ມາເລເຊຍໃຂ້ຫມາດົມກິ່ນຫາແຜ່ນລະເມີດລິກຂະສິດ

ການລະເມີດລິກຂິສິດເລີ່ມທະວີຄວາມຮຸນແຮງຂຶ້ນຊັກໄຊ້ ບັນດາລັດຖະບານຂອງປະເທດຕ່າງ ໆ​ ກໍ່ພະຍາຍາມ ທີ່ຈະຫາວິທີການທີ່ຈະຫລຸດຜ່ອນການແຜ່ລະບາດດັ່ງກ່າວ ລວມເຖິງມາເລເຊຍ ທີ່ໃຊ້ຫມາດົມກິ່ນເຂົ້າຊ່ວຍໃນການຄົ້ນຫາແຜ່ນ ຊີດີ-ດີວີດີ ເຖື່ອນ

ຫມາດົມກິ່ນໃນວັນອັງຄານທີ່ຜ່ານມາ ທາງການຂອງມາເລເຊຍ ໄດ້ສາທິດການໃຊ້ຫມາດົມກິ່ນ ເພື່ອຄົ້ນຫາແຜ່ນຫນັງລະເມີດລິກຂະສິດ ໂດຍໃນການສາທິດນັ້ນ ແມ່ນໃຊ້ຫມາຕົວແມ່ສອງຕົວຊື່ວ່າ “ Flo ” ແລະ “ Lucky ” ເຂົ້າໄປປະຕິບັດພາລະກິດຄົ້ນຫາ ໃນໂຮງສິນຄ້າ ທີ່ມີກ່ອງບັນຈຸສິນຄ້າຖືກຫໍ່ຫຸ່ມໄວ້ເປັນຢ່າງດີກອງກ່າຍກັນຢູ່; ເມື່ອເຈົ້າຫນ້າທີ່ຫມາ ໄດ້ສັນຍານຂອງສິ່ງຜິດກົກຫມາຍແລ້ວ ກໍ່ຢຸດນັ່ງຢູ່ຫນ້າກ່ອງ ລໍຖ້າໃຫ້ເຈົ້າຫນ້າທີ່ຄົນມາຈັດການຕໍ່ໄປ


ທາງການມາເລເຊຍກ່າວວ່າ ວິທີນີ້ເປັນວິທີທີ່ໄດ້ຜົນດີ ໃຊ້ຕົ້ນທຶນຕ່ຳ ມີຄວາມວ່ອງໄວສູງ ໃຊ້ເວລາພຽງ 10 ນາທີກໍ່ສາມາດຄົ້ນພົບສິນຄ້າຜິດກົດຫມາຍໄດ້ແລ້ວ ໃນຂະນະທີ່ຫາກໃຊ້ເຈົ້າຫນ້າທີ່ຄົນນັ້ນ ຕ້ອງໃຊ້ເວລາເປັນມື້ກວ່າຈະຈັດການໄດ້

ມາເລເຊຍເປັນປະເທດທຳອິດ ທີ່ໃຊ້ຫມາດົມກິ່ນ ໃນການຄົ້ນຫາສິນຄ້າລະເມີດລິກຂະສິດ ແຕ່ເຖິງຢ່າງໃດກໍ່ຕາມ ທາງການກໍ່ຍັງບໍ່ມີນະໂຍບາຍທີ່ຈະໃຊ້ຖາວອນ ແຕ່ຈະຕ້ອງຜ່ານການທົດສອບອີກເປັນໄລຍະເດືອນກ່ອນ ຈຶ່ງຈະມີການຕັດສິນໃຈວ່າ ຈະນຳວິທີນີ້ມາໃຊ້ຢ່າງເປັນທາງການບໍ່

ທີ່ມາ – Reuters [via]

Published by

au8ust

ສະບາຍດີທຸກ ໆ ທ່ານ ຂ້າພະເຈົ້າເປັນຜູ້ເບິ່ງແຍງບລັອກແຫ່ງນີ້ ຫາກທ່ານມີບັນຫາ ຫຼືຂໍ້ສົງໃສໃດ ກະລຸນາຕິດຕໍ່ມາທາງອີເມລ ຂໍຂອບໃຈ.

One thought on “ມາເລເຊຍໃຂ້ຫມາດົມກິ່ນຫາແຜ່ນລະເມີດລິກຂະສິດ”

Leave a Reply