ຫລັງຈາກທີ່ບໍ່ໄດ້ເຂົ້າໄປເບິ່ງດົນ ເພາະວ່າແຕ່ກ່ອນໃຊ້ເນັດ 56K (ຕໍ່ໄດ້ 52Kbps) ຈຶ່ງຊ້າຫລາຍ ຕອນຫລັງນີ້ປ່ຽນມາໃຊ້ ADSL 256K ເລີຍມີໂອກາດໄດ້ໄປລອງໃຊ້ບໍລິການແຜນທີ່ຈາກ Google Maps ອີກຄັ້ງໜຶ່ງ (ເຫດສືບເນື່ອງມາຈາກໂພສຕ໌ນີ້) ກໍ່ເລີຍໄດ້ຮູ້ວ່າ Google Maps ໄດ້ອັບເດດຄວາມຄົມຊັດຂອງແຜນທີ່ ໃນປະເທດລາວແດ່ແລ້ວ ເຖິງຈະເປັນສະເພາະບາງຈຸດກໍ່ຕາມ

ເປີດແຜນທີ່ມາຫລວງພະບາງ ຄ່ອຍ ໆ ເລື່ອນ ໆ ມາເບິ່ງ ປະກົດເຫັນ…

ເອ໊ະ!!? ມັນຢູ່ບ່ອນໃດຂອງຫລວງພະບາງ?? ຄິດບໍ່ອອກ 555

ຈຸດຕັດລະຫວ່າງເຂດທີ່ໄດ້ຮັບການອັບເດດ ແລະເຂດທີ່ຍັງບໍ່ໄດ້ອັບເດດ ເຊິ່ງຈະມົວ ໆ ຈົນເບິ່ງບໍ່ອອກ (ທາງຊ້າຍ)

…

ອັນນີ້ກໍ່ຄິດບໍ່ອອກຄືກັນ ບໍ່ຮູ້ມັນຢູ່ຈຸດໃດຂອງຫລວງພະບາງ ແບບນີ້ຕ້ອງຊອກຫາພູສີໃຫ້ເຫັນກ່ອນ ຖ້າເຫັນພູສີກໍ່ເຫັນໃຈກາງຫລວງພະບາງ…

…

ວ່າແລ້ວກໍ່ຊູມອອກມາເບິ່ງໄລຍະໃກ້ ຈະໄດ້ເຫັນງ່າຍ ໆ ແຕ່ປະກົດວ່າ… ໂອ້ວ!! ອອກມາໄກໂພດ!! 555+

…

ຫລັງຈາກຊູມອອກມາພໍປະມານ ຈຶ່ງໄດ້ຮູ້ວ່າ Google Maps ອັບເດດພຽງບາງສ່ວນຂອງຫລວງພະບາງເທົ່ານັ້ນເອງ ສ່ວນທີ່ເປັນໃນຕົວເມືອງ ຍັງບໍ່ທັນໄດ້ອັບເດດເທື່ອ ພາບແຜນທີ່ຍັງມົວ ໆ ເບິ່ງຫຍັງບໍ່ເຫັນດີ

…

ວ່າແລ້ວກໍ່ປ່ຽນເປົ້າຫມາຍມາເບິ່ງວຽງຈັນແທນ ໂດຍໃສ່ຄຳຄົ້ນຫາວ່າ “Vientiane” ແລ້ວກົດ Search Maps ກໍ່ຈະມາອອກແຜນທີ່ວຽງຈັນ ເຊິ່ງສັງເກດຈະເຫັນວ່າ ຝັ່ງຫນອງຄາຍຈະມີຊື່ຂອງບ້ານກຳກັບໄວ້ພ້ອມ ແຕ່ຂອງຝັ່ງລາວຍັງບໍ່ທັນມີເທື່ອ ຄາດວ່າ ອີກບໍ່ດົນຄົງຈະມີຄືກັນ ຮອດຕອນນັ້ນຄືຊິດີຫລາຍ

…

ເລີ້ມທົວໄປຕາມແຕ່ລະຈຸດສຳຄັນ ໆ ຂອງວຽງຈັນ ຜ່ານໄປພົບກັບຫໍກາຍຍະສິນ

…

ພາບສະໜາມບິນວັດໄຕ ເຫັນຍົນພ້ອມ ລອງນັບເບິ່ງມີຈັກລຳ

…

ເດີ່ນກິລາ ຮູ້ສຶກວ່າ ຈະຢູ່ຂວາງ ໆ ແດ່ຈັກຫນ່ອຍ

…

ທາດດຳ

…

ຕະຫຼາດເຊົ້າ

…

ອານຸສາວະລີປະຕູໄຊ ຍັງບໍທັນເຫັນຫມົດເທື່ອ ຍັງມົວ ໆ ຢູ່ອີກຂ້າງໜຶ່ງ ສົງໄສຕ້ອງຖ້າໃຫ້ Google ອັບເດດ Maps ໃຫມ່ກ່ອນ

…

Google Maps ສາມາດນຳໃຊ້ໄດ້ຈາກເວບໄຊຕ໌ຂອງ maps.google.com ເຊິ່ງເປັນຫນຶ່ງໃນບໍລິການຟຣີຈາກ Google

ໄວ້ໂອກາດໜ້າຈະມາແນະນຳເທັກນິກດີ ໆ​ ໃນການໃຊ້ Google Maps ໃຫ້ເປັນປະໂຫຍດອີກຄັ້ງໜຶ່ງ ສ່ວນຕອນນີ້ຕ້ອງຈໍຈົບໄວ້ພຽງເທົ່ານີ້ກ່ອນ ສະບາຍດີ