ບໍລິການໃຫມ່ຈາກ Snap Shots™

ຫລັງປ່ຽນຊື່ຈາກ Snap Preview Anywhere ມາເປັນ Snap Shots™ ແລ້ວ ກໍ່ມີລູກຫຼິ້ນໃຫມ່ ໆ ເຂົ້າມາເພີ່ມເຕີມອີກເກືອບໂຫຼ

PreviewShot™

ອັນນີ້ເປັນແບບເກົ່າ ສະໄຫມຍັງເປັນ Snap Preview Anywhere ກໍ່ມີແບບນີ້ ຄວາມສາມາດຄື ເວລາເອົາເມົ້າສ໌ໄປວາງໄວ້ເທິງລິງກ໌ພາຍນອກ (ສາມາດເລືອກເປັນລິງກ໌ພາຍໃນ ຫຼືທັງສອງຢ່າງກໍ່ໄດ້) ຈະມີຫນ້າຕ່າງນ້ອຍ ໆ​ (ເລືອກແບບໃຫຍ່ໄດ້) ຂຶ້ນມາບອກວ່າ ໜ້າຕາຂອງປາຍທາງທີ່ຈະໄປນັ້ນ ເປັນລັກສະນະໃດ

ແຕ່ກ່ອນ au8ust.org ກໍ່ໃຊ້ ແຕ່ວ່າ ຮູ້ສຶກມັນຈະລົບກວນເຫລືອຫລາຍ ເລີຍເອົາອອກດີກວ່າ ຕອນທີ່ກຳລັງຂຽນບົດຄວາມນີ້ຢູ່ ກໍ່ລອງເອົາມາໃຊ້ອີກຄັ້ງໜຶ່ງ ປະກົດ ກໍ່ຍັງລົບກວນສາຍຕາອີກນັ້ນລະ ເລີຍເອົາອອກຄືເກົ່າ – -a

WikiShot™

ບໍລິການໃຫມ່ຈາກ Snap Shots™ ມີຄວາມສາມາດໃນການ ດຶງເອົາຂໍ້ມູນຈາກເວບໄຊຕ໌ Wikipedia ມາສະແດງຜ່ານຫນ້າຕ່າງ WikiShot ມັນຈະທຳງານເມື່ອເອົາເມົ້າສ໌ໄປວາງໄວ້ເທິງ ລິງກ໌ຂອງ Wikipedia

ແຕ່ມັນບໍ່ຄືໃຊ້ PreviewShot ເພາະຕົວນີ້ຈະສະແດງລາຍລະອຽດເປັນຕົວໜັງສືໃຫ້ອ່ານ ແທນທີ່ຊິເປັນຮູບພາບຕົວຢ່າງຫນ້າເວບແບບໃຊ້ PreviewShot ເຊິ່ງກໍ່ຖືວ່າເປັນຂໍ້ດີຢ່າງໜຶ່ງ ແຕ່ວ່າ ຕອນນີ້ມີແຕ່ພາສາອັງກິດ ບ້ານເຮົາຄົງຈະບໍ່ເຫມາະປານໃດ

……………………………………………………………………………………………………………………

MovieShot™

ຕົວເລືອກນີ້ ເມື່ອຜູ້ຊົມເວບ ເອົາເມົ້າສ໌ໄປວາງໄວ້ເທິງລິງກ໌ທີ່ເຫມາະສົມແລ້ວ ກໍ່ຈະຂຶ້ນຫນ້າຕ່າງມາສະແດງກ່ຽວກັບ ຮູບພາບຂອງນັກສະແດງນັ້ນ ໆ ລວມໄປເຖິງປະຫວັດໂດຍສັງເຂບ ແລະຜົນງານເມື່ອໄວ ໆ ນີ້ ໂດຍຂໍ້ມູນຈະນຳມາຈາກ IMDb

ບໍລິການນີ້ ມີຂໍ້ມູນຄອບຄຸມໄປເຖິງຫົວຂໍ້ກ່ຽວກັບສື່ບັນເທີງຕ່າງ ໆ ບໍ່ວ່າຈະເປັນຫນັງ ຫລືລາຍການທາງໂທລະທັດ

……………………………………………………………………………………………………………………

StockShot™

ບໍລິການດຶງຂໍ້ມູນຫຸ້ນມາສະແດງ ເຊິ່ງຈະອ້າງອິງເອົາຕາມ URL ຄືກັບບໍລິການແຕ່ລະຕົວ

ຢູ່ລາວເຮົາ ຄົງຈະບໍ່ໄດ້ໃຊ້ປານໃດ ຫຼືອາດຈະບໍ່ໄດ້ໃຊ້ເລີຍ ຕໍ່ໃຫ້ເປັນເວບຕ່າງປະເທດ ກໍ່ຍັງຕ້ອງເປັນເວບໄຊຕ໌ທີ່ມີເນື້ອຫາທາງດ້ານນີ້ຈຶ່ງຈະໃຊ້ ບໍ່ຊັ້ນລາຍຕາຄົນເບິ່ງເວບລ້າ ໆ ເພາະເບິ່ງບໍ່ຮູ້ເລື່ອງ 😛

……………………………………………………………………………………………………………………

VideoShot™

ຕົວນີ້ ພໍຈະມີປະໂຫຍດໄດ້ໃຊ້ຫລາຍແດ່ ຄວາມສາມາດຄື ດຶງເອົາວີດິໂອ ມາຈາກເວບໄຊຕ໌ທີ່ໃຫ້ບໍລິການ ມາສະແດງຜ່ານຫນ້າຕ່າງນ້ອຍ ໆ ເມື່ອນຳເມົ້າສ໌ໄປວາງ ໂດຍຂະນະທີ່ຂຽນບົດຄວາມນີ້ ເຂົ້າໃຈວ່າ ຈະສາມາດໃຊ້ໄດ້ຮ່ວມກັບ YouTube ເທົ່ານັ້ນ

ຂໍ້ດີເທົ່າທີ່ຄິດອອກກໍ່ຄື ບໍ່ຕ້ອງເປືອງເນື້ອທີ່ໃນຫນ້າເວບເຮົາຫລາຍ ເພາະມັນຈະສະແດງເມື່ອ ນຳເອົາເມົ້າສ໌ໄປວາງເທິງລິງກ໌ YouTube ເທົ່ານັ້ນ

……………………………………………………………………………………………………………………

PhotoShot™

ອັນນີ້ກໍ່ໜ້າໃຊ້ງານພໍສົມຄວນ ຕົວນີ້ ຄວາມສາມາດຄື ສະແດງຮູບພາບຈາກ ເວບໄຊຕ໌ທີ່ໃຫ້ບໍລິການຕ່າງ ໆ​ ມີ Flickr ເປັນອາທິ

ຈຸດເດັ່ນຂອງມັນຢູ່ທີ່ ສາມາດສະດຶງພາບມາໄດ້ທັງອັລບັ້ມ ມີປຸ່ມ Back ກັບ Next ໃຫ້ກົດ ເພື່ອນເລືອກເບິ່ງຮູບຖັດໄປ ຫລືຮູບກ່ອນຫນ້ານີ້ໄດ້ທັນທີ

……………………………………………………………………………………………………………………

ProductShot™

ດຶງຂໍ້ມູນຂອງສິນຄ້າຕ່າງ ໆ ມາສະແດງຜົນໃຫ້ເບິ່ງ ໂດຍຂໍ້ມູນແມ່ນມາຈາກ Amazon.com ເວບຂາຍສິນຄ້າອອນໄລນ໌ທີ່ໃຫຍ່ທີ່ສຸດໃນໂລກ

ມັນຈະສະແດງລາຍລະອຽດຂອງສິນຄ້າ ບອກຊື່ ບອກລາຍລະອຽດ ລວມເຖິງ Review ຂອງຜະລິດຕະພັນນັ້ນ ໆ​ (ຖ້າມີ) ແລະເມື່ອສົນໃຈເພີ່ມກໍ່ກົດ More ເພື່ອເບິ່ງເພີ່ມເຕີມໄດ້

……………………………………………………………………………………………………………………

AudioShot™

ອັນ(ຮອງ)ສຸດທ້າຍແລ້ວ ອັນນີ້ເມື່ອເຮົານຳເມົ້າສ໌ໄປວາງເທິງລິງກ໌ທີ່ເປັນ *.mp3 ແລ້ວ ກໍ່ຈະຂຶ້ນຫນ້າຕ່າງຂຶ້ນມາໃຫ້ກົດຟັງໄດ້ທັນທີ

ແລະຍັງສາມາດສະແດງ ລາຍລະອຽດຂອງແທຣັກ ເຊັ່ນວ່າ ຊື່ນັກຮ້ອງ, ຊື່ອັລບັ້ມ, ຫນ້າປົກ ແລະອື່ນ ໆ ໃນກໍລະນີທີ່ມີຂໍ້ມູນພຽງພໍ

……………………………………………………………………………………………………………………

ອັນສຸດທ້າຍ ຈະເປັນ Reuters CompanyNewsShot ເຊິ່ງຈະດຶງຂ່າວຈາກສຳນັກຂ່າວ Reuter ມາສະແດງ

ສາມາດເລືອກຫົວຂໍ້ຂ່າວ ທີ່ຕ້ອງການໄດ້ວ່າ ຈະເປັນໃນໝວດໝູ່ໃດ ເຊັ່ນອາດຈະເລືອກ ກິລາ ເປັນຕົ້ນ ກໍ່ວ່າກັນໄປ

ອັບເດທ ຈະເປັນແບບ Realtime ແລະມີລິງກ໌ໃຫ້ກົດອ່ານຂ່າວເຕັມ ໆ​ໄດ້

……………………………………………………………………………………………………………………

ກໍ່ຖືວ່າ Snap Shots™ ກໍ່ມີການວິວັດທະນາການໄປພໍສົມຄວນ 😛 ມີຕົວເລືອກ ແລະລູກຫຼິ້ນສາລະພັດຢ່າງໃຫ້ເລືອກ ແລະທີ່ສຳຄັນ ຍັງສາມາດໃຊ້ໄດ້ກັບທຸກຫນ້າເວບອີກ! ບໍ່ວ່າຈະເປັນບລັອກ ຫລືເປັນເວບໄຊຕ໌ທຳມະດາທົ່ວ ໆ​ ໄປ ກໍ່ສາມາດໃຊ້ໄດ້ (ແຕ່ບ້ານເຮົາຍັງບໍ່ຄ່ອຍເຫັນໃຜໃຊ້ ຍົກເວັ້ນຄົນທີ່ໃຊ້ບໍລິການບລັອກຢູ່ WordPress.com)

ສົນໃຈລາຍລະອຽດເພີ່ມເຕີມ ລວມເຖິງວິທີການຕິດຕັ້ງໃຊ້ງານ ກະລຸນາອ່ານໄດ້ຈາກເວບໄຊຕ໌ Snap.com

Published by

au8ust

ສະບາຍດີທຸກ ໆ ທ່ານ ຂ້າພະເຈົ້າເປັນຜູ້ເບິ່ງແຍງບລັອກແຫ່ງນີ້ ຫາກທ່ານມີບັນຫາ ຫຼືຂໍ້ສົງໃສໃດ ກະລຸນາຕິດຕໍ່ມາທາງອີເມລ ຂໍຂອບໃຈ.

Leave a Reply