມມີການອັບເດດໃຫ້ຮອງຮັບເວີຊັນຫລ້າສຸດຂອງ Firefox 3 ກັນແລ້ວ

ໃນຂະນະທີ່ຂຽນຢູ່ນີ້ ມີຄົນດາວໂຫລດ Firefox 3 ໄປແລ້ວ 6,085,765 ເທື່ອ ສຳຫລັບປະເທດລາວແມ່ນ 105 ເທື່ອ ເຊິ່ງທາງ Mozilla ພະຍາຍາມຈະສ້າງສະຖິຕິໂປຣແກຣມທີ່ມີຄົນດາວໂຫລດຫລາຍທີ່ສຸດພາຍໃນເວລາ 24 ຊົ່ວໂມງ (ຕາມບລັອກກ່ອນຫນ້ານີ້ທີ່ຂຽນໄວ້)

ຄວາມສາມາດໃຫມ່ ໆ ທີ່ເປັນຈຸດເດັ່ນໃນ Firefox 3 ກໍ່ມີ

• Smart Location Bar - ເຂົ້າເຖິງເວັບໄຊຕ່າງ ໆ ໄດ້ງ່າຍຂຶ້ນໂດຍ Location Bar ທີ່ປັບປຸງມາໃຫມ່ອ່ຽມ
• One-Click Bookmarking - ພຽງຄລິກດຽວກໍ່ຈັດເກັບຫນ້າເວັບເປັນ Bookmark ໄດ້ແລ້ວ
• Instant Web Site ID - ເພີ່ມຄວາມປອດໄພໃນການເຂົ້າໃຊ້ເວັບໄຊຕ່າງ ໆ ແລະປ້ອງກັນເວັບໄຊທີ່ອາດເປັນອັນຕະລາຍ
• Improved Performance - ໄວຂຶ້ນກວ່າເກົ່າ!
• Full Zoom - ຈະຫຍໍ້ ຫຼືຂະຫຍາຍຫນ້າເວັບກໍ່ເຮັດໄດ້ດັ່ງໃຈສັ່ງ
• Platform-Native Look & Feel - ຫນ້າຕາຂອງ Firefox ຈະແປປ່ຽນໄປໃຫ້ກົມກືນກັບລະບົບທີ່ທ່ານໃຊ້ຢູ່

ສຳຫລັບລາຍລະອຽດທັງຫມົດຂອງ features ໃນ Firefox 3 ສາມາດອ່ານໄດ້ຈາກເວັບໄຊຂອງ Firefox

ຮູ້ແບບນີ້ແລ້ວຢ່າຊ້າເລີຍ ດາວໂຫລດ Firefox ໓!

OpenSource Firefox, OpenSource, Web Browser, ໂປຣແກຣມທ່ອງເວັບ

ຫລັງຈາກທີ່ອອກ Hardy Heron ມາໄດ້ບໍ່ດົນ ທາງຜູ້ພັດທະນາ Ubuntu ກໍ່ໄດ້ກຽມອອກ Ubuntu 8.10 Alpha 1 ເຊິ່ງມີລະຫັດວ່າ Intrepid Ibex ໂດຍລາຍລະອຽດກ່ຽວກັບຕາຕະລາງການອອກເວີຊັນຕ່າງ ໆ ສາມາດອ່ານໄດ້ຈາກ https://wiki.ubuntu.com/IntrepidReleaseSchedule

Ubuntu 8.10 Alpha 2 ຈະຖືກປ່ອຍອອກມາໃຫ້ທົດສອບເພີ່ມເຕີມໃນຊ່ວງຕົ້ນເດືອນຫນ້ານີ້ ແລະ Final ຈະຕາມມາໃນປາຍເດືອນຕຸລາປີນີ້

ທີ່ມາ - Phoronix

Linux/Unix Intrepid Ibex, Linux, OpenSource, OS, Ubuntu

ເຖິງວ່າຈະໃກ້ຫມົດອາຍຸການ support ຂອງ Windows XP ເຊິ່ງມີກຳຫນົດແມ່ນວັນທີ່ 30 ຂອງເດືອນນີ້ແລ້ວ ແຕ່ທາງ Steve Ballmer ຜູ້ເປັນ CEO ຂອງບໍລິສັດ Microsoft ກໍ່ໄດ້ອອກມາກ່າວວ່າ ລູກຄ້າທີ່ບໍ່ພໍໃຈໃນ Windows Vista ນັ້ນສາມາດດາວເກຣດກັບໄປໃຊ້ Windows XP ໄດ້ຫາກວ່າຕ້ອງການ ໃນຂະນະທີ່ຜູ້ຜະລິດຄອມພິວເຕີບາງລາຍເຊັ່ນ Dell ກໍ່ໄດ້ມີຕົວເລືອກທີ່ເອີ້ນວ່າ “pre-downgraded” ຈາກ Vista ເປັນ XP ແລ້ວ

ໃນເດືອນເມສາທີ່ຜ່ານມາ ຝ່າຍຂາຍຂອງ Microsoft ອ້າງວ່າສາມາດຂາຍລິກຂະສິດ Windows Vista ໄປໄດ້ເປັນຈຳນວນກວ່າ 140 ລ້ານຊຸດຕັ້ງແຕ່ມີການເປີດຕົວມາ ແຕ່ເຖິງຢ່າງໃດກໍ່ຕາມບໍ່ມີງານວ່າມີຈຳນວນຈັກເປີເຊັນທີ່ກັບໄປໃຊ້ Windows XP. ທາງດ້ານບໍລິສັດ ຫ້າງຮ້ານ ແລະອົງກອນຕ່າງ ໆ ໄດ້ສະແດງຄຳເຫັນວ່າ ອາດຈະຕ້ອງຂ້າມ Vista ໄປແລ້ວຄ່ອຍຖ້າອັບເກຣດຈາກ Windows XP ໄປ Windows 7 ເຊິ່ງເປັນລະບົບປະຕິບັດການໃຫມ່ທີ່ມີກຳຫນົດການອອກໃນຊ່ວງປາຍປີ 2009 ຫຼືຕົ້ນປີ 2010

ທີ່ມາ - InformationWeek

*ບົດຄວາມນີ້ທົດລອງໃຊ້ permalink ເປັນພາສາລາວ

Windows Dell, OS, Upgrade, Windows 7, Windows Vista, Windows XP

ອອກ Release Candidate ທີ່ສອງແລ້ວໃນສາຍການຜະລິດ Firefox 3 ເຊິ່ງໃນເວີຊັນນີ້ຈະເນັ້ນແກ້ໄຂ bugs ໃນ RC1 ເພື່ອເລັ່ງເປີດຕົວ Firefox 3 ໃນໄວ ໆ ນີ້

• ດາວໂຫລດ

ຫລັງຈາກທົດລອງໃຊ້ແລ້ວ ປະກົດວ່າ Addons ຕ່າງ ໆ ນັ້ນສາມາດໃຊ້ຮ່ວມກັບ Firefox 3 RC2 ໄດ້ຫລາຍຂຶ້ນ ອາດຈະເປັນເພາະວ່າມັນໃກ້ອອກແລ້ວ ທາງຜູ້ພັດທະນາ Addons ກໍ່ເລີຍຈັດການອັບເດດກັນຖ້ວນຫນ້າ

OpenSource Firefox, OpenSource, RC, Web Browser

Big Buck Bunny ເປັນຫນັງໃນໂຄງການ Open Movie ຂອງ Blender foundation ເຊິ່ງເປັນຜູ້ພັດທະນາ Blender — ໂປຣແກຣມສ້າງ 3D Model ຍອດນິຍົມໃນ Linux. ຫນັງດັງກ່າວນີ້ເປັນຄວາມຮ່ວມມືລະຫວ່າງທີມງານພັດທະນາໂປຣແກຣມ ແລະທີມງານອອກແບບມາເຮັດວຽກຮ່ວມກັນ ແລະ Big Buck Bunny ກໍ່ຍັງເປັນຜົນທີ່ສອງຮອງຈາກ Elephants dream ທີ່ສ້າງມາກ່ອນຫນ້ານີ້

ຫນັງສາມມິຕິ Big Buck Bunny ສາມາດດາວໂຫລດມາເບິ່ງໄດ້ຟຣີຈາກ ເວັບໄຊຂອງ Big Buck Bunny

ທີ່ມາ - Ubuntuclub

Uncategorized 3D, Blender, Movie, OpenSource