ຫລາຍມື້ກ່ອນ ເຈົ້າຂອງ Divland.com​ ເລົ່າໃຫ້ຟັງວ່າ ຢູ່ ໆ ມີ spam links ເຊື່ອງຢູ່ໃນບົດຄວາມຫນຶ່ງໃນບລັອກເພິ່ນ ແຕ່ວ່າບໍ່ເຫັນ ເພາະຖືກເຊື່ອງໄວ້ ແຕ່ພໍດີວ່າມື້ນັ້ນເພິ່ນໄປເພິ່ມ tag ໃຫ້ກັບບົດຄວາມເກົ່າ ໆ ທີ່ຂຽນຕັ້ງແຕ່ຕອນຍັງບໍ່ທັນມີລະບົບ tag ເພິ່ນກໍ່ສັງເກດເຫັນວ່າ ມີລິງກ໌ທີ່ບໍ່ໄດ້ຮັບເຊີນຖືກເຊື່ອງປົນໄວ້ ໃນເນື້ອຫາຂອງບົດຄວາມຈຳນວນຫນຶ່ງ ເຊິ່ງກໍ່ເປັນທີ່ຫນ້າແປກໃຈຫລາຍວ່າ ມັນມາໄດ້ແນວໃດ?

ມື້ນີ້ບັງເອີນວ່າ ຂ້າພະເຈົ້າມີໂອກາດໄດ້ເຂົ້າໄປອ່ານ feed​ ໃນ Google Reader​ (ຫລັງຈາກທີ່ດອງປະໄວ້ຈົນມັນສົ້ມດີແລ້ວ ) ກໍ່ພົບສິ່ງແປກປະຫລາດທີ່ບໍ່ຄິດວ່າຈະພົບໃນບລັອກທ່ານພະນົມສິນໄດ້…

ລອງສັງເກດເບິ່ງດີ ໆ ກໍ່ຮູ້ສຶກງົງ ພ້ອມທັງແປກໃຈຫລາຍ ຈຶ່ງນຳໄປເບິ່ງໃນບລັອກ ກໍ່ບໍ່ພົບວ່າມີຫຍັງຜິດປົກກະຕິ

ແຕ່ວ່າ ລອງ view source ເບິ່ງລະເຫັນຂອງແປກອີກຮອບ

ຍັງຄິດສົງໄສຢູ່ວ່າ ທ່ານພະນົມສິນໄປເອົາມາແຕ່ໃສ…??? ຫຼືອາດຈະເປັນຍ້ອນໃຊ້ WordPress ເວີຊັນເກົ່າ ແລ້ວຖືກເຈາະລະບົບໂດຍບໍ່ຮູ້ໂຕຫນໍ?

Talks Blog, divland, hidden, links, pnomsin, Spam, spammer