ເວັບໄຊຜູ່ໃຫ້ບໍລິການວິດີໂອອອນໄລ ລາຍໃຫຍ່ທີ່ສຸດຂອງໂລກ YouTube.com ໄດ້ປະກາດຜ່ານງານ VidCon 2010 ວ່າ ເວັບໄຊຂອງຕົນ ຈະຮອງຮັບວິດີໂອຄວາມລະອຽດ ລະດັບ 4K ໃນອະນາຄົດອັນໃກ້ນີ້.

4K ເປັນຄວາມລະອຽດຂອງວິດີໂອ ທີ່ສູງເຖິງ 4096 x 3072 ຫຼືປະມານ 4 ເທົ່າຂອງ 1080p ໃນປັດຈຸບັນທີ່ຮອງຮັບຢູ່ ໂດຍຄາດວ່າ ຈະສາມາດເປີດໂຕໃຫ້ໃຊ້ກັນໄດ້ທົ່ວໄປໃນໄວໆ ນີ້ ເຊິ່ງຕອນນີ້ກໍມີ playlist ຕົວຢ່າງ ສຳລັບວິດີໂອຄວາມລະອຽດ 4K ໃຫ້ລອງເບິ່ງກັນແລ້ວ ສຳລັບໃຜທີ່ມີຄອມແຮງໆ ແລະອິນເຕີເນັດໂຄດແຮງ ກໍໄປຮັບຊົມກັນໄດ້ທີ່ http://www.youtube.com/view_play_list?p=5BF9E09ECEC8F88F (ເລືອກຄວາມລະອຽດເປັນ Original)

ທີ່ມາ – YouTube blog

VLC ຫຼື VideoLAN ໂປຣແກຣມຫຼິ້ນໄຟລ໌ວິດີໂອຍອດນິຍົມ ອອກເວີຊັນໃໝ່ 1.1.0 ຮອງຮັບໄຟລ໌ HD ໄດ້ດີຂຶ້ນ ແລະອື່ນໆ ອີກຫຼວງຫຼາຍ.

ເວີຊັນໃໝ່ຂອງ VLC ນັບວ່າ ອອກຫ່າງຈາກເວີຊັນກ່ອນໜ້ານີ້ 1.0.5 ດົນພໍສົມຄວນ. ຄວາມສາມາດໃໝ່ໆ ໃນເວີຊັນນີ້ທີ່ເພີ່ມເຂົ້າມາມີຄື:

• ຮອງຮັບການຖອດລະຫັດໄຟລ໌ວິດີໂອຄວາມລະອຽດສູງໃນ Windows Vista ແລະ Windows 7 ໂດຍໃຊ້ DxVA2 ສຳລັບ H.264, VC-1 ແລະ MPEG2 ສ່ວນໃນ Linux ນັ້ນໃຊ້ VAAPI ແທນ
• ປັບປຸງການຖອດລະຫັດໄຟລ໌ MKV HD ທີ່ດີຂຶ້ນ ຮວມເຖິງການລະບົບສຽງ 7.1
• ຮອງຮັບ CODEC ໃໝ່ໆ ເຊັ່ນການ BluRay subtitle, MPEG4 lossless ແລະ VP8
• ຮອງຮັບລະບົບສຽງ AMR-NB, Mpeg-4 ALS, Vorbis 6.1/7.1, FLAC 6.1/7.1 ແລະ WMAS ຮວມທັງ DVD-Audio (.aob)

ອ່ານລາຍລະອຽດເພີ່ມເຕີມຂອງ change log ໄດ້ຈາກ http://www.videolan.org/vlc/releases/1.1.0.html

ນອກຈາກນັ້ນແລ້ວ ໃນເວີຊັນນີ້ ທີມງານ VLC ຍັງອ້າງວ່າ ຄວາມໄວເພີ່ມຂຶ້ນ 40% ສຳລັບການຖອດລະຫັດໄຟລ໌ວິດີໂອຄວາມລະອຽດສູງ ໂດຍໄດ້ມີການຂຽນໂປຣແກຣມໃນສ່ວນຂອງ Video Output ຄືນໃໝ່ ແລະປັງປຸງ module ຕ່າງໆ ໃໝ່ຈຳນວນຫຼາຍ ໂດຍບາງຄວາມສາມາດທີ່ບໍ່ຄ່ອຍໄດ້ໃຊ້ ຈະຖືກຍ້າຍໄປໃນ extension ແທນ.

ດາວໂຫລດ VLC 1.1.0

Ning.com ຜູ່ໃຫ້ບໍລິການສ້າງເວັບໄຊ Social Networking ທີ່ເປີດມາຫຼາຍປີ ໃນທີ່ສຸດກໍພົບວິກິດໜັກ ແລະປ່ຽນແປງທິດທາງຂອງບໍລິສັດ ຫຼັງຈາກທີ່ CEO ຄົນໃໝ່ Jason Rosenthal ຂຶ້ນບໍລິຫານໄດ້ 30 ມື້.

Jason Rosenthal ໃຫ້ສຳພາດກັບແຫຼ່ງຂ່າວວ່າ ຕົນໄດ້ພິຈາລະນາສະຖານະການຂອງ Ning.com ຕັ້ງແຕ່ທີ່ໄດ້ຂຶ້ນເປັນ CEO ແລ້ວເຫັນວ່າ ທາງບໍລິສັດຈະມີແຜນການໃຫຍ່ໃນອະນາຄົດອັນໃກ້ນີ້ສອງຢ່າງຄື ປົດພະນັກງານອອກ 40% (68 ຄົນຈາກທັງໝົດ 167 ຄົນ) ແລະຍົກເລີກການບໍລິການຟຣີ ເຊິ່ງຜູ່ໃຊ້ຟຣີນັ້ນ ຈະໄດ້ຮັບເງື່ອນໄຂໃຫ້ຍ້າຍໄປໃຊ້ບໍລິການແບບເສຍເງິນ ຫຼືບໍ່ດັ່ງນັ້ນກໍຕ້ອງຍົກເລີກການໃຊ້ Ning.com ໄປແທນ.

ນອກຈາກນັ້ນ CEO ຂອງ Ning ຍັງກ່າວວ່າ ຕໍ່ໄປຈະເນັ້ນໄປທີ່ລະບົບ Premium ໃຫ້ຫຼາຍຂຶ້ນ ເຊິ່ງໃນປັດຈຸບັນນີ້ ມີຜູ່ໃຊ້ແບບ Premium ທີ່ມີ pageview ຫຼາຍກວ່າ 75% ຂອງຜູ່ຊົມເວັບໄຊໃນອາເມລິກາ ແລະເຊື່ອວ່ານີ້ຈະເປັນຫົນທາງທີ່ດີທີ່ສຸດຂອງ Ning.com

ທີ່ມາ – VentureBeat.com

Miro Video Converter ເປັນໂປຣແກຣມສຳລັບ ແປງໄຟລ໌ວິດີໂອຕ່າງໆ ໃຫ້ເປີດໄດ້ໃນອຸປະກອນມືຖື ເຊິ່ງໂປຣແກຣມທີ່ວ່ານີ້ ຮອງຮັບມືຖືໄດ້ຫຼາກຫຼາຍລຸ້ນ ຫຼາຍຍີ່ຫໍ້ຕັ້ງແຕ່ Droid / Milestone, Nexus One, G1, Magic / myTouch, Droid Eris, HTC Hero, Cliq, Behold, iPhone / iPod Touch, iPod Classic, iPod Nano ແລະ PSP.

ການໃຊ້ງານກໍງ່າຍດາຍ ພຽງລາກໄຟລ໌ເຂົ້າໄປ ແລ້ວເລືອກປະເພດ ຈາກນັ້ນຄລິກ Convert! ກໍຖ້າຢ່າງດຽວ!

ສາມາດດາວໂຫລດ Miro Video Converter ໄດ້ຈາກ http://mirovideoconverter.com/

ນອກຈາກນັ້ນ ທ່ານຍັງສາມາດເບິ່ງວິດີໂອສາທິດ ການຕິດຕັ້ງແລະນຳໃຊ້ເບື້ອງຕົ້ນ ໄດ້ຈາກ 5tutor.net – 17: ການແປງໄຟລ໌ວິດີໂອໂດຍໃຊ້ Miro Video Converter

ຈື່ໄດ້ວ່າ ຫາກໍ countdown ໃຫ້ Ubuntu 9.10 ບໍ່ທັນເທົ່າໃດ ບາດນີ້ກໍ countdown ໃຫ້ Ubuntu 10.04 (codename ແມ່ນ Lucid Lynx) ກັນແລ້ວ ຍັງອີກພຽງ 21 ມື້ເທົ່ານັ້ນ (ນັບຈາກມື້ທີ່ໂພສນີ້) ກໍນັບໄດ້ວ່າເປັນບາດກ້າວໃໝ່ຂອງ Ubuntu ທີ່ເຂົ້າສູ່ເລກ 10 ແລ້ວ ອີກບໍ່ດົນເທົ່ານັ້ນ!!

ແນ່ນອນວ່າ ທ່ານສາມາດດາວໂຫລດ Beta ຂອງ Ubuntu 10.04 ໄປທົດລອງໃຊ້ກ່ອນໂຕຈິງຈະອອກໄດ້ ໂດຍດາວໂຫລດໄດ້ຈາກ http://www.ubuntu.com/testing/lucid/beta1 ຫຼືຈະດາວໂຫລດ Ubuntu 9.10 ມາລອງໃຊ້ໄດ້ເຊັ່ນດຽວກັນທີ່ໜ້າດາວໂຫລດຂອງ Ubuntu.com

ເວັບໄຊວິດີໂອຍອດນິຍົມ YouTube ໄດ້ປັບປ່ຽນໜ້າເວັບຂອງຕົນໃໝ່ຫຼັງຈາກທົດສອບ Beta ມາໄລຍະນຶ່ງ.

ການປັບແຕ່ງຄັ້ງນີ້ ກໍນັບວ່າເປັນການປ່ຽນແປງຄັ້ງໃຫຍ່ ມີການຕັດລະບົບ Rating ເປັນດາວອອກ ແລ້ວແທນທີ່ດ້ວຍໂຕເລືອກ Like ຫຼື Dislike ແທນ. ໃນດ້ານວິດີໂອ ກໍມີການຈັດຮວມເຂົ້າກັນເປັນກຸ່ມແທນ ແລະເມນູຕ່າງໆ ໂດຍສະເພາະໃນສ່ວນຂອງຄຳເຫັນ ກໍຖືກປັບປ່ຽນໃໝ່ເຊັ່ນກັນ.

ເຊີນຊົມໜ້າເວັບໃໝ່ YouTube ໄດ້ເລີຍທີ່ youtube.com

ພໍດີມີກະທູ້ສົນທະນາເລື່ອງ ພາສາລາວໃນຄອມພິວເຕີ ຢູ່ເວັບບອດຂອງສະມາຄົມລາວ ກໍເລີຍໄປຮ່ວມສົນທະນານຳ ແລະໄດ້ໄປຊອກໃນເວັບໄຊຂອງ Microsoft ຈຶ່ງພົບວ່າ ມີການອັບໂຫລດພາສາລາວສຳລັບ Windows Vista ພ້ອມດ້ວຍ Office 2007 ແຕ່ປີກາຍແລ້ວ ເຊິ່ງອັນທີ່ຈິງໂຄງການແປພາສາລາວໃນ Windows Vista ນັ້ນ ມີມາດົນແລ້ວ ຂ້າພະເຈົ້າໄດ້ຍິນເລື່ອງນີ້ຄັ້ງທຳອິດກໍເກືອບສອງປີກ່ອນ ແຕ່ກໍງຽບຫາຍໄປ ໄດ້ມາຮູ້ອີກຄັ້ງນຶ່ງ ຈຶ່ງດາວໂຫລດມາທົດສອບການໃຊ້ວຽກພ້ອມ ແຕ່ໃນຄັ້ງນີ້ເປັນການທົດສອບ Microsoft Office 2007 ເນື່ອງຈາກບໍ່ມີ Windows Vista ຕິດຕັ້ງຢູ່ແຖວນີ້.

ຫຼັງຈາກດາວໂຫລດໄຟລ໌ພາສາລາວຂອງ Office 2007 ມາແລ້ວກໍຈັດການຕິດຕັ້ງຮຽບຮ້ອຍ ແລ້ວກໍໄປເລືອກພາສາລາວໃນ Microsoft Office Tools -> Microsoft Office 2007 Language Settings ເລືອກເປັນພາສາລາວ ແລ້ວກໍເຂົ້າໂປຣແກຣມ Word 2007 ເບິ່ງ.

ກໍຈະເຫັນວ່າ ເມນູຕ່າງໆ ພາຍໃນໂປຣແກຣມນັ້ນ ເປັນພາສາລາວຮຽບຮ້ອຍແລ້ວ ເຊິ່ງຫາກລົງ language pack ຂອງ Windows Vista ກໍຄົງໃຫ້ຜົນຄ້າຍໆ ກັນ.

ສຳລັບຜູ່ທີ່ສົນໃຈສາມາດາວໂຫລດໄດ້ຈາກລິ້ງດ້ານລຸ່ມ.

• ດາວໂຫລດ ຊຸດໂປຣແກຣມພາສາຂອງ Windows Vista
• ດາວໂຫລດ Microsoft Office Language Interface Pack 2007 – ພາສາລາວ

ສ່ວນການຕິດຕັ້ງນັ້ນ ທ່ານສາມາດເບິ່ງວິດີໂອສອນໄດ້ໃນ 5tutor.net

Yahoo! ອອກອັບເດດເວີຊັນໃໝ່ສຳລັບໂປຣແກຣມສົນທະນາ Yahoo! Messenger 10 ເຊິ່ງຮອງຮັບທັງ Windows ແລະ Mac ຮວມເຖິງລະບົບມືຖືຕ່າງໆ ອີກນຳ.

ໃນເວີຊັນໃໝ່ຂອງ Y! Messenger 10 ກໍມີຄຸນສົມບັດໃໝ່ໆ ທີ່ຖືກເພີ່ມເຂົ້າມາຫຼາຍຢ່າງເຊັ່ນ ຮອງຮັບ UI ຫຼາຍສາມາດເລືອກພາສາໄດ້ຈາກໜ້າທຳອິດເລີຍ ໂດຍບໍ່ຕ້ອງປິດເປີດໂປຣແກຣມຄືນໃໝ່ ແລະຍັງຮອງຮັບລະບົບ Video call ເຕັມຮູບແບບທັງພາບທັງສຽງ (ບໍ່ແນ່ໃຈວ່າເວີຊັນ 9 ມີຫຼືຍັງ ສ່ວນຕົວບໍ່ໄດ້ໃຊ້) ພ້ອມທັງລະບົບອັບເດດເຫດການໃໝ່ຂອງໝູ່ໃນ flickr, Yahoo! Music, ແລະອື່ນໆ ໃນເຄືອຂ່າຍຂອງ Yahoo! ໄດ້ພ້ອມ.

ຄວາມສາມາດໃໝ່ໆ ອື່ນກໍມີເຊັ່ນ:

• ສົນທະນາແບບຄົນດຽວ ຫຼືຫຼາຍຄົນ
• ລະບົບແຈ້ງອັບເດດ Yahoo! Mail, ຂ່າວ, ສະພາບອາກາດ, ຊອກຫາ, ແລະອື່ນໆ
• ສາມາດສົ່ງ SMS ເຂົ້າມືຖືໄດ້
• media player ເປີດໜັງເປີດເພງໄດ້ໃນໂປຣແກຣມ Y! Messenger

ສາມາດດາວໂຫລດໄດ້ຈາກເວັບໄຊຂອງ Yahoo! Messenger ເລີຍທີ່ http://messenger.yahoo.com/

ທີ່ມາ – Ghacks.net

ສຳລັບ Ubuntu 10.04 (ລະຫັດ Lucid Lynx) ທີ່ຈະມີກຳນົດການອອກມາໃນເດືອນໜ້ານັ້ນ ນອກຈາກຈະມີການປັບປຸງດ້ານຕ່າງໆ ບໍ່ວ່າຈະເປັນລະບົບຄວາມປອດໄພ ຫຼື ຄວາມສະຖຽນຂອງລະບົບແລ້ວ ກໍຍັງໄດ້ຮັບການອອກແບບ Logo, theme ແລະ boot splashໃໝ່ອີກນຳ.

Logo ໃໝ່

GTK theme ໃໝ່

ສ່ວນ boot splash ແລະລາຍລະອຽດອື່ນໆ ນັ້ນ ສາມາດເບິ່ງໄດ້ຈາກເວັບໄຊ Wiki ຂອງ Ubuntu

ຂ່າວເກົ່າແດ່ຈັກໜ່ອຍ ທາງ EA ເປີດໃຫ້ດາວໂຫລດ series ເກມ Command & Conquer ພາກເກົ່າໆ ເຊິ່ງຮວມມີ Tiberian Sun + Firestorm, Tiberian Dawn ແລະ Red Alert ໄດ້ຟຣີ!

ຜູ່ທີ່ສົນໃຈສາມາດເຂົ້າໄປ http://www.commandandconquer.com/classic ເພື່ອເບິ່ງຂໍ້ມູນວິທີການຕິດຕັ້ງ ແລະລິ້ງສຳລັບດາວໂຫລດໄດ້.

ການແຈກເກມພາກເກົ່າໃຫ້ດາວໂຫລດໄດ້ຟຣີນັ້ນ ເປັນເທັກນິກທີ່ບໍລິສັດເກມຕ່າງໆ ໃຊ້ມາດົນແລ້ວ ໂດຍສະເພາະເວລາທີ່ຈະມີພາກໃໝ່ອອກມາ.