ເຫດເກີດເມື່ອ Sony ໄດ້ປະກາດໃນງານ CES 2007 ວ່າ Controller ແບບໃຫມ່ຂອງເຄື່ອງເກມ PlayStation3 ທີ່ຊື່ວ່າ SIXAXIS ໄດ້ຮັບລາງວັນ Emmy Award (ອ່ານໄດ້ຈາກຂ່າວກ່ອນຫນ້ານີ້) ໃນສາຂາ Technology & Engineering ເລື່ອງນີ້ສ້າງຄວາມສັບສົນ ໃຫ້ກັບປະຊາຊົນບັນດາເຜົ່າເປັນຢ່າງຍິ່ງ ວ່າເຫດໃດຫນໍ ມັນຈຶ່ງໄດ້ລາງວັນນີ້ໄປ? ແຕ່ສະຖານະການຕ້ອງປ່ຽນໄປ!!!

ແທນທີ່ຊິມີເລື່ອງໃຫ້ພູມໃຈ ກັບກາຍເປັນຕ້ອງຫນ້າແຕກຫລົ່ນເຕັມພື້ນ ບໍ່ມີໃຜຖ້າຮັບ ເມື່ອ Christine Chin ຕົວແທນຂອງ National Academy of Television Arts and Sciences ອອກມາບອກວ່າ ມັນເປັນຄວາມເຂົ້າໃຈຜິດ ມືເກມ SIXAXIS ບໍ່ໄດ້ຮັບລາງວັນ Emmy Award ອັນທີ່ມັນໄດ້ຫັ້ນແມ່ນ Dual Shock Analog Controller ພຸ້ນ!!

ຈະເປັນເລື່ອງເຂົ້າໃຈຜິດ ຫລືຈົງໃຈສ້າງກະແສໃຫ້ກັບ PlayStation3 ກໍ່ຕາມ ທາງ Sony ຍັງບໍ່ໄດ້ອອກມາໃຫ້ຄວາມຄິດເຫັນໃດໆ ໃນເລື່ອງນີ້ເທື່ອ ອາດເປັນເພາະວ່າກຳລັງຫຍິບແຜຢູ່… LOL

ທີ່ມາ: GWN.com

ພາບຊຸດໃຫມ່ຈາກ Crysis –ທີ່ສຸດແຫ່ງເກມຂອງຍຸກຖັດໄປ. Crysis ເປັນເກມທຳອິດໃນ Platform PC ເລີຍທີ່ໃຊ້ DirectX 10

ມີວິດີໂອຈາກງານ CES 2007 ໃຫ້ເບີ່ງໃນ YouTube ພ້ອມ (ພາບງາມໂພດຈົນກະຕຸກເປັນບາງຄັ້ງ?)
ທີ່ມາ: 1Up

ເລື່ອງບໍ່ຫນ້າເຊື່ອມັກຈະເກີດຂຶ້ນໄດ້ສະເຫມີໃນຊີວິດປະຈຳວັນ ແລະມັນໄດ້ເກີດຂຶ້ນອີກແລ້ວ ເມື່ອຜົນປະກາດລາງວັນ Emmy award ໃນສາຂາ Technology and Engineering ຕົກເປັນຂອງ SIXAXIS –ມືເກມຂອງ PS3!!!

ຫລັງຈາກຜົນປະກາດອອກມາແລ້ວ Jack Tretton ເຊິ່ງເປັນ CEO ຂອງ Sony ໄດ້ອອກມາໃຫ້ສຳພາດຢ່າງຫນ້າບານວ່າ

“The overwhelming consumer demand and critical acclaim for PS3 is testament of the platform’s strength and the industry’s desire for a true next-generation entertainment system.”

ໂອ… ພະເຈົ້າ (-_-)”

ທີ່ມາ: GWN.com

ແລະໃນທີ່ສຸດ ປະດິດຕະກຳໃຫມ່ຈາກ Apple ກໍ່ອອກມາຈົນໄດ້ ໃນງານ CES 2007, Apple ໄດ້ນຳ iPhone ອອກມາສະແດງໃນງານ ແລະຍັງມີການສາທິດການທຳງານຂອງ iPhone ໃນສ່ວນຂອງ photo sharing, text messaging, Web browsing ແລະ mapping features ໂດຍ Steve Jobs

iPhone ຈະມີອອກມາສອງລຸ້ນ ສອງລາຄາ ຄືແບບ 4GB ແລະ 8Gb ໂດຍມີລາຄາ $499 ແລະ $599 ຕາມລຳດັບ (ອົດເລີຍ 555+)
iPhone ຈະມາພ້ອມກັບຫນ້າຈໍ 3.5 ນິ້ວ ຄວາມລະອຽດ 320×480 ຮອງຮັບ Quad-band ມີ Wi-Fi (802.11b/g) ມີ EDGE ມີ Bluetooth 2.0 ມີກ້ອງ 2 megapixels ແລະທີ່ສຳຄັນ ມັນມີຫນ້າຈໍແບບ TouchScreen! ແລະຍິ່ງໄປກວ່ານັ້ນ ທາງ Apple ຍັງລະບຸວ່າ iPhone ໃຊ້ລະບົບປະຕິບັດການ OS X !

ສ່ວນເລື່ອງອາຍຸການໃຊ້ງານຂອງ Battery ນັ້ນ ໃນເວັບໄຊທ໌ຂອງ iPhone ໄດ້ລະບຸໄວ້ວ່າສາມາດສົນທະນາຕໍ່ເນື່ອງໄດ້ 5 ຊົ່ວໂມງ ແລະ 16 ຊົ່ວໂມງສຳຫລັບການຟັງເພງ

ນອກຈາກນັ້ນທາງ Apple ກໍ່ໄດ້ປ່ຽນຊື່ບໍລິສັດຈາກ Apple Computer Inc. ເປັນ Apple Inc. ເປັນທີ່ຮຽບຮ້ອຍ ເພາະກ້າວຕໍ່ໄປຂອງ Apple ຈະບໍ່ແມ່ນພຽງແຕ່ເຄື່ອງຄອມພິວເຕີເທົ່ານັ້ນ!!

Steve Jobs ຍັງໄດ້ໃຫ້ສຳພາດກັບທາງ Nightline ສາມາດຕິດຕາມຮັບຊົມໄດ້ຈາກ YouTube
ທີ່ມາ: Apple.com, ZDNet, Digg

ທາງ Microsoft ບໍລິສັດຜະລິດ Software ທີ່ໃຫຍ່ທີ່ສຸດໃນໂລກ (ໃນຕອນນີ້ ) ກຽມການທີ່ຈະເພີ່ມເຕີມຄວາມສາມາດ ໃນການຫລິ້ນເກມ ໃຫ້ກັບເຄື່ອງຫລິ້ນເພງດິຈິຕອລ Zune ພາຍໃນປີ 2008 ໂດຍເປັນຄຳບອກເລົ່າຂອງ Peter Moore ໃນງານ Consumer Electronics Show ແຕ່ວ່າເຖິງຢ່າງໃດກໍຕາມ Moore ຍັງບໍ່ໄດ້ເປີດເຜີຍລາຍລະອຽດວ່າ ຊິມີເກມຫຍັງໃຫ້ຫລິ້ນແດ່

ຄິດແລ້ວກໍ່ສົງໄສວ່າ Zune ມັນຈະເຫມາະກັບການຫລິ້ນເກມບໍ່, ເຄີຍເຫັນ Rockbox ສຳຫລັບ iPod ມັນຈະມີຄວາມສາມາດໃນການຫລິ້ນ GameBoy ໄດ້ ແຕ່ວ່າຄິດພາບຕອນໃຊ້ Wheel ຫລິ້ນ GameBoy ແລ້ວ ຈັ່ງແມ່ນເປັນຕາດີຕົນຊາດ -__-

ທີ່ມາ: ActiveWin

ຫນັງສືພິມວຽງຈັນໄທມ໌ສເພິ່ນລົງຂ່າວກ່ຽວກັບ ຜົນກະທົບຂອງແຜ່ນດິນໄຫວ ທີ່ເຮັດໃຫ້ສາຍເຄເບີ້ລທີ່ເຊື່ອມຕໍ່ ລະຫວ່າງທະວີບເສຍຫາຍຫນັກ ເຊິ່ງມັນເຮັດໃຫ້ບໍລິສັດທີ່ໃຫ້ບໍລິການອິນເຕີເນັດໃນລາວ ຕ້ອງປ່ຽນລະບົບສັນຍານຈາກທີ່ເຄີຍໃຊ້ຂອງໄຕ້ຫວັນ ມາເປັນຂອງໄທແທນ ໂດຍເຈົ້າຫນ້າທີ່ຄົນຫນຶ່ງໃນ ETL ບອກວ່າຮັບສັນຍານຈາກໄຕ້ຫວັນບໍ່ໄດ້ເລີຍ ເພາະວ່າໄຕ້ຫວັນເສຍຫາຍຫນັກ ແຕ່ຄາດວ່າປະມານຊ່ວງອາທິດນີ້ຄົງຈະສາມາດໃຊ້ງານໄດ້ເປັນປົກກະຕິ

ເຂົ້າໃຈວ່າ ເມື່ອເນັດຊ້າລົງ ຄົນເຂົ້າເວັບບໍ່ໄດ້ ກໍ່ເລີຍອອກ ພໍກັບມາໃຊ້ໃຫມ່ກໍ່ເປັນອີກ ເປັນແນວນີ້ຫລາຍໆ ຄັ້ງເລີຍເຊົາ? ຊ່ວງນີ້ເລີຍໃຊ້ຫນ້ອຍລົງ? ອືມ… -_-”

ທີ່ມາ: RFA Lao via Inlao.net

ອີກຂ່າວຈາກງານ CES 2007, Microsoft ເອົາ Windows DreamScene ເຊີ່ງເປັນຫນຶ່ງໃນຂອງຫລິ້ນໃນ Windows Vista Ultimate Extra ມາສະແດງໃນງານ

DreamScene ມີຄວາມສາມາດໃນການໃຊ້ງານພາບ video ເປັນ Desktop Background ໄດ້ ອ່ານຮອດນີ້ບາງທ່ານອາດສົງໄສວ່າ myhill.tv ເຂົາເຮັດແຕ່ດົນແລ້ວ ຄວາມຈິງເລື່ອງນີ້ມີຄົນເຮັດດົນແລ້ວ ແຕ່ວ່າ ອັນນີ້ມັນຕ່າງກັບອັນເກົ່າໆ ຢູ່ບ່ອນວ່າມັນສາມາດໃຊ້ High-Definition Video ແລະທີ່ສຳຄັນ ມັນກິນ GPU ແທນທີ່ຊິເປັນ CPU ແບບວິທີເດີມໆ ໂດຍ format ຂອງໄຟລ໌ວິດີໂອຈະເປັນ .mpeg ແລະ .wmv ເທົ່ານັ້ນ

ການໃຊ້ງານ DreamScene ນັ້ນຈຳເປັນທີ່ຈະຕ້ອງມີກາຣ໌ດຈໍທີ່ສະຫນັບສະຫນຸນການທຳງານຂອງ Windows Aero™ ນຳ ຈຶ່ງຈະສາມາດໃຊ້ໄດ້ ມີວິດີໂອສາທິດການໃຊ້ງານໃຫ້ເບີ່ງພ້ອມ

ທີ່ມາ – WindowsUltimate.com [via WinCustomize, Neowin.net]

ສຳຫລັບຜູ້ໃຊ້ງານ Mac OS X ຄົງຈະເຄີຍເຫັນເລື່ອງນອງນີ້ມາກ່ອນແລ້ວ ເພາະວ່າໃນ OS X ກໍ່ເຮັດປະມານນີ້ໄດ້ຄືກັນ

ເປັນອີກຫນຶ່ງເລື່ອງທີ່ບໍ່ຄິດວ່າມັນຈະອອກມາເປັນຮູບເປັນຮ່າງ ນັ້ນຄື ASUS XG Station, ກາຣ໌ດຈໍແບບພາຍນອກ ສຳຫລັບຄອມພິວເຕີ Notebook ລຸ້ນທຳອິດຂອງໂລກທີ່ທາງ ASUS ໄດ້ນຳມາສະແດງໃນງານ CES ທີ່ຈັດຂຶນໃນ Las Vegas

XG Station ຈະມີຫນ້າຈໍເປັນຂອງຕົວເອງ ໃຊ້ສະແດງລະດັບສຽງ, clock speed, ອຸນຫະພູມຂອງ GPU, FPS ແລ້ວກໍ່ GPU fan indicator ແລະມັນເຊື່ອມຕໍ່ຜ່ານ PCI Express
ທາງ ASUS ກະຊິວາງຈຳຫນ່າຍ XG Station ທີ່ໃຊ້ EN7900GS ໃນຊ່ວງ Q2 ຂອງປີນີ້ ແຕ່ວ່າຍັງບໍ່ໄດ້ໃຫ້ຂໍ້ມູນ ເລື່ອງຄ່າຕົວຂອງຫນ້າປັດວິທະຍຸ GPU ພາຍນອກທີ່ວ່ານີ້ເທື່ອ

ອືມ… ສະຫລຸບແລ້ວ ກໍ່ຕ້ອງມີ Notebook ລຸ້ນໃຫມ່ຮອງຮັບ PCI Express ຈຶ່ງຈະໃຊ້ງານໄດ້ ດັ່ງນັ້ນ ບ້ານເຮົາບໍ່ມີໃຜໃຊ້ແນ່ນອນ 555+
ທີ່ມາ: PC Exposure via Digg

ທີ່ມາ: Ai Web Trends via Neowin Forums

SanDisk ເປີດເຜີຍ SSD Ultra ATA 5000, Drive ຄວາມຈຸ 32GB ໃນຂະຫນາດພຽງ 1.8″ ໃຊ້ TrueFFS flash management technology ພວກ Drive ລຸ້ນໃຫມ່ໆ ແບບນີ້ມັນພິເສດຢູ່ບ່ອນວ່າເປັນ Flash SSD Drive ເຫດນັ້ນແລ ມັນຈຶ່ງທຳງານໄດ້ງຽບຊຽບ ບໍ່ມີສຽງລົບກວນໃດໆ ໃຫ້ລຳຄານໃຈ ລວມເຖິງນ້ຳຫນັກ ທີ່ເບົາ ສະບາຍ ແລະອັດຕາການບໍລິໂພກພະລັງງານພຽງ 0.4W ເມື່ອທຽບກັບ Drive ລຸ້ນເກົ່າທີ່ສູງເຖິງ 1.0W (ຂະນະກຳລັງໃຊ້ງານ)

Drive ຕົວໃຫມ່ນີ້ມີຄ່າ sustained reads ຢູ່ທີ່ 68MB/ວິ, average access time ຢູ່ທີ່ 0.12 ms ສາມາດໃຊ້ Boot ລະບົບປະຕິບັດການ Microsoft Windows Vista Enterprise ໂດຍໃຊ້ເວລາພຽງ 35 ວິນາທີເທົ່ານັ້ນ

SSD Ultra ATA 5000 drive ຖືກສົ່ງໄປໃຫ້ບັນດາ OEMs ທັງຫລາຍຮຽບຮ້ອຍ ຄາດວ່າຈະມີວາງຈຳຫນ່າຍໃນຊ່ວງກາງປີນີ້ ໂດຍເພີ່ມລາຄາອີກ $600 ກັບ Notebook ລຸ້ນທີ່ໃຊ້ Drive ແບບໃຫມ່ນີ້ (ລາຄາ Notebook + $600)

ທີ່ມາ: DailyTech via Neowin Forums