Lao Antivirus 2007 ເປັນໂປຣແກຣມ Antivirus ທີ່ພັດທະນາໂດຍຄົນລາວ ມີອອກມາ ຮູ້ສຶກຈະຫລາຍເວີຊັນແລ້ວພໍສົມຄວນ ຜູ້ພັດທະນາມີຊື່ວ່າ “ອາເລັກໄຊ” ໄດ້ຍິນວ່າໃຊ້ VB ໃນການພັດທະນາ

ເອົາລະ ເພື່ອບໍ່ໃຫ້ເປັນການເສຍເວລາ ເຮົາມາເລີ່ມກັນເລີຍ ທຳອິດກໍ່ດາວໂຫລດຕົວຕິດຕັ້ງມາກ່ອນ ຮູ້ສຶກວ່າ ຈະເປັນ Antivirus ທີ່ມີຂະໜາດນ້ອຍຫລາຍ ນ້ອຍຈົນເຫລືອເຊື່ອ ຄາດວ່າຈະເປັນ Antivirus ທີ່ມີຂະຫນາດນ້ອຍທີ່ສຸດເທົ່າທີ່ເຄີຍເຫັນມາ ດ້ວຍຂະຫນາດພຽງ 1.5MB ເທົ່ານັ້ນ!

ເມື່ອໂຫລດແລ້ວ ໆ ກໍ່ຈັດການຕິດຕັ້ງໄປຕາມຂັ້ນຕອນຂອງມັນ

…

ຫລັງຈາກຕິດຕັ້ງຮຽບຮ້ອຍແລ້ວ ຕົວໂປຣແກຣມກໍ່ຈະຖືກເປີດຂຶ້ນມາໂດຍອັດຕະໂນມັດ ແລະກໍ່ຈະມີໄອຄອນຂອງໂປຣແກຣມ ຂຶ້ນມາທີ່ Traybar ເຊິ່ງໜ້າຕາຂອງ Lao Antivirus 2007 ກໍ່ຈະເປັນແບບນີ້ >>

ກໍ່ ຈະມີໜ້າຕາ Interface ທີ່ຮຽບ ໆ ແດ່ຈັກໜ້ອຍໜຶ່ງ ມີເມນູຫລັກໃຫ້ເລືອກ 7 ເມນູ

…

ເມື່ອຄລິກໄປທີ່ຂໍ້ມູນຜູ້ຂຽນປະກົດວ່າ…
ໂປຣແກຣມນີ້ເປັນ Shareware!!! ໃຊ້ໄດ້ພຽງ 120 ວັນ ຕ້ອງລົງທະບຽນ ເສຍຄ່າລິກຂະສິດ $5 ຕໍ່ 1 License ອືມ…

…

ຕໍ່ມາກໍ່ລອງອັບເດດຖານຂໍ້ມູນເບິ່ງ ກໍ່ປະກົດວ່າເປັນໄປດ້ວຍດີ

…

ທົດລອງສະແກນໄວຣັດເບິ່ງ ຮູ້ສຶກວ່າຈະມີບັນຫາເລັກນ້ອຍໃນການສະແດງຜົນການຄົ້ນຫາ ເພາະວ່າສະແກນປະມານ 1 ນາທີ ແຕ່ຜົນການຄົ້ນຫາໄວຣັດກັບບອກວ່າ ໃຊ້ເວລາ 01:21:25 ນາທີ

…

ການຕັ້ງຄ່າກໍ່ມີຕົວເລືອກ 6 ຢ່າງ ຄື ມີເປີດໃຫ້ສະແກນອັດຕະໂນມັດ, ເປີດທຳງານເມື່ອເປີດເຄື່ອງ, ກຳຫນົດເວລາຊອກຫາໄວຣັດເອງ, ລົບໄວຣັດທັນທີເມື່ອກວດພົບ, ອັບເດດອັດຕະໂນມັດ ແລະໃຊ້ສຽງແຈ້ງເຕືອນເມື່ອກວດພົບໄວຣັດ

…

ໃນເມນູຕົວຊ່ວຍອື່ນ ໆ ກໍ່ຈະມີເຄື່ອງມືຕ່າງ ໆ ເຊັ່ນ Process Viewer, StartUp Viewer ແລະ Registry Edit ໃຫ້ໃຊ້ງານ

… …

ໜ້າຈໍກັກໄວຣັດ

…

ໜ້າຈໍລາຍງານ

…

ທົດສອບໄວຣັດ ເມື່ອ Lao Antivirus 2007 ກວດພົບໄວຣັດ ກໍ່ຈະມີໜ້າຕ່າງຂຶ້ນມາບອກປະມານນີ້ ຂຶ້ນມາໄດ້ປະມານບໍ່ເກີນ 5 ວິ ກໍ່ຈະຫາຍໄປເອງ ພ້ອມກັບມີໜ້າຕ່າງບອກວ່າ ກັກໄວຣັດໄວ້ແລ້ວ

…

ເມນູເມື່ອຄລິກຂວາທີ່ໄອຄອນໃນ Traybar ຂອງ Lao Antivirus 2007

…

ໄດ້ລອງໃຊ້ບໍ່ຫລາຍປານໃດ ເທົ່າທີ່ສັງເກດກໍ່ໂອເຄ ສາມາດໃຊ້ງານໄດ້ໃນລະດັບໜຶ່ງ ແຕ່ວ່າ ເຖິງຢ່າງໃດກໍ່ຕາມ Lao Antivirus 2007 ບໍ່ໄດ້ມີເມນູເມື່ອຄລິກຂວາທີ່ໄຟລ໌ ຫຼືໂຟລ໌ເດີ ເຊັ່ນດຽວກັບ Antivirus ອື່ນ ໆ ມີກັນ ເຊິ່ງກໍ່ຫມາຍຄວາມວ່າ ຫາກບໍ່ໃຫ້ຕົວໂປຣແກຣມກວດພົບເອງແລ້ວ ກໍ່ຕ້ອງໄປສັ່ງງານຜ່ານຫນ້າຕ່າງໂປຣແກຣມແທນ ຄາດວ່າໃນເວີຊັນໜ້າອາດຈະມີການແກ້ໄຂໃນສ່ວນນີ້

ໂດຍພາບລວມແລ້ວ ກໍ່ຖືວ່າໜ້າໃຊ້ງານ ຂະໜາດນ້ອຍ ບໍ່ກິນແຮງເຄື່ອງຫລາຍ ຂໍ້ເສຍຄື ບໍ່ມີຄວາມຊັດເຈນໃນຕົວໂປຣແກຣມເອງ ຂໍ້ມູນຕ່າງ ໆ ກ່ຽວກັບໂປຣແກຣມມີນ້ອຍ ຂາດການປະຊາສຳພັນທີ່ດີ

ຫາກທ່ານໃດສົນໃຈກໍ່ທົດລອງເຂົ້າໄປດາວໂຫລດໄດ້ຈາກເວບໄຊຕ໌ຂອງ Lao Antivirus ໄດ້ເລີຍ

ເວບໄຊຕ໌ – Lao Antivirus