Microsoft Office 2007 & OpenOffice 2.2

ຫລັງຈາກທີ່ມື້ນັ້ນຕອນເຊົ້າໄປກິນແປ້ງນົວມາແລ້ວ (ອ່ານໄດ້ໃນ *real me) ກໍ່ມາເປີດອ່ານ Feeds ເຫັນມີ feed ໃນ ZDNet Blog ຂຽນປຽບທຽບກ່ຽວກັບ MS Office 2007 ຊຸດໂປຣແກຣມງານເອກກະສານເວີຊັນໃຫມ່ຫລ້າສຸດຈາກ Microsoft ແລະ OpenOffice 2.2 ເຊິ່ງເປັນຊຸດໂປຣແກຣມຈັດການງານເອກກະສານເຊັ່ນດຽວກັບ MS Office ແຕ່ຕ່າງກັນທີ່ວ່າເປັນ OpenSource ໃຊ້ງານໄດ້ຟຣີ

ໂດຍໃນບລັອກດັ່ງກ່າວໄດ້ປຽບທຽບການບໍລິໂພກ CPU ແລະ RAM ຂອງໂປຣແກຣມທັງສອງຕົວນີ້ ເຊິ່ງກໍ່ມີລາຍລະອຽດທີ່ໜ້າສົນໃຈພໍສົມຄວນ

ເຄື່ອງທີ່ນຳມາທົດລອງນັ້ນ ເປັນ Intel Core 2 Duo 2.13, RAM 2GB DDR2-800, ATI X800 PCI-Exress Video Card ແລະ 500GB SATA-II hard drive ໃຊ້ລະບົບປະຕິບັດການ Windows Vista ສ່ວນໂປຣແກຣມທີ່ໃຊ້ວັດແທກນັ້ນຄື Process Explorer


CPU time, memory ແລະ number of I/O ເມື່ອເປີດໂປຣແກຣມຕ່າງ ໆ ໃນ Office 2007 ແລະ OpenOffice 2.2 ຈະເຫັນວ່າ ໃນ OO.o ຈະກິນຊັບພະຍາກອນເຄື່ອງຫລາຍກວ່າເປັນເທົ່າຕົວເລີຍ ແຖມ I/O ຫລາຍກວ່າ MS Office 07 ຫລາຍເທົ່າ


ການເປີດໄຟລ໌ spreadsheet ນັ້ນ Microsoft Office 2007 ກິນຂາດອີກແລ້ວ ເຊິ່ງຄົນຂຽນບົດຄວາມນີ້ໃນ ZDNet ສະແດງຂໍ້ຄິດເຫັນວ່າ OpenOffice ເຖິງຈະມີຄວາມສາມາດຕ່າງ ໆ ນ້ອຍກວ່າ MS Office 07 ແຕ່ວ່າມັນກັບໃຊ້ຊັບພະຍາກອນເຄື່ອງຫລາຍກວ່າເກືອບ ໆ ຈະເປັນ 4 ເທົ່າເລີຍ

ໂດຍລວມແລ້ວ OpenOffice.org 2.2 ຍັງຄົງຕາມຫລັງ Microsoft Office 2007 ຢູ່ອີກເຊັ່ນເຄີຍ (ເຖິງຈະໄວກວ່າ 2.0 ແລ້ວກໍ່ຕາມ) ຫາກຈະນຳມາໃຊ້ງານ ຄົງຈະຍັງຍາກຢູ່ ອີກທັງມັນມີບັນຫາກັບພາສາລາວນຳ ຊິໃຫ້ບ້ານເຮົາເລີ້ມຫັນມາສົນໃຈ OO.o ຄົງຈະລຳບາກແດ່ຫລາຍເຕີບ ໃນເມື່ອມີແຜ່ນ Microsoft Office 2007 ຂາຍກັນລາຄາພຽງ 12,000 ກີບແບບນີ້ :Pກໍ່ຫວັງວ່າ OO.o ຈະສາມາດແກ້ໄຂເລື່ອງຄວາມໄວ ແລະບັນຫາຕ່າງ ໆ ກ່ຽວກັບພາສາລາວໄດ້ໄວ ໆ​ ຈະໄດ້ໄປແນະນຳຄົນອື່ນຢ່າງພາກພູມ :)

ທີ່ມາ – ZDNet Blog 

Published by

au8ust

ສະບາຍດີທຸກ ໆ ທ່ານ ຂ້າພະເຈົ້າເປັນຜູ້ເບິ່ງແຍງບລັອກແຫ່ງນີ້ ຫາກທ່ານມີບັນຫາ ຫຼືຂໍ້ສົງໃສໃດ ກະລຸນາຕິດຕໍ່ມາທາງອີເມລ ຂໍຂອບໃຈ.

Leave a Reply