ອິນເຕີເນັດທົ່ວໂລກມີອັດຕາການ Censor ສູງຂຶ້ນ

ມີຜົນສຳຫລວດອອກມາຈາກຫນ່ວຍງານຮ່ວມລະຫວ່າງ 4 ມະຫາວິທະຍາໄລຊັ້ນນຳຄື Cambridge, Oxford, Harvard ແລະ Toronto ໂດຍມີຊື່ກຸ່ມວ່າ ONI ຫຼື OpenNet Initiative ເຊິ່ງໃນຜົນສຳຫລວດທັງ 41 ປະເທດ ປະກົດວ່າ ມີເຖິງ 25 ປະເທດທີ່ມີການຈຳກັດການເຂົ້າເຖິງເນື້ອຫາໃນອິນເຕີເນັດ ເຊິ່ງຈາກໃນພາບປະກອບນັ້ນ ສີແດງຈະຫມາຍເຖິງ ປະເທດທີ່ມີການຈຳກັດການເຂົ້າເຖິງຫລາຍທີ່ສຸດ ສ່ວນສີເຫລືອງແມ່ນຫມາຍເຖິງ ມີການເຝົ້າລະວັງຢູ່ ໂດຍເນື້ອຫາທີ່ມີການຈຳກັດຫລາຍທີ່ສຸດນັ້ນ ກໍ່ຄືເລື່ອງການເມືອງ

ທີ່ມາ – TechnologyReview.com [via NadiaMode]

Thomson ລວມກິດຈະການກັບ Reuters

ສື່ສັນຊາດແຄນາດາຢ່າງ Thomson ຕົກລົງທີ່ຈະລວມກິດຈະການກັບ Reuters ແລະຈະສົ່ງຜົນໃຫ້ກາຍເປັນບໍລິສັດດ້ານຂ່າວສານ ແລະການເງິນທີ່ໃຫຍ່ທີ່ສຸດໃນໂລກ ໂດຍມີມູນຄ່າຫລັງລວມກັນແລ້ວ ເປັນຕົວເລກທີ່ສູງເຖິງ 8.7 ພັນລ້ານປອນ ຫຼື $17.2 ພັນລ້ານໂດລ່າ

ຜູ້ຖືຫຸ້ນກວ່າ 70% ໃນ Thomson-Reuters ຄືບໍລິສັດ Woodbridge ຈາກອາເມລິກາ ເຊິ່ງທາງບໍລິສັດຄາດວ່າ ພາຍໃນສາມປີທຳອິດນັ້ນ ຈະສາມາດປະຫຍັດຄ່າໃຊ້ຈ່າຍໄດ້ເຖິງ $500 ລ້ານໂດລ່າຕໍ່ປີຫລັງຈາກທີ່ມີການຄວບກິດຈະການ

ທີ່ມາ – Reuters [via NanoMode]

AMD ພ້ອມສົ່ງ quad-core ສຳຫລັບ Desktop

AMD ໜຶ່ງບໍລິສັດຜະລິດ CPU ລາຍໃຫຍ່ຂອງໂລກໄດ້ປະກາດເປີດຕົວ quad-core ຕົວທຳອິດຂອງບໍລິສັດສຳຫລັບຄອມພິວເຕີຕັ້ງໂຕະ ເຊິ່ງຈະມີປະສິດທິພາບທຽບໄດ້ກັບ chip ຂອງ Intel ໂດຍທາງ AMD ໄດ້ຕັ້ງຊື່ໃຫ້ວ່າ “Phenom” ແລະຈະມີສາຍການຜະລິດທັງແບບ quad-core ດ່ຽວ ແລະ quad-core ຄູ່ (ລວມເປັນ 8 cores) ສຳຫລັບເຄື່ອງຄອມພິວເຕີທີ່ຕ້ອງການ performance ສູງ

ທາງ AMD ອ້າງວ່າ “Phenom” ຈະໃຊ້ພະລັງງານໄດ້ຢ່າງຄຸ້ມຄ່າ ແລະກິນໄຟໜ້ອຍລົງ ນອກຈາກນັ້ນຍັງມີເທັກໂນໂລຢີອື່ນ ໆ ທີ່ຖືກເພີ່ມເຂົ້າມານຳເຊັ່ນ Integrated DDR2 memory controller, HyperTransport(tm) technology links, ແລະ 128-bit Floating Point Units

ທີ່ມາ CBRonline [via NanoMode]

AOL ກາຍເປັນອັນດັບ 3 ຂອງຜູ້ໃຫ້ບໍລິການອິນເຕີເນັດໃນສະຫະລັດ

ນັບເປັນເວລາຫລາຍກວ່າສະຕະວັດທີ່ AOL ໃຫ້ບໍລິການດ້ານອິນເຕີເນັດ ແກ່ປະຊາຊົນຊາວອາເມລິກາຫລາຍກວ່າບໍລິສັດໃດ ໆ ເຊິ່ງໃນປີທີ່ຜ່ານມາທາງ AOL ຕັດສິນໃຈທີ່ຈະຫາເງິນຈາກການ ໂຄສະນາ ໂດຍໄດ້ນຳສະເຫນີເນື້ອຫາຕ່າງ ໆ ພາຍໃນເວບໄຊຕ໌ຟຣີ ເປັນຮູບແບບປົກກະຕິ ຈາກທີ່ເຄີຍໃຫ້ບໍລິການດ້ານອິນເຕີເນັດ ພຽງຢ່າງດຽວມາດົນ

ແຕ່ຜົນທີ່ໄດ້ນັ້ນ AT&T ກັບກາຍມາເປັນຜູ້ໃຫ້ບໍລິການອິນເຕີເນັດທີ່ໃຫຍ່ທີ່ສຸດ ມີຖານລູກຄ້າເຖິງ 12.1 ລ້ານລາຍ ໃນຂະນະທີ່ Comcast ຕາມມາເປັນອັນດັບສອງ ແລະອັນດັບທີ່ສາມຕົກເປັນຂອງ AOL ທີ່ມີຖານລູກຄ້າ 12 ລ້ານລາຍ ຈາກລາຍງານສະຫລຸບເມື່ອເດືອນມີນາທີ່ຜ່ານມາ

Continue reading AOL ກາຍເປັນອັນດັບ 3 ຂອງຜູ້ໃຫ້ບໍລິການອິນເຕີເນັດໃນສະຫະລັດ