ກອງທັບສະຫະລັດຊື້ Mac ເພີ່ມ ອ້າງເຮັດໃຫ້ປອດໄພກວ່າເກົ່າ

Forbes ລາຍງານວ່າກອງທັບສະຫະລັດກຳລັງດຳເນີນການ ນຳຄອມພິວເຕີຂອງ Apple ເຂົ້າໄປເສີມໃນະບົບ ເພື່ອທີ່ຈະເຮັດໃຫ້ການ Hack ເຂົ້າໄປໃນລະບົບນັ້ນ ຍາກກວ່າເກົ່າ

ເມື່ອປີກາຍນີ້ ລະບົບຮັກສາຄວາມປອດໄພຂອງລະບົບຄອມພິວເຕີສະຫະລັດໄດ້ຖືກ Hack ໃນເດືອນມິຖຸນາ ສົ່ງຜົນໃຫ້ຄອມພິວເຕີເຄື່ອງຫນຶ່ງໃນ Pentagon ຖືກ hack ແລະເຮັດໃຫ້ອີເມລພາຍໃນບໍ່ຊາບຈຳນວນຖືກລັກອອກມາ ນອກຈາກນີ້ ຄູ່ສັນຍາກັບກອງທັບເຊັ່ນບໍລິສັດ Boeing, Lockheed Martin, Northrop, Grumman ແລະ Raytheon ກໍ່ຖືກເຈາະເຂົ້າລະບົບເຊັ່ນກັນ

ໃນປະຈຸບັນນີ້ ມີເຄື່ອງຄອມພິວເຕີ Macintosh ປະມານ 20,000 ຈາກເຄື່ອງຄອມພິວເຕີທັງຫມົດກວ່າ 700,000 ເຄື່ອງຂອງກອງທັບສະຫະລັດ ໂດຍກອງທັບຯ ຄາດວ່າຕໍ່ໄປນີ້ທຸກຄັ້ງທີ່ມີການສັ່ງຊື້ຄອມພິວເຕີຂອງກອງທັບປະຈຳປີ ຈະມີການຊື້ເຄື່ອງ Mac ປະມານ 1,000 ເຄື່ອງຕໍ່ຄັ້ງ

ຫນຶ່ງໃນບັນຫາຫລັກທີ່ທາງກອງທັບຯ ບໍ່ນຳ Mac ມາໃຊ້ນັ້ນກໍ່ເພາະວ່າລະບົບອ່ານ Key card ທີ່ກອງທັບຯ ໃຊ້ຢູ່ໃນປະຈຸບັນ (ເອີ້ນກັນວ່າ Common Access Card ຫຼື CAC system) ນັ້ນ ຍັງບໍ່ສາມາດນຳມາໃຊ້ກັບເຄື່ອງ Mac ໄດ້ ແຕ່ພາຍໃນເດືອນກຸມພາ 2008 ນີ້ກອງທັບຯ ຈະເຮັດໃຫ້ເຄື່ອງ Mac ສາມາດໃຊ້ງານ Key card ໄດ້ໂດຍບໍ່ມີບັນຫາ

ເຖິງແມ່ນວ່າ Apple ນັ້ນໄດ້ອອກມາອ້າງສະເຫມີວ່າເຄື່ອງ Mac ນັ້ນຖືກເຈາະລະບົບຍາກກວ່າລະບົບປະຕິບັດການ Windows ເຊິ່ງກໍ່ຍັງບໍ່ມີຂໍ້ມູນພິສູດໄດ້ວ່າແມ່ນແທ້ດັ່ງທີ່ກ່າວມາຫຼືບໍ່ ເນື່ອງຈາກຈຳນວນເຄື່ອງ Mac ໃນປະຈຸບັນນັ້ນ ເມື່ອທຽບກັບເຄື່ອງຄອມພິວເຕີທີ່ໃຊ້ Windows ແລ້ວຖືວ່າມີນ້ອຍຫລາຍ ເຮັດໃຫ້ບໍ່ເປັນທີ່ດຶງດູດຄວາມສົນໃຈຂອງ Hacker ຈຶ່ງເປັນທີ່ເວົ້າກັນໃນກຸ່ມຜູ້ໃຊ້ຄອມພິວເຕີຫລາຍ ໆ ສ່ວນວ່າ “ການເຈາະລະບົບ Mac ນັ້ນ ເປັນສິ່ງບໍ່ຄຸ້ມຄ່າແຮງ ເພາະຄວາມເສຍຫາຍທີ່ເກີດຂຶ້ນນັ້ນນ້ອຍເກີນ”

ທີ່ມາ – Blognone [by infernohellion], Forbes

Published by

au8ust

ສະບາຍດີທຸກ ໆ ທ່ານ ຂ້າພະເຈົ້າເປັນຜູ້ເບິ່ງແຍງບລັອກແຫ່ງນີ້ ຫາກທ່ານມີບັນຫາ ຫຼືຂໍ້ສົງໃສໃດ ກະລຸນາຕິດຕໍ່ມາທາງອີເມລ ຂໍຂອບໃຈ.

Leave a Reply