ເຫດຜົນທີ່ IT ໃນລາວຄືບຄານໄປຢ່າງຊ້າໆ

ມື້ຄືນອ່ານຂ່າວໃນ RFA Lao ເປັນເລື່ອງກ່ຽວກັບໄຟຟ້າ… ນັ້ນແຫລ່ະ ນັ້ນແຫລ່ະ ແບບດຽວທີ່ທ່ານຜູ້ອ່ານກຳລັງຄິດ ນັ້ນລ່ະ ເລື່ອງມັນກໍ່ມີຢູ່ວ່າ ຕາມທີ່ RFA Lao ລາຍງານ ອ້າງວ່າ ລັດວິສະຫາກິດໄຟຟ້າລາວ ໃຫ້ຂໍ້ມູນວ່າ ກວ່າ 50% ຂອງຄອບຄົວລາວ ບໍ່ມີໄຟຟ້າໃຊ້!!! ຮູ້ແບບນີ້ແລ້ວບໍ່ຕ້ອງແປກໃຈເລີຍວ່າ ເປັນຫຍັງວົງການ IT ໃນລາວ ມັນຈຶ່ງຕ້ອງຄ່ອຍໆ ຄານໄປແບບນີ້

ເພາະຫາກບໍ່ມີໄຟຟ້າຢ່າງດຽວ ທຸກຢ່າງກໍ່ຈົບ ຢ່າເວົ້າແຕ່ Internet ເລີຍ ເອົາແຕ່ໂທລະທັດ ຍັງຟັງເປັນເລື່ອງຫ່າງໄກແລ້ວ… ຄິດເບິ່ງວ່າ ກວ່າ 583,000 ຄອບຄົວ ມັນຊິນັບເປັນປະຊາກອນຈັກຄົນ ພວກທີ່ມີໄຟຟ້າໃຊ້ ກໍ່ມີແຕ່ຄົນໃນເມືອງ ຄົນໃນເມືອງ ແລ້ວຍັງຕ້ອງມາຫັກອອກພວກທີ່ບໍ່ໃຊ້ຄອມອີກ ແລ້ວພວກໃຊ້ຄອມ ກໍ່ຍັງຕ້ອງມາຫັກອອກພວກທີ່ບໍ່ໃຊ້ອິນເຕີເນັດອີກ ແລ້ວພວກທີ່ໃຊ້ອິນເຕີເນັດ ກໍ່ຍັງຕ້ອງມາຫັກອອກພວກທີ່ໃຊ້ອິນເຕີເນັດພຽງເພື່ອຮັບສົ່ງອີເມລອີກ!!!

ລອງຄິດຫລິ້ນໆ ວ່າ ປະຊາກອນໃນລາວທັງຫມົດມີ 6 ລ້ານປາຍ…

  • ມີຈັກ % ທີ່ຢູ່ຕາມປ່າ ຕາມເຂົາ ຕາມເຂດທີ່ບໍ່ມີໄຟຟ້າໃຊ້
  • ມີຈັກ % ທີ່ມີໄຟຟ້າໃຊ້ ແຕ່ບໍ່ຮູ້ຈັກຄອມ
  • ມີຈັກ % ທີ່ມີໄຟຟ້າໃຊ້ ແຕ່ບໍ່ມີຄອມ
  • ມີຈັກ % ທີ່ມີຄອມ ແຕ່ບໍ່ມີອິນເຕີເນັດໃຊ້
  • ມີຈັກ % ທີ່ມີອິນເຕີເນັດໃຊ້ ແຕ່ໃຊ້ພຽງແຕ່ຮັບສົ່ງອີເມລ…

ແລະສ່ວນທີ່ເຫລືອຈາກນີ້ແຫລ່ະ ຜູ້ໃຊ້ງານແທ້ໆ ຈຶງບໍ່ຫນ້າແປກໃຈວ່າ ເປັນຫຍັງບ້ານເຮົາ ຄືມາຄ່ອຍໆ ຄືບຄານເອົາແທ້ເອົາວ່າ ກ່ຽວກັບເລື່ອງ IT

ກວ່າ 50% ຄອບຄົວທີ່ວ່ານີ້ ປີ ຄ.ສ. 2020 ກໍ່ຍັງບໍ່ແນ່ວ່າຊິມີໄຟຟ້າໃຊ້…  :sad:

ແຕ່ກໍ່ເປັນເລື່ອງທຳມະດອກ ທຳມະດາ ປະເທດລາວສະຖາປະນາເປັນປະເທດເອກກະລາດມາໄດ້ 30 ກວ່າປີນີ້ ກໍ່ຖືວ່າດີຫລາຍແລ້ວ (ຫລືບໍ່xະ?!)  😎  😎  😎

Published by

au8ust

ສະບາຍດີທຸກ ໆ ທ່ານ ຂ້າພະເຈົ້າເປັນຜູ້ເບິ່ງແຍງບລັອກແຫ່ງນີ້ ຫາກທ່ານມີບັນຫາ ຫຼືຂໍ້ສົງໃສໃດ ກະລຸນາຕິດຕໍ່ມາທາງອີເມລ ຂໍຂອບໃຈ.

One thought on “ເຫດຜົນທີ່ IT ໃນລາວຄືບຄານໄປຢ່າງຊ້າໆ”

  1. ພວກຂ້າພະເຈົ້າ ພະນັກງານ ລັດວິສາຫະກິດ ກໍ່ສ້າງ ແລະ ຕິດຕັ້ງໄຟຟ້າ ພ້ອມກັບບັນດາບໍລິສັດໄຟຟ້າເອກະຊົນ ກຳລັງ ຊ່ວຍກັນເອົາໄຟຟ້າໄປໃຫ້ເຖິງພໍ່ແມ່ປະຊາຊົນ ໃນທຸກເຂດແຂວງ ແລະ ບ່ອນຫ່າງໄກ
    ພວກເຮົາເຮັດວຽກ ທຸກມື້ ບໍ່ເວັ້ນວັນເສົາແລະອາທິດ
    ສະເພາະແຕ່ຂ້າພະເຈົ້າຜູ້ດຽວ ກໍ່ໄດ້ໄປເກືອບຫມົດທຸກແຂວງ ໃນທົ່ວປະເທດ
    ບ່ອນຫຍຸ້ງຍາກກັນດານຕ່າງໆ ກໍ່ໄດ້ຜ່ານຜ່າ ມາແລ້ວ

    ທາງພັກລັດ ກໍ່ປະກອບທຶນຮອນບໍ່ຫນ້ອຍ ເຂົ້າໃນວຽກງານດັ່ງກ່າວ ເຊັ່ນ ບ່ອນໃດ ຍັງໄກຈາກໄຟຫລວງ ແຕ່ໃກ້ກັບຕາຂ່າຍ ຂອງປະເທດເພື່ອນບ້ານ ເພິ່ນ ຊື້ໄຟບ້ານເພິນມາໃຫ້ເຮົາໃຊ້ກ່ອນ ໂດຍສະເພາະ ບັນດາເມືອງຊາຍແດນ ທີ່ຕິດກັບໄທ ຈີນ ແລະ ວຽດນາມ

    ປະຊາຊົນເຂດຫ່າງໄກ ກໍ່ໄດ້ໃຊ້ໄຟ ທັງໆ ທີ່ ບໍ່ເສດຖະກິດເລີຍ ທຽບໃສ່ການລົງທຶນ ສ້າງສາຍຕາຂ່າຍໄປຫາ

    ບ້ານເຮົາ ສາຍສົ່ງຍັງບໍ່ທັນຈອດກັນຫມົດທົ່ວປະເທດ ພາກເຫນືອ ພາກກາງ ແລະ ພາກໃຕ້ ຍັງຕັດຂາດຈາກກັນ
    ທຸກຢ່າງມັນຖາມຫາການລົງທຶນ

    ແຕ່ແນວໃດກໍ່ຕາມ ຂໍໃຫ້ທຸກຄົົນໃຫ້ການຮ່ວມມື ແລະ ເປັນກຳລັງໃຈ ໃຫ້ພວກເຮົາ ປະຕິບັດແຜນງານຂອງລັດຖະບານ ເພື່ອໃຫ້ 70% ຂອງຄອບຄົວລາວໄດ້ມີໄຟຟ້າໃຊ້ໃນປີ 2010 ແລະ 90% ໃນປີ 2020

    ສະເພາະບໍລິສັດຂອງຂ້າພະເຈົ້າ ພວມຕະລຸມບອນ ປະຕິບັດ 2 ໂຄງການໃຫຍ່ ນັ້ນຄືໂຄງການ ຂະຫຍາຍໄຟຟ້າພາກເຫນືອ NARPD ແລະ ໂຄງການຂະຫຍາຍໄຟຟ້າ ພາກໃຕ້ REP

Leave a Reply