ຂຽນຕໍ່ຈາກຕອນທີ່ແລ້ວ

Post slug ເປັນສ່ວນທີ່ມີຄວາມສຳຄັນຫລາຍສຳຫລັບການຂຽນບລັອກເປັນພາສາລາວ ເພາະວ່າຫາກເຮົາໃຊ້ Pretty Permalink ແລ້ວ ການໃຊ້ Post slug ຈະເປັນການຕັ້ງຊື່ URL ຂອງໂພສຕ໌ນັ້ນ ໆ ນຳ ຕົວຢ່າງວ່າ ເຮົາຕັ້ງຊື່ໂພສຕ໌ໃຫມ່ວ່າ “ການຕິດຕັ້ງ Wireless Connection ໃນ Windows Vista” ຖ້າເຮົາບໍ່ແກ້ໄຂ Post slug ກ່ອນ ພາສາລາວໃນ URL ຈະກາຍເປັນລະຫັດ UTF-8 ເຊິ່ງອ່ານບໍ່ໄດ້ ແລະບາງຄັ້ງຈະເຮັດໃຫ້ບໍ່ສາມາດເຂົ້າໄປຫນ້ານັ້ນ ໆ ໄດ້

ຕົວຢ່າງ URL ທີ່ບໍ່ໄດ້ແກ້ໄຂ Post slug ຈະເຫັວ່າມີລະຫັດ UTF-8 ເຕັມທາງຫລັງເລີຍ ແລະບາງທີມັນຈະຍາວໂພດຈົນເຂົ້າບໍ່ໄດ້ກໍ່ມີ ດັງນັ້ນມັນຈິ່ງເປັນເລື່ອງທີ່ສຳຄັນຫລາຍ ເວລາທີ່ຂຽນໂພສຕ໌ແລ້ວຕັ້ງຊື່ Title ເປັນພາສາລາວນັ້ນ ຈຳເປັນຈະຕ້ອງແກ້ໄຂ Post slug ພ້ອມ ເຊັ່ນວ່າ ຫາກເຮົາຕັ້ງຊື່ Title ຂອງໂພສຕ໌ວ່າ “ການຕິດຕັ້ງ Wireless Connection ໃນ Windows Vista” ເຮົາກໍ່ອາດຈະຕັ້ງ Post slug ວ່າ “installing wireless connection in windows vista” ກໍ່ໄດ້ເຊັ່ນກັນ ຫຼືບໍ່ກໍ່ຍົກເລີກການໃຊ້ງານ Pretty Permalink ອອກ (ແຕ່ໃນ WordPress.com ຍົກ​ເລີກ​ບໍ່​ໄດ້)

…

ບາດນນີ້ກໍ່ມາເບິ່ງການປັບປ່ຽນຫນ້າຕາ ​ໃຫ້​ກັບ​ບລັອກຂອງ​ເຮົາ​ກັນ​ ​ໂດຍ​​ເມື່ອ​ເຮົາ​ລົງທະບຽນ​ສຳ​ເລັດ​ຮຽບຮ້ອຍ​ແລ້ວ ກໍ່​ຈະ​ໄດ້​ຫນ້າ​ຕາ ຫຼື Theme ຈືດ ໆ ​ເຊິ່ງຈະ​ສາມາດ​ປັບ​ປ່ຽນ​ໄດ້​ໂດຍ​ການ​ໄປ​ທີ່​ເມ​ນູ My Dashboard ຫຼື Site-Admin ທີ່ຢູ່​ກ້ອງ​ເມ​ນູ Meta ທາງ​ຂວາ​ມື​ໃນ Sidebar ລຸ່ມ ໆ ຫນ້ອຍ​ຫນຶ່ງ

ແຕ່​ຫາກ​ວ່າ​ບໍ່​ໄດ້ Login ​ເທື່ອ​ມັນ​ກໍ່​ຈະ​ຂຶ້ນ​ວ່າ Login ​ແທນ ​​ແລະ​ຫລັງ​ຈາກລັອກອິນ​ແລ້ວ ກໍ່​ຈະ​ຂຶ້ນ​ເປັນ Site Admin ​ແທນ

…

​ເມື່ອ​ມາ​ຮອດ​ຫນ້າ Dashboard ​ແລ້ວ​ກໍ່​ໄປ​ທີ່​ແທບ Presentation ກໍ່​ຈະ​ພົບ​ກັບ​ Theme ຫລາກ​ຫລາຍ​ໃຫ້​ເລືອກ​ໃຊ້​ງານ ກໍ່​ທຳ​ການເລື່ອນ​ລົງ​ໄປ​ເລືອກ​ຕາມ​ໃຈ​ມັກ ມັກ​ອັນ​ໃດ​ກໍ່​ຄລິ​ກອັນ​ນັ້ນ

…

​​ເມື່ອ​ເລືອກ​ໄດ້​ແລ້ວ​ກໍ່​ຄລິກທີ່ View site ກໍ່​ຈະ​ພົບ​ວ່າ​ຫນ້າ​ຕາ​ຂອງ​ບລັອກ​ເຮົາ​ປ່ຽນ​ໄປ​ຕາມ Theme ທີ່​ໄດ້​ເລືອກ​​ໄວ້​ກ່ອນ​ຫນ້າ​ນີ້​ແລ້ວ

…

ກັບ​ມາ​ທີ່​ຫນ້າ Presentation ອີກ​ຄັ້ງ ຈະ​ພົບ​ວ່າ​ມີ​ແທບ​ຍ່ອຍ​ລົງ​ມາ​ອີກ​ຄື Widget, Extra ​ແລະ Edit CSS ​ເຊິ່ງ​ເຮົາ​ຈະ​ມາ​ເບິ່ງ​ໃນ​ສ່ວນ​ຂອງ Widget ກັນ​ກ່ອນ

​ໃນ Theme ສ່ວນ​ຫລາຍ​ນັ້ນ ຈະ​ມີ Sidebar ຫຼື​ເມ​ນູດ້ານ​ຂ້າງ​ທີ່ຮອງ​ຮັບ​ການ​ໃຊ້​ງານ Widget ກັນ​ຫມົດ ​​ແລະ​ມັນ​ສະດວກ​ຫລາຍ​ເວລາ​ທີ່​ເຮົາ​ຕ້ອງການ​ປັບ​ແຕ່ງ Sidebar ​ໃຫ້​ເປັນ​ໄປ​ຕາມ​ທີ່​ເຮົາ​ມັກ ຢ່າງ​ເຊັ່ນ​ວ່າ ​ເຮົາ​ຕ້ອງການ​ໃຫ້​ມີ​ ກ່ອງ​ຄົ້ນ​ຫາ​ຢູ່​ເທິງສຸດ​ກ່ອນ ຮອງ​ລົງ​ມາ​ແມ່ນ ຫມວດ​ຫມູ່ ຈາກ​ນັ້ນ​ໂພສຕ໌ຫລ້າ​ສຸດ ຕາມ​ດ້ວຍ​ຄວາມ​ຄິດ​​ເຫັນ​ຫລ້າ​ສຸດ ​ເຮົາ​ກໍ່​ພຽງ​ແຕ່​ລາກ Widget ມາ​ວາງ ໆ ​ໄວ້​ຕາມ​ລຳດັບ​ທີ່​ຕ້ອງການ​ເທົ່າ​ນັ້ນ ບໍ່​ຈຳ​ເປັນຕ້ອງ​ແກ້ HTML ​ເລີຍ

…

ເລື່ອນ​ລົງ​ມາ​ກໍ່​ຈະ​ເຫັນ Available Widgets ກໍ່​ຄື Widget ທີ່​ເຮົາ​ສາມາດ​ເລືອກ​ມາ​ໃຊ້​ງານ​ໄດ້​ ​ກໍ່​ພຽງ​ແຕ່​ລາກ​ຂຶ້ນ​ໄປ​ໄວ້​ໃນ Sidebar ທີ່​ຕ້ອງການ ຈາກ​ນັ້ນ​ກໍ່ກົດ Save changes ​ເມື່ອ​ຈັດການ​ຮຽບຮ້ອຍ​ແລ້ວ

…

​ໃນ​ເມ​ນູ Extras ຈະ​ມີ​ຕົວ​ເລືອກ​ສະ​ເພາະ​ໃຫ້ ຂຶ້ນ​ກັບ Theme ວ່າ​ຈະ​ມີ​ແບບ​ໃດ​ແດ່ ບາງ Theme ກໍ່ສາມາດ​ເລືອກ​ປ່ຽນຮູບທາງ​ເທິງ​ໄດ້ ບາງ Theme ກໍ່​ເລືອກ​ປ່ຽນ​ສີ Header ​ໄດ້​ເປັນ​ຕົ້ນ ​ແຕ່​ວ່າ​ຈະ​ມີ​ຕົວ​ເລືອກ​ຫນຶ່ງ​ທີ່​ມີ​ກັນ​ທຸກ Theme ​ເລີຍ​ກໍ່​ຄື Snap Preview Anywhere

Snap Preview Anywhere ໃຊ້ໄວ້ເວລາທີ່ເຮົາເອົາເມົ້າສ໌ໄປວາງໄວ້ເທິງລິງກ໌ໃດຫນຶ່ງ ແລ້ວມັນຈະສະແດງຕົວຢ່າງໃຫ້ເບິ່ງວ່າຫນ້າຕາຂອງຫນ້າທີ່ລິງກ໌ໄປຫານັ້ນ ມີລັກສະນະເປັນແນວໃດ

ຈະຂໍກ່າວຂ້າມແທບ Edit CSS ເລີຍເພາະວ່າບໍ່ສາມາດແກ້ໄຂໄດ້ ຖ້າຕ້ອງການແກ້ໄຂກໍ່ຕ້ອງເສຍເງິນກ່ອນ ກໍ່ເລີຍຈະພາມາເບິ່ງແທບ Options ​ແທນ​ກໍ່​ແລ້ວ​ກັນ ເຊິ່ງ​ໃນ​ແທບ Options ກໍ່​ຈະ​ມີ​ແທບ​ຍ່ອຍ ໆ ອີກ 8 ​ແທບ​ຄື

• General
• Writing
• Reading Discussion Privacy
• Delete Blog
• OpenID
• Domains

ແທບ General ຈະມີ​ຕົວ​ເລືອກ​ສຳ​ຫລັບ​ການ​ປັບ​ແຕ່ງ​ຊື່​ຂອງ​ບລັອກ, Tagline ​ແລະ​ພາສາ ​​ແລະ​ຍັງ​ສາມາດ​ລະບຸ​ໄດ້​ວ່າ​ ຕ້ອງການ​​ໃຫ້​ສະ​ເພາະ​ຜູ້​ທີ່​ເປັນສະມາຊິກ​ເທົ່າ​ນັ້ນ ​ທີ່​ຈະ​ສາມາດ​ສະ​ແດງ​ຄວາມ​ຄິດ​ເຫັນ​ໄດ້ ລວມ​ເຖິງ​ປ່ຽນ email address ​ໄດ້​​ໃນ​ຫນ້າ​ນີ້

​ແທບ Writing Options ຈະ​ມີ​ຕົວ​ເລືອກ​ກ່ຽວ​ກັບ​ຂະຫນາດ​ຂອງ​ກ່ອງ​ຂຽນ​ຂໍ້ຄວາມ​ໃນ​ຫນ້າ​ໂພສຕ໌ ​ເຊິ່ງສາມາດ​ກຳຫນົດ​ໄດ້​ວ່າ​ຈະ​ໃຫ້​ມີ​ຂະຫນາດ​ໃຫຍ່​ເທົ່າ​ໃດ ​(ປະມານ 25 ກຳລັງ​ດີ) ​ນອກ​ນັ້ນ​ກໍ່​ບໍ່​ມີ​ຫຍັງ​ຫລາຍ ​ເລືອກ​ຕາມ​ໃຈ​ແລ້ວ​ກໍ່ Update Options ​ໄດ້​ເລີຍ

ມາ​ແທບ Discussion ​ເຊິ່ງຈະ​ມີ​ຕົວ​ເລືອກ​ຫລາຍ​ພໍ​ສົມຄວນ ​ໃນ​ຫນ້າ​ຈະ​​ເປັນ​ການ​ກຳຫນົດ​ການ​ໃຊ້​ງານຄວາມ​ຄິດ​​ເຫັນ ​ໂດຍ​ຈະ​ລະບຸ​ໄດ້​ວ່າ​ຕ້ອງການ​ໃຫ້​ມີ Ping ​ແລະ​ຮັບ Pingback/Trackback ຈາກ​ບລັອກອື່ນ​ບໍ່ ລວມ​ເຖິງ​ແຈ້ງ​ເຕືອນ​ຫາກ​ມີ​ຄົນ​ມາສະ​ແດງ​ຄວາມ​ຄິດ​ເຫັນ ຫຼື​ວ່າ​ຖ້າ​ໃຫ້​ໄປ​ approve ຄວາມ​ຄິດ​ເຫັນ ນອກຈາກ​ນັ້ນ​ຍັງ​ກຳຫນົດ​ໄດ້​ວ່າ​ກ່ອນ​ຫນ້າ​ທີ່​ຈະ​ໃຫ້​ສະ​ແດງ​ຄວາມ​ຄິດ​ເຫັນ​ໄດ້​ນັ້ນ ຈະ​ຕ້ອງ​ມີ​ເງື່ອນ​ໄຂ​ແນວ​ໃດ​​ແດ່​ ​ເຊັ່ນ​ວ່າ​ຕ້ອງ​ໃຫ້​ເຈົ້າ​ຂອງ​ບລັອກກວດ​ສອຍບກ່ອນ​ສະ​ເຫມີ, ຕ້ອງ​ໃສ່​ຊື່​ແລະ​ອີ​ເມລສະ​ເຫມີ, ຕ້ອງ​​ເຄີຍ​ຖືກ​ກວດ​ສອບ​ມາ​ກ່ອນ​ແລ້ວ ​ເປັນຕົ້ນ

• ຕອນທີ່ ໑
  
• ຕອນທີ່ ໒
• ຕອນທີ່ ໓