ງານ IT COM LAO 2007

ໃນປີ 2007 ສປປ ລາວ ຈະໄດ້ຈັດງານ IT COM LAO 2007 ໂດຍກະຊວງວິທະຍາສາດ ເທັກໂນໂລຢີ ສປປ
ລາວ ໃນວັນທີ 5-8 ເມສາ 2007 ບໍລິເວນໂຮງແຮມດອນຈັນພາເລດ ເຊິ່ງຖືວ່າເປັນການຈັດງານສະແດງເທັກໂນໂລຢີສາລະ
ສົນເທດ ແລະ ການສື່ສານທີ່ໃຫຍ່ທີ່ສຸດຄັ້ງທຳອິດຂອງປະເທດ ແລະ ເປັນຄັ້ງທຳອິດຂອງການປະກາດສັກກາຍະພາບຂອງ
ສປປ ລາວ ແລະ ເປັນການປູທາງໃຫ້ຜູ້ປະກອບການທາງດ້ານ IT ລະດັບຊັ້ນນຳຂອງໂລກເຂົ້າມາຮ່ວມສະແດງເທັກໂນໂລຢີ
ທີ່ທັນສະໄຫມ ພ້ອມກັບສ້າງຕະຫລາດ ແລະ ການລົງທຶນໃນ ສປປ ລາວ ເປັນໄປຕາມນະໂຍບາຍຂອງລັດຖະບານ.

ການຈັດງານ IT COM LAO 2007 ທາງກະຊວງໄດ້ຕັ້ງເປົ້າຫມາຍທີ່ຈະໄດ້ຮັບຄວາມສົນໃຈ ຈາກຜູ້ປະກອບ
ການທີ່ເຂົ້າຮ່ວມສະແດງ ແລະ ຜູ້ເຂົ້າຊົມທັງໃນ ແລະ ຕ່າງປະເທດປະມານວັນລະ 5.000 ຄົນ ເຖິງ 10.000 ຄົນ ໂດຍຜູ້
ເຂົ້າຊົມຈະໄດ້ພົບກັບງານສະແດງວັດທະນະທຳ IT ຈາກຜູ້ປະກອບການຫລາຍປະເທດຮ່ວມ ນຳສະເຫນີວັດທະນະທຳ
ເພື່ອຊີວິດໃນຍຸກດີຈິຕອນ ແລະ ຖືວ່າເປັນໂອກາດສຳຄັນທີ່ຜູ້ປະກອບການດ້ານ IT ທຸກລະດັບໄດ້ແລກປ່ຽນເທັກໂນໂລຢີ ແລະ
ນຳສະເຫນີຄວາມຄິດສ້າງສັນສູ່ເວທີໂລກ ແລະ ເປັນງານດຽວທີ່ຈະເປັນຈຸດນັດພົບສຸດຍອດສິນຄ້າ IT ເພື່ອໃຫ້ເປັນຕະຫລາດ
ສິນຄ້າ IT ທີ່ຄົບວົງຈອນ ເພື່ອໃຫ້ສອດຄ່ອງກັບຮູບແບບຊີວິດລຸ້ນໃຫມ່ທີ່ທັນສະໄຫມ ແລະ ການຈັບຄູ່ທາງທຸລະກິດ ຜູ້ຜະລິດ
ພົບຜູ້ຄ້າ ເພື່ອເປັນເວທີໃນການສ້າງພັນທະມິດເຈລະຈາທຸລະກິດກັບຜູ້ປະກອບການ ແລະ ຍັງພົບງານສິນຄ້າດ້ານ IT ໂດຍ
ບຸກຄົນໃນແວດວົງ IT ຢ່າພາດຊາວ IT ເຮົາມີນັດໃນງານ IT COM LAO 2007 ຈັດຂຶ້ນວັນທີ 5-8/4/2007 ເວລາ 10:00
ໂມງເຊົ້າເຖິງ 8:00 ໂມງແລງ ໃນພື້ນທີ່ 32.000 ຕາຕະລາງແມັດ ທີ່ໂຮງແຮມດອນຈັນພາເລດ ນະຄອນຫລວງວຽງຈັນ ສອບ
ຖາມຂໍ້ມູນເພີ່ມເຕີມໄດ້ທີ່ 020 6534200 ພ້ອມຮັບບັດເຂົ້າຊົມງານຄັ້ງນີ້ ໂດຍບໍ່ເສຍຄ່າທີ່ຮ້ານຂາຍຄອມພິວເຕີທຸກແຫ່ງ ຫລື
ອົງການວິທະຍາສາດ ເທັກໂນໂລຢີ ແລະ ສິ່ງ ແວດລ້ອມ.

ຂໍ້ມູນຈາກ ນ.ສ.ພ ວຽງຈັນໃໝ່ – 16 ກຸມພາ 2007 11:55 ນ.

ຄັດລອກທັງຫມົດມາຈາກ – VientianeMai.net

ສົງໄສຊິບໍ່ໄດ້ໄປຕາມເຄີຍ ຖ້າໃຜໄປກໍ່ຖ່າຍຮູບໃນງານມາໃຫ້ເບີ່ງແດ່~

Published by

au8ust

ສະບາຍດີທຸກ ໆ ທ່ານ ຂ້າພະເຈົ້າເປັນຜູ້ເບິ່ງແຍງບລັອກແຫ່ງນີ້ ຫາກທ່ານມີບັນຫາ ຫຼືຂໍ້ສົງໃສໃດ ກະລຸນາຕິດຕໍ່ມາທາງອີເມລ ຂໍຂອບໃຈ.

Leave a Reply