ອອກເວີຊັນເບຕ້າໃໝ່ມາແລ້ວສຳລັບ Windows Live Messenger ໂປຣແກຣມ Instant Messenger ອັນເປັນທີ່ນິຍົມກັນໃນກຸ່ມຄົນໃຊ້ເນັດ ໃນເວີຊັນນີ້ສິ່ງທີ່ປ່ຽນແປງໄປຢ່າງເຫັນໄດ້ຊັດກໍ່ຄືໜ້າຕາ UI ຂອງໂປຣແກຣມ ຈະປ່ຽນແປງໄປຫຼາຍ ແລະຮອງຮັບ Animated avatar ນຳ.

ໂຫລດແບບເຕັມ ໆ ຕິດຕັ້ງໄດ້ Offline ແມ່ນໃຊ້ link http://g.live.com/1rebeta3/en/wlsetup-all.exe ເຊິ່ງມີຂະໜາດໄຟລ໌ກວ່າ 134.7 MB ເຊິ່ງຈະມີໂປຣແກຣມອື່ນ ໆ ໃນຊຸດ Live ແຖມມານຳ.

ຖ້າຈະໂຫລດສະເພາະ WLM ແມ່ນໃຊ້ link http://g.live.com/1rebeta3/en/wlsetup-web.exe ຈະເປັນ Web installer ເລືອກໂຫລດໄດ້ວ່າຊິໂຫລດຫຍັງມາຕິດຕັ້ງແດ່.

ອີກຂໍ້ສັງເກດຄື ມັນສາມາດສະແດງຜົນພາສາລາວໄດ້ໂດຍບໍ່ຕ້ອງກຳນົດຟອນແລ້ວ ໂດຍສະເພາະຢ່າງຍິ່ງໃນ status

Microsoft Beta, Chat, IM, Microsoft, Software, WLM

ພໍດີໄດ້ຍິນໝູ່ບອກວ່າ ກຳລັງຊິສ້າງເກມ ກໍ່ເລີຍວ່າຂຽນເລື່ອງເກມແດ່ຈັກໜ່ອຍ ສຳລັບຊື່ Blender ຫຼາຍຄົນທີ່ນິຍົມ Linux ອາດຈະຮູ້ກັນແລ້ວວ່າ ມັນຄືໂປຣແກຣມອອກແບບ 3D Model ທີ່ເປັນ OpenSource ແລະມີຊື່ສຽງຫຼາຍໃນ Linux. ໃນຫຼາຍເດືອນທີ່ຜ່ານມາທາງ Blender ແລະ Crystal Space projects ໄດ້ຮ່ວມມືກັນສ້າງເກມສາມມິຕິທີ່ເປັນ opensource ທີ່ມີແນວຄິດຈະໃຫ້ມີຄວາມທັດທຽມກັບ industry standard ຂອງວົງການເກມສາມມິຕິ.

ເກມທີ່ວ່ານີ້ມີຊື່ວ່າ “Frankie” ເຊິ່ງໃນເບື້ອງຕົ້ນທາງທາງຝ່າຍພັດທະນາຄາດຫວັງວ່າຈະສາມາດ ອອກເກມນີ້ໄດ້ໃນຊ່ວງທ້າຍເດືອນສິງຫາ ແຕ່ວ່າກໍ່ບໍ່ເປັນໄປຕາມນັ້ນ. ເຖິງຢ່າງໃດກໍ່ຕາມ ທາງ Blender ແລະ Crystal Space ກໍ່ອອກ technology demo ທີ່ພັດທະນາໂດຍໃຊ້ Blender Game Engine ໃຫ້ໄດ້ທົດລອງຫຼິ້ນກັນ. ພາຍໃນເດໂມ Yo Frankie Demo 1.1 ຈະມີດ່ານທີ່ສາມາດຫຼິ້ນໄດ້ເພື່ອສາທິດກ່ຽວກັບ Engine ຂອງເກມ.

ຕົວເກມເປັນລິກຂະສິດ GPL/LGPL ເຊິ່ງທາງຝ່າຍພັດທະນາໄດ້ອອກເດໂມສຳລັບ Linux, Windows, ແລະ Mac OS X ໃຫ້ໄດ້ລອງກັນທົ່ວໜ້າ. ຍິ່ງໄປກວ່ານັ້ນ ໃນອະນາຄົດຍັງມີ 64Bit ອອກມານຳ.

ຂໍ້ມູນເພີ່ມເຕີມແລະດາວໂຫລດ ສາມາດເບິ່ງໄດ້ໃນເວັບໄຊ YoFrankie.org

Gaming 3D, Blender, Gaming, Linux, OpenSource, ສາມມິຕິ, ເກມ

ທີມງານພັດທະນາ WordPress ໄດ້ຮັບແຈ້ງ bugs ທີ່ເຮັດໃຫ້ເກີດຂໍ້ຜິດພາດ ແລະເປັນອັນຕະລາຍຕໍ່ລະບົບຮັກສາຄວາມປອດໄພໃນ WordPress ແລະຈັດການແກ້ໄຂໄປຮຽບຮ້ອຍແລ້ວ ເຊິ່ງທາງທີມງານໄດ້ແນະນຳໃຫ້ທຸກຄົນອັບເກຣດໄປໃຊ້ WordPress 2.6.2 ດ່ວນ ໂດຍສະເພາະຄົນທີ່ເປີດລະບົບສະມາຊິກໄວ້ ເນື່ອງຈາກມີຄວາມສ່ຽງທີ່ຈະຖືກສະມັກສະມາຊິກໂດຍໃຊ້ username ທີ່ເຮັດໃຫ້ user ອື່ນ ໆ ທີ່ມີຢູ່ແລ້ວນັ້ນ ຖືກ reset ລະຫັດຜ່ານໄດ້ ເຖິງແມ່ນວ່າລະຫັດທີ່ຖືກ reset ຈະບໍ່ຖືກເປີດເຜີຍໃຫ້ໃຜຮູ້ ແລະເປັນລະຫັດທີ່ random ໂດຍລະບົບກໍ່ຕາມ ແຕ່ກໍ່ສາມາດສ້າງຄວາມລຳຄານໄດ້ເປັນຢ່າງຫຼາຍເຊັ່ນກັນ

ນອກຈາກເລື່ອງແກ້ໄຂດ້ານຄວາມປອດໄພແລ້ວ WordPress 2.6.2 ຍັງມີການແກ້ໄຂ bugs ອີກ 11 ຈຸດນຳ

ດາວໂຫລດໄດ້ຈາກເວັບໄຊຂອງ WordPress.org

Wordpress Blogware, Security, Update, Wordpress

ໃຊ້ເວລາດົນພໍສົມຄວນກວ່າຈະອອກ Release Candidate version ມາໃຫ້ທົດລອງໃຊ້ ເຊິ່ງກໍ່ມີການພັດທະນາໄປຫຼາຍພໍສົມຄວນເມື່ອ ທຽບກັບສາຍການພັດທະນາໃນເວີຊັນ 2.x ແຕ່ຢ່າງໃດກໍ່ຕາມ OpenOffice 3.0 Final ນັ້ນ ຍັງບໍ່ໄດ້ມີກຳນົດການແລ້ວເສັດເທື່ອ ອາດຈະໃຊ້ເວລາໄປຈົນຮອດຕົ້ນປີໜ້າກໍ່ເປັນໄດ້.

ສຳລັບທ່ານທີ່ສົນໃຈທົດລອງ RC1 ສາມາດເລືອກດາວໂຫລດໄດ້ຕາມຕ້ອງການ.

OpenSource Office, OpenOffice, OpenSource

Firefox 3.1 Alpha 2 ຫຼືທີ່ເອີ້ນກັນໃນລະຫັດການພັດທະນາວ່າ “Shiretoko Alpha 2” ນັ້ນຖືກປ່ອຍອອກມາໃຫ້ດາວໂຫລດ ໄປທົດລອງໃຊ້ກັນແລ້ວ ໂດຍໃຊ້ Gecko 1.9.1 ແລະຮອງຮັບຄວາມສາມາດໃໝ່ ໆ ເຊັ່ນ:

• HTML 5 <video> element
• web worker threads
• drag n drop ຂ້າມໜ້າຕ່າງ
• Aero “Glass” ໃນ XUL
• CSS 2.1 properties: ::before and ::after, and white-space:pre-line
• CSS 3 properties: -moz-border-image, word-wrap: break-word, text-shadow, box-shadow and column-rule

ອ່ານເພີ່ມເຕີມ ຫຼືດາວໂຫລດໄດ້ຈາກເວັບໄຊຂອງ Mozilla

OpenSource Firefox, Mozilla, OpenSource, Web Browser

ກ່ອນອື່ນຕ້ອງຂໍກ່າວໂດຍສັງເຂບກ່ອນວ່າ Xperia X1 ນັ້ນເປັນໂທລະສັບມືຖືໃນສາຍ Xperia ລຸ້ນທຳອິດຂອງ Sony Ericsson ແລະຍັງເປັນມືຖືລຸ້ນທຳອິດຂອງ Sony Ericsson ທີ່ໃຊ້ລະບົບປະຕິບັດການ Windows Mobile 6.1 ນຳ ໂດຍທີ່ Xperia X1 ນັ້ນ ມີກຳນົດການວາງຈຳຂາຍໃນກາງປີ 2008 ແຕ່ເລື່ອນມາເປັນຊ່ວງກາງເດືອນກັນຍາຂອງປີ 2008 ແທນ. ຈຸດເດັ່ນຂອງ SE Xperia 1 ກໍ່ຄືຈໍສຳຜັດຂະໜາດ 3″ ສະແດງສີໄດ້ສູງເຖິງ 16Bit, ມີກ້ອງ ໒ ກ້ອງ ຄວາມລະອຽດ 3.2 megapixel ໃນກ້ອງຫລັກ ແລະຖ່າຍວີດິໂອໄດ້ 30fps ແຖມມີ Autofocus ສຳລັບພາບທົ່ວໄປພ້ອມ. ເຄືອຂ່າຍທີ່ຮອງຮັບມີຕັ້ງແຕ່ GSM ທຳມະດາໄປຮອດ 3G, ລະບົບເຊື່ອມຕໍ່ອື່ນ ໆ ກໍ່ມີຄົບ BT, USB, aGPS ແລະ WiFi.

ຫຼ້າສຸດທາງ SE ກໍ່ອອກ SDK ອອກມາກ່ອນແລ້ວເພື່ອໃຫ້ນັກພັດທະນາໄດ້ນຳໄປທົດສອບກັນ ກ່ອນທີ່ໂຕມືຖືເອງຈະຖືກວາງຂາຍໃນເວລາອັນໃກ້ນີ້.

-

Mobile Ericsson, Mobile phone, Sony

ມື້ວານນີ້ຂຽນຂ່າວປະໄວ້ ວ່າ Google ຈະອອກ Web Browser ຂອງຕົວເອງໃນມື້ນີ້ ແລະກໍ່ເປັນໄປຕາມນັ້ນ ບໍ່ຖືກພະຍາດເລື່ອນເຂົ້າແຊກແຊງຕ່າງຢ່າໃດ ເມື່ອເວລາປະມານ ໒ ໂມງເຊົ້າຂອງວັນທີ່ ໓ ກັນຍາ ໒໕໕໑ ທາງ Google ກໍ່ເປີດໜ້າດາວໂຫລດຂອງ Google Chrome ໃຫ້ຄົນທົ່ວໄປໄດ້ດາວໂຫລດໄປທົດລອງໃຊ້ໄດ້.

ການທົດລອງໃຊ້ເບິ່ງກໍ່ພົບວ່າ ມີບັນຫາຢູ່ເລັກນ້ອຍ ແລະທົ່ວໄປ ເພາະວ່າ Chrome ໃຊ້ WebKit ເປັນ rendering engine ເລີຍເຮັດໃຫ້ບໍ່ລຶ້ງເຄີຍປານໃດ ເຖິງແມ່ນວ່າມັນຈະໄວກໍ່ຕາມ ຫາກແຕ່ພົບວ່າມີບັນຫາໃນການໃຊ້ພາສາລາວຢູ່ ເຊັ່ນ ເວລາພິມຄຳວ່າ “ເລີກ” ແລ້ວກົດ Backspace ເພື່ອລຶບນັ້ນ ເມື່ອລຶບ ກ ອອກໄປແລ້ວ ກົດ Backspace ອີກຄັ້ງໜຶ່ງເພື່ອລຶບສະຫຼະອີ ຈະພົບວ່າມັນຫາຍໄປໝົດເລີຍທັງຄຳ (ໝາຍຄວາມວ່າ ບໍ່ໄດ້ລຶບສະເພາະສະຫຼະອີ ແຕ່ລຶບໝົດ) ບໍ່ຄືໃນ Firefox ຫຼື IE ທີ່ສາມາດລຶບໄດ້ເທື່ອລະໂຕ –ບັນຫານີ້ຮູ້ສຶກວ່າຈະມີໃນ Leopard ນຳ; ບັນຫາພາສາລາວອັນທີ່ ໓ ກໍ່ຄື ບໍ່ສາມາດກຳນົດຟອນໃຫ້ກັບພາສາໄດ້ ດັ່ງທີ່ສາມາດເຮັດໄດ້ໃນ Firefox ແລະ IE; ເຊິ່ງຜົນຂອງມັນກໍ່ຄື ເຮັດໃຫ້ໜ້າເວັບຫຼາຍ ໆ ເວັບກາຍເປັນວ່າໃຊ້ຟອນ Arial Unicode MS (ທີ່ມີຮູບຮ່າງພາສາລາວຄ້າຍ ໆ ຟອນດອກຈຳປາ). ຢ່າງສຸດທ້າຍທີ່ພົບປັນຫາກ່ຽວກັບພາສາ ກໍ່ຄື ໃນ Address bar ທີ່ທາງ Google ລວມ Search box ເຂົ້າໄວ້ນຳກັນນັ້ນ ບໍ່ສາມາດສະແດງຜົນພາສາລາວໄດ້!

ນອກຈາກນັ້ນ ບາງເວັບໄຊກໍ່ບໍ່ສາມາດສະແດງຜົນໄດ້ເຕັມທີ່ ແລະຮ້າຍໄປກວ່ານັ້ນຄື ອາດຈະສະແດງຜົນບໍ່ໄດ້ເລີຍ (ເຊັ່ນລະບົບທີ່ໃຊ້ Applet ຕ່າງ ໆ) ແຕ່ວ່າ ເວັບໄຊທົ່ວໄປແລ້ວ ກໍ່ໃຊ້ໄດ້ຕາມປົກກະຕິ.

ເວົ້າຂໍ້ເສຍໄປແລ້ວກໍ່ມາເວົ້າຂໍ້ດີກັນແດ່ ເລີ່ມທຳອິດເລີຍຄື ມັນໄວຫຼາຍ! ເປີດປຸບຂຶ້ນປັບ ຕາມຄຳໂຄສະນາ ໜ້າເວັບກໍ່ສາມາດເປີດໄດ້ໄວເຊັ່ນດຽວກັນ ລະບົບ UI ກໍ່ໃຊ້ງ່າຍ ສະດວກສະບາຍ ແຖບຕ່າງ ໆ ສາມາດເລື່ອນໄປມາ ແລະຍ້າຍໄດ້ຢ່າງໄວ ມີການແຍກ Process ຂອງແຕ່ລະແຖບອອກຈາກກັນເພື່ອປ້ອງກັນການຄ້າງທັງລະບົບ ແຕ່ວ່າຍັງມີບາງຢ່າງທີ່ຍັງບໍ່ທັນແຍກເຊັ່ນ Flash ຍັງໃຊ້ Process ດຽວກັນຢູ່. ລະບົບ Inline download ແລະ Inline search ຖືວ່າໃຊ້ໄດ້ດີ. ສຳລັບນັກພັດທະນາເວັບໄຊແລ້ວ ຄືຊິດີໃຈ ເພາະໃນ Chrome ມີໂຕ Inspector ແຖມມານຳ ໃຊ້ໄດ້ຄ້າຍ ໆ Firebug ແຕ່ແກ້ໄຂໜ້າເວັບ ແລະ CSS ໂດຍກົງບໍ່ໄດ້ຄືໃນ Firebug ເທື່ອ.

ໂດຍລວມແລ້ວ Google Chrome ເປັນກ້າວທຳອິດທີ່ດີ ແລະມີອະນາຄົດໄກ ແຕ່ໃນເບື້ອງຕົ້ນ ກໍ່ຍັງບໍ່ສາມາດເປັນ Main stream ຂອງນັກທ່ອງເວັບໄດ້ເທື່ອ ຍັງຕ້ອງໃຊ້ເວລາປັບປຸງອີກໄລຍະໜຶ່ງ ເຖິງເວລານັ້ນ ໃຜຈະຮູ້ໄດ້ວ່າ Chrome ອາດຈະເປັນດັ່ງ Gmail ທຸກມື້ນີ້ກໍ່ເປັນໄດ້

ອ່ານຈົບແລ້ວກໍ່ໄດ້ເວລາ ດາວໂຫລດ Google Chrome

Google Chrome, Google, Internet, Web Browser

ຫຼັງຈາກທີ່ເປັນຂ່າວມາດົນວ່າ Google ຈະສ້າງ Web browser ຫຼືໂປຣແກຣມທ່ອງເວັບຂຶ້ນມາດ້ວຍຕົວເອງ ແຕ່ທີ່ຜ່ານມາກໍ່ບໍ່ໄດ້ມີຫຼັກຖານຫຍັງ ຈົນມາຮອດຕອນນີ້ ທາງ Google ໄດ້ອອກມາປະກາດຢ່າງເປັນທາງການແລ້ວວ່າ ກຳລັງພັດທະນາ Google Chrome ຢູ່

ໂດຍຫຼັກແລ້ວ Google Chrome ຖືກອອກແບບມາໃໝ່ ບໍ່ຄືດັ່ງທີ່ Web browser ໃນປັດຈຸບັນ ໂດຍສະເພາະແມ່ນເລື່ອງລະບົບ multi-process ທີ່ຖືກນຳມາໃຊ້ໃນ Chrome ນີ້. ການເປີດ Tab ນັ້ນ ຈະຖືກແບ່ງອອກເປັນ process ສະເພາະຂອງໃຜມັນ ເມື່ອແຖບໃດມີບັນຫາ ກໍ່ສາມາດປິດແຖບນັ້ນ ເພື່ອປ້ອງກັນບໍ່ໃຫ້ລະບົບລົ້ມທັງໝົດພ້ອມ ໆ ກັນ (ເຊັ່ນໃນ IE ຫຼື Firefox ມັກເປັນ).

ໃນສ່ວນຂອງການສະແດງຜົນແລ້ວ Chrome ໃຊ້ Webkit ເປັນ rendering engine (ແບບດຽວກັບທີ່ໃຊ້ໃນ Safari –Web browser ຂອງ Apple) ແລະໃຊ້ “V8” ເຊິ່ງເປັນຕົວປະມວນຜົນ JavaScript ທີ່ຖືກພັດທະນາໂດຍທາງ Google ໃນປະເທດເດັນມາກ. V8 ໃຊ້ການເຮັດວຽກແບບ virtual machine ເປັນເທັກນິກໃນການເລັ່ງປະສິດທິພາບ.

ໃນດ້ານຂອງ UI ແລ້ວ ທີມພັດທະນາໄດ້ຕັດສິນໃຈເອົາແຖບຕ່າງ ໆ ຂຶ້ນໄປໄວ້ດ້ານເທິງແທນທີ່ຈະໄວ້ທາງກ້ອງດັ່ງ Web browser ທົ່ວໄປ (ຕາມຮູບປະກອບດ້ານລຸ່ມ).

ຄວາມປ່ຽນແປງອື່ນ ໆ ຂອງ UI ທີ່ສັງເກດໄດ້ຄື ໃນ Chrome ຈະບໍ່ມີ Search box ແລ້ວ ເພາະມັນຖືກລວມກັບ Address bar ແລ້ວຖືກເອີ້ນຊື່ວ່າ “Omni Box” ເຊິ່ງສາມາດໃຊ້ຄົ້ນຫາ Bookmark ແລະ History ໄດ້ນຳ. ການເປີດແຖບໃຫມ່ ຈະມີຂໍ້ມູນແນະນຳເຊັ່ນ ເວັບໄຊທີ່ເຂົ້າໄປໃຊ້ຫຼາຍທີ່ສຸດ ແລະຄຳຊອກຫາທີ່ໃຊ້ຫຼາຍທີ່ສຸດເປັນຕົ້ນ.

ໃນດ້ານຂອງລະບົບຄວາມປອດໄພນັ້ນ ທຸກ ໆ process ຈະຖືກເປີດໃຊ້ໃນແບບ sandbox ເພື່ອບໍ່ໃຫ້ແຕ່ລະ process ໄປຫຍຸ້ງຕໍ່ກັນແລະກັນ ແລະຍັງດາວໂຫລດລາຍຊື່ເວັບທີ່ບໍ່ປອດໄພມາໄວ້ສະເໝີ ເພາະປ້ອງກັນບໍ່ໃຫ້ເຂົ້າໄປໃນເວັບທີ່ອາດຈະເປັນອັນຕະລາຍໄດ້.

ໃນສ່ວນອື່ນ ໆ ກໍ່ມີ “Gears” ທີ່ຖືກລວມເຂົ້າມາໃນ Chrome ນຳ ເພື່ອສະດວກຕໍ່ການນຳໃຊ້ ບໍ່ຄືແບບເກົ່າທີ່ຕ້ອງໂຫລດມາເອງ.

Google Chrome ມີກຳນົດອອກມື້ອື່ນ (ຖັດຈາກມື້ທີ່ກຳລັງຂຽນຂ່າວນີ້) ເຊິ່ງກໍ່ຄາດວ່າຈະໄດ້ຮັບສຽງຕອບຮັບຢ່າງກວ້າງຂວາງແນ່ນອນ.

ທາງທີມງານ Chrome ໄດ້ແຕ້ມກາຕູນສາທິດ ແລະແນະນຳໄວ້ໃນ http://books.google.com/books?id=8UsqHohwwVYC&printsec=frontcover ອະທິບາຍກ່ຽວກັບແນວຄິດ ແລະທິດທາງຂອງ Chrome ໄວ້.

ທີ່ມາ - Official Google Blog, TechCrunch, Blognone

Google Google, Internet, OpenSource, Web Browser