About Me

  • ຊື່ ນາມສະກຸນ: N/A
  • ຊື່ຫລິ້ນ: ນິນ
  • alias: au8ust
  • ວັນເດືອນປີເກີດ: ວັນທີ່ ໒໔ ເດືອນ ໘ ຈຸລສັກຣາຊ ໑໓໔໙
  • ເພດ: ຊາຍ
  • ທີ່ຢູ່: ຫລວງພະບາງ, ລາວ
  • ອາຊີບ: ວິໃຈຝຸ່ນ
  • ວຽກເວລາວ່າງ: ນັ່ງແຊ່ໃນອ່າງອິນເຕີເນັດ
  • Life Style: ຢູ່ບ່ອນເກົ່າ ບໍ່ມັກປ່ຽນແປງ ຫຼືຍົກຍ້າຍ (ຈົນເກີນໄປ)
  • ເວບໄຊຕ໌: ຫຼາຍໂພດ ອ່ານເອົາໃນໜ້າ myLinks
  • ອີເມລ, MSN, Google Talk, Yahoo!: webmaster at au8ust.org

ສະບາຍດີທຸກ ໆ ທ່ານ ທີ່ເຂົ້າມາຢ້ຽມຊົມບລັອກແຫ່ງນີ້ ກອນອື່ນ ກໍ່ຂໍແນະນຳຕົວກັນກ່ອນເລີຍ ຊື່ວ່າ ນິນ ອາຍຸໃຫ້ໄລ່ຕາມວັນເດືອນປີເກີດຂ້າງຕົ້ນ ຈົບການສຶກສາຈາກ… ລືມໄປວ່າຍັງບໍ່ຈົບເທື່ອ ນິໄສໃຈຄໍ ເປັນພວກ NATO ຫຍໍ້ມາຈາກ No Action, Talk Only ໝາຍຄວາມວ່າ ມັກຂີ້ໂມ້ ແຕ່ບໍ່ເຮັດຈັກເທື່ອ ໂມ້ໄດ້ຕະຫຼອດ ຄຸຍໂວໃຫຍ່ໂຕ ແຕ່ບໍ່ເກີດຕາມເຮັດ

ເລີ່ມສຳຜັດເມົ້າ ແລະຄີບອດຢ່າງຈິງຈັງມາຮອດປີນີ້ກໍ່ເປັນປີທີ່ ໘ ພໍດີ (ນັບມາຮອດຕອນກຳລັງຂຽນ)  ໃຊ້ຄອມທຳອິດແມ່ນຕອນໄປວຽງ ໄປແລ້ວລຸງ (ອ້າຍຂອງແມ່) ເຮັດກ່ຽວກັບພວກມິກເພງ ເຂົາເລີຍມີຄອມໃຊ້ ແລ້ວກໍ່ມີເກມພ້ອມ ເພິ່ນກໍ່ຕັ້ງເກມຕັ້ງຫຍັງ ໃຫ້ລອງຫລິ້ນ ກໍ່ນັ່ງ ໆ ຫລິ້ນ ເກມຄອມເກມທຳອິດໃນຊີວິດນີ້ກໍ່ຄື… C&C Tiberium Sun ເຊິ່ງຄວາມຈິງ ສະໄຫມນັ້ນບ້ານເຮົາ ເດັກນ້ອຍສ່ວນຫລາຍຍັງຫລິ້ນ Family ຢູ່ ;ຫນ້ອຍຄົນຊິມີ Sega ໃນຄອບຄອງ ແລະຍິ່ງນ້ອຍເຂົ້າໄປອີກຊິມີ PlayStation ຫລືເກມຄອມໃຫ້ຫລິ້ນ ດັ່ງນັ້ນແລ້ວເກມຄອມເກມທຳອິດໃນຊີວິດ ກໍ່ເລີຍວ່າຂ້ອນຂ້າງຈະເປັນປະສົບການ ທີ່ບໍ່ຄ່ອຍຫນ້າປະທັບໃຈປານໃດ (ເພາະຫລິ້ນບໍ່ເປັນ -*-) ແຕ່ກໍ່ປະທັບໃຈສຸດໆ ຢ່າງຫນຶ່ງຄືເລື່ອງຂອງ Graphic ແບບວ່າ ນຽນຫລາຍ ໃຫ້ອາລົມປະມານວ່າ ຂ້າພະເຈົ້າໄດ້ພົບກັບຂອງແທ້ແລ້ວ…

ລຸນຫລັງມາ ພໍກັບມາຫລວງພະບາງ ເວລາຜ່ານໄປເກືອບປີ ຫລືປີປາຍ ກໍ່ຊອກບ່ອນຮຽນຄອມ ຊອກໄປຊອກມາ ເຫັນເຂົາສອນ Windows 95 ກັບ Microsoft Office 97 ທຳອິດໄດ້ຍິນວ່າຕ້ອງຮຽນພາສາກ່ອນ ກໍ່ຄິດສົງໄສ ເຫດອັນໃດຮຽນຄອມພິວເຕີຕ້ອງຮຽນພາສາອັງກິດກ່ອນໜໍ…

ແຕ່ຈົນແລ້ວຈົນລອດກໍ່ບໍໄດ້ຮຽນພາສາ ມີແຕ່ວ່າເຂົ້າຮຽນຄອມເລີຍ ^^’ ຕອນນັ້ນມີ Floppy Disk ແຜ່ນດຽວ ອັນເປັນຊັບສົມບັດທີ່ຮັກແລະຫວງແຫນຫຼາຍ ພໍຈະຈື່ໄດ້ວ່າ ຄູສອນເພິ່ນບອກ ແຜ່ນ Floppy Disk ພວກນີ້ໃຊ້ໄດ້ແຕ່ກັບ Windows 95 ເທົ່ານັ້ນ ບໍ່ອາດໃຊ້ນຳ Windows ອື່ນບໍ່ໄດ້ ແລະແນ່ນອນ ດ້ວຍຄວາມທີ່ເປັນລູກສິດທີ່ດີ ກໍ່ຍ່ອມຕ້ອງເຊື່ອຟັງ…

ກາລລ່ວງເລີຍມາຫຼາຍປີ ກໍ່ມີຄອມພິວເຕີຢູ່ບ້ານ… ນອກຈາກມີຄອມແລ້ວກໍ່ມີອິນເຕີເນັດພ້ອມ ໂອ… ອະນິດຈາ ທຸກຢ່າງບໍ່ທ່ຽງແທ້ໜໍ ຈາກຄວາມບໍ່ມີ ມັນກໍ່ມີຂຶ້ນມາໄດ້ ຄອມພິວເຕີເຄື່ອງທຳອິດໃນຊີວິດຄື

  • Intel Pentium III (ຕອນນີ້ເຊົາໃຊ້ແລ້ວ)
  • RAM256MB (ບໍ່ຮູ້ຫາຍໄປໃສ)
  • NVIDIA TNT2 (ອັນນີ້ກໍ່ຫາຍ)
  • Creative Sound Blaster 128 (ຫາຍຄືກັນ)
  • Phillips Brilliance 107P​ (ຕອນນີ້ເພແລ້ວ)
  • 3COM Robotic Modem (ຍັງໃຊ້ໄດ້ດີ ແຕ່ບໍ່ຄ່ອຍໄດ້ມີໂອກາດໃຊ້)

Spec ຂ້າງເທິງເປັນຄອມເຄື່ອງທຳອິດໃນຊີວິດເລີຍ ຜ່ານມາໄດ້ເກືອບ ໑໐ ແລ້ວຕອນນີ້ ແລະບັດນີ້ຈັກເລົ່າວີລະກຳໃຫ້ຟັງຕໍ່ …ມື້ທຳອິດລອງໂປຣແກຣມຕ່າງ ໆ ເມື່ອລອງໄປແລ້ວ ປະກົດວ່າ ໄດ້ໄປ Uninstall ໂດຍບໍ່ຮູ້ເມື່ອ ໂຊກຍັງດີທີ່ຄົນຕັ້ງໂປຣແກຣມຍັງຢູ່ ເລີຍໃຫ້ຕັ້ງຄືນໃຫມ່ ເວລານັ້ນໃຊ້ Windows ME ຕອນມັນອອກໃໝ່ ໆ ເຊິ່ງເປັນທີ່ກ່າວຂານກັນວ່າ ເປັນ Windows ທີ່ອຸດົມໄປດ້ວຍ bugs :)

ໃນເວລາຕໍ່ມາ ກາຍເປັນວ່າຕິດຄອມຫຼາຍ ນັ່ງຫນ້າຈໍເກືອບຈະຕະຫລອດ ຈົນມີເລື່ອງກັນຫລາຍເທື່ອພາຍໃນຄອບຄົວ ເຊິ່ງຕອນນີ້ກໍ່ຄຶດມາແລ້ວເສຍໃຈທີ່ແບ່ງເວລາບໍ່ເປັນ ຢ່າງໃດກໍ່ຕາມ ມັນກໍ່ເປັນປະສົບການຂອງຊີວິດຢ່າງຫນຶ່ງ ໄດ້ຮຽນຮູ້ ໄດ້ເຂົ້າໃຈໂລກ ໄດ້ເຫັນວ່າໂລກນີ້ມັນບໍ່ມີຫຍັງງ່າຍຄືຄິດ ເມື່ອໄດ້ຜ່ານຊ່ວງເວລາຫນຶ່ງ ຄົນເຮົາຈະເຕີບໂຕໄປກັບປະສົບການ ເຕີບໂຕໄປກັບການເວລາ ແລະໂລກບ້ຽວໆ ໃບນີ້ນັ້ນເອງ 😀

ຫາກທ່ານຜູ້ອ່ານສັງເກດ ອາດຈະພົບວ່າ ຂ້າພະເຈົ້າໄດ້ພາທ່ານອອກເຮືອໄປສູ່ທະເລເປັນທີ່ຮຽບຮ້ອຍແລ້ວ ເພາະສະນັ້ນ ຂໍຕ່າວເຮືອກັບກ່ອນ ກັບມາເລົ່າເລື່ອງທີ່ມາຂອງບລັອກແຫ່ງນີ້ດີກວ່າ… ມັນເລີ່ມຈາກສະໄຫມກ່ອນ ຄັ້ງເມື່ອເວັບໄຊພາສາລາວຫາໄດ້ຍາກຫລາຍ ສະໄຫມນັ້ນຍັງບໍ່ມີ Unicode Font ເທື່ອ ພາສາລາວກໍ່ຍັງໃຊ້ Keyman ຢູ່ ຈຶ່ງເກືອບຈະເປັນໄປບໍ່ໄດ້ທີ່ຈະມີເວັບໄຊພາສາລາວ ໃນເມື່ອເປັນແບບນັ້ນ ຕອນນັ້ນຈຶ່ງໄດ້ເຮັດເວັບໄຊເປັນພາສາໄທໄປກ່ອນ ຕອນນີ້ຊອກບໍ່ເຫັນແລ້ວວ່າໄປຢູ່ໃສ :(

ຫຼາຍປີຜ່ານໄປ ເລີ່ມສັ່ງສົມປະສົບການກ່ຽວກັບການສ້າງເວັບໄຊ ແຕ່ກໍ່ເຮັດເປັນແຕ່ກັບ WYSIWYG ຊື່ ໆ ພວກ Coding ຍັງບໍ່ຄ່ອຍໄດ້ ຫາກໍ່ມາໄດ້ຊ່ວງສອງປີຫລັງນີ້ເອງ… ຄວາມຈິງມີຜົນງານຫລາຍ (ເລີ່ມຂີ້ໂມ້ແລ້ວ…) ແຕ່ທີ່ Publish ອອກມາສູ່ສາຍຕາປະຊາຊົນບັນດາເຜົ່າມັນມີນ້ອຍ ນັບໄດ້ກໍ່ມີ Namtaohu.com (ປິດໄປແລ້ວ), WAC (ມີເຫດບັງເອີນ ມັນເລີຍອົດອອກມາເບິ່ງໂລກຊ້ຳ) ສອງອັນນີ້ລ່ະທີ່ຄົນລາວພໍຈະຮູ້ຈັກ ນອກນັ້ນກໍ່ເປັນຜົນງານທີ່ປະໄວ້ໃນລິ້ນຊັກ ບໍ່ເອົາອອກມາ ຈົນຝຸ່ນຈັບ ແລ້ວກໍ່ລືມ ຊອກບໍ່ເຫັນໄປກໍ່ມີ ສຸດທ້າຍ ຫນູກິນຫມົດ ແລ້ວ ບໍ່ຕ້ອງເຮັດລ່ະ ຕອນຫຼັງ ໆ ນີ້ຈະມີ Punlao.com ທີ່ພໍເຊີດໜ້າຊູຕາໄດ້ 😉

ສຳລັບເວລານີ້ ໂອກາດທີ່ເຫມາະສົມ (ກວ່າແຕ່ກ່ອນ) ກໍ່ມາເຖິງແລ້ວ ຈຶ່ງໄດ້ຕັ້ງໃຈວ່າ ຂ້າພະເຈົ້າຈະເຮັດເວບໄຊດີ ໆ ສຳຫລັບຄົນລາວ ຕັ້ງ Concept ໄວ້ວ່າ ອາດຈະເປັນ Web Portal ຄ້າຍໆ ພວກ Kapook! ຫລື MTHAI ແຕ່ວ່າ ແບບນັ້ນກໍຕ້ອງມີທີມງານຫລາຍ ກໍ່ເລີຍເອົາຈັ່ງຊີ້ ເຮັດອັນທີ່ພໍຈະຖະນັດກ່ອນດີກວ່າ ເລີ່ມຕົ້ນຈາກຂຽນບລັອກ ນຳສະເຫນີຂ່າວໃນແວດວົງ IT ແລະ Technology ທົ່ວໄປກ່ອນ ຈາກນັ້ນຄ່ອຍຂະຫຍັບຂະຫຍາຍເປັນເວບທຳນອງ Justuser.net ຕາມຫລັງ ກໍ່ເລີຍຖືກຳເນີດ au8ust.org ຂຶ້ນມາດ້ວຍປະກາລະຊະນີ້ແລ…

ປັບປຸງຫຼ້າສຸດ ອັງຄານທີ່ ໑໘ ພ.ສ. ໒໕໕໑

18 thoughts on “About Me”

  1. ເຈົ້າເປັນຄົນເມືອງຫລວງຫວາ, ບ້ານຢູ່ແຖວໃດບາງເທື່ອເຄີຍເຫັນມາກ່ອນ, ເຄີຍຈົບ ມ ຫົກຊ່ວງປີໃດ ?

  2. ແຫ່ະ ໆ ບໍ່ຢາກບອກເລີຍ ຄຳຖາມທຳອິດ ຂໍຕອບສະເພາະຄຳຖາມຫລັງເດີ້ ຈົບຊ່ວງປະມານ 3-4 ປີກ່ອນລະ 😉

  3. ເຮົາຕ້ອງຮຽນລຸ້ນດຽວກັນແຫລະ, ຮຽນຢູ່ ມສ ສັນຕິພາບຫວາ ❓

  4. ทุกทีส่วนใหญ่เคยอ่านออกนะภาษาลาว
    แต่ในนี้ทำไมวรรณยุกต์มันโดดก็ไม่รู้
    อ่านไม่ออกเลย สงสัยต้องโหลดฟ้อนท์มาก่อน

  5. @Vlzaa ອາ…. ແມ່ນລະ ຮຽນສັນຕິພາບ ເອົາເປັນວ່າ ຖ້າຮູ້ຈັກໂນ່ວັດໜອງ ສາຢາ ນັກຫຼິ້ນເກມແຫ່ງເມືອງຫລວງລະກໍ່ຮູ້ຈັກຂ້ອຍແນ່ນອນ 😉

    @imagination แนะนำให้ใช้ Firefox ดีกว่าครับ ดูเหมือนบล็อกผมจะถูกชะตากับ Firefox เป็นพิเศษ :roll:

  6. ເວບເຈົ້ານີ້, ຄັກຫລາຍ ມີເນື້ອຫາສາລະດີ ແຕ່ເສຍທີຊ້າ.

  7. ກໍ່ມີແຜນຈະຍ້າຍ host ເຂົ້າມາໃຊ້ໃນໄທຢູ່ ແຕ່ວ່າ ປານນີ້ແລ້ວ ເຂົາຍັງໂອນເງິນໃຫ້ບໍ່ໄດ້ເທື່ອ :sad:

    ໜ້າຈະອີກປະມານ 2 ອາທິດຄົງຈະຍ້າຍໄດ້ລະ 😛

  8. มาเยี่ยมเยียนครับ เคยเข้ามาครั้งนึง แ่ต่ผมอ่านไม่ออก แห่ะๆ ไปเอ่ะ! ใจตรงรูปว่าทำไมฟอนต์เพี้ยน อ่อ… นี่ภาษาลาวนิ ต้องลง ฟอนต์เพิ่มซะแล้ว…

  9. ຫາກໍ່ເຂົ້າມາອ່ານຫ້ອງນີ້ເທື່ອທຳອິດ, ວ່າແຕ່ມື້ໃດໄດ້ໄປເຮັດວຽກທີ່ຫຼວງພະບາງ ແລ້ວຈະໄປອຸດໝູນທີ່ຮ້ານຂອງທ່ານ

  10. แวะมาเยี่ยมครับ แต่ Opera ผมอ่านไม่ออกเลยครับ

    ว่าแต่ใช่คนเดียว au8ust ของไทยเสียวหรือเปล่าครับ 😀

  11. Opera พออ่านได้บางคำ เหอๆ แปลกดีได้มาอ่าน บล็อกของประเทศ ลาว จังหวัดเฮาก็ใกล้กับสะพานข้ามไปลาว ม่องใหม่นั้นละ

  12. แวะมาเยี่ยมครับ พอดีกำลังสนใจอักษรลาว ฟังออก 80% แต่อ่านออกบ้างไม่ออกบ้าง แต่ก็พอมั่วๆได้ ลาวก็ไม่เคยไปเคยแต่มองจากฝั่งไทยผ่านโขง ไกลลิบๆ น่าสนใจดีครับสักวันคงมีโอกาส :)

  13. สวัสดีค่ะ
    ขออนุญาตติดต่อที่นี่ เมล์ไปที่webmaster@au8ust.orgไม่ได้มาสองวันแล้ว

    ลองดาวน์โหลดแล้ว สามารถก๊อปปี้จากเวบมาเป็นตัวลาวได้ อ่านตัวอย่างที่คุณแปลมาได้แล้ว
    แต่พิมพ์เอกสารMS Word ด้วย Saysettha OT ไม่ได้ จะเป็นตัวสี่เหลี่ยมหรือไม่ก็อักษรอังกฤษ

    ตอนนี้ยังคิดเป็นสองทาง คือจะขอความอนุเคราะห์จากคุณนิน
    แปลแฟ้มที่ส่งไปให้”ส่งแปลเป็นภาษาลาว”
    (น่าจะได้รับแล้ว) คงไม่คิดว่ายาวมากเกินไปนะคะ
    จะลองเอามาจัด.pdfเอง แล้วเอาไปให้โรงพิมพ์ช่วยทำต่อ
    กรุณาแยกสีบรรทัดที่เป็นเนื้อหาพระสูตร กับคำแปลเป็นคนละสี จะได้เรียงไม่ผิดพลาด

    อีกทางหนึ่งก็ “ไม่ต้องแปล แต่เอาของเก่าที่นี่ไปพิมพ์ใหม่มาแจก”
    ที่ว่าพิมพ์ใหม่ คงต้องพิมพ์ในลาว
    มีเฉพาะบทธัมมจักฯสำหรับซื้อสำเร็จรูปไปแจกหรือเปล่า พอจะทราบราคาต่อเล่มหรือไม่คะ
    ทางเลือกที่คุณเสนอนี้ก็ดีเหมือนกัน เพราะยังหาไม่มีโรงพิมพ์ที่จะรับงานนี้

  14. อ่านไม่ออกแฮ่ะ ต้องลงฟ้อนต์ลาวไหมนี่ หาได้ที่ไหนน้อ

  15. you are so good, i am trying to be a good at IT field too, after i read your story it makes me to learn more, thanks

  16. เดี๋ยวสิมาเยียมเรื่อย กำลังวางแผนไปเฮ็ดงานอยู่ลาว(เที่ยว)

  17. Sabaydee,

    I would be interested to get in touch about your work with wordpress & loacalizing it into Lao. Pls contact me on radio — at– hirschler.net. I am planning to use wordpress for a project in Laos and am looking for solutions.

    Daniel

Leave a Reply