ບໍລິສັດ China Unicom ຈັດຊື້ iPhone ຈຳນວນ 5 ລ້ານເຄື່ອງໃນວົງເງິນ 10 ພັນລ້ານຢວນ (ປະມານ 1.46 ພັນລ້ານໂດລາ) ຈາກ Apple ເພື່ອກຽມຂາຍໃນເດືອນກັນຍາທີ່ຈະມາເຖິງນີ້. Yu Zaonan ຜູ່ຈັດການທົ່ວໄປຂອງຜະແນກພັດທະນາລູກຄ້າບໍລິສັດ China Unicom ເປີດເຜີຍວ່າ iPhone ລຸ້ນ 8GB ຈະມີອອກມາຈຳໜ່າຍໄວ ໆ ນີ້ໃນລາຄາ 2,400 ຢວນ ແລະ 4,800 ຢວນສຳລັບລຸ້ນ 16GB

ສຳລັບ China Unicom ນັ້ນຄາດການວ່າຈະເປັນຈັດຈຳໜ່າຍ iPhone ແຕ່ພຽງຜູ່ດຽວໃນຈີນ.

ທີ່ມາ – IBTimes

ເວັບໄຊ Social Networking ລາຍໃຫຍ່ອັນດັບສອງຂອງໂລກ Facebook.com ເປີດທົດລອງໃຫ້ບໍລິການ Facebook Lite ຢ່າງບໍ່ເປັນທາງການ. Facebook Lite ນັ້ນເປັນເວີຊັນພິເສດຂອງ Facebook ເຊິ່ງອອກແບບມາເພື່ອໃຫ້ສາມາດໃຊ້ງານເວັບໄຊຂອງຕົນໄດ້ໃນແບບງ່າຍຂຶ້ນ ແລະໄວຂຶ້ນ ໂດຍຕັດທອນຄວາມສາມາດບາງຢ່າງອອກໄປ ຈົ່ງໄວ້ພຽງຢ່າງຫຼັກ ໆ ເຊັ່ນ ການສະແດງຄຳເຫັນ, ຮັບໝູ່, ຂຽນູຄຳເຫັນໃນ wall ຂອງຄົນອື່ນ, ເບິ່ງຮູບ ຮວມເຖິງການອັບເດດ status ອີກນຳ.

ແຫຼ່ງຂ່າວລະບຸ ຂະນະນີ້ກຳລັງມີການທົດສອບ Facebook Lite ໃນອິນເດຍຢູ່ ແລະໃນອະນາຄົດອັນໃກ້ຈະເປັນຣັດເຊຍ ແລະ ຈີນ.

ພາບປະກອບ ສາມາດເບິ່ງໄດ້ຈາກທີ່ມາ.

ທີ່ມາ – TechCrunch 1, 2

ໃນເວລານີ້ບໍລິສັດຕ່າງ ໆ ກຳລັງພາກັນດັນໃຫ້ Online Solution ຂອງຕົນເປັນທີ່ນິຍົມໃນຕະຫຼາດ ທີ່ພາດບໍ່ໄດ້ກໍແມ່ນ Microsoft Office Online ຈາກ Microsoft ແລະ Google Docs ຈາກ Google. ໃນຝັ່ງຂອງ Microsoft ນັ້ນ ຫຼ້າສຸດໄດ້ຊື້ຊື່ໂດເມນ “office.com” ມາໄວ້ຄອບຄອງເປັນທີ່ຮຽບຮ້ອຍແລ້ວ.

Office.com ກ່ອນໜ້ານີ້ເປັນໂດເມນຂອງ ContactOffice Group ບໍລິສັດໃນແຖບຢູໂຣບທີ່ເປີດບໍລິການ Virtual Office Solution ມາຕັ້ງແຕ່ປາຍປີ 90 (ແຕ່ຄົນຈົດທະບຽນໂດເມນບໍ່ແມ່ນ ContactOffice) ແລະຈະຍ້າຍໄປຢູ່ contactoffice.com ແທນ ເຊິ່ງມີລາຍງານວ່າຂໍ້ມູນ WHOIS ຂອງ office.com ຊີ້ໃຫ້ເຫັນວ່າໄດ້ມີການປ່ຽນເຈົ້າຂອງໄປເປັນ Microsoft Corporation ເປັນທີ່ຮຽບຮ້ອຍຕັ້ງແຕ່ວັນທີ 4 ສິງຫາທີ່ຜ່ານມາ ແລະຈົດທະບຽນຍາວນານໄປເຖິງປີ 2019 (ເນື່ອງຈາກອະນຸຍາດໃຫ້ຈົດທະບຽນດົນທີ່ສຸດແມ່ນ 10 ປີ).

ເລື່ອງຕະຫຼົກຢ່າງນຶ່ງທີ່ປາກົດແມ່ນ title ຂອງໜ້າເວັບ office.com ທີ່ຂຽນວ່າ “Office.com Transtion” ນັ້ນ ສະກົດຜິດ!

ທີ່ມາ – istartedsomething.com

Microsoft ເປີດໃຫ້ດາວໂຫຼດ Windows 7 RTM ຢ່າງເປັນທາງການແລ້ວສຳລັບຜູ່ທີ່ຈ່າຍເງິນເປັນສະມາຊິກຂອງ MSDN ແລະ TechNet ເຊິ່ງໃນງວດທຳອິດນີ້ຈະມີໃຫ້ໂຫຼດສະເພາະເວີຊັນພາສາອັງກິດຢ່າງດຽວ ສ່ວນພາສາອື່ນ ໆ ຈະຕາມມາໃນວັນທີ 1 ຕຸລາ. ສຳລັບຕົວເລກ Build ທີ່ແນ່ນອນຂອງ RTM ນີ້ ຍັງບໍ່ຖືກເປີດເຜີຍເທື່ອ ແຕ່ຄາດວ່າເປັນໂຕດຽວກັບທີ່ມີປ່ອຍອອກມາໃຫ້ໂຫຼດກັນຜ່ານ BitTorrent ກ່ອນໜ້ານີ້ໄລຍະນຶ່ງ.

ທີ່ມາ – windowsteamblog.com

ອັບເດດໃໝ່ສຳລັບ Firefox ເພື່ອແກ້ໄຂຊ່ອງຫວ່າງຄວາມປອດໄພ ແລະທີ່ສຳຄັນແມ່ນໃນເວີຊັນນີ້ ປັບປຸງລະບົບຮູບພາບກັບ ICC profiles ເຊິ່ງເຮັດໃຫ້ຮູບພາບຕ່າງ ໆ ສາມາດສະແດງສີສັນໄດ້ຖືກຕ້ອງ (ກ່ອນໜ້ານີ້ມີບັນຫາແມ່ນບາງຄົນພົບວ່າ ຮູບໃນ Firefox ສີເຂັ້ມຈາກຄວາມຈິງ).

ເພີ່ມເຕີມອ່ານໄດ້ຈາກ release notes. ດາວໂຫຼດໄດ້ທີ່ເວັບໄຊຂອງ Firefox ຫຼືຫາກໃຊ້ Firefox ຢູ່ແລ້ວ ຄລິກໄປທີ່ເມນູ Help > Check for Updates

YouTube ນຳສະເໜີຮູບແບບໃໝ່ຂອງວິດີໂອອອນໄລ (ທີ່ມີໃຊ້ກັນມາດົນແລ້ວ) ຜູ່ຊົມສາມາດເລືອກເບິ່ງວິດີໂອເປັນແບບສາມມິຕິໄດ້ ໂດຍອາໄສແວ່ນຕາສາມມິຕິ.

ໂຕເລືອກສຳລັບການເບິ່ງວິດີໂອແບບສາມມິຕິນັ້ນ ມີຫຼາຍແບບໃຫ້ທົດລອງກັນ ເຊັ່ນແຍກສີ ຫຼືແຍກຈໍພາບ ເປັນຕົ້ນ. ຫາກໃຜມີແວ່ນຕາສາມມິຕິ ກໍສາມາດທົດລອງເບິ່ງກັນໄດ້ໃນ http://youtube.com/watch?v=9j-uRTsHC9k ຫຼືຖ້າຫາກບໍ່ມີແວ່ນຕາສາມມິຕິກໍລອງໃຊ້ໂຕເລືອກແບບ Focus Thru ເຮັດຕາແບບເວລາເບິ່ງພາບສາມມິຕິໃນປື້ມກໍໄດ້ຜົນເລັກນ້ອຍເຊັ່ນກັນ (ແຕ່ລະວັງຈະເຈັບຕາໄປກ່ອນ).

ທີ່ມາ – googlesystem.blogspot.com

ວ່າຈະບໍ່ຂຽນລະ ແຕ່ບໍ່ຢາກດອງບລັອກໄວ້ດົນ ດຽວຊິສົ້ມກ່ອນການອັນຄວນ

Google ເລີ່ມສາຍແວວເລື້ອຍ ໆ ວ່າຕ້ອງການຈະຄອບຄອງທຸກຕະຫຼາດ ໂດຍສະເພາະໃນຕອນຫຼັງທີ່ສ້າງ Web browser ຂຶ້ນມາເອງໃນຊື່ Chrome ຕອນນີ້ກໍມີແນວໃໝ່ອອກມາອີກແລ້ວນັ້ນຄື Google OS ລະບົບປະຕິບັດການຂອງ Google ພາຍໃຕ້ຊື່ Google Chrome Operating System!

GCOS ນີ້ເປັນລະບົບປະຕິບັດການທີ່ທາງ Google ພັດທະນາຂຶ້ນມາສຳລັບໃຊ້ໃນກຸ່ມຕະຫຼາດຄອມພິວເຕີຂະໜາດ netbook ເປັນເປົ້າໝາຍຫຼັກ ເຊິ່ງຈຸດເດັ່ນຂອງມັນກໍມີຕັ້ງແຕ່ ເປັນ OpenSource, ມີຂະໜາດນ້ອຍ, ສາມາຣັນໄດ້ທັງ x86 ແລະ ARM CPU ເປັນຕົ້ນ. ຂໍ້ມູນທີ່ມີອອກມານັ້ນ ລະບຸວ່າ Google ຈະພ້ອມປ່ອຍ OS ຂອງຕົນໃນໄລຍະເຄິ່ງປີທຳອິດຂອງປີ 2010 ແຕ່ source code ຈະມີການປ່ອຍອອກມາໃນທ້າຍປີນີ້.

ທີ່ມາ – googlesystem.blogspot.com

ໃນທີ່ສຸດ Firefox 3.5 ກໍອອກມາຈົນໄດ້ ອອກແບບງຽບ ໆ ເຊິ່ງອັນທີ່ຈິງແລ້ວກ່ອນໜ້ານີ້ທີ່ມາ Firefox 3.5 RC3 ອອກມານັ້ນ ເປັນໂຕດຽວກັບ Firefox 3.5 ໂຕເຕັມທີ່ອອກມາມື້ນີ້ ມາເບິ່ງລາຍລະອຽດທົ່ວໄປກັນກ່ອນ.

ດ້ານຄວາມໄວນັ້ນ Firefox ລຸ້ນຫຼ້າສຸດ ທາງ Mozilla ອ້າງວ່າ ຈາກການທົດສອບພາຍໃນໂດຍໃຊ້ Windows XP ນັ້ນສະແດງໃຫ້ເຫັນວ່າ 3.5 ທີ່ມີ TraceMonkey (JavaScript engine ໂຕໃໝ່) ໄວກວ່າ 3.0 ເກືອບສອງເທົ່າເຄິ່ງ ແລະໄວກວ່າ 2.0 ເກືອບສິບສອງເທົ່າ. ໃນຄວາມເປັນຈິງແລ້ວ ຈາກການໃຊ້ງານກໍສັງເກດໄດ້ວ່າ ມັນໄວຂຶ້ນພໍສົມຄວນ ແລະທີ່ສຳຄັນ ປະລິມານການນຳໃຊ້ RAM ນັ້ນຫຼຸດລົງເກືອບເຄິ່ງ!

ນອກຈາກຄວາມໄວແລ້ວ ຈຸດເດັ່ນອື່ນ ໆ ໃນ Firefox 3.5 ກໍມີ..

• Private Browsing ທ່ອງເວັບແບບສ່ວນຕົວ ບໍ່ເກັບຂໍ້ມູນໃດ ໆ ປະໄວ້ໃຫ້ເປັນຫຼັກຖານ
• Forget This Site ສັ່ງໃຫ້ browser ລືມທຸກ ໆ ຢ່າງທີ່ກ່ຽວກັບເວັບທີ່ຕ້ອງການໄດ້ ເພື່ອຈະໄດ້ບໍ່ຕ້ອງມີໃຜມາຊອກເຫັນອີກວ່າເຮົາໄປເຮັດຫຍັງໃນເວັບໃດມາ
• Location-Aware Browsing ດຶງຂໍ້ມູນໃນເວັບໄຊ (ຖ້າມີກຽມໄວ້) ທີ່ໃກ້ຄຽງກັບສະຖານທີ່ ທີ່ເຮົາໃຊ້ເປີດເວັບ ເຊັ່ນເຮົາຢູ່ລາວ ກໍຈະໄດ້ຮັບຂໍ້ມູນຂ່າວສານທີ່ກ່ຽວກັບລາວ ເປັນຕົ້ນ
• Open Video and Audio ໃນ Firefox 3.5 ຍັງຮອງຮັບລະບົບໄຟລ໌ແບບ OpenSource ເຊັ່ນ ogg ອີກນຳ ຕໍ່ໄປທ່ານອາດບໍ່ຈຳເປັນຕ້ອງໂຫຼດ plugin ເພີ່ມເຕີມເມື່ອເປີດຟັງເພງ ຫຼືເບິ່ງວິດີໂອໃນເວັບອີກຕໍ່ໄປ
• Newest Web Technologies ຮອງຮັບຄວາມສາມາດໃນລະບົບເວັບໃໝ່ ໆ ເຊັ່ນຮູບພາບແບບ aPNG ແລະ HTML5 ເປັນຕົ້ນ
• ຯລຯ

ລາຍລະອຽດເພີ່ມເຕີມແລະການດາວໂຫຼດ ສາມາດເບິ່ງໄດ້ໃນ http://www.mozilla.com/en-US/products/firefox/

ຫຼັງຈາກທີ່ມີການຢືນຢັນຈາກ Microsoft ວ່າ Windows 7 ຈະມີກຳນົດການອອກພາຍໃນປີນີ້ນັ້ນ ຫຼ້າສຸດກໍມີລາຍລະອຽດຂອງລາຄາ Windows 7 ອອກມາແລ້ວ ເຊິ່ງມີທັງແບບ Upgrade ແລະ Retail.

ສຳລັບລາຄາ Retail ຫຼືລາຄາຂາຍທົ່ວໄປນັ້ນແບ່ງອອກເປັນ 3 ເວີຊັນຄື Home Premium ລາຄາ $199.99, Professional ລາຄາ $299.99 ແລະລຸ້ນ Ultimate ໃນລາຄາ $319.99. ໂດຍລາຄາເຫຼົ່ານີ້ ຖືກກວ່າຕອນທີ່ Microsoft ອອກ Windows Vista ໃໝ່ ໆ ອີກນຳ ສົງໄສຈະເປັນແຜນການຕະຫຼາດເພື່ອໃຫ້ຄົນອັບເກຣດໄປໃຊ້ 7 ຫຼາຍ ໆ.

ໃນສ່ວນຂອງການອັບເກຣດນັ້ນ ຈະສາມາດອັບເກຣດຈາກ Vista ໄປ 7 ເທົ່ານັ້ນ ຫາກທ່ານໃຊ້ XP ແລະຫວັງຈະອັບເກຣດໄປໃຊ້ Windows 7 ຈະຕ້ອງລົງໃໝ່ ຫຼືອັບເກຣດເປັນ Vista ກ່ອນທີ່ຈະອັບຕໍ່ໄປ 7.

ທີ່ມາ – Ars

ເຄີຍເປັນກັນບໍ່ ລົງ Windows ໃໝ່ແລ້ວຄ້ານເພີ່ມ Emoticon ໃນ WLM ບາງຄົນອາດຈະໃຊ້ວິທີກັອບໂຟນເດີໃນ Applications Data ເອົາ ແຕ່ບາງຄົນກໍບໍ່ທັນ ແຕ່ຈະເປັນແນວໃດກໍວ່າກັນໄປ ມື້ນີ້ມີໂປຣແກຣມມານຳສະເໜີເພື່ອແກ້ໄຂບັນຫາດັ່ງກ່າວ. ໂປຣແກຣມທີ່ວ່ານີ້ມີຊື່ວ່າ Frag’s Emoticon Loader ເປັນ freeware ຂະໜາດນ້ອຍ ໆ ທີ່ຊ່ວຍໃຫ້ເຮົາສາມາດ add ເອົາຮູບພາບຕ່າງ ໆ ມາເປັນ emoticon ໃນໂປຣແກຣມ WLM ໄດ້.

ໃຊ້ໄດ້ກັບ Windows 2000/XP/Vista ແລະຕ້ອງເປັນ WLM ເທົ່ານັ້ນ.

ດາວໂຫຼດ – Emoticon Loader